ߛߌߞߊ ߓߘߊ߫ ߓߊ߲߫ ߞߊ߲߫ ߞߊ߬ߝߏ߬ߙߋ߲߬ߕߌ ߞߏ ߘߐ߫ ߡߎ߬ߕߎ߲߬ ߝߛߊߦߌ߫، ߞߊ߬ߕߎ߲߯߸ ߓߌߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂ ߟߋ߬ ߞߍ߫ ߘߊ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߟߊ߫ ߟߊ߫ ߟߊߒߠߦߊ ߟߊ ߘߌ߫ ߟߊ߬ߡߌߣ ߟߊߓߏ߫ ߞߙߎ߬ߡߊ߬ ߘߐ߫߸ ߊ߬ߟߋ ߡߍ߲ ߦߋ߫ ߖ߭ߋߍߡߑߘߋ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߞߵߊ߬ ߟߊߛߌ߰ ߞߊ߲ߞߊ߲߫ ߞߊ߬ߝ߬ߏߙߋ߲ ߞߎ߲߬ߠߊ߫߸ ߊ߬ ߞߊ߬ ߞߊ߲ߢߊ߫ ߃߁ ߠߋ߬ ߛߐ߬ߘߐ߬ ߄߅ ߘߐ߫߸ ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߦߋ߫ ߢ߃ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߏ߬ ߞߊ߬ ߞߊ߲ߢߊ߫ ߁߄ ߛߐ߬ߘߐ߲߬ ߄߅ ߘߐ߫، ߓߊߏ߬߸ ߊ߬ߟߎ߫ ߡߐ߰ ߝߌ߬ߟߊ ߟߋ߬ ߞߵߊ߬ߟߎ߬ ߓߟߏ ߟߊߦߍ߬ߟߍ߫ ߞߊ߬ߝߏ߬ߙߋ߲߬ߕߌ߰ߦߊ ߞߐ߫.

߉ߕߎߡߊ ߟߋ߬ ߟߊ߫߸ ߞߏߟߊߕߍ߮ ߟߎ߬ ߞߵߊ߬ߟߎ߫ ߞߎ߲߬ߛߌ߲߫ ߟߊ߬ߘߍ߬ ߝߏ߮ ߞߣߐߟߊ ߟߊ߫، ߞߏ߫ ߘߊ߲ߘߐ߫ ߞߍ߫ ߞߊ߲ߡߊ߬: ߞߊ߬ ߟߥߊ߬ߟߌ߬ߟߌ߬ ߛߋߓߊ߯ߦߊ ߛߎߥߊ߲ߘߌ߫߸ ߞߊ߬ ߞߊ߬ߝߏ߬ߙߋ߲߬ߕߌ߮ ߕߐ߯ߘߐߕߍ߰߸ ߞߊ߬ ߛߙߍߞߍ ߟߎ߬ ߛߎߥߊ߲ߘߌ߫ ߜߎ߲߬ߘߎ߬ ߘߐ߫ ߢߣߊߕߊߟߌ ߘߐ߫، ߞߏߟߊߕߍ߮ ߟߎ߫ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߕߊ߬ߡߌ߲߬ ߘߊ߫ ߕߋߟߋ߲ ߣߌ߫ ߜߍߦߊ ߟߋ߬ ߞߣߐ߫߸ ߓߌ߬ߟߊ߬ߒ߬ߘߐ߬ ߝߏߦߌ߬ ߡߊ߫ ߓߌ߬ߟߴߊ߬ ߘߐ߫.

ߞߊ߬ߝߏ߬ߙߋ߲߬ߕߌ߰ ߞߎߘߊ߸ ߟߊ߬ߡߌߣ ߟߊߓߏ ߞߙߎ߬ߡߊ߬ ߛߍߥߊߣߍ߲ ߞߊ߬ ߞߎߡߊ ߕߊ߬ ߞߊ߬ ߓߍ߲߬ ߊ߬ ߛߎߥߊ߲ߘߌ ߡߊ߬: <<ߒߠߋ ߞߋߟߋ߲߫ ߡߊ߫ ߛߎߘߊ߲߫߸ ߖ߭ߋ.ߍߡߑߘߋ ߓߍ߯ ߟߋ߬ ߛߎߘߊ߲ߣߍ߲߫߸ ߖ߭ߋ.ߍߡ.ߘߋ ߞߋߟߋ߲߫ ߘߏ߲߬ ߕߍ߫ ߘߋ߬߸ ߞߊ߲ߞߊ߲߫ ߓߍ߯ ߟߋ߬ ߛߎߘߊ߲ߣߍ߲߫، ߊ߬ ߛߋ߲߬ߢߊ߬ ߝߟߐ ߟߋ߬ ߕߋ߲߬߸ ߣߌ߲߬ ߛߎ߮ ߦߋ߫ ߞߍ߫ ߞߊ߲ߞߊ߲߫، ߓߊߏ߬߸ ߣߌ߲߬ ߛߎ߮ ߕߎߧ߲߬ ߓߊ߯ ߞߍ߫ ߞߍ߫ ߟߊ߫ ߞߘߐ߬ߡߊ߲߬߸ ߣߊ߲߬ߕߌ߮ ߟߎ߫ ߕߘߍ߬ ߘߌ߫ ߡߊߞߟߌ߫߸ ߡߊ߲߬ߞߊ߲ ߕߘߍ߬ ߘߌ߫ ߓߐ߫ ߊ߬ ߘߐ߫.>>ߊ߬ ߞߵߏ߬ ߝߐ߫߸ ߞߣߊ߬ߕߏ߫ ߊ߬ ߝߙߊ߬ ߟߊ߫ ߞߎߡߊ ߞߊ߲߬ ߝߣߊ߫߸ ߞߏ߫: <<ߞߵߊ߬ ߦߌߘߊߞߊ߬ ߞߊ߲ߞߊ߲ߞߊ ߟߎ߬ ߟߊ߫߸ ߊ߲ ߣߊ߬ߣߍ߲߬ ߕߍ߫ ߊ߬ߟߎ߬ ߞߊ߲ߡߊ߬߸ ߊ߲ ߣߊ߬ߣߴߊ߬ߟߎ߬ ߢߍ߫ ߟߋ߬.>>

ߢߣߊߕߊߟߌ ߡߍ߲ ߞߍ߫ ߘߊ߫ ߘߓߊ߬ߕߊ߫ ߕߊ߬ߡߌ߲߬ߣߍ߲ ߕߟߋ߬ ߃߁ ߡߊ߬߸ ߏ߬ ߞߐ ߟߋ߬ ߞߍߣߍ߲߫ ߟߊ߬ߛߌ߰ߟߌ ߢߌ߲߬ ߘߌ߫، ߊ߬ߟߋ ߦߋ߫ ߞߏߓߊ߫ ߟߋ߬ ߘߌ߫߸ ߓߍ߯ߦߊ ߛߌߟߊ ߕߊ߯ߡߊ ߘߐ߫ ߖߌ߬ߣߍ߬ ߓߟߏ߫، ߞߊ߲ߞߊ߲߫ ߞߣߐ߫߸ ߓߘߍ߬ߓߘߍ߬ߟߌ߬ ߝߊ߲߬ߞߊ߬ ߣߊ߯ߣߌ߲߫ ߠߋ߬ ߕߍ߬ߘߍ߫ ߜߊ߬ߛߊ ߘߐ߫: ߊ.ߍߙ.ߔߋ߸ ߓߊߛߓߊ߬ߕߌ߫ ߞߊ߬ ߡߍ߲ ߞߐߦߌ߬ߘߊ߬، ߔߊߘߍߛ߸ ߡߎߛߊ߫ ߞߊ߬ߓߊ ߕߍ߬ߘߍ߫ ߏ߬ ߢߍߝߍ߬، ߡߊ߲߬ߖߎ߫ ߡߐ߬ߙߐ߫ ߛߘߌ߬ߓߋ߬ ߟߊ߫ ߎ߳.ߘߋ.ߔߋ.ߖ߭ߋ߸ ߊ߬ ߣߌ߫ ߖ߭ߋ.ߍߡ.ߘߋ߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߟߵߏ߬ ߘߌ߫.

ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߣߊ߬ ߘߊ߫ ߝߌߟߊߣߊ߲ߦߊ ߟߊ߫ ߖߡߊ߬ߕߌ߰ߦߊ ߘߐ߫߸ ߊ߬ߟߋ ߡߴߊ߬ ߟߊ߫ ߖߌ߰ߟߊ߬ߝߐߦߊ ߘߏ߲߰߸ ߊ߬ ߞߏ߬ߣߌ߲ ߞߊ߬ ߢߣߊߕߊߟߌ ߕߊ߬ߡߌ߲߬ ߢߊ ߝߐ߫: <<ߡߐ߰ ߕߊ߲߫ ߓߊ߯ ߊ߬ ߓߟߏ ߟߊߦߟߍ߬ ߝߋ߲߫ ߞߋߟߋ߲ ߞߐ߫߸ ߛߌ߰ ߦߌ߬ߟߊ߬ ߞߋߟߋ߲߫ ߠߋ߬ ߘߏ߲߬ ߦߋ߫߸ ߝߏ߫ ߡߐ߰ ߞߋߟߋ߲߫ ߠߋ߬ ߟߊߛߌ߰، ߓߍ߯ ߕߴߛߋ߫ ߟߊߛߌ߰ ߟߊ߫ ߢߊ߫ ߛߌ߫ ߞߊ߲߬، ߊߟߊ߫ ߞߵߊ߬ ߞߍ߫߸ ߊ߲ ߡߐ߰ ߝߌ߬ߟߊ߫ ߟߋ߬ ߞߵߊ߲ ߓߟߏ ߟߊߥߟߌ߬߸ ߝߏ߫ ߡߐ߰ ߞߋߟߋ߲߫ ߠߋ߬ ߝߣߊ߫ ߦߋ߫ ߕߊ߬ߡߌ߲߫ ߏ߬ ߘߐ߫.>> ߊ߬ ߞߵߏ߬ ߦߌ߬ߘߊ߬. ߞߵߊ߬ ߟߴߊ߬ ߞߊ߲߬ ߞߏ߫ ߊ߬ ߘߴߊ߬ ߛߋߞߏ ߞߍ߫ ߞߙߎ߫ ߞߎߘߊ ߢߌ߲߬ ߠߎ߬ ߞߐߡߊߓߌ߲ߓߌ߲ ߘߐ߫ ߢߊ ߓߍ߯ ߡߊ߬߸ ߞߊ߲ ߠߊߛߓߊ߬ߕߌ ߛߌߟߊ ߞߊ߲߬.

ߓߊߛߓߊ߬ߕߌ߫ ߛߘߌ߬ߓߋ߫ ߞߵߊ߬ ߘߊߣߐ ߓߏ߫ ߦߙߎ߬ߞߎ߬ߦߙߎ߬ߞߎ߬ ߞߏ ߘߏ߫ ߟߎ߫ ߡߊ߬ ߣߌ߲߬ ߞߏ ߘߐ߫، ߓߊߏ߬߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߞߏ߫ ߛߌߦߊߡߊ߲߫ ߠߋ߬ ߓߘߊ߫ ߕߊ߬ߡߌ߲߬>> ߊ߬ ߓߊ߲߫ ߘߊ߫ ߞߵߊ߬ ߝߐ߫ ߦߙߐ߫ ߜߘߍ߫ ߝߣߊ߫ ߘߐ߫߸ ߞߏ߫ ߊ߬ ߘߵߊ߬ ߛߋߞߏ ߞߍ߫߸ ߟߊ߬ߢߌߣߌ߲ ߡߍ߲ ߦߴߊ߬ ߟߊ߫ ߞߊ߲ߞߊ߲߫ ߠߊߛߓߊ߬ߕߌ ߘߐ߫߸ ߏ߬ ߦߋ߫ ߞߍ߫، ߣߴߏ߬ ߡߊ߫ ߞߍ߫߸ ߊ߬ ߘߌ߫ ߛߍ߱ ߘߏ߲߬߸ ߏ߬ ߦߋ߫ ߞߍ߫، ߣߴߏ߬ ߟߋ ߡߊ߫ ߓߍ߲߬ ߛߊ߫߸ ߊ߬ ߘߌ߫ <<ߓߙߐߕߐ߫>> ߞߵߊ߬ ߛߋ߲߬ߓߐ߫.

ߒ߬ߓߊ߬߸ ߞߊ߲ߞߊ߲߫ ߞߊ߬ߝߏ߬ߙߋ߲ ߞߏ߬ߣߌ߲ ߓߘߊ߫ ߞߐߜߍ߫ ߞߎߘߊ߫ ߘߟߊߞߊ߬ ߡߎ߬ߕߎ߲߬߸ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߓߘߊ߫ ߕߊ߯߸ ߡߊ߬ߝߊ ߘߐ߫߸ ߖߛߎ߬ߛߎߡߊ ߘߐ߫߸ ߛߌߟߊ ߓߘߊ߫ ߘߌ߫ ߞߙߎ߫ ߞߎߘߊ߫ ߡߊ߬߸ ߡߍ߲ ߠߎ߬ ߛߎߥߊ߲ߘߌߣߍ߲߫ ߛߏ߫ ߞߣߐ߫ ߡߐ߮ ߟߎ߬ ߓߟߏ߫.