ߝߎߥߊ߲߫ ߓߊ߯ߙߊ ߦߋ߫ ߞߏ߫ ߞߘߐ߫ ߟߋ߬ ߘߌ߫ ߖߌ߬ߣߍ߬ ߞߣߐ߫߸ ߡߍ߲ ߓߘߊ߫ ߕߎ߬ߡߊ߬ ߖߊ߲߬ ߞߍ߫ ߊ߲ ߝߍ߬ ߦߊ߲߬ ߘߐ߫߸ ߓߊ߯ߙߘߊ ߟߋ߬ ߦߴߊ߬ ߘߌ߫ ߡߍ߲ ߦߋ߫ ߡߊߞߊ߬ߙߊ߲߬ ߠߊ߫ ߕߎ߬ߡߊ߬ ߖߊ߲߬ ߠߊ߫߸ ߛߊ߲߬ ߦߙߌߞߊ ߟߋ߬ ߦߋ߫ ߞߍ߫ ߟߴߊ߬ ߘߊߞߘߐ߫߸ ߝߎߥߊ߲߫ ߓߊ߯ߙߊ ߦߋ߫ ߊ߲ ߓߘߊ߫ ߟߊ߲߬ߘߊ߬ ߞߘߐ ߟߋ߬ ߘߌ߫߸ ߊ߬ ߓߊ߯ߙߟߊ ߟߎ߬ ߦߴߊ߬ ߖߊ߬ߕߋ߬ ߟߊ߫ ߓߊ߯ߙߊ߫ ߛߊߣߌ߲ ߠߋ߬ ߘߌ߫߸ ߊ߬ ߓߊ߯ߙߟߊ ߟߎ߬ ߓߘߴߊ߬ ߣߊ߬ߝߊ ߦߴߊ߬ߟߎ߫ ߞߊ߲߬߸ ߏ߬ ߓߟߏߡߊ߬߸ ߊ߲ ߛߋ߫ ߘߊ߫ ߞߊ߲ߞߊ߲߫ ߝߎߥߊ߲߫ ߦߋߟߋ߲ߠߊ ߘߏ߫ ߟߎ߫ ߝߍ߬ ߡߍ߲ ߠߎ߬ ߛߋ߫ ߘߊ߫ ߘߏ߫ ߝߐ߫ ߟߊ߫ ߊ߲ ߧߋ߫ ߞߊ߬ ߓߍ߲߬ ߊ߬ߟߎ߬ ߟߊ߫ ߓߊ߯ߙߊ ߣߌ߲߬ ߥߊ߫ ߢߊ߫ ߡߊ߬߸ ߊ߲ ߛߋ߫ ߘߊ߫ ߡߍ߲ ߠߎ߬ ߡߊ߬.
 ߏ߬ ߟߎ߬ ߟߊ߫ ߞߎ߲߬ߕߌ߮ ߞߵߊ߬ ߞߙߊ ߟߊߡߊ߰ ߊ߲ ߧߋ߫ ߣߴߊ߬ ߦߋ߫ ߓߐ߫ ߟߊ߲߱ߛߌ߬ߣߍ߫ ߘߎ߲߬ߓߎ߬ߦߊ߫ ߘߌ߫߸ ߊ߬ߟߋ ߓߘߊ߫ ߕߎ߬ߡߊ߬ ߖߊ߲ ߠߋ߬ ߞߍ߫ ߓߊ߯ߙߊ ߣߌ߲߬ ߘߊߘߐ߫߸ ߊ߬ߟߋ ߣߊ߬ߣߍ߲߫ ߠߋ߬ ߞߵߊ߬ ߝߊ߬ ߟߎ߬ ߕߏ߫ ߊ߬ ߞߊ߲߬߸ ߊ߬ ߟߊ߫ ߞߎߡߊ߫ ߘߐ߫߸ ߊ߬ ߡߊ߫ ߓߊ߯ߙߊ ߣߌ߲߬ ߕߊ߬ ߞߍ߫ ߘߐ߫ ߘߋ߬߸ ߊ߬ ߞߵߊ߬ ߞߊ߬ߙߊ߲߫ ߠߋ߬ <<ߓߊ߯ߙߊ߫ ߕߍ߫ ߣߌ߲߬ ߘߌ߫ ߡߍ߲ ߦߋ߫ ߘߊߡߌ߬ߣߊ߬ ߟߊ߫ ߛߎߞߏ ߣߌ߫ ߞߣߍߓߐ ߕߍ ߘߐ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߕߎ߬ߡߊ߫ ߞߎ߲߬ߘߐ߬ߖߊ߲ ߠߋ߬ ߞߘߐ߫߸ ߛߊ߲߬ ߛߓߊ߬ ߞߏ߫ ߕߍ߫ ߛߊ߲߬ ߝߌ߬ߟߊ߬ ߞߏ߫ ߕߍ߫.

 ߣߌ߫ ߡߍ߲ ߤߊߞߟߌ ߘߌߦߊ߫ ߘߊ߫߸ ߏ߬ ߘߌ߫ ߛߴߊ߬ ߢߊߦߋ߫ ߟߊ߫ ߛߊ߲߬ ߟߏ߯ߟߎ߫ ߞߎ߲߬ߕߊ߰ ߞߘߐ߫>> ߓߊ߯ߙߊ ߣߌ߲߬ ߓߘߊ߫ ߣߊ߬ߝߊ߫ ߟߊߛߋ߫ ߊ߬ߟߎ߫ ߡߊ߬߸ ߊ߬ߟߋ ߣߊ߬ߣߍ߲߫ ߡߍ߲ ߠߎ߬ ߞߐ߫߸ ߊ߬ ߞߊ߬ ߣߊ߬ߝߊ߫ ߞߋߟߋ߲߫ ߏ߬ ߟߋ߬ ߟߊߛߋ߫ ߏ߬ ߟߎ߬ ߝߣߊ߫ ߡߊ߬، ߓߊ߬ߙߌ߫߸ ߣߊ߬ߝߊ ߡߍ߲ ߕߘߍ߬ ߦߴߊ߬ ߟߊ߫ ߏ߬ ߕߎ߬ߡߊ ߟߊ߫߸ ߏ߬ ߕߴߊ߬ ߟߊ߫ ߕߋ߲߭ߕߋ߬ ߣߌ߲߬ ߘߐ߫߸ ߏ߬ ߟߎ߫ ߕߘߍ߬ ߦߴߊ߬ߟߎ߬ ߟߊߘߍ߬ ߟߊ߫ ߟߋ߬ ߛߋߞߎ߫ ߕߎߙߋ߫ ߕߟߋ ߟߊ߫߸ ߞߊ߬ ߝߎߥߊ߲ ߛߊ߲߬ ߞߎ߲߬ߠߊ߬ߛߌ߮ ߡߊ߬߸ ߞߎ߲߬ߠߊ߬ߛߌ߮ ߝߣߊ߫ ߘߌߣߊ߬ ߝߎߥߊ߲ ߘߌ߫ ߌߍߛߑߕߋ ߟߊ߫߸ ߊ߬ߟߎ߬ ߘߌߥߊ߫ ߝߎߥߊ߲ ߕߊ߬ ߓߎ߬ߕߎ߲߫ ߞߵߊ߬ ߘߐߕߟߊ߫ ߊ߬ߟߎ߬ ߣߌ߫ ߢߐ߲߯ ߕߍ߫، ߝߎߥߊ߲ ߕߘߍ߬ ߦߋ߫ ߓߐ߫ ߟߊ߫ ߞߐߣߊߞߙߌ߫ ߟߋ߬ ߞߣߊ߬ ߞߊ߲ߞߊ߲߫ ߦߊ߲߬߸ ߓߊ߬ߙߌ߫߸ ߊ߬ ߦߋ߫ ߓߐ߫ ߟߊ߫ ߞߊ߲ߞߊ߲߫ ߠߋ߬ ߕߋ߲߬ ߞߊ߬ ߕߊ߯ ߞߐߣߊߞߙߌ߫߸ ߟߊ߲߱ߛߌ߬ߣߍ߫ ߘߎ߲ߓߎߦߊ߫ ߟߊ߫ ߞߎߡߊ߫ ߘߐ߫߸ ߌ ߓߊ߯ ߝߎ߯ߘߌ ߓߊ߯ߙߊ߫ ߢߊ߫ ߛߌ߫ ߡߊ߬߸ ߣߌ߫ ߝߎߥߊ߲ ߕߴߊ߬ ߘߐ߫߸ ߌ ߦߋ߫ ߡߍ߲ ߝߍ߬ ߊ߬ ߕߴߛߋ߫ ߞߍ߫ ߟߊ߫ ߏ߬ ߘߌ߫.

 <<ߌ ߓߊ߯ ߝߎ߯ߘߌ ߓߊ߯ߙߊ߫ ߢߊ߫ ߛߌ߫ ߡߊ߬߸ ߣߌ߫ ߝߎߥߊ߲ ߡߊ߫ ߞߍ߫ ߊ߬ ߘߐ߫߸ ߊ߬ ߕߴߛߋ߫ ߓߊ߯ߙߊ߫ ߟߊ߫߸ ߝߎߥߊ߲ ߓߊ߯ ߞߍ߫ ߊ߬ ߘߐ߫ ߕߎ߬ߡߊ ߡߍ߲߸ ߊ߬ ߘߴߌ ߣߊ߬ߝߊ߫߸ ߝߎߥߊ߲ ߘߏ߫ ߟߎ߫ ߦߋ߫ ߣߊ߬ ߟߴߊ߲ ߡߊ߬߸ ߣߍ߱ ߦߋ߫ ߞߍ߫ ߟߊ߫ ߏ߬ ߟߎ߬ ߘߐ߫߸ ߏ߬ ߟߎ ߦߋ߫ ߡߊߜߊ߬ߛߌ߬ ߟߴߊ߲ ߓߟߏ߫ ߟߋ߬ ߞߊ߬ ߣߍ߱ ߓߐ߫ ߊ߬ ߘߐ߫߸ ߣߌ߫ ߡߍ߲ ߣߍ߱ ߡߊ߫ ߛߋ߫ ߓߐ߫ ߟߴߊ߬ ߘߐ߫ ߏ߬ ߘߐ߫߸ ߊ߲ ߓߴߊ߬ ߞߍ߫ ߕߊ ߘߐ߫ ߞߵߊ߬ ߦߋ߬ߟߋ߲߫߸ ߊ߬ ߓߊ߯ ߓߊ߲߫ ߦߋ߬ߟߋ߲߬ ߠߊ߫߸ ߣߍ߱ ߘߌ߫ ߟߊߓߐ߫ ߊ߬ ߘߐ߫.>> ߊ߬ ߟߊ߫ ߝߐߟߌ߫ ߘߐ߫߸ ߊ߬ߟߋ ߟߊ߫ ߡߐ߱ ߛߌߦߊߡߊ߲߫ ߠߋ߬ ߓߘߊ߫ ߓߐ߫ ߦߊ߲߬ ߞߊ߬ ߥߊ߫ ߓߊ߯ߙߊ߫ ߛߏ߫ ߡߌߛߍ߲ ߘߏ߫ ߟߎ߫ ߟߊ߫߸ ߛߌ߯ߙߌ߲߫߸ ߡߊ߲߬ߖߊ߲߬ߠߊ߫߸ ߊ߬ ߣߌ߫ ߓߐߕߏ߲߫ ߝߊ߲߬ߝߍ߬ߟߊ ߟߎ߬ ߘߐ߫.
 ߓߊߏ߬߸ ߡߐ߱ ߦߋ߫ ߓߊ߯ߙߊ߫ ߟߊ߫ ߟߋ߬߸ ߣߴߌ ߛߋ߫ ߘߊ߫ ߝߊ߲߬ ߜߘߍ߫ ߟߎ߫ ߘߐ߫߸ ߌ ߦߋ߫ ߛߋ߫ ߌ ߖߘߍ߬ ߡߊߘߍ߬ߡߍ߲߬ ߠߊ߫، ߓߊ߯ߙߊ ߓߍ߯ ߣߴߊ߬ ߡߊ߲߬ߕߙߐ ߟߋ߬ ߦߋ߫߸ ߡߊ߲߬ߕߙߐ ߡߍ߲ ߦߋ߫ ߡߐ߱ ߡߍ߲߬ ߠߎ߫ ߞߊ߲߬߸ ߏ߬ ߟߋ߬ ߦߋ߫ ߓߊ߯ߙߊ߫ ߡߎߙߊ߲߫ ߞߏߖߊ ߘߌ߫߸ ߊ߬ ߣߌ߫ ߝߎߥߊ߲ ߛߐ߬ߘߐ߲ ߓߘߊ߫ ߜߟߍ߬ߦߊ߫ ߊ߬ߟߎ߬ ߓߟߏ߫ <<ߊ߲ ߞߏ߬ߣߌ߲ ߣߌ߫ ߞߎ߲߬ߠߊ߬ߛߌ߮ ߣߌ߫ ߘߍ߬ߡߍ߲߬ߓߊ߰ ߜߘߍ ߡߍ߲ ߠߎ߬ ߢߊ ߓߊ߯ ߓߐ߫ ߜߍ ߘߐ߫ ߕߋ߲߬߸ ߊ߲ ߧߴߊ߬ ߝߐ߫ ߟߊ߫ ߟߋ߬ ߊ߬ߟߎ߬ ߢߣߊ߫ ߞߵߊ߲ ߘߍ߬ߡߍ߲߬ ߓߊ߯ߙߊ߫ ߡߎߙߊ߲߫ ߞߏ ߘߐ߫߸ ߊ߬ ߣߌ߫ ߝߎߥߊ߲>>

ߡߏߙߌ߬ ߕߙߊߥߟߋ߫ ߡߍ߲ ߦߋ߫ ߡߞߊ߬ߙߊ߲߬ߘߋ߲߬ ߘߌ߫ ߦߋ߲߬߸ ߊ߬ߟߋ ߡߍ߲ ߘߏ߲߬ ߘߊ߫ ߞߊ߬ߦߌ߯ ߂߀߁߇ ߟߊ߫.
 ߓߊ߯ߙߊ߫ ߣߌ߲߬ ߓߘߊ߫ ߞߍ߫ ߛߊߓߎ߫ ߘߌ߫ ߞߵߊ߬ߟߋ ߟߐ߬ ߊ߬ ߘߍ߲߫ ߠߴߊ߬ ߖߘߍ߬ ߟߊ߫ <<ߒ ߠߊ߫ ߞߏ߫ ߘߍߣߍ߲߫ ߕߍ߫ ߡߐ߰ ߟߊ߫߸ ߒ ߖߍ߬ߘߍ ߟߋ߬ ߟߐ߬ߣߍ߲߫ ߒ ߠߊ߫ ߞߏ ߓߍ߯ ߟߊ߫߸ ߏ߬ ߦߴߊ߬ ߕߐ߬ߣߐ ߘߏ߫ ߟߋ߬ ߘߌ߫ ߒߠߋ ߞߊ߲߬߸ ߡߍ߲ ߞߊ߫ ߓߏ߲߬߸ ߓߊߏ߬߸ ߊߘߡߊߘߋ߲ ߓߊ߯ ߊ߬ ߖߌߖߊ߬ ߞߏ߫ ߛߌ߫ ߞߊ߲߬߸ ߊ߬ ߘߴߏ߬ ߣߊ߬ߝߊ ߛߐ߬ߘߐ߲߬.>> ߓߊ߯ߙߊ ߣߌ߲߬ ߓߘߊ߫ ߕߐ߬ߣߐ ߟߊߛߋ߫ ߡߞߊ߬ߙߊ߲߬ߘߋ߲ ߠߎ߬ ߡߊ߬߸ ߞߵߊ߬ߟߎ߫ ߣߊ߬ߝߊ߫߸ ߘߊ߰ ߓߊ߯ߙߊ ߘߌߦߊ߫ ߘߊ߫ ߟߋ߬ ߡߏ߬ߤߊ߬ߡߍߘ ߞߐ߲ߘߍ߫ ߦߋ߫ ߞߊ߬ߦߌ߯ ߊ߬ ߘߐ߰ߡߊ߲߬ߣߍ߲ <<ߘߊ߰ ߓߊ߯ߙߊ ߟߋ߬ ߘߌߦߊ߫ ߘߊ߫ ߒߠߋ ߦߋ߫߸ ߞߊ߬ߦߌ߯ ߒ ߘߐ߰ߡߊ߲߬ߣߍ߲߸ ߏ߬ ߟߋ߬ ߞߏߛߐ߲߬ ߒ ߝߣߊ߫ ߡߊ߫ ߓߊ߯ߙߊ߫ ߜߘߍ߫ ߦߋ߫ ߝߏ߫ ߣߌ߲߬߸ ߊ߬ ߓߘߊ߫ ߣߊ߬ߝߊ ߡߍ߲ ߠߊߛߋ߫ ߒ ߡߊ߬߸ ߒ ߖߍ߬ߘߍ ߕߴߛߋ߫ ߊ߬ ߓߙߍ߬ߦߊ߫ ߝߐ߫ ߟߊ߫߸ ߓߊߏ߬߸ ߒ ߧߋ߫ ߛߋ߫ ߟߊ߫ ߒ ߠߊ߫ ߞߏ ߟߎ߬ ߞߍ߫ ߟߊ߫ ߒ ߖߘߍ߬ ߦߋ߫߸ ߊ߬ ߡߊ߫ ߘߍ߲߫ ߡߐ߰ ߟߊ߫.>>
ߡߞߊ߬ߙߊ߲߬ߘߋ߲ ߊߓߑߟߊ߯ߦߌ߬ ߞߊ߲ߕߋ߫ ߝߣߊ߫ ߛߋ߫ ߘߊ߫ ߘߏ߫ ߝߐ߫ ߟߴߊ߲ ߧߋ߫ ߊ߬ ߟߊ߫ ߓߊ߯ߙߊ ߞߊ߲߬߸ ߊ߬ߟߋ ߡߍ߲ ߓߘߊ߫ ߛߊ߲߬ ߆ ߞߎ߲߬ߕߊ߰ ߞߍ߫ ߊ߬ ߦߋ߫ ߓߊ߯ߙߊ ߢߌ߲߬ ߠߊ߫،  ߊ߬ߟߋ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߓߊ߯ߙߊ߫ ߟߋ߬ ߘߌ߫ ߡߐ߰ ߘߌ߫ ߛߴߊ߬ ߛߌ߰ ߟߊ߫ ߡߍ߲ ߡߊ߬ <<ߒߠߋ ߞߊ߬ ߓߊ߯ߙߊ ߣߌ߲߬ ߦߋ߫ ߞߏ߫ ߟߋ߬ ߘߌ߫߸ ߡߐ߰ ߘߌ߫ ߛߴߊ߬ ߛߌ߰ ߟߊ߫ ߡߍ߲ ߡߊ߬߸ ߏ߬ ߘߏ߲߬ ߓߘߊ߫ ߕߐ߬ߣߐ ߟߊߛߋ߫ ߒ ߡߊ߬߸ ߓߊߏ߬߸ ߓߌ߭ߓߌ߬ ߣߌ߲߬ ߘߐ߫߸ ߒ ߕߍ߫ ߒ ߞߎ߲߬ߞߏ߬ ߝߐ߫ ߟߊ߫ ߒ ߣߊ߫ ߣߌ߫ ߒ ߝߊ߬ ߦߋ߫߸ ߞߏ߫ ߜߘߍ߫ ߘߏ߲߬ ߡߊ߫ ߞߍ߫ ߏ߬ ߛߊߓߎ ߘߌ߫ ߣߌ߫ ߓߊ߯ߙߊ ߣߌ߲߬ ߕߍ߫.>> ߡߐ߱ ߡߍ߲߬ ߠߎ߬ ߦߋ߫ ߝߋ߲߫ ߛߌߦߊߡߊ߲߫ ߠߋ߬ ߟߊߘߊ߲߫ ߠߊ߫߸ ߕߓߌߟߌ߫ ߘߊ߮ ߟߎ߬߸ ߓߌ߲ߞߊ ߟߎ߬߸ ߊ߬ߟߎ߬ ߦߋ߫ ߣߌߘߐ ߘߐ߬ߞߎߘߎ߲ ߣߌ߫ ߔߏߔߏ ߕߊ ߣߌ߫ ߞߐ߲߬ߛߏ ߘߎ߬ߞߎߘߎ߲ ߏ߬ ߘߏ߫ ߟߎ߫ ߝߣߊ߫ ߟߊߘߊ߲߫ ߠߊ߫.