ߡߊ߬ߟߌ߬ߞߊ ߘߏ߫ ߟߋ߬ ߣߐ߬ ߞߐ߲߬ߛߏ߬ ߞߎߘߊߞߎߘߊ ߣߌ߬ ߟߊ߫ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫߸ ߞߵߏ߬ ߞߍ߫ ߊ߬ ߞߟߊߓߎߘߏ߲߬ ߝߋ߲ ߣߴߊ߬ ߟߊߘߌߦߊ ߘߌ߫߸ ߊ߬ ߟߊ߫ ߛߌ߬ߟߡߊ߬ߦߊ ߛߊ߲ߞߘߐߕߊ߭ ߓߊ߯ߙߊ ߟߎ߬ ߘߐ߫߸ ߘߌ߯ߣߊ ߟߊߛߋ ߣߌ߫ ߡߐ߱ ߟߎ߬ ߓߟߏߘߏ߲߭ ߞߏߛߐ߲߬ ߢߐ߲߮ ߓߟߏ߫.


ߞߐ߲߬ߛߏ ߣߊ߬ ߘߊ߫ ߞߊ߲ߞߊ߲߫ ߞߎߣߎ߲߬ ߞߍ߲ߘߍߟߏ߲ ߕߋ߬ߟߋ ߟߋ߬ ߘߐ߫، ߝߎߣߎ߲ߛߙߋ ߡߍ߲ ߞߵߊ߬ ߘߌ߫ ߞߊ߬ߙߊ߲߬ߡߐ߯ ߛߏ߬ߟߏ ߡߊ߬߸ ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ ߞߵߊ߬ ߕߐ߮ ߕߏ߫ ߜߎ߬ߕߙߎ ߞߣߐ߫߸ ߞߏ߫ ߊ߬ ߣߐ߬ ߊ߬ ߘߌ߫ ߟߊ߫ ߞߊ߬ߙߊ߲߬ߡߐ߯ ߛߏ߬ߟߏ ߡߊ߬߸ ߊ߬ ߟߊߘߌߦߊߢߍ ߟߋ߬ ߞߏߛߐ߲߬߸ ߊ߬ ߣߌ߫ ߓߏ߲߬ߧߊ ߣߌ߫ ߜߟߌߦߊ ߡߍ߲ ߦߴߊ߬ ߓߟߏ߫ ߞߵߊ߬ ߟߐ߬ ߖߌ߬ߣߍ߫ ߞߊ߬ߙߊ߲߬ߡߐ߰ߗߍ߬ ߛߘߊߡߊ ߡߊ߬.


ߞߐ߲߬ߛߏ ߡߍ߲ ߘߌߣߴߊ߬ ߡߊ߬ ߣߌ߲߬߸ ߏ߬ ߡߐ߬ߟߐ߲ ߠߊ߫ ߥߊ߬ߙߊ ߕߍ߫ ߘߋ߬، ߓߊ߬ߙߌ߬߸ ߊ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߞߏ ߕߍ߫ ߡߊ߬ߟߌ߬ߞߊ߬ߗߍ ߣߌ߲߬ ߓߟߏ߫ ߞߏߣߍ߲߫ ߘߌ߫، ߝߣߊ߫߸ ߡߊ߬ߟߌ߬ߞߊ ߥߙߍ ߟߋ߬ ߦߋ߲߬߸ ߡߍ߲ ߠߎ߬ ߦߋ߫ ߞߊ߬ߙߊ߲߬ߡߐ߯ ߛߏ߬ߟߏ ߞߊ߬ߣߌ߲߬ߓߊ߮ ߘߌ߫߸ ߊ߬ߟߎ߬ ߦߋ߫ ߣߊ߬ ߟߴߊ߬ ߟߊ߫ ߞߏ ߟߎ߬ ߘߐ߫.


ߞߐ߲߬ߛߏ ߣߌ߲߬ ߟߊ ߞߊ߬ߙߊ߲߬ߡߐ߯ ߛߏ߬ߟߏ ߕߍ߯߸ ߊ߬ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߘߌߦߊߣߴߊ߬ ߦߋ߫߸ ߊ߬ ߘߏ߲߬ ߛߍߥߊ ߦߴߊ߬ ߟߊ߫߸ ߞߊ߬ ߓߊ߲߫ ߞߵߊ߬ ߕߌ߱ ߓߊߙߌߞߊ߫ ߟߊ߫ ߞߏߛߓߍ߫، ߤߊߞߍ߫ ߞߊ߬ߙߊ߲߬ߡߐ߰ߗߍ ߛߍߥߊ߫ ߘߊ߫߸ ߊ߬ ߞߊ߬ ߥߊߟߖߌߦߊ߫ ߘߎߥߊߥߎ ߞߍ߫ ߣߌ߲߬ ߘߌߓߊ߮ ߟߊ߫ ߤߙߍ߫ ߛߐߘߐ߲ ߠߊ߫.


ߊ߬ ߟߊ߫ ߘߎ߬ߥߊ߬ߥߎ߬ ߞߋߟߋ߲ ߏ߬ ߘߐ߫߸ ߊ߬ ߞߵߊߟߊ߫ ߕߙߊ߫ ߞߊߦߌߙߊ ߟߊߘߏ߲߭ ߣߌ߫ ߖߛߎ߬ߛߎߡߊ ߟߊߘߏ߲߭ ߠߊ߫ ߖߌ߬ߣߍ߬ ߞߣߐ߫߸ ߡߊ߬ߟߌ ߞߣߐ߫، ߖߌ߬ߣߍ߫ ߝߊ߰ߡߊ ߟߎ߬ ߣߌ߫ ߡߊ߬ߟߌ ߝߊ߰ߡߊ ߟߎ߬߸ ߊ߬ ߞߵߊߟߊ߫ ߕߙߊ߫ ߏ߬ ߟߎ߬ ߟߊߞߊ߲ߘߊ߫ ߞߏߢߌߡߊ ߝߣߊ߫ ߟߊ߫، ߊ߬ ߣߌ߫ ߡߐ߰ ߛߌ߫ ߞߊ߬ ߘߏߣߍ߲߫ ߞߍ߫ ߞߐ߲߬ߛߏ ߢߌ߲߬ ߠߊ߫ ߞߏ ߘߐ߫߸ ߤߊ߲߯ ߞߵߊ߬ ߛߋ߫ ߞߊ߲ߞߊ߲߫.


ߊߟߎ߫ ߦߴߊ߬ ߟߐ߲߫߸ ߊ߬ ߛߋ߲߬ߢߊ߬ ߝߌߟߊߣߊ߲ ߠߋ߬ ߢߌ߬ߣߊ߲߫ ߛߊ߲߬ ߞߋߟߋ߲ ߢߌ߲߬ ߠߊ߫ ߕߋ߲߬߸ ߞߊ߬ߙߊ߲߬ߡߐ߯ ߛߏ߬ߟߏ ߦߋ߫ ߞߐ߲߬ߛߏ ߛߐ߬ߘߐ߲߫ ߣߌ߲߬ ߢߊ߫ ߛߎ߮ ߡߊ߬.