ߘߎ߰ߦߙߍߦߙߍ ߡߍ߲ ߓߋ߬ ߘߊ߫ ߝ߭ߣߋߖ߭ߎߥߋߟߊ߫ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߕߊ߬ߡߌ߲߬ߣߍ߲ ߡߊ߬߸ ߏ߬ ߝߊ߰ߓߊ߰ߕߐ ߦߙߌߞߊ ߓߘߊ߫ ߦߟߍ߬ ߞߊ߬ ߛߋ߫ ߡߐ߰ ߅ ߀߆߉ ߘߐ߫ ߡߎ߬ߕߎ߲߬.
ߝ߭ߣߋߖ߭ߎߥߋߟߊ߫ ߝߊ߬ߛߏ߬ ߜߙߊ ߞߊ߲ߕߌ߮ ߖ߭ߐߙߗ߭ ߙߏߘߙߌߖߍߖ߭ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߴߊ߬ ߟߊ߫ ߘߍ߬ߞߙߏߝߏ ߖߊ߬ߕߋ߬ߘߊ ߟߊ߫߸ ߞߊ߬ ߢߊߝߐߟߌ߫ ߞߍ߫ ߞߊ߬ ߓߍ߲߬ ߘߎ߰ߦߙߍ߬ߦߙߍ߬ ߞߏ ߣߌ߲߬ ߡߊ߬.
ߙߏߘߙߌߖߍߖ߭ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߦߙߌߞߊ ߓߘߊ߫ ߡߊߞߊ߬ߝߏ߫ ߡߐ߰ ߁߃߉ ߟߊ߫߸ ߞߊ߬ ߛߋ߫ ߡߐ߱ ߅ ߀߆߉ ߘߐ߫߸ ߖߐߞߌߓߊ߯ߕߐ ߦߙߌߞߊ ߝߣߊ߫ ߓߘߊ߫ ߛߋ߫ ߡߐ߰ ߁߆ ߇߄߀ ߘߐ߫.
ߙߏߘߙߌߖߍߖ߭ ߞߵߊ߬ ߟߊߢߌߣߌ߲߫ ߊ߬ߟߎ߬ ߟߊ߫ ߘߎ߰ߘߋ߲ ߠߎ߫ ߝߍ߬߸ ߞߏ߫ ߊ߬ߟߎ߬ ߝߋ߲߫ ߞߊߣߊ߬ ߛߋ߫ ߜ߭ߎߥߙߊ߫߸ ߡߐ߰ ߛߌߦߊߡߊ߲߫ ߝߊ߰ߣߍ߲߫ ߦߋ߲߬ ߡߍ߲ ߘߐ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫، ߖߐ߲߰ߛߴߊ߬ߟߎ߬ ߟߊ߫ ߦߋ߲߬ ߕߊ߯ߟߌ ߞߊߣߊ߬ ߞߍ߫ ߕߙߎ߬ ߘߌ߫ ߞߊ߬ ߢߌߣߌ߲ߠߌ߲ߠߊ ߟߎ߬ ߣߌ߫ ߡߞߊ߬ߘߊ߲߬ߠߌ߲߬ߠߊ ߟߎ߬ ߢߊߞߘߐߣߐ߯ ߊ߬ߟߎ߬ ߟߊ߫ ߓߊ߯ߙߊ ߘߐ߫.
ߝߊ߬ߛߏ ߞߌ߬ߓߊ߬ߙߏ߬ߘߊ ߟߎ߬ ߟߊ߫ ߝߐߟߌ߫ ߘߐ߫߸ ߡߊߦߌߞߋߌߦߊ߫ ߛߊ߲ߡߊߘߊ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߛߌߡߐߣ ߓߏߟߊߝ߭ߊߙ ߡߍ߲ ߦߋ߫ ߖߡߊ߬ߣߊ ߞߣߐߟߊ ߣߴߊ߬ ߞߐߞߊ߲ߠߊ ߛߊ߲ߡߊߘߊ߲ ߠߎ߬ ߘߐ߫ ߖߌ߰ߣߌ߬ߦߟߍ߬ ߦߙߐ߬ߓߊ ߘߏ߫ ߘߌ߫߸ ߏ߬ ߡߊ߫ ߓߊ߯ߙߊ ߘߊߡߌ߬ߣߊ߬ ߡߎߣߎ߲߬ ߤߊ߲߯ ߕߋ߲߬߸ ߞߵߏ߬ ߞߎ߲߭ ߞߍ߫ ߘߎ߰ߦߙߍߦߙߍ ߕߌߢߍߟߌ ߘߌ߫.
ߞߵߊߟߎ߫ ߦߟߌߓߌ߬ߟߊ߬߸ ߘߎ߰ߦߙߍߦߙߍ߫ ߝߌ߬ߟߊ߫ ߟߋ߬ ߞߍ߫ ߘߊ߫ ߝ߭ߣߋߖ߭ߎߥߋߟߊ߫.
ߞߊ߬ߝߏ߫ ߘߍ߬ߣߍ߲ ߘߎ߰ߘߐ߬ ߞߊߙߊ߲ ߘߋ߬ߙߌ߬ߘߊ ߞߵߊ߬ ߦߌ߬ߘߊ߬ ߞߏ߫ ߘߎ߰ߦߙߍߦߙߍ߫ ߝߌ߬ߟߊ ߡߍ߲ ߞߍ߫ ߘߊ߫߸ ߞߋߟߋ߲ ߞߛߊߞߊ ߕߎ߲߬ ߦߋ߫ ߇،߂ ߣߌ߫ ߇،߅ ߟߋ߬ ߘߌ߫߸ ߏ߬ ߟߋ ߞߍ߫ ߘߊ߫ ߝ߭ߣߋߖ߭ߎߥߋߟߊ߫ ߞߣߐ߫ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬߸ ߡߌ߬ߛߍ߲߬ ߃߉ ߘߐߙߐ߲߫ ߞߣߐ߫.
ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߥߙߎߞߌ ߢߍߥߟߊ (PNUD) ߞߵߊ߬ ߟߊߛߋ߫ ߥߊ߬ߛߌ߬ߥߙߊ ߕߋ߬ߟߋ߫ ߂߆ ߡߊ߬߸ ߞߏ߫ ߕߌߢߍߟߌ ߡߍ߲ ߞߍߣߍ߲߫ ߓߟߏߝߋ߲߫ ߞߎ߲ߘߊ߫߸ ߏ߬ ߘߌ߫ ߘߟߊ߫ ߥߊߘߌ ߥߟߎ߬ߡߊ߬ ߆،߇ ߓߐ߫.
ߖߡߊ߬ߣߊ ߣߌ߲߬ ߞߣߐ߫ ߕߋ߲߬߸ ߢߌߣߌ߲ߠߌ߲ ߦߴߌߘߐ߫߸ ߡߞߊ߬ߘߊ߲߬ߠߌ߲ ߦߴߌߘߐ߫߸ ߊ߬ߝߐ߫ ߝߊ߰ߓߊ߰ߕߐ ߦߙߌߞߊ ߕߍ߫ ߕߊ߬ߡߌ߲߬ ߡߊߞߊ߬ߝߏ߬ ߟߊ߫ ߓߊ߬؟ ߊ߬ ߣߌ߫ ߖߐߞߌߓߊ߯ߕߐ ߟߎ߬ ߝߣߊ߫، ߓߊߏ߬߸ ߢߌߣߌ߲ߠߌ߲ ߡߊ߫ ߟߊߟߐ߬ ߤߊ߲߯ ߕߋ߲߬.
Aucun commentaire pour le moment.