ߖ߭ߊ߲ -ߟߎߞ ߡߋߟߊ߲ߛߐ߲߫ ߓߘߴߊ߬ ߝߐ߫ ߞߏ߫߸ ߣߴߊ߬ߟߋ ߟߋ߬ ߕߎ߲߬ ߦߋ߫ ߞߊ߲ߓߍ߲ ߞߊ߲ߕߌ߯ߦߊ ߟߊ߫߸ ߞߏ߫ ߊ߬ ߕߎ߲߬ ߘߌ߫ (ߛߐ߲߬ߓߊ߬ߟߌ߬ߦߊ߬ ߘߍߞߙߎ) ߘߏ߫ ߛߌ߲߬ߝߏ߲߬ߧߊ߫ ߞߵߊ߬ ߟߐ߬ ߊߡߋߙߌߞߌ߬ ߣߴߌߛߌ߬ߙߊ߬ߌߟߊ߫ ߟߊ߫ ߣߊ߲߬ߕߌ߰ߦߊ߬ ߞߟߍ߫ ߟߊߣߊ߬ߣߍ߲ ߢߍ߫ ߌߙߊ߲߫ ߞߊ߲ߡߊ߬.

ߍߟ. ߛߋ.ߌ. ߡߐ߰ ߡߊߞߟߌߣߍ߲߸ ߝߊ߬ߙߊ߲߬ߛߌ߫ ߓߟߏߘߏ߲ߢߐ߲߯ߓߟߏ ߞߙߎߞߊ ߥߊ߬ߣߊ ߞߵߊ߬ ߦߌ߬ߘߊ߬߸ ߞߏ߫ ߊ߬ ߕߎ߲߬ ߘߌ߫ ߢߊߢߌߣߌ߲߫ ߖߡߊ߬ߣߊ߬ ߛߌߦߊߡߊ߲߫ ߠߊߘߍ߭ ߡߊ߬ ߞߵߊ߬ߟߎ߫ ߟߐ߬ ߊߡߋߙߌߞߌ߬ ߣߴߌߛߌ߬ߙߊ߬ߌߟߊ߫ ߟߊ߫ ߝߊ߲߬ߞߊ߬ߓߋ߬ߒ߬ߞߊ߲߬ ߞߟߍ ߣߌ߲߬ ߢߍ߫߸ ߛߊ߫ ߕߍߓߊ߯ߦߊ ߛߌߟߊ ߦߋ߫ ߟߊߓߊ߬ߕߏ߬.

​ߊ߬ ߞߊ߲߫ ߞߏ߫ « ߒ ߘߌ߫ ߝߍ߬ߙߍ ߓߍ߯ ߞߍ߫ ߞߊ߬ ߡߐ߱ ߟߎ߬ ߟߊߛߊ߬ߦߌ߲߬ ߞߐ߫ (ߞߵߊ߬ߟߎ߬ ߟߊߞߢߊ߬)߸ ߡߍ߲ ߠߎ߬ ߞߵߊ߬ߟߎ߬ ߘߊ߲߬ߠߊߕߍ߰ ߊ߬ߟߎ߬ ߘߎ߲߬ߘߎ߬ߡߊ߬ ߓߟߏ߫ ߡߊ߬ ߞߊ߬ ߖߡߊ߬ߣߊ ߘߏ߫ ߞߍ߬ߟߍ ߟߊߥߟߌ߬ ߞߵߊ߬ ߕߘߍ߬ ߏ߬ ߦߋ߫ ߖߊ߯ߓߊ ߛߊ߬ߙߌ߬ߦߊ ߡߊߛߐ߬ߛߐ ߟߋ߬ ߘߌ߫. » ߊ߬ ߞߵߏ߬ ߟߋ ߝߐ߫.

ߛߐ߲߬ߓߊ߬ߟߌ߬ߦߊ߬ ߘߍߞߙߎ ߣߌ߲߬ ߠߊߘߊ߲ ߘߐ߫߸ ߖ߭ߊ߲-ߟߎߞ ߡߋߟߊ߲ߛߐ߲߫ ߞߊ߬ ߋߙߐߔߎ߬ ߖߡߊ߬ߣߊ ߬ߛߌߦߊߡߊ߲߫ ߡߊߘߊ߲߫߸ ߍߛߑߔߊߢߌ߲߬ ߦߴߏ߬ ߘߐ߫، ߊ߬ ߣߌ߫ ߊߡߋߙߞߌ߫ ߟߊߕߌߣ ߞߊ߬ߝߏ ߘߏ߫ ߟߎ߫߸ ߦߏ߫ ߓߙߋߖ߭ߌߟ߸ ߞߐߟߐ߲ߓߌ߫ ߥߟߊ߫ ߡߍߞߑߛߌߞ، ߊ߬ ߞߊ߬ ߊߛߌ߫ ߖߡߊ߬ߣߊ ߘߏ߫ ߟߎ߫ ߡߊߞߟߌ߫ ߢߊ߫ ߞߋߟߋ߲ ߏ߬ ߟߋ ߡߊ߬.

ߓߘߍ߬ߓߘߍ߬ߟߌ߬ ߢߍߓߊ߮ ߣߌ߲߬ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߋ ߝߍ߬߸ ߖߊ߯ߓߊ ߛߊ߬ߙߌ߬ߦߊ ߟߊߞߊ߲ߘߊ ߟߋ߬ ߢߊ߬ߒ߬ߞߐ߬ߓߊߟߌ ߘߌ߫߸ ߞߊ߬ ߕߊ߬ߡߌ߲߬ ߝߊ߲߬ߞߊ߬ ߟߊߓߊ߯ߙߊ ߞߊ߲߬ ߢߐ߲߯ߦߋ ߘߐ߫.

ߊ߬ ߞߊ߲߫ ߞߏ߫ ߊ߲ ߠߊ߫ ߣߊ߬ߝߊ ߦߋ߫ ߖߊ߯ߓߊ ߛߊ߬ߙߌ߬ߦߊ ߟߋ߬ ߘߐ߫߸ ߘߎߢߊ߫ ߓߍ߯ ߓߍ߲߬ߣߍ߲߫ ߛߊ߬ߙߌ߬ߦߊ ߏ߬ ߡߍ߲ ߡߊ߬ ߞߊ߬ߣߌ߲߫߸ ߏ߬ ߟߋ ߘߏ߲߬ ߦߋ߫ ߛߊ߬ߙߌ߬ߦߊ߫ ߝߊ߲߬ߞߊ߬ߡߊ ߘߌ߫߸ ߒ߬ߞߊ߬ ߝߋߎ߫ ߊ߬ ߕߍ߫ ߝߊ߲߬ߞߊ߬ߡߊ ߟߎ߬ ߟߊ߫ ߛߊ߬ߙߌ߬ߦߊ߬ ߟߊߣߍ߲ ߘߐ߫، ߊ߬ ߞߊ߲ ߠߴߏ߬ ߘߌ߫.

ߖ߭ߊ߲-ߟߎߞ ߡߋߟߊ߲ߛߐ߲߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߡߊ߬ߛߐ߬ߛߐ߬ߟߌ ߟߊ߫߸ ߌߙߊ߲߫ ߠߊ߫ ߡߎ߯ߖߎ߯ ߕߌ߯ߦߊ ߟߊ߫߸ ߏ߬ ߞߍ߫ ߘߊ߫ ߡߎ߯ߖߎ߯ߞߏ ߟߊߟߐ߭ ߓߍ߲߬ߞߊ߲ ߘߏ߫ ߟߋ߬ ߛߋ߲߭ߝߍ߬߸ ߘߏߣߊߟ ߕߑߙߐ߲ߔ ߟߊ߫ ߣߊ߬ߟߌ ߞߐߝߍ߬ ߓߏ߲ߜߍ ߟߊ߫ ߞߊ߬ߦߌ߯ ߂߀߁߆ ߟߊ߫. 

ߞߊ߬ ߓߍ߲߬ ߌߙߊ߲߫ ߡߙߊ߬ߞߊ߲ ߠߊߥߎ߬ߦߊ߬ ߞߏ ߡߊ߬ ߛߊ߫߸ ߊ߬ ߞߊ߲߫ ߞߏ߫ ߝߊ߬ߙߊ߲߬ߛߌ߫ ߡߊ߲߫ ߞߊ߲߫ ߞߊ߬ ߣߊ߲߬ߕߌ߮ ߟߎ߬ ߟߊ߫ ߕߊߕߘߍߟߌ ߛߌ߫ ߘߍ߬ߡߍ߲߬ ߦߙߐ߫ ߜߘߍ߫ ߞߎ߲߬ߠߊ߬ߛߌ߮ ߟߎ߬ ߡߊߝߊ߬ߟߋ߲ ߘߐ߫، ߤߊߟߌ߬ ߣߴߊ߬ ߘߌ߫ ߓߍ߲߬ ߖߍ߬ߘߍ߸ ߊ߬ ߞߊ߫ ߞߊ߲߫ ߠߋ߬ ߊ߬ ߦߋ߫ ߓߘߍ߬ߓߘߍ߬ߟߌ ߘߍ߬ߡߍ߲߬ߠߌ߲ ߠߊߛߋ߫ ߞߊ߲ߠߊߓߌߟߊ߫ ߢߌߣߌ߲ߠߊ ߟߎ߫ ߡߊ߬.