ߊ߬ ߕߟߋ߬ ߦߙߌߞߊ ߟߋ߬ ߕߋ߲߬߸ ߞߊߡߋߙߎ߲ߣ ߞߊ߲ߕߌ߮ ߕߍ߫ ߦߋ߫ ߟߊ߫ ߢߊ ߟߊ߫߸ ߊ߬ ߦߋߟߌ߫ ߟߊߓߊ߲ ߞߍ߫ ߘߊ߫ ߡߐ߱ ߟߎ߬ ߓߟߏ߫ ߥߊ߬ߛߌߥߊ߬ߙߊ ߕߟߋ߬ ߇ ߟߋ߬ ߡߊ߬ ߂߀߂߆ ߟߊ߫ ߊ߬ ߟߊ߫ ߋߙߐߔߎ߫ ߕߊ߯ߟߌ ߛߋ߲߭ ߝߍ߬߸ ߏ߬ ߟߋ ߞߎߡߊ ߜߊ߬ߣߍ߲߫ ߡߐ߱ ߟߎ߬ ߓߟߏ߫ ߕߋ߲߬߸ ߞߏ߫ ߞߊ߬ ߖߡߊ߬ߣߊ ߢߍߡߐ߮ ߟߊ߫ ߞߏ ߟߊߜߍ߫.

 

ߞߊ߬ߦߌ߯ ߔߏߟ ߓߌߦߊ߫ ߓߐ߫ ߘߊ߫ ߖߡߊ߬ߣߊ ߞߣߐ߫ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߇ ߡߊ߬߸ ߊ߬ ߣߴߊ߬ ߡߛߏ߬ ߛߊ߲ߕߊߟ ߓߌߦߊ߫ ߟߋ߬ ߕߊ߯ ߘߊ߫ ߕߟߋ߬ߝߌ߬ߟߊ߬ߣߍ߲߬ ߞߍ߫ ߞߊ߲ߡߊ߬ ߋߙߐߔߎ߬߸ ߏ߬ ߕߟߋ߬ ߄߀ ߠߋ߬ ߕߋ߲߬ ߊ߬ߟߎ߫ ߟߌ߬ߤߟߊ߫ ߡߊ߫ ߟߐ߲߫.

 

ߗߋ߳ߣ ߊߝߙߌߞߌ߬ ߟߊ߫ ߝߐߟߌ߫ ߘߐ߫ ߞߊ߬ߙߌ߬ߝߐ ߕߋ߬ߟߋ߫ ߃߸ ߞߏ߫ ߔߏߟ ߓߌߦߊ߫ ߛߊ߲߬ ߉߃ ߕߊ߯ߣߍ߲߫ ߛߎߥߌߛ ߟߋ߬߸ ߊ߬ ߦߋ߫ ߖ߭ߣߋߝ߭ߌߍߝ߭ߎ߬ ߓߎ߬ߙߋ߬ ߘߎ߲߬ߘߎ߬ߡߊ߬ ߘߊ߲ߘߊߛߏ ߟߴߊ߬ ߘߊ߲ߘߊ߫ ߞߊ߲ߡߊ߬ ߊ߬ ߣߴߊ߬ ߟߊ߫ ߞߐߙߍ ߡߐ߱ ߘߏ߫.

 

ߟߌ߬ߤߟߊ ߏ߬ ߞߏ߬ߣߌ߲ ߡߊ߫ ߡߊ߫ ߕߎ߬ߢߊ߲߬ߕߋ߬ߦߊ߬ ߡߎߣߎ߲߬ ߞߊߡߋߙߎߣ ߞߊ߲ߕߌ߯ߘߊ ߓߟߏ߫߸ ߕߎߣߎ߲ߠߌ߲߫ ߞߎ߲߬ߘߐ߬ߖߊ߲ ߣߌ߲߬ ߞߎߡߊ߫ ߓߘߎߓߘߎ ߓߘߊ߫ ߛߌߦߊߦߊ߫ ߖߡߊ߬ߣߊ ߞߣߐ߫ ߕߋ߲߬ ߞߏߛߓߍ߫، ߝߐ߫߸ ߝߊ߲߬ߞߊߛߌ߬ߣߊ ߟߎ߬ ߟߊ߫ ߥߛߊ߬ߘߋ߲߫ ߗ߭ߊ߲߬ ߡߌ߬ߞߍߟ ߣߌ߲ߗߋ߫ ߓߘߴߊ߬ ߞߊ߲ߠߊߓߐ߫ ߛߌ߰ߞߊ߲ ߟߊ߬ߟߌ߬ߟߊ ߟߎ߫ ߡߊ߬߸ ߞߏ߫ ߞߊ߬ ߣߌ߲߬ ߞߏ ߖߎ߯ߓߍ߫ ߞߏߛߓߍ߫. ߞߕߌߟߐ߲ߠߊ߫ ߗ߭ߊ߲ ߞߊߟߑߝ߭ߍ߲߫ ߊ߬ߓߊ߮ ߏߦߏߣߏ߫ ߝߣߊ߫ ߞߊ߬ ߢߌ߬ߣߌ߲߬ߞߊ߬ߟߌ ߏ߬ ߞߍ߫ ߞߊߡߋߙߎߣ ߖߌ߬ߦߊ߬ߞߊ߲߬ߛߏ ߟߊ߫.

 

ߞߊߡߋߙߎߣ ߓߍ߯ߦߊ ߞߋ߬ߟߋ߲߬ߧߊ ߞߊ߲߫ ߞߏ߫ ߞߎ߲߬ߠߊ߬ߛߌ߮ ߦߋ߫ ߣߌ߲߬ ߞߏ ߟߊߜߍ߫ ߛߊ߫ ߡߊ߬ߝߊ ߘߌ߫ ߘߏ߲߬ ߖߊ߬ߡߊ ߘߐ߫.

 

ߓߊ߬ߙߌ߬߸ ߔߏߟ ߓߌߦߊ߫ ߕߙߐ߬ߝߍ߬ ߡߐ߮ ߟߎ߬ ߞߊ߲߫ ߞߏ߫ ߕߎ߬ߢߊ߬ ߕߍ߫ ߡߐ߱ ߟߎ߬ ߟߊ߫ ߞߎߡߊ߫ ߝߐߣߍ߲ ߏ߬ ߟߎ߬ ߘߐ߫߸ ߞߊ߲ߕߌ߯ߘߊ ߓߋߟߋ߲ߕߌ߯ ߞߙߌߛߑߕߐߝ ߡߌߍ߲ ߖ߭ߐߞ ߞߊ߲߫ ߞߏ߫ ߔߏߟ ߓߌߦߊ߫ ߞߍ߲ߘߍ߫ ߊ߬ ߘߏ߲߬ ߦߋ߫ ߖߡߊ߬ߣߊ ߞߎ߲߬ߠߊ߫ ߝߣߊ߫،ߞߐߛߊ߬ߦߌ߬ ߟߏ߲߫ ߞߏ߬ߣߌ߲߬ ߕߴߊ߬ ߟߊ߫ ߡߎߣߎ߲߬.