ߎ߳ߍߡߑߔߋ ߒߞߏ ߟߊ߬ߥߊ߲߬ߞߊ߲߬ߠߌ߲߬ߠߊ ߟߎ߬ ߟߊ߫ ߗߋߦߊߟߌ ߦߋ߫ ߞߊ߲ߞߊ߲߫ ߕߋ߲߬߸ ߊ߬ߟߎ߬ ߣߌ߫ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߫ ߞߊ߬ ߢߐ߲߯ߦߋ߫ ߞߊ߬ߙߊ߲߬ߝߊ߫ ߣߊ߲߬ߝߏ߯ ߌߛߎ߬ߡߊ߬ߌ߯ߟߊ߫ ߖߊ߰ߓߌ߬ ߓߘߊ، ߞߊ߬ ߓߍ߲߬ ߓߙߊߡߊߖߊ߲ߓߊ߲ ߡߊ߬ ߎ߳ߍߡߑߔߋ ߛߎߥߊ߲ߘߌ߫ ߞߏ ߘߐ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߘߐ߫߸ ߞߙߎߞߊ ߏ߬ ߡߍ߲ ߣߌ߫ ߖ߭ߋߍߡߑߘߋ ߦߋ߫ ߢߌ߲߬ߢߐ߲߰ߡߊ ߘߌ߫.

ߜߍ ߘߐ߫ ߦߋ߲߬ ߌߞߘߐ߫߸ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߋߦߊߟߌ ߣߌ߲߬ ߞߎ߲߭ ߦߋ߫ <<ߢߣߊߕߊߟߌ ߡߊ߲߬ߘߌ߬ߦߊ߬ ߢߌߣߌ߲>> ߠߋ߬ ߘߌ߫ ߖߡߊ߬ߣߊ ߞߣߐߟߊ ߘߐ߫߸ ߞߊ߬ <<ߛߎߥߊ߲ߘߟߌ ߞߍߢߊ ߟߊߓߌ߬ߟߊ߫>> ߡߐ߱ ߟߎ߬ ߟߊ߫ ߎ߳ߍߡߑߔߋ ߦߋ߫، ߊ߬ߟߋ ߡߍ߲ ߦߋ߫ <<ߛߙߍߘߍ ߆߲ ߘߐ߫ ߢߣߊߕߊߟߌ߫ ߕߍ߯ߟߍ߲ ߞߊ߲߬>>، ߣߝߊ߬ߖߌ߫ ߛߏ߬ߙߌ߬ ߟߊ߫ ߝߐߟߌ߫ ߘߐ߫߸ ߊ߬ߟߎ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߬ ߞߍ ߞߊ߬ ߣߌ߲߬ ߞߏ ߞߐߡߊߓߌ߲ߓߌ߲߫ ߣߌ߲߬ ߢߊ߸ ߏ߬ ߞߎ߲߭ ߦߋ߫ ߛߋ߲߬ߕߊ߬ ߛߌߦߊߡߊ߲߫ ߞߍ ߟߋ߬ ߘߌ߫ ߝߊ߬ߛߏ߬ ߞߊ߲ ߠߎ߬ ߟߊ߫ ߣߊ߬ߝߊ ߛߌߟߊ ߞߊ߲߬߸ ߦߏ߫ ߛߌ߰ߞߊ߲ ߞߍ ߞߊ߬ ߝߊ߬ߛߏ߬ ߞߊ߲ ߠߎ߬ ߟߊߞߎߎ߲߬ߠߊ߬ߛߌ߰ߦߊ߫، ߊ߬ ߞߵߊ߬ ߦߌ߬ߘߊ߬ ߞߏ߫: <<ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߓߍ߯ ߓߘߊ߫ ߞߍ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲ ߘߌ߫.>>

ߞߙߎߞߊ ߟߊ߬ߛߋ߬ߟߌ߬ߟߊ ߢߌ߲߬ ߠߎ߫ ߞߵߊ߬ߟߎ߬ ߞߊ߲ߠߊߘߌ߫ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߞߙߎߞߍ߬ߙߍ ߡߊ߬߸ ߊ߬ ߣߌ߫ ߝߊ߬ߛߏ ߛߓߍߟߌ ߟߎ߬߸ ߒߞߏ ߓߊ߬߸  ߊߘߑߟߊߡ ߓߊ߬߸ ߞߏ߫ ߓߍ߯ ߦߋ߫ ߎ߳ߍߡߑߔߋ ߞߐߡߊߓߌ߲ߓߌ߲߫߸ ߊ߬ߟߋ ߡߍ߲ ߣߌ߫ ߖ߭ߋߍߡߑߘߋ ߓߟߏ߫ ߦߋ߫ ߢߐ߲߯ ߓߟߏ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߖߊ߬ߕߋ߬ ߘߐ߫ <<ߡߐ߰ ߟߎ߫ ߟߋ߬ ߞߙߎߞߊ ߣߌ߲߬ ߢߍ߫߸ ߡߍ߲ ߠߎ߬ ߘߌ߫ ߛߋ߫ ߝߊ߬ߛߏ߬ ߞߊ߲ ߠߎ߬ ߣߌ߭ ߘߌ߫ ߟߴߊ߬ߟߎ߫ ߡߊ߬߸ ߞߵߊ߬ߟߎ߬ ߓߟߏߦߊ߫ ߝߣߊ߫.>>

ߗߋߘߋ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߖߡߊ߬ߣߊ ߘߎ߰ߓߊ߬ ߛߌߦߊߡߊ߲߫ ߞߍ߫߸ ߞߌ߲ߘߌߦߊ߫߸ ߡߊ߯ߡߎ߲߫߸ ߝߙߊߣߊ߫߸ ߊ߬ ߣߌ߫ ߞߊ߲ߞߊ߲߫، ߞߊ߬ ߘߏ߲߬ ߘߊ߫ ߟߊ߫ ߞߊ߬ ߓߐ߫ ߘߊ߫ ߟߊ߫߸ ߞߵߊ߬ߟߎ߫ ߟߐ߬ ߘߊ ߓߍ߯ ߟߊ߫ ߞߋߟߋ߲ߞߋߟߋ߲߫߸ ߞߊ߬ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߬ ߞߟߊߓߎߘߏ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߌ߫ ߎ߳ߍߡߑߔߋ ߓߊ߲߫ ߘߊ߫ ߛߎߥߊ߲ߘߌ߫ ߟߊ߫ ߝߊ߬ߛߏ߬ ߛߙߍߘߍ ߞߊ߲߬߸ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߕߐ߭ ߡߍ߲ ߠߎ߬ ߝߣߊ߫ ߕߐ߮ ߦߋ߫ ߛߙߍߘߍ ߟߎ߬ ߘߐ߫ ߕߐ߯ߞߋߟߋ߲ߡߊ ߣߌ߫ ߞߊ߬ߝߏ߬ߙߋ߲ ߕߊ ߟߎ߬ ߘߐ߫߸ ߓߍ߯ ߦߴߏ߬ ߟߎ߫ ߟߋ߬ ߛߎߥߊ߲ߘߌ߫߸ ߏ߬ ߟߎ߬ ߟߊ߫ ߛߎߘߊ߲ ߠߋ߬ ߝߊ߬ߛߏ߬ ߞߊ߲ ߠߊ߫ ߛߎߘߊ߲ ߘߌ߫.

ߣߌ߲߬ ߞߏ ߞߎ߲߭ߝߊ߰ ߘߊ߫ ߛߍߥߊ ߖߍ߬ߘߍߖߍ߬ߘߍ ߟߋ߬ ߘߐ߫߸ ߝߊ߬ߛߏ߬ ߞߊ߲ ߞߐߡߊߓߌ߲ߓߌ߲ߠߊ ߟߎ߬ ߝߣߊ߫ ߞߊ߬ ߟߊ߬ߤߘߌ߫ ߕߊ߬ ߞߋߟߊ߫ ߟߊߛߋ߫ ߞߏ ߘߐ߫ ߕߐ߬ߢߐ߲߮ ߠߎ߫ ߡߊ߬߸ ߊ߬ ߣߌ߫ ߞߵߊ߬ߟߎ߬ ߟߊ߫ ߓߌ ߣߴߊ߬ߟߎ߬ ߞߟߊߓߎ ߦߌ߬ߘߊ߬ ߛߎ ߣߌ߫ ߕߋ߬ߟߋ߸ ߛߊ߫ ߎ߳ߍߡߑߔߋ ߟߋ߬ ߘߌ߫ ߛߎߘߊ߲߫.