ߔߊ߬ߙߌ ߛߍ߲ ߖ߭ߍߙߑߡߍ߲ ߓߘߊ߫ ߘߊ߬ߘߟߌ߬ߓߊ߫ ߞߍ߫ ߕߏ߬ߟߊ߲ ߟߕߊ߬ߡߌ߲߬ߒ߬ߡߊ߬ߟߌ ߟߐ߯ߝߍ ߘߐ߫، ߞߊ߬ߕߎ߲߯߸ ߝߋߙߊ߲߫ ߕߏߙߍߛ ߓߘߊ߫ ߓߐ߫ ߓߊߙߑߛߊ߸ ߞߊ߬ ߕߊ߯ ߔߊ߬ߙߌ ߤߊ߲߯ ߂߀߃߁، ߥߊߘߌ߫ ߞߙߍߞߙߍߣߍ߲߫ ߛߌ߫ ߡߊ߫ ߝߐ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫ ߋߙߏ ߞߋ߲߬ߥߟߎ߬ ߅߀ ߞߏ߬ ߞߎߡߊ ߞߊ߲߬ ߞߵߊ߬ ߝߐ߫.

ߝߋߙߊ߲߫߫ ߕߏߙߍߛ ߓߘߊ߫ ߞߍ߫ ߔߊ߬ߙߌ ߕߏ߬ߟߊ߲߬ߕߊ߲߬ߠߊ ߘߌ߫ ߡߎ߬ߕߎ߲߬ ߛߍߣߍ߲߬ ߝߋߎ߫، ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߓߌߟߊ ߕߟߋ߬ ߁߅߸ ߔߊ߬ߙߌ ߣߌ߫ ߓߊߙߑߛߊ ߓߍ߲߬ ߘߊ߫ ߞߋߟߋ߲߫ ߘߐ߫߸ ߞߊ߬ ߓߍ߲߬ ߊߛߌߔߊ߲߫ ߝߌ߬ߙߌ߲߬ߕߊ߬ߥߏ߬ߟߌ߬ߟߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊߕߊ߬ߡߌ߲߬ ߞߏ ߡߊ߬߸ ߊ߬ ߟߊ߫ ߛߊߛߋ߫ ߞߟߊ߬ߣߐ߬ߦߊ߬ߣߍ߲ ߥߊߣߍ߲߫ ߠߋ߬ ߤߊ߲߯ ߂߀߃߁.

ߞߍߙߍ߲ߘߊ߫ ߝߌ߬ߟߊ ߡߊ߫ ߝߋ߲߫ ߝߐ߫ ߞߊ߬ ߓߍ߲߬ ߟߕߊ߬ߡߌ߲߬ߒ߬ߡߊ߬ߟߌ ߥߊߘߌ߫ ߟߊߕߍ߰ߣߍ߲߬ ߞߏ ߡߊ߬، ߝߐ߰ߓߍ߬ߘߊ߬ ߛߌߦߊߡߊ߲߫ ߞߏ߬ߣߌ߲ ߦߋ߫ ߋߙߏ ߞߋ߲߬ߥߟߎ߬ ߅߀ ߟߋ߬ ߝߐ߫ ߟߊ߫. ߝߋߙߊ߲߫ ߕߏߙߍߛ ߦߋ߫ ߕߏ߬ߟߊ߲߬ߕߊ߲߬ߠߊ߫ ߝߎߣߎ߲ߞߋ߫ ߛߊ߲߭ ߂߆ ߟߋ߬ ߘߌ߫߸ ߊ߬ ߣߌ߫ ߡߐ߬ߟߐ߲߬ߓߊ߫ ߟߋ߬ ߘߏ߲߬ ߥߊߣߍ߲߫ ߔߊ߬ߙߌ ߕߋ߲߬߸ ߞߵߏ߬ ߞߎ߲߭ ߞߍ߫ ߊ߬ ߟߊ߫ ߘߐ߬ߖߊ߬ ߞߍߣߍ߲ ߠߎ߬ ߘߌ߫ ߖߊ߯ߓߊ߫ ߖߌߟߊߝߍ ߟߊ߬ߓߊ߲ ߕߊ߲ߠߌ߲ ߝߍ߬߸ ߊߛߌߔߊ߲߫ ߣߌ߫ ߥߊߘߌߘߎ߯ ߟߊ߫ ߓߌ߬ߟߊ߬ߢߐ߲߰ߠߊ ߏ߬ ߝߍ߬.

ߊ߬ ߛߍߥߊߣߍ߲ ߞߵߊ߬ ߦߌ߬ߘߊ߬ ߞߏ߫ ߊ߬ ߣߊ߬ߕߊ ߦߋ߫ ߞߐ߲ߘߐ߲ߓߊ ߟߎ߫ ߛߐ߬ߘߐ߲ ߠߋ߬ ߘߌ߫ ߕߊ߯ߟߌ ߣߌ߲߬ ߝߍ߬߸ ߞߵߊ߬ ߛߋߞߏ ߞߍ߫ ߔߊ߬ߙߌ ߦߋ߫ ߞߏߛߓߍ߫.

ߟߎ߬ߥߌ ߋ߬ߣߌ߬ߙߌߞ ߘߏ߲߬ ߞߊ߬ ߝߋߙߊ߲߫ ߕߏߙߍߛ ߟߐ߲߫ ߞߏߛߓߍ߫، ߓߊߏ߬߸ ߊ߬ ߞߊ߬ ߍߛߑߔߊߢߌ߲߬ ߕߏ߬ߟߊ߲ ߡߊߡߙߊ߬ ߥߊ߯ߕߌߣߍ߲ ߡߍ߲ ߞߣߐ߫߸ ߊ߬ ߞߊ߬ ߝߋߙߊ߲߫ ߕߏߙߍߛ ߟߐ߲߫ ߏ߬ ߟߋ ߞߣߐ߫. ߔߊ߬ߙߌ ߟߞߊ߬ߙߊ߲߬ߧߊ߬ߟߌ߬ߟߊ ߞߵߊ߬ ߦߌ߬ߘߊ߬ ߞߏ߫ ߊ߬ ߕߊ߬ߡߌ߲߬ߕߐ߫ ߊ߬ ߟߊ߫ ߡߐ߱ ߟߎ߬ ߡߊߞߊ߬ߝߏ߬ ߟߊ߫ ߟߋ߬.

ߝߋߙߊ߲߫ ߕߏߙߍߛ ߡߍ߲ ߦߋ߫ ߣߌ߲߬߸ ߊ߬ ߕߘߍ߬ ߓߊߙߑߛߊ ߕߎ߬ߡߊ ߡߍ߲߸ ߣߴߌ ߞߵߏ߬ ߕߏ߬ߟߊ߲߬ ߕߊ߲ߣߍ߲ ߠߎ߬ ߣߌ߫ ߍߛߑߔߊߢߌ߲߬ ߕߊ ߟߋ߬ ߢߐ߲߮ ߞߊ߲߬߸ ߊ߬ ߞߊ߬ ߓߌ߬ߟߊ߬ߢߐ߲߰ߠߊ߫ ߄߉ ߞߍ߫߸ ߞߊ߬ ߕߎ߬ ߂߁ ߘߏ߲߬ ߏ߬ ߘߐ߫߸ ߊ߬ ߣߌ߫ ߟߕߊ߬ߡߌ߲߬ߢߐ߲߰ߡߊ߬ ߓߘߍߓߘߍ߫ ߛߓߊ߬.

ߊ߬ ߣߊ߬ߣߍ߲߫ ߠߋ߬ ߔߊ߬ߙߌ ߕߋ߲߬߸ ߞߵߊ߬ ߛߐ߬ߘߐ߲߬ ߜ߭ߐ߲ߛߊߟߏ ߙߊߡߐߛ ߓߘߊ߫ ߥߊ߫ ߊߛߋ߫ ߡߌߟߊ߲، ߏ߬ ߘߐ߫߸ ߔߊ߬ߙߌ ߣߐ߬ ߊ߬ ߓߟߏ ߟߐ߬ ߟߴߊ߬ߟߋ߬ ߟߊ߫ ߏ߬ ߟߋ ߘߐ߫߸ ߡߍ߲ ߛߋ߫ ߟߊ߫ ߝߌ߬ߙߌ߲߬ߕߊ߬ߥߏ߬ߟߌ ߟߊ߫߸ ߊ߬ ߘߏ߲߬ ߘߋ߬ߙߌ߬ߣߍ߲߬ ߋߙߐߔߎ߬ ߕߏ߬ߟߊ߲ ߕߊ߲ߧߊ߫ ߤߏߞߌ ߟߊ߫.