ߊ߬ ߓߘߊ߫ ߕߎ߬ߡߊ߬ߣߍ߲߬ ߓߐ߫߸ ߊ߬ ߞߎߡߊ ߦߋ߫ ߓߍ߯ ߘߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߊ߬ ߣߌ߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߟߊ߫߸ ߞߏ߫ ߙߏߓߍߙߑߕߏ߫ ߞߊߙߑߟߐߛ ߓߘߊ߫ ߘߏ߲߬ ߛߌ߬ߟߡߊ߬ߦߊ ߘߐ߫، ߒ߬ߓߊ߬߸ ߓߙߋߖ߭ߌߟ ߣߌ߫ ߙߋ߬ߦߊߟ ߡߊߘߙߌߘ ߡߊ߬ߞߊ߲߬ߞߊ߲߬ߠߌ߲߬ߠߊ߬ ߞߘߐ ߓߘߴߊ߬ ߦߌ߬ߘߊ߬߸ ߞߏ߫ ߊ߬ ߦߋ߫ ߛߌ߬ߟߡߊ߬ߦߊ߫ ߓߏ߲߬ߧߊ߬ ߟߊ߫ ߞߏߛߓߍ߫߸ ߒ߬ߞߊ߬ ߞߏ߫ ߟߌ߬ߤߟߊ ߡߍ߲ ߦߋ߫ ߓߐߙߐ߲ߘߐ ߞߊ߲߬ ߞߏ߫ ߊ߬ ߓߘߊ߫ ߕߎ߬ߓߌ߬߸ ߏ߬ ߦߋ߫ ߞߊ߬ߟߏ߲ ߠߋ߬ ߘߌ߫.

ߘߎߢߊ߫ ߓߍ߯ ߕߎ߲߬ ߓߘߊ߫ ߞߎߡߊߣߍ߲߫ ߞߋߟߋ߲ ߡߍ߲ ߘߐߖߊߙߌ ߘߊߡߌ߬ߣߊ߬߸ ߞߵߊ߬ ߝߐ߫ ߞߏ߫ ߓߙߋߖ߭ߌߟ ߕߏ߬ߟߊ߲߬ߕߊ߲ ߕߐ߯ߟߡߊ߸ ߙߏߓߍߙ ߞߊߙߑߟߐߛ ߓߘߊ߫ ߕߎ߬ߓߌ߫ ߞߊ߬ ߛߙߋߕߋߕߋߦߊߟߊ߲߫ ߛߊ߰ߤߊߘߊ ߞߊ߬ߙߊ߲߫ ߞߊ߬ ߘߏ߲߬ ߡߊ߬ߡߊ߬ߘߌ߬ ߘߌ߯ߣߊ ߘߐ߫، ߒ߬ߓߊ߬߸ ߊ߬ ߓߘߊ߫ ߦߌ߬ߘߊ߬ ߞߏ߫ ߟߌ߬ߤߟߊ ߏ߬ ߦߋ߫ ߝߏ߬ߝߏ ߟߋ߬ ߘߌ߫߸ ߞߌ߬ߛߍ߬ ߕߴߊ߬ ߘߐ߫.

ߞߊ߬ߕߎ߲߯߸ ߕߙߎߎߞߌ߫ ߥߛߊ߬ߘߋ߲ ߊ߬ߟߌ ߛߊ߬ߤߌ߲߫ ߠߋ߬ ߞߊ߬ ߟߊ߬ߖߍ߲߬ߛߍ߲߬ߠߌ߲ ߞߍ߫߸ ߍߙߑߘߏߜ߭ߊ߲߫ ߠߊ߫ ߞߙߎߞߊ ߛߌ߲߬ߝߏ߲ ߠߋ߬، ߊ߬ߟߋ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ ߣߌ߫ ߓߙߋߖ߭ߌߟ ߛߌ߬ߟߡߊ߬ߦߊ ߡߐ߰ߓߊ߸ ߖ߭ߌߤߊߘ ߤߡߊߘߊ߫ ߟߋ߬ ߞߊ߬ ߢߐ߲߯ߦߋ߫ ߛߊ߬ߥߏ߫ ߔߟߏ߬߸ ߏ߬ ߟߋ ߞߎߡߊ ߛߊߙߌߣߍ߲߫ ߘߎߢߊ߫ ߓߍ߯ ߟߊ߫ ߡߎ߬ߕߎ߲߬ ߛߊ߫، ߓߊߏ߬߸ ߊ߬ߟߋ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫ ߟߋ߬߸ ߞߏ߫ ߊ߬ ߣߌ߫ ߙߏߓߍߙߑߕߏ߫ ߞߊߙߑߟߐߛ ߦߋ߫ ߢߐ߲߯ ߞߊ߬ߟߊߡߊ߬߸ ߛߌ߬ߟߡߊ߬ߦߊ ߘߌߡߊ߲߫ ߊ߬ ߦߋ߫ ߞߏߛߓߍ߫߸ ߏ߬ ߞߍ ߞߎ߲߬ߢߐ߲߰ ߣߊ߯ߣߌ߲߫ ߖߊ߬ߕߋ߫ ߟߋ߬ ߕߋ߲߬.

ߒ߬ߓߊ߬߸ ߞߎߡߊ ߏ߬ ߟߋ ߝߐ ߣߌ߫ ߞߏ ߘߏ߫ ߓߍ߲߬ߣߍ߲߫߸ ߏ߬ ߦߋ߫ ߡߎ߲߬ ߘߌ߫߸ ߞߊߙߑߟߐߛ ߟߋ߬ ߣߐ߬ ߡߊ߬ߙߐ߬ߞߎ߬ߞߊ ߘߏ߫ ߝߘߎ߫ ߟߊ߫߸ ߛߎ߬ߤߊߦߌ߬ߟߊ߫ ߍ߬ߟ ߕߊߤߙߌ߫߸ ߏ߬ ߦߋ߫ ߡߊ߬ߙߐߞߎ߬ ߕߏ߬ߟߊ߲߬ߕߊ߲ ߞߏߟߊߕߍ߮ ߘߏ߫ ߟߋ߬ ߘߌ߫߸ ߏ߬ ߟߋ ߛߌ߰ߣߍ߲߫ ߞߊߙߑߟߐߛ ߞߎ߲߬، ߒ߬ߓߊ߬߸ ߖߌ߬ߦߊ߬ߓߍ ߡߍ߲ ߠߎ߬ ߕߊ߬ߣߍ߲߬ ߞߢߐߡߊߟߐ߫ ߦߙߐ ߏ߬ ߘߐ߫߸ ߞߵߊ߬ ߛߐ߬ߘߐ߲߬ ߊߙߊߓߎ߫ ߡߊߛߘߌ ߦߋ߫ ߙߏߓߍߙߑߕߏ߫ ߞߊߙߑߟߐߛ ߡߊ߬߸ ߊ߬ ߞߎߡߊ ߛߊߙߌ߫ ߢߊ ߟߋ߬ ߞߍߣߍ߲߫ ߏ߬ ߘߌ߫ ߘߎߢߊ߫ ߟߊ߫߸ ߞߏ߫ ߊ߬ ߓߘߊ߫ ߕߎ߬ߓߌ߬߸ ߞߵߊ߬ ߛߐ߬ߘߐ߲߬ ߕߎ߬ߢߊ߬ ߕߍ߫߸ ߊ߬ ߞߍߣߴߊ߬ ߟߊ߫ ߞߢߐ߫ ߞߏ ߟߋ߬ ߝߍ߬.

ߏ߬ ߘߊ߬ߟߎ ߦߋ߫ ߡߍ߲ ߘߌ߫߸ ߛߎ߰ߘߎ߬ߟߊ߫ ߝߐ߰ߓߍ߬ߘߊ ߡߍ߲ ߕߐ߯ ߞߏ߫ ߏߞߊߖ߭߸ ߏ߬ ߟߋ ߞߊ߬ ߞߊߙߑߟߐߛ ߡߊߢߌ߬ߣߌ߲߬ߞߊ߬ ߞߎߡߊ ߣߌ߲߬ ߡߊ߬، ߊ߬ ߞߵߊ߬ ߦߌ߬ߘߊ߫ ߦߋ߲߬ ߞߏ߫ ߕߎ߬ߢߊ߬ ߕߴߊ߬ ߟߊ߫ ߕߎ߬ߓߌ߬ ߞߏ ߓߌ߭ ߣߴߊ߬ ߛߌߣߌ߲ ߛߌ߫ ߘߐ߫، ߊ߬ ߞߏ߬ߣߌ߲ ߞߊ߲߫߸ ߞߏ߫ ߊ߬ ߦߋ߫ ߛߌ߬ߟߡߊ߬ߦߊ ߓߏ߲߬ߧߊ߬ ߟߊ߫߸ ߊ߬ ߘߏ߲߬ ߦߴߊ߬ ߡߏ߬ߛߏ ߟߊ߫ ߘߍ߲߬ߞߣߍ߬ߦߊ ߝߣߊ߫ ߓߏ߲߬ߧߊ߬ ߟߊ߫߸ ߏ߬ ߡߍ߲ ߦߋ߫ ߛߌ߬ߟߡߊ߬ߦߊ ߘߌ߫، ߊ߬ ߡߏ߬ߛߏ ߦߋ߫ ߛߌ߬ߟߊ߬ߡߊ ߟߋ߬ ߘߌ߫߸ ߊ߬ ߝߣߊ߫ ߦߴߊ߬ ߕߊ߫ ߘߌ߯ߣߊ ߘߐ߫߸ ߊ߬ ߘߏ߲߬ ߡߴߊ߬ ߟߊ߫ ߘߌ߯ߣߊ ߡߊߝߊ߬ߟߋ߲߫ ߡߎ߰ߡߍ߫.

ߊߟߴߊߟߎ߫ ߖߊ߲߬ߕߏ߬ ߦߙߐ߫ ߞߋߟߋ߲߫ ߝߣߊ߫ ߘߐ߫߸ ߖߌ߬ߦߊ ߡߍ߲ ߠߎ߬ ߦߋߣߴߊߟߎ߫ ߓߟߏ߫߸ ߣߌ߫ ߘߙߎ߬ߞߌ߬ߓߊ߬ ߜߍ ߦߋ߫ ߞߊߙߑߟߐߛ ߞߊ߲ߠߊ߫߸ ߏ߬ ߘߐߢߌߡߌ߲ ߞߐ ߘߐ߫߸ ߊ߬ ߦߋߣߍ߲߫ ߞߏ߫ ߖߌ߬ߦߊ ߏ߬ ߟߎ߬ ߟߊߘߊ߲ߣߍ߲߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߋ߬ ߟߊ߫.

ߙߏߓߍߙߑߕߏ߫ ߞߊߙߑߟߐߛ ߣߌ߲߬ ߛߊ߲߬ ߅߃ ߟߋ߬ ߕߋ߲߬߸ ߊ߬ ߦߋ߫ ߕߏ߬ߟߊ߲߬ߕߊ߲ ߘߐ߬ߝߐ ߘߐ߫ ߡߐ߰ߓߊ ߟߋ߬ ߘߌ߫، ߊ߬ ߞߍ߫ ߘߊ߫ ߓߙߋߖ߭ߌߟ ߞߟߏߞߕߏ ߘߌ߫ ߂߀߀߂ ߟߊ߫߸ ߊ߬ ߕߘߍ߬ ߕߏߟߏ߲߫ ߠߊ߫ ߙߋߦߊߟ ߡߊߘߙߌߘ، ߊ߬ ߛߌߦߊߡߊ߲ ߘߐ߫߸ ߊ߬ ߞߊ߬ߣߌ߲ ߣߴߊ߬ ߟߊ߫ ߛߘߊ߸ ߏ߬ ߟߋ ߣߐ߬ ߟߌ߬ߤߟߊ ߣߌ߲߬ ߖߍ߲ߛߍ߲߫ ߠߊ߫ ߞߊߟߌߦߊ߫ ߘߐ߫ ߕߋ߲߬، ߣߴߏ߬ ߕߍ߫߸ ߕߎ߬ߢߊ߬ ߕߴߊ߬ ߘߐ߫ ߡߎ߰ߡߍ߫.

ߏ߬ ߘߐ߫߸ ߊ߬ ߝߐ ߞߏ߫ ߞߊߙߑߟߐߛ ߓߘߊ߫ ߕߎ߬ߓߌ߬߸ ߊ߬ ߖߘߍ߬ߓߊ߬ߞߎ߲ ߓߘߴߊ߬ ߦߌ߬ߘߊ߬ ߞߏ߫ ߕߎ߬ߢߊ߬ ߕߴߊ߬ ߘߐ߫ ߤߊ߲߫.