߂߀߂߆ ߞߏ߲ߞߏߘߓߌ ߕߟߋ߬ ߁߈ ߣߌ߲߬ ߡߊ߬߸ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲߬ ߢߣߊߕߊߟߌ ߡߊߛߎ߬ߘߎ߲߬ߧߊ ߣߌ߲߬ ߘߐ߫߸ ߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ ߞߙߎߞߊ (ߢ߃) ߞߊ߬ ߕߌ߲߬ߞߎߘߎ߲ ߞߎ߲߬ߜߙߊ ߞߍ߫ ߊ߬ߟߎ߬ ߟߊ߫ ߝߊ߲ߓߊ ߟߊ߫ ߞߊ߲ߞߊ߲߫ ߞߣߐ߫، ߞߎ߲߬ߜߙߊ ߣߌ߲߬ ߘߐ߫߸ ߞߙߎߞߊ ߛߌ߲߬ߝߏ߲ ߠߎ߬ ߓߐ߫ ߘߊ߫ ߞߊ߲ߞߊ߲߫ ߡߙߊ߬ߘߓߊ߬ ߟߏ߯ߟߎ ߓߍ߯ ߟߋ߬ ߞߣߐ߫ ߞߊ߬ ߣߊ߬߸ ߞߵߏ߬ ߟߊ߫ ߡߙߊ߬ߘߊ߬ߙߋ߲߬ ߞߋߟߋ߲ ߞߊ߲߬߸ ߣߴߏ߬ ߦߋ߫ ߓߊ߬ߣߊ߲߬ߞߘߐ߬ ߘߌ߫، ߢߐ߲߯ߓߍ߲ߓߊ ߣߌ߲߬ ߞߍ߫ ߘߊ߫ ߕߙߎ߬ ߘߌ߫߸ ߘߏ߲߬ߖߟߎ߬ߡߘߊ߬ ߞߎߘߊ߫ ߛߌ߰ ߘߊ߫ ߛߋ߲߬ߠߊ߫߸ ߞߙߎߞߊ ߞߏߟߊߕߍ߮ ߟߎ߬ ߢߊߞߘߐ߫߸ ߊ߬ ߣߌ߫ ߡߊ߬ߡߙߊ߬ߟߌ ߞߏߟߊߕߍ߮ ߟߎ߬ ߣߌ߫ ߞߙߎߞߊ ߛߍ߬ߘߏ߲߬ߠߊ߬ ߛߌߦߊߡߊ߲߫ ߞߊ߬ ߝߘߊ߫ ߘߌ߲߬ߞߌ߬ߙߊ߬ ߓߐߣߍ߲߫ ߢߐ߲߰ ߡߊ ߟߎ߬ ߟߊ߫.

ߡߙߌߘߐ߫ ߞߎߘߊ ߡߍ߲ ߕߊ߬ߣߍ߲߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߓߟߏ߫߸ ߞߊ߬ ߓߍ߲߬ ߓߘߍ߬ߓߘߍ߬ߟߌ߬ ߞߙߎߞߊ ߟߎ߫ ߛߌ߰ߝߊߘߌ ߟߊߢߊ߭ ߡߊ߬߸ ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߞߎ߲߬ߜߙߊ ߣߌ߲߬ ߛߌ߰ ߛߋ߲߬ߠߊ߫، ߞߣߍ ߞߊ߲߬ ߦߋ߲߬߸ ߞߊ߲ߞߊ߲߫ ߕߌ߲߬ߞߎߘߎ߲ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߗߋߕߌ߯ߘߊ ߞߐߦߌߘߊ ߕߍ߬ߘߍ߫ ߦߋ߲߬߸ ߛߙߍߘߍ ߞߊ߬ߙߊ߲߬ ߘߊ߫ ߏ߬ ߡߍ߲ ߖߍ߬ߘߍ ߓߟߏ߫߸ ߛߋߞߎ߬ ߓߏ߬ߣߌ߫ ߞߡߊ߬ߙߊ߬، ߊ߬ߟߋ߫ ߞߊ߬ ߞߙߎߞߊ ߟߊ߫ ߞߎ߲߬ߜߙߊ߬ ߞߏ ߣߌ߲߬ ߕߊ߲߬ߘߏ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߖߡߊ߬ߣߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬߸ ߞߙߎߞߊ ߕߐ߭ ߓߍ߯ ߞߊ߫ ߞߊ߲߫ ߞߵߊ߬ߟߎ߬ ߢߡߊߟߴߊ߬ߟߎ߫ ߡߊ߬: <<ߢ߃ ߞߵߊ߬ ߞߍ߫ ߢߊ ߡߍ߲ ߡߊ߬ ߣߌ߲߬߸ ߏ߬ ߟߋ ߞߊ߫ ߢߌ߲߬، ߓߘߍ߬ߓߘߍ߬ߟߌ߬ ߞߙߎߞߊ ߓߍ߯ ߞߊ߫ ߞߊ߲߫ ߞߵߊ߬ ߢߡߊߟߴߊ߬ߟߎ߫ ߡߊ߬، [....] ߊ߬ߟߎ߬ ߟߊ߫ ߞߙߎߞߊ ߞߊ߬ ߛߊ߬ߙߌ߬ߦߊ ߓߍ߯ ߘߝߊ߫، ߓߊߏ߬߸ ߡߍ߲ ߝߐߣߍ߲߫ ߛߊ߬ߙߌ߬ߦߊ߬ ߞߎߘߊ ߞߣߐ߫߸ ߊ߬ߟߎ߫ ߞߵߏ߬ ߟߋ ߞߍ߫.>>

ߛߋߞߎ߬ ߓߏ߬ߣߌ߫ ߞߡߊ߬ߙߊ߬߸ ߕߌ߲߬ߞߎߘߎ߲ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߗߋߕߌ߯ߘߊ ߟߊ߫

ߡߐ߰ ߇ ߡߍ߲ ߛߎߥߊ߲ߘߌߣߍ߲߫ ߞߵߊ߬ߟߎ߬ ߟߊߛߌ߰ ߘߏ߲߬ߖߟߎ߬ߡߊ߬ߘߊ ߣߌ߲߬ ߞߎ߲߬ߠߊ߫߸ ߛߋߞߎ߬ ߓߏ߬ߣߌ߫ ߞߡߊ߬ߙߊ߫ ߞߵߊ߬ ߦߌ߬ߘߊ߬ ߞߏ߫ ߟߊ߬ߛߌ߰ߟߌ ߏ߬ ߞߍ߫ ߘߊ߫ ߕߋߟߋ߲ ߣߌ߫ ߜߍߦߊ ߟߋ߬ ߞߣߐ߫: <<ߊߟߊ߫ ߟߊ߫߸ ߒ ߛߍߥߊߣߍ߲߫، ߓߊߏ߬ ߒ ߞߵߊ߬ ߦߋ߫߸ ߢ߃ ߟߊ߫ ߞߎ߲߬ߜߙߊ ߞߍߣߍ߲߫ ߜߍߦߊ ߟߋ߬ ߞߣߐ߫، ߓߍ߲߬ ߞߍߣߍ߲߫ ߛߓߍߘߊ ߡߍ߲ ߡߊ߬߸ ߒߠߋ ߖߍ߬ߘߍ ߟߋ߬ ߞߵߊ߬ ߛߙߍߘߍ ߞߊ߬ߙߊ߲߫ ߊ߬ ߟߊߘߌ߬ߢߍ߬ ߞߊ߲ߡߊ߬، ߛߍ߬ߘߏ߲߬ߠߊ ߗߍ߬ߡߊ߲ ߣߴߊ߬ ߡߛߏ߬ߡߊ߲ ߓߍ߯ ߓߍ߲߬ ߘߴߊ߬ ߡߊ߬߸ ߊ߬ ߓߍ߯ ߞߊ߲߫ ߞߏ߫ ߊ߬ ߓߍ߲߬ߣߍ߲߫، ߡߐ߰ ߦߴߏ߬ ߟߐ߲߫ ߠߊ߫ ߖߊ߬ߡߊ ߕߍ߯ߝߐ߫ ߢߊ ߡߊ߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߞߎ߲߬ߜߙߊ ߣߌ߲߬ ߘߐ߫߸ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߘߊ ߡߍ߲ ߛߌ߰ ߘߊ߫ ߢ߃ ߕߌ߲߬ߞߎߘߎ߲ ߞߎ߲߬ߠߊ߫߸ ߏ߬ ߞߵߊ߬ߟߎ߬ ߟߊ߫ ߓߊ߯ߙߊ߫ ߞߍߕߊ ߟߎ߬ ߢߊߝߐ߫ ߟߊ߬ߛߌ߰ߟߌ ߞߐ ߣߌ߲߬ ߘߐ߫، ߡߊ߬ߡߊ߬ߘߌ߬ ߞߋߕߊ߬ ߡߍ߲ ߦߋ߫ ߘߏ߲߬ߖߟߎ߬ߡߊ߬ߟߌ߬ߟߊ߬ ߞߎߘߊ ߘߌ߫߸ ߏ߬ ߞߵߊ߬ߟߎ߬ ߟߊ߫ ߓߊ߯ߙߊ߫ ߞߍߕߊ߫ ߝߟߐ ߟߎ߬ ߢߊߝߐ߫: <<ߓߊ߯ߙߊ߫ ߝߟߐߝߟߐ ߡߍ߲ ߦߴߊ߲ ߓߟߏ߫ ߞߎ߲߬ߜߙߊ ߣߌ߲߬ ߞߐ߫߸ ߏ߬ ߟߋ ߞߵߊ߲ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߛߋ߫ ߞߙߎߞߊ ߕߘߎ߫ ߟߊ߫ ߦߙߐ߫ ߟߎ߫ ߘߐ߫߸ ߊ߬ ߡߊ߫ ߛߋ߫ ߦߙߐ ߡߍ߲ ߠߎ߬ ߘߐ߫ ߡߎߣߎ߲߬، [...] ߡߐ߱ ߡߍ߲ ߠߎ߬ ߟߊߛߌ߰ߣߍ߲߫ ߓߌ߬߸ ߏ߬ ߟߋ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߘߊ ߘߌ߫،  ߊ߬ߟߎ߬ ߦߙߌߞߊ ߦߋ߫ ߡߐ߰ ߇ ߟߋ߬ ߘߌ߫߸ ߏ߬ ߟߎ߬ ߝߣߊ߫ ߓߍ߯ ߘߐߕߐ߬ߡߐ߲߬ߣߍ߲߫ ߞߊ߲ߞߊ߲߫ ߡߙߊ߬ߘߓߊ߬ ߅ ߟߋ߬ ߞߣߐ߫߸ ߞߵߏ߬ ߟߎ߬ ߞߍ߫ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߘߊ ߛߌ߲߬ߝߏ߲ ߠߎ߬ ߘߌ߫.>>


ߟߊ߬ߘߍ ߘߊߞߎ߲߫ ߝߌߟߊߣߊ߲ ߝߣߊ߫ ߟߐ߬ߣߍ߲߫ ߕߍ߬ߘߍ߫ ߖߡߊ߬ߣߊ ߛߌ߰ߞߊ߲ ߢߊߝߐ ߟߋ߬ ߡߊ߬ ߞߙߎߞߊߘߋ߲ ߠߎ߬ ߦߋ߫߸ ߦߟߍ߬ߡߊ߲߬ ߞߎߘߊ ߡߍ߲ ߘߏ߲߬ߣߴߊ߬ ߞߣߐ߫߸ ߞߊ߬ ߓߍ߯ ߟߊߞߍ߫ ߏ߬ ߞߊ߬ߟߊߡߊ߬.

ߢ߃ ߘߋ߲ߡߌߛߍ߲ ߠߎ߬ ߟߊ߫ ߞߊ߲ߕߌ߮ ߓߊ߬ߓߊ߬ ߝߏߝߣߊ߫ ߛߙߊ߬ߣߎ߲߬ ߘߊ߫ ߞߊ߬ ߓߍ߲߬ ߞߎ߲߬ߜߙߊ ߣߌ߲߬ ߞߍߟߌ ߕߐ߬ߣߐ ߡߊ߬ ߞߊ߲ߞߊ߲߫ ߕߌ߲߬ߞߎߘߎ߲ ߞߊ߲߬ ߞߙߎߞߊ ߟߊ߫ ߞߎ߲߬ߠߊ߫: <<ߞߎ߲߬ߜߙߊ ߣߌ߲߬ ߢߊ߬ߕߣߐ߬ߓߊ߫ ߟߋ߬ ߞߙߎߞߊ ߡߊ߬، ߓߊߏ߬߸ ߊ߬ ߢߊ߬ߕߣߐ ߝߟߐߝߟߐ ߘߐ߫߸ ߞߊ߲ߞߊ߲߫ ߡߙߊ߬ߘߓߊ߬ ߅ ߓߍ߯ ߘߌ߫ ߞߍ߫ ߤߊ߲ߞߟߌ߫ ߞߋߟߋ߲߫ ߘߌ߫߸ ߊ߬ߟߎ߬ ߘߌ߫ ߞߏ ߟߎ߬ ߕߊ߬ ߞߋߟߋ߲ߘߌ߫߸ ߞߵߊ߬ߟߎ߬ ߓߌ߬ߟߊ߬ ߞߋߟߋ߲ߘߌ߫.>> ߊ߬ ߞߵߏ߬ ߝߐ߫.

ߞߊ߲ߞߊ߲߫ ߕߌ߲߬ߞߎߘߎ߲ ߟߊ߬ߟߌ߬ߟߌ߬ߟߊ߬ ߝߟߐߝߟߐ ߡߍ߲ ߕߐ߯ ߞߏ߫ ߌߓߙߊߤߌߡߊ߫ ߞߊߟߌߟ ߞߡߊߣߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߣߴߌ ߦߋ߫ ߞߙߎߞߊ ߘߐ߫߸ ߞߎ߲߬ߜߙߊ ߦߋ߫ ߞߍߕߊ ߟߋ߬ ߘߌ߫، ߊ߲ ߕߊ ߣߌ߲߬ ߞߎ߲߭ ߞߍߣߍ߲߫ ߞߏߕߌ߮ ߟߊ߫ ߖߊ߬ߡߙߌ ߟߋ߬ ߘߌ߫، ߏ߬ ߟߋ ߞߏߛߐ߲߬߸ ߞߎ߲߬ߜߙߊ ߣߌ߲߬ ߞߍߣߍ߲߫.>> ߞߊ߬ߕߎ߲߯߸ ߞߎ߲߬ߜߙߊ ߦߋ߫ ߟߊ߬ߘߍ߫ ߟߋ߬ ߘߌ߫߸ ߡߙߌߦߊ߫ ߞߍ߲ߘߍ ߟߎ߬ ߦߋ߫ ߕߊ߬ ߟߊ߫ ߡߍ߲ ߘߊߞߎ߲ ߘߐ߫.


ߏ߬ ߟߋ ߘߐ߫߸ ߞߊ߲߬ߞߎ ߞߋߕߊ߬ ߡߍ߲ ߦߋ߫ ߞߙߎ߬ߛߊ߫ ߢ߃ ߡߏ߬ߛߏ ߟߎ߬ ߟߊ߫ ߞߎ߲߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߛߌ߰ߞߊ߲߬ ߞߎߘߊ ߡߍ߲ ߣߊ߬ߣߍ߲߫ ߕߋ߲߬߸ ߏ߬ ߣߊ߬ߣߍ߲߫ ߦߟߍ߬ߡߊ߲ ߘߏ߫ ߟߎ߫ ߟߋ߬ ߘߏ߲߬ ߠߊ߫ ߛߌ߲߬ߝߏ߲߬ߧߊ߬ ߢߊ߫ ߞߘߐ߬ߡߊ߲ ߘߐ߫، ߓߊߏ߬߸ ߘߏ߲߬ߖߟߎ߬ߡߊ߬ߘߊ ߕߍ߬ߘߍ߫ ߡߐ߰ ߁߃ ߟߋ߬ ߘߌ߫߸ ߏ߬ ߓߘߊ߫ ߞߍ߫ ߡߐ߰ ߇ ߘߌ߫، ߏ߬ ߘߐ߫߸ ߊ߲ ߣߊ߬ߣߍ߲߫ ߕߍ߬ߘߍ߫ ߞߊ߬ ߣߊ߬ ߛߓߍߘߊ߫ ߞߎߘߊ ߏ߬ ߟߋ ߦߌߘߊߞߵߊ߲ ߠߊ߫߸ ߣߴߊ߬ ߞߊ߬ ߖߊ߬ߡߊ ߕߊ߫ ߡߌ߬ߣߊ߬ ߓߐ߫߸ ߊ߲ ߧߴߏ߬ ߟߊߘߌ߬ߢߍ߬.>>

ߞߎ߲߬ߜߙߊ ߣߌ߲߬ ߘߐ߫߸ ߢ߃ ߓߘߴߊ߬ ߥߊ߬ߣߌ߲߬ߞߋ ߦߌ߬ߘߊ߬ ߞߊ߲ߞߊ߲߫ ߕߌ߲߬ߞߎߘߎ߲ ߞߣߐ߫߸ ߞߊ߬ߕߎ߲߯߸ ߞߊ߬ ߛߐ߰ ߞߙߎߞߊ ߞߣߐߟߊ ߝߟߐ߫ ߘߐߓߍ߲߭ ߡߊ߬ ߡߎߣߎ߲߬߸ ߞߣߊ߬ߕߏ߫ ߊ߬ߟߎ߫ ߥߊ߲߬ߥߊ߲߬ ߠߊ߫ ߕߌ߲߬ߞߎߘߎ߲ ߝߊ߲߭ ߓߍ߯ ߟߊ߫߸ ߖߐ߲߰ߛߴߊ߬ߟߎ߬ ߘߌ߫ ߛߴߊ߬ߟߎ߬ ߓߊ߲ߓߊ߲߫ ߠߊ߫ ߞߊ߬ ߛߋ߫ ߖߌߘߊ߲ߓߊ߫ ߛߐ߬ߘߐ߲߬ ߠߊ߫ ߢߣߊߕߊߟߌ߫ ߣߊ߬ߕߐ ߟߎ߬ ߘߐ߫.