ߝߘߊ߬ߝߌ߲߬ߠߊ߫ ߘߏ߲߬ߘߏ߲߬ ߞߊߛߌ ߝߙߍߕߍ߫ ߂߲ ߣߌ߲߬ ߘߐ߫߸ ߊ߲ ߧߋ߫ ߞߎߡߊ߫ ߟߊ߫ ߞߏ߫ ߜߍߟߍ߲ߓߊ߫ ߟߋ߬ ߞߊ߲߬: ߕߍ߰ߒ߬ߖߘߍ߬ߘߐ ߡߍ߲ ߦߋ߫ ߡߐ߰ ߟߊߢߌ߬ߣߊ߬ ߟߴߊ߬ ߖߘߍ߬ߞߊߣߌ߲ ߠߊ߫ ߘߐ߬ߝߐ ߞߐ߫.

ߡߌ߬ߙߌ߲߬ߘߌ ߡߍ߲ ߓߊ߯ ߢߌ߬ߣߴߊ߬ ߟߊ߫ ߕߊ߬ߡߌ߲߬ߣߍ߲ ߠߎ߬ ߞߐ߫߸ ߏ߬ ߤߊ߲ߞߟߌ ߛߏ߲߬ߧߊ߬ ߘߌߡߊ߲߫ ߓߊߟߋ߬، ߝߘߊ߬ߝߌ߲߬ߠߊ߫ ߘߐ߬ߝߐ ߡߊ߫ ߘߊߡߌ߬ߣߊ߬ ߘߌ߯ߣߊ ߟߎ߫ ߣߊ߬ߣߍ߲ ߞߐ ߣߌ߲߬ ߘߐ߫߸ ߊ߬ ߘߏ߲߬ ߡߊ߫ ߘߊߡߌ߬ߣߊ߫ ߖߐ߲߬ߧߊ ߣߌ߫ ߥߙߎߣߍߦߊ ߣߊ߭ ߞߐ ߣߌ߲߬ ߘߐ߫، ߝߘߊ߬ߝߌ߲߬ߠߊ߫ ߝߊ߰ߡߊ߬ߟߊ ߟߎ߬ ߣߴߊ߬ ߡߊ߲߬ߛߊ߬ߟߊ ߟߎ߫ ߕߍ߬ߘߍ߫ ߦߋ߲߬߸ ߟߐ߲ߞߏߕߌ߯ߓߊ ߟߎ߬ ߣߌ߫ ߞߍߞߎߛߊ߲߫ ߓߟߋߓߟߋ ߟߎ߬ ߓߘߊ߫ ߕߊ߬ߡߌ߲߬߸ ߡߍ߲ ߠߎ߬ ߞߊ߬ ߞߏߓߊ ߟߎ߬ ߞߍ߫.

ߊ߲ ߠߊ߫ ߘߐ߬ߝߐ߫ ߕߊ߬ߡߌ߲߬ߣߍ߲ ߠߎ߬ ߟߐ߲߸ ߏ߬ ߞߘߐ߫ ߕߍ߫ ߞߏ߫ ߊ߲ ߧߴߊ߲ ߓߊ߲߬ ߕߐ߭ ߟߎ߬ ߘߐ߫ ߥߟߊ߫ ߞߊ߬ ߖߐ߬ ߊ߬ߟߎ߫ ߡߊ߬، ߓߊ߬ߙߌ߬߸ ߊ߬ ߦߴߊ߲ ߠߊ߫ ߢߣߊߡߦߊ ߟߌߟߌ߲ ߠߋ߬ ߓߊ߲ߓߊ߲߫ ߠߊ߫߸ ߞߵߊ߲ ߤߊ߲ߞߟߌ ߟߊߞߎߣߎ߲߫߸ ߞߵߊ߲ ߟߐ߬ ߕߎ߬ߢߊ ߝߐ߫ ߟߊ߫ ߒ߬ ߘߋ߲ ߠߎ߬ ߦߋ߫߸ ߞߊ߬ ߓߐ߲ߛߐ߲ߘߊ߫ ߥߟߌ߬ߕߐ ߟߎ߬ ߟߊߞߓߊ߫ ߝߘߊ߬ߝߌ߲߬ߧߊ ߡߊ߬.

ߕߍ߰ߒ߬ߖߘߍ߬ߘߐ ߦߋ߫ ߡߌ߬ߙߌ߲߬ߘߌ ߝߊ߲߬ߞߊ ߟߊߕߍ߰ ߟߊ߫ ߟߋ߬، ߞߎߣߎ߲ ߠߋ߬ ߦߴߊ߬ ߓߊ߲ߓߊ߲߫ ߠߊ߫.