ߡߊ߬ߡߌ߬ߘߊ߬ߟߌ߬ߟߊ߫ ߡߐ߰ ߣߊ߯ߣߌ߲߫ ߠߋ߬ ߣߐ߬ ߊ߬ߟߎ߫ ߞߎ߲߭ ߠߊߓߐ߫ ߟߊ߫߸ ߞߊߙߑߟߐߛ ߝ߭ߌߟߊ ߣߏ߬ߝ߭ߊ߫ ߦߴߏ߬ ߡߐ߰ ߣߊ߯ߣߌ߲߫ ߠߎ߬ ߘߏ߫ ߟߋ߬ ߘߌ߫، ߏ߬ ߡߍ߲ ߞߊ߲ߕߌ߯ߦߊ ߕߋ߲߬ ߣߴߊ߬ ߟߊ߫ ߛߕߊ ߓߘߊ߫ ߓߊ߲߫،ߊ߬ߟߎ߬ ߟߊ߫ ߞߍߦߙߐ ߝߊ߬ߛߏ߬ߟߊ߬ߞߊ ߟߊ߫ ߝߐߟߌ߫ ߘߐ߫ (ߕߋ-ߝ߭ߋ-ߍߛ).

ߣߌߕߏ߫ ߊߓߙߋ ߟߋ߬ ߦߋ߫ ߝ߭ߌߟߊ߫ ߣߏߝ߭ߊ ߛߌ߬ߣߊ߬ ߓߟߋߓߟߋ ߟߋ߬ ߘߌ߫ ߞߊ߲ߕߌ߯ ߢߣߊߕߊߟߌ ߣߌ߲߬ ߘߐ߫ ߘߐ߫߸ ߣߌߕߏ߫ ߣߌ߲߬ ߦߋ߫ ߡߊ߬ߡߌ߬ߘߊ߬ߟߌ߬ߟߊ߫ ߘߍ߲ߣߍ߲ߒߖߛߍ߬ߟߊ ߟߋ߬ ߘߌ߫ ߥߛߊ߬ߘߋ߲ ߠߋ߬،ߊ߬ ߣߴߊ߬ߟߋ ߟߋ߬ (ߓߘߓ) ߞߙߎߞߊ ߞߎߡߊߞߍߘߋ߲ ߠߎ߬ ߟߊ߫ ߞߙߎ ߞߎ߲߬ߕߌ߮ ߘߌ߫߸ ߓߘߓ ߏ߬ ߞߘߐ ߟߋ߬ ߞߏ߫ "ߓߍ߯ߦߊ ߘߍ߲ߒߖߘߍߟߦߊ ߓߊ߯ߙߊ "߸ ߢߣߊߕߊߟߌ ߘߊߡߌ߬ߣߊ߬ ߘߊ߫ ߓߌ߬ ߇ ߕߎߡߊ ߖߋߞߎ ߟߊ߫ ߞߵߊ߬ ߛߌ߰ ߁߈ ߕߎߡߊ ߖߋߞߎ ߟߊ߫ ߢߣߊߕߊߟߌ߫ ߖߛߊ ߟߎ߬ ߞߣߐ߫.

ߞߊ߬ ߞߐ߲߬ ߢߣߊߕߊߟߌ߫ ߟߏ߲ ߢߌ߲߬ ߢߍ߫߸ ߣߏߝ߭ߊ߫ ߞߊ߬ ߓߍ߯ ߟߐ߬ ߊ߬ ߢߣߊ߫ ߡߐ߯ ߟߋ߬ ߛߎߥߊ߲ߘߌ߫ ߟߊ߫ ߢߣߊߕߊߟߌ ߣߌ߲߬ ߘߐ߫߸ ߡߍ߲ ߞߊ߫ ߘߴߊ߬ ߖߍ߬ߘߍ ߦߋ߫.

ߊ߬ ߞߊ߲߫ ߞߏ߫<< ߞߊ߯ߙߌ ߡߍ߲ ߓߍ߲߬ߕߐ߫ ߢߣߊߕߊߟߌ߫ ߟߏ߲ ߡߊ߬߸ ߊ߬ߟߎ߬ ߓߍ߯ ߛߏ߬ߙߌ߫ ߕߊ߯ ߟߊ߫ ߢߣߊߕߊߟߌ߫ ߦߙߐ߸ ߞߵߊߟߎ߫ ߢߣߊߕߊ߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߘߐ߫߸ ߊߟߎ߫ ߦߴߊ߬ ߝߍ߬ ߡߍ߲ ߦߋ߫ ߞߍ߫ ߞߊ߲ߕߌ߮ ߘߌ߫ ߛߊߥߏ߫ ߕߏߡߋ߫>> ߞߊ߲ߕߌ߯ ߓߐߓߊ߯ߕߐ ߞߵߏ߬ ߝߐ߫ ߜߟߋߓߊ߫ ߕߝ߭ߌ.

ߖߡߊ߬ߣߊ ߝߊ߰ߡߊ ߟߎ߬ ߝߣߊ߫ ߞߊ߬ ߞߟߌߟߌ ߟߐ߬ ߖߡߊ߬ߣߊ߬ ߞߣߐ߬ߘߋ߲ ߠߎ߫ ߡߊ߬߸ ߞߏ߫ ߓߍ߯ ߦߴߌ ߘߐߖߊ߬ ߞߊ߬ ߢߣߊߕߊߟߌ ߞߎ߬ߙߎ߲߬ߘߎ ߟߎ߬ ߡߊߓߏ߲߬ߧߊ߬ ߛߊ߫ ߢߣߊߕߊߟߌ ߘߌ߫ ߕߊ߬ߡߌ߲߬ ߞߏߢߌ߬ߡߊ߬ << ߊ߲ ߧߋ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߣߴߊ߬ߟߎ߬ ߟߊ߫ ߞߙߎߞߊߘߋ߲ ߠߎ߬ ߣߌ߫ ߢߣߊߕߊߟߌ ߘߏ߲߬ߞߏ ߟߎ߬ ߓߍ߯ ߡߊߞߟߌ߫ ߟߊ߫ ߡߊ߬ߝߊ ߣߌ߫ ߖߛߎ߬ߛߎߡߊ ߣߌ߫ ߢߐ߲߯ ߓߏ߲ߧߊ ߟߎ߬ ߟߊߕߍ߬ߘߍ ߟߋ߬ ߡߊ߬ ߢߣߊߕߊߟߌ߫ ߦߌߟߊ ߟߎ߬ ߘߐ߫߸ ߞߎ߲߬ߠߊ߬ߛߌ߮ ߞߏ߬ߣߌ߲ ߠߊ߫ ߟߊ߲ߘߦߊ ߦߋ߫ ߢߣߊߕߊߟߌ ߜߋ߬ߟߎ߲߬ߠߌ߲߬ߠߊ ߟߎ߬ ߘߐ߫߸ ߡߍ߲ ߠߎ߬ ߟߊߕߊ߯ߣߍ߲߫ ߞߏ ߟߎ߬ ߘߊߘߐߓߍ߲߬ ߞߊ߲ߡߊ߬ >> ߕߋߟߋ߲ߓߊ߯ߦߊ ߞߏߕߌ߯ ߝ߭ߋߙߊ߫ ߞߙߊߝ߭ߘߌߘ ߞߵߏ߬ ߦߌߘߊߞߊ߬.

ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߡߊ߬ߞߊ߲߬ߞߊ߲߬ߠߌ߲߬ ߝߊ߲ߞߊ ߟߎ߬ ߓߘߊ߫ ߟߊߓߐ߫ ߞߵߊ߬ߟߎ߬ ߟߊߕߊ߯ ߢߣߊߕߊߟߌ߫ ߛߓߍߘߊ߫ ߟߎ߬ ߟߊߞߊ߲ߘߊ߫ ߞߊ߲ߡߊ߬.

ߢߣߊߕߊߟߌ ߣߌ߲߬ ߘߐ߫߸ ߡߍ߲ ߠߊ߫ ߖߊ߬ߡߊ ߓߊ߯ ߛߌߦߊߦߊ߫ ߓߍ߯ ߕߊ ߘߌ߫߸ ߏ߬ ߟߋ ߞߍߕߐ߫ ߞߊ߲ߕߌ߮ ߘߌ߫ ߛߊߥߏ߫ ߕߏߡߋ߫߸ ߢߣߊߕߊߟߌߟߊ߫ ߡߐ߰ ߁߄߀ ߀߀߀ ߟߋ߬ ߞߊ߫ ߞߊ߲߫ ߞߊ߬ ߛߎߥߊ߲ߘߟߌ ߞߍ߫.

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߟߊ߬ߞߙߐ߬ߛߟߌ߬ ߗߋߦߊߟߌ

ߗߋߘߋ߲߫ ߛߌߦߊߡߊ߲߫ ߠߋ߬ ߣߊ߬ߣߍ߲߫ ߢߣߊߕߊߟߌ߫ ߞߣߍ ߣߌ߲߬ ߞߊ߲߬߸ ߞߊ߬ ߓߐ߫ ߖߡߊ߬ߣߊ߬ ߜߘߍ߫ ߟߎ߫ ߘߐ߫، ߦߏ߫߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߓߊ߸ (ߞ߇) ߖߡߊ߬ߣߊ߬ ߛߌߦߊߡߊ߲߫ ߠߊߘߍ߬ߣߍ߲ ߞߙߎ߫ ߞߋߟߋ߲߫ ߘߌ߫ ، ߝߘߊ߬ߝߌ߲߬ߠߊ߫߸ ߊ߬ߖ߭ߌ߫߸ ߕߟߋ߬ߓߐ ߕߍߡߊߞߊߒߞߋ ߊ߬ ߣߌ߫ ߞߙߊߑߌߓ߸ ߖߡߊ߬ߣߊ ߏ߬ ߟߎ߬ ߓߍ߯ ߞߐߦߌߘߊ߮ ߛߊߥߏ߫ ߕߏߡߋ߫ ߢߣߊߕߊߟߌ ߜߋ߬ߟߎ߲߬ ߞߊߡߊ߬.

<<ߊ߲ ߧߋ߫ ߢߣߊߕߊߟߌ ߣߌ߲߬ ߥߏ߬ߣߍ߲ ߣߴߊ߬ ߥߏ߬ߓߊ ߓߍ߯ ߜߋ߬ߟߎ߲߬ ߠߊ߫ ߟߋ߬߸ ߡߐ߱ ߟߎ߬ ߦߋ߫ ߕߎ߬ߡߊ ߡߍ߲ ߞߍ߫ ߟߊ߫ ߟߐ߭ ߘߐ߫ ߊ߬ ߣߌ߫ ߞߊ߲ߢߊ ߖߊ߬ߕߋ ߟߎ߬ >> ߞߋߟߊߘߋ߲ ߞ߇+ ߞߵߏ߬ ߦߌ߬ߘߊ߫.

ߙߎ߬ߛߌ߫ ߣߌ߫ ߛߊߥߏ߫ ߕߏߡߋ߫ ߟߊ߫ ߛߊ߲߬ ߅߀ ߕߋߙߌߦߊ ߕߍߓߊ߯ߦߊ ߢߊ߰ߢߊ߮ ߛߋ߲߭ ߝߍ߬߸ ߙߎ߬ߛߌ߫ ߞߐߞߊ߲ߞߏ ߟߎ߬ ߞߏߕߌ߮ ߛߍߙߑߜ߭ߍߦ ߟߊߝ߭ߙߏߝ߭ ߣߌ߫ ߛߊߥߏ߫ ߕߏߡߋ߫ ߞߐߞߊ߲ߞߏ ߟߎ߬ ߞߏߕߌ߯ ߍߟߑߗ߭ߊ߬ ߡߊߙߌߦߊ߫ ߘߏ߬ ߛߊ߲ߕߐߛ ߊߡߊߘߏ߫ ߝߊ߭ߖ߭ ߞߊ߬ ߘߡߊߝߋߟߋ߲ ߞߍ߫ ߘߓߊ߬ߓߌߟߊ ߟߊ߫.