ߛߌߟߊ߫ ߓߊ߯ߙߊ ߣߌ߲߬ ߞߍߣߍ߲߫ ߛߌߟߊ߫ ߘߊߝߍ߫ ߛߌ߯ ߟߊ ߟߎ߫ ߡߊ߬ ߛߍߥߊ ߟߋ߬ ߘߌ߫ ߊ߬ ߜߋ߲ߜߋ߲ ߝߙߋ߬ߟߌ߬ߟߊ ߟߎ߬߸ ߞߊ߲ߞߊ߲߫ ߥߙߊߞߘߊߓߊ ߡߍ߲ ߟߊ߫ ߛߊ߲ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߕߋ߲߬߸ ߞߊ߬ ߡߐ߰ ߟߎ߬ ߟߊ߫ ߖߌ߰ߣߌ߬ߞߊ߬ߦߟߍ ߟߊߣߐ߰ߦߊ߫߸ ߊ߬ ߣߌ߫ ߞߊ߬ ߡߐ߱ ߟߎ߬ ߕߊ߲߬ߞߊ߫ ߛߌߟߊ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߡߊ߬߸ ߏ߬ ߛߍߥߊ߫ ߖߍ߬ߘߍߖߍ߬ߘߍ ߟߋ߬ ߞߍߣߍ߲߫ ߡߐ߰ ߛߌߦߊߡߊ߲߫ ߠߊ߫߸ ߛߊߝߌߦߊߕߎ߬ ߞߊ߬ߡߊߙߊ߬ ߡߍ߲ ߦߋ߫ ߞߌߣߌ߲߫ ߝߙߋߟߊ߫ ߘߌ߫߸ ߏ߬ ߟߊ߫ ߞߎߡߊ߫ ߘߐ߫߸ ߛߍߥߊ ߦߴߊ߬ߟߎ߫ ߞߊ߲߬ ߞߵߊ߬ ߛߊߓߎ߫ ߞߍ߫ ߊ߬ߟߎ߬ ߓߐ ߘߐ߫ ߜߊ߲߬ߜߊ߲ ߞߘߐ߫ <<ߊ߲ߠߎ߬ ߘߌ߫ ߊߟߊ߫ ߕߊ߲߬ߘߏ߫ ߓߌ߬߸ ߞߵߊ߬ ߛߊߓߎ ߞߍ߫ ߛߌߟߊ߫ ߘߐߓߍ߲ ߣߌ߲߬ ߘߌ߫߸ ߊ߲ ߠߊ߫ ߝߙߋ߬ߝߋ߲ ߠߎ߬ ߓߘߊ߫ ߓߐ߫ ߜߊ߲߬ߜߊ߲߬ ߥߎߟߋ߲ ߞߘߐ߫.>>

 ߊ߬ߟߋ ߟߊ߫ ߞߎߡߊ߫ ߘߐ߫ ߝߣߊ߫ ߔߏ߬ߕߏ ߡߍ߲ ߠߎ߬ ߟߊߟߐ߭ ߦߴߌߘߐ߫ ߕߋ߲߬߸ ߏ߬ ߓߊ߯ ߓߊ߲߫ ߟߏ߲ ߡߍ߲ ߏ߬ ߝߣߊ߫ ߦߴߊ߬ ߕߊ߫ ߛߍߥߊ߫ ߟߋ߬ ߘߌ߫߸ ߞߊ߬ ߞߐ߲߰ ߛߌߟߊ ߣߌ߲߬ ߓߊ߯ߙߊ ߢߍ߫߸ ߜߊ߲߬ߜߊ߲ ߕߘߍ߬ ߦߋ߫ ߞߍ߫ ߟߊ߫ ߕߎ߬ߙߎ߫ ߘߌ߫ ߟߋ߬ ߞߊ߬ ߝߙߋ߬ߟߌ߬ߟߊ ߟߎ߬ ߟߊ߫ ߝߙߋ߬ߢߐ߲߮ ߠߎ߬ ߕߎߣߎ߲߫ ߊ߬ߟߎ߫ ߡߊ߬߸ ߞߊߘߌߦߊߕߎ߬ ߛߌ߬ߛߋ ߞߊ߬ ߘߏ߫ ߝߐ߫ ߊ߲ ߧߋ߫ ߏ߬ ߞߊ߲߬ <<ߛߌߟߊ ߡߍ߲ ߟߊߣߍ߲߫ ߕߋ߲߬߸ ߦߊ߬ߣߌ߫ ߊ߬ ߦߋ߫ ߘߊߘߐߓߍ߲߬߸ ߛߍ߱ ߖߍ߬ߘߍߖߍ߬ߘߍ ߟߋ߬ ߕߘߍ߬ ߦߴߊ߲ ߞߊ߲߬߸ ߣߴߏ߬ ߦߋ߫ ߜߊ߲߬ߜߊ߲ ߘߌ߫߸ ߊ߲ ߕߘߍ߬ ߦߋ߫ ߛߍ߱ ߟߊ߫ ߟߋ߬ ߜߊ߲߬ߜߊ߲ ߓߟߏ߫ ߝߋߝߋߝߋߝߋ߫߸ ߓߊߏ߬߸ ߌ ߓߊ߯ ߛߎ߬ߡߊ߲ ߕߓߌ߫ ߞߵߊ߬ ߛߌ߰߸ ߊ߬ ߘߌ߫ ߞߎ߲߬ߡߊߦߟߍ߬ߡߊ߲߫ ߜߊ߲߬ߜߊ߲ ߓߟߏ߫.>>

 ߓߊߘߋ߲ ߠߎ߬ ߜߊ߲߬ߜߊ߲߬ߞߏ ߝߣߊ߫ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߣߌ߫ ߛߊ߬ߡߊ ߘߏ߲߬ ߘߊ߫߸ ߓߐ߱ ߟߋ߬ ߕߘߍ߬ ߦߋ߫ ߛߌ߰ ߟߊ߫ ߡߐ߰ ߟߎ߬ ߘߊ߫ ߟߊ߫߸ ߞߊ߬ ߓߍ߯ ߟߊ߫ ߕߊ߯ߡߊ ߓߌ߬ߟߊ߫ ߖߐ߬ߘߐ ߘߐ߫ ߓߎ߬ߕߎ߲߫߸ ߛߌߟߊ ߣߌ߲߬ ߕߟߋ߬ߡߟߊ߬ߡߊ ߣߴߊ߬ ߛߡߊ߬ߟߊ߬ߡߊ ߛߌ߫ ߟߋ߬ ߕߎ߲߬ ߕߍ߫ ߛߐ߲߬ ߓߏ߲߬߸ ߛߊ߲߱ߛ ߛߘߌ߬ߓߋ߫ ߞߵߏ߬ ߦߌߘߊߞߊ߬ ߊ߲ ߠߊ߫߸ ߊ߬ߟߋ ߡߍ߲ ߦߋ߫ ߓߐ߰ ߛߊ߬ߝߍ߬ ߛߌ߰ ߟߊ ߘߏ߫ ߘߌ߫، ߘߏ߫ ߟߎ߫ ߝߣߊ߫ ߦߋ߫ ߡߍ߲ ߟߊߞߙߐ߬ߛߌ߫ ߟߊ߫ ߛߌߟߊ ߣߌ߲߬ ߘߐߓߍ߲߭ ߞߐ ߝߍ߬߸ ߏ߬ ߟߋ߬ ߦߋ߫ ߛߊ߬ߙߌ߬ߦߊ߫ ߛߐߛߐ ߘߌ߫߸ ߞߊ߬ߕߎ߲߯߸ ߞߏ߫ ߛߌߟߊ ߣߌ߲߬ ߘߊߘߐߓߍ߲߬ߣߍ߲ ߠߋ߬߸ ߏ߬ ߞߐ߫ ߞߵߊ߬ ߟߊߥߙߊ߬ߦߊ߫߸ ߖߐ߲߰ߛߊ߫ ߓߍ߯ ߘߌ߫ ߞߎ߲߫ ߊ߬ ߞߊ߲߬߸ ߓߍ߯ ߘߴߊ߬ ߟߊ߫ ߓߏ߬ߙߌ ߞߍ߫ ߊ߬ ߘߌߦߊ߫ ߘߐ߫߸ ߓߊ߬ߙߌ߫߸ ߏ߬ ߕߍ߫ ߓߐ߫ ߟߴߊ߬ ߛߌߟߊ ߝߍ߬ ߓߏ߲߬߸ ߓߊߏ߬߸ ߤߊ߲߯ ߛߌߣߌ߲߫ ߡߐ߰ ߟߎ߬ ߟߊ߫ ߢߣߊߡߦߊ ߦߋ߫ ߖߐ߬ߘߐ ߘߐ߫. 

<<ߡߕߏ߫ ߕߌ߮ ߟߎ߬ ߡߊ߫ ߊ߬ߟߎ߬ ߥߊ߫ ߦߙߐ߫ ߟߐ߲߫ ߦߊ߲߬ ߡߐ߲ߓߟߌ߫ ߕߌ߮ ߟߎ߬ ߝߣߊ߫ ߡߊ߫ ߊ߬ߟߎ߬ ߥߊ߫ ߦߙߐ߫ ߟߐ߲߫߸ ߡߕߏ ߦߋ߫ ߓߏ߬ߙߌ߫ ߟߊ߫ ߛߌߟߊ ߡߍ߲ ߞߊ߲߬߸ ߡߐ߲ߓߟߌ߫ ߝߣߊ߫ ߦߋ߫ ߓߏ߬ߙߌ߬ ߟߊ߫ ߦߋ߲߬ ߠߋ߬߸ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫ ߝߣߊ߫߸ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߦߋ߫ ߥߊ߫ ߟߊ߫ ߦߙߐ ߡߍ߲߸ ߌ ߦߋ߫ ߡߕߏ ߝߣߊ߫ ߦߋ߫ ߟߊ߫ ߓߏ߬ߙߌ ߟߊ߫ ߦߋ߲߬ ߠߋ߬، ߏ߬ ߘߏ߲߬ ߗߋ߲߰ ߕߍ߫߸ ߥߊ߯ߕߌ ߓߍ߯ ߡߐ߰ ߟߋ߬ ߖߌ߰ ߟߊ߫ ߞߊߙߑߣߌߝ߭ߏ߫ ߣߌ߲߬ ߞߣߐ߫ ߦߊ߲߬.>>

 ߣߎߤߊ߲߫ ߛߌ߬ߟߊ ߟߊ߫ ߟߊ߬ߢߌߣߌ߲ ߦߋ߫ ߡߍ߲ ߏ߬ ߞߏ ߘߐ߫߸ ߏ߬ ߟߋ߬ ߦߋ߫ ߞߊߙߑߣߌߝ߭ߏ ߟߎ߬ ߘߊߕߎ߲߯ ߘߌ߫߸ ߊ߬ߟߎ ߛߌ߰ߝߊߘߌ ߘߐ߫ ߦߋ߲߬߸ ߊ߬ ߤߊ߲ߞߟߌ ߛߋ߫ ߘߊ߫ ߡߊ߲߬ߕߙߐ ߡߍ߲ ߡߊ߬߸ ߏ߬ ߟߋ߬ ߦߋ߫ ߛߌߟߊ ߘߐߕߍ߰ ߦߙߐ ߟߎ߬ ߘߌ߫߸ ߓߊߏ߬߸ ߏ߬ ߟߎ߬ ߕߍߟߊ ߟߎ߬ ߞߊ߫ ߖߊ߲߬߸ ߏ߬ ߡߊ߲߫ ߘߌ߫ ߊ߬ߟߎ ߟߊ߫߸ ߏ߬ ߦߴߊ߬ߟߎ߬ ߟߊ߫ ߛߊ߲߬ߣߌ߲߬ߠߊ ߟߎ߬ ߕߐ߰ߘߐߝߊ߰ ߟߊ߫ ߟߋ߬ ߞߵߊ߬ߟߎ߫ ߟߐ߬ ߥߊ߫ ߟߊ߫ ߢߍߝߍ߬، ߘߌ߬ߙߌߛߊ߬ ߕߙߊߥߟߋ߫ ߟߊ߫ ߞߎߡߊ߫ ߘߐ߫߸ ߥߙߊߞߘߊߓߊ ߓߊ߯ߙߊ ߞߍߣߍ߲߫ ߊ߬ߟߎ߫ ߡߊ߬ ߕߙߐߦߊ ߖߍ߬ߘߍߖߍ߬ߘߍ ߟߋ߬ ߓߐ ߘߌ߫ ߊ߬ߟߎ߫ ߞߊ߲߬߸ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊ߬ ߞߍ߫ ߡߊ߲߬ߕߙߐ߬ ߜߘߍ߫ ߟߋ߬ ߘߌ߫ ߊ߬ߟߎ߫ ߡߊ߬ ߝߣߊ߫. 

<<ߓߊ߯ߙߟߊ ߟߎ߬ ߡߊ߫ ߞߊ߲ߓߋ߲ ߘߏ߲߬ ߦߙߐ߫ ߟߊߞߊ߬߸ ߡߍ߲ ߘߌ߫ ߞߍ߫ ߊ߲ ߠߊ߫ ߘߏ߬ߣߌ߲߬ ߠߎ߬ ߡߊߛߐ߬ߘߐ߲ ߣߐ߰ߦߊ ߘߴߊ߲ ߓߟߏ߫߸ ߊ߲ ߘߌ߫ ߛߋ߫ ߊ߲ ߠߊ߫ ߘߏ߲߬ߣߌ߲ ߠߎ߬ ߡߊߛߐ߬ߘߐ߲߬ ߠߊ߫ ߢߊ߫ ߡߍ߲ ߡߊ߬߸ ߣߌ߫ ߞߊ߲ߓߋ߲ ߦߟߍ߬ ߘߊ߫ ߜߎ߲ߞߎ߲ ߞߊ߲߬߸ ߏ߬ ߘߌ߫ ߞߍ߫ ߛߊ߬ߙߌ߬ߦߊ߬ ߛߐߛߐ ߘߌ߫߸ ߓߊߏ߬߸ ߊ߬ ߓߘߊ߫ ߝߐ߫ ߞߏ߫ ߦߋ߲߬ ߕߍ߫ ߞߐ߲߬ߛߏ ߟߎ߬ ߟߊ߫ ߛߌߟߊ߫ ߘߌ߫. >> ߣߌ߲߬ ߓߍ߯ ߞߐߝߍ߬ ߓߊߘߋ߲ ߠߎ߬߸ ߡߐ߰ ߡߍ߲߬ ߠߎ߬ ߓߍ߯ ߞߙߊ ߛߋ߫ ߘߊ߫ ߞߎߡߊ߫ ߘߏ߫ ߡߊ߬߸ ߣߴߏ߬ ߦߋ߫ ߛߌߟߊ ߓߏ߬ߙߌ߬ ߞߏ߬ߖߎ߰ߦߊ ߘߌ߫߸ ߊ߬ ߣߌ߫ ߛߊ߬ߙߌ߬ߦߊ߬ ߡߝߊ߬ߓߊߟߌߦߊ߸ ߡߐ߰ ߟߎ߬ ߡߴߊ߬ߟߎ߬ ߥߊ߫ ߦߙߐ߫ ߟߐ߲߫߸ ߓߍ߯ ߟߋ߬ ߦߋ߫ ߓߊ߬ߛߊ߲߬ ߠߊ߫ ߢߐ߲߮ ߘߐ߫ ߛߌߟߊ ߣߌ߲߬ ߞߊ߲߬߸ ߞߊ߬ ߞߐ߲߰ ߛߌߟߊ ߓߊ߯ߙߊ ߢߍ߫߸ ߊ߬ ߕߘߍ߬ ߕߍ߫ ߡߐ߱ ߟߎ߬ ߘߐߓߐ߫ ߟߊ߫߸ ߓߌ߬ߟߊ߬ߒ߬ߘߐ߬ߖߎ߮ ߕߘߍ߬ ߦߋ߫ ߞߍ߫ ߟߊ߫ ߟߋ߬ ߞߊ߬ ߛߌߦߊߦߊ߫ ߏ߬ ߕߎ߬ߡߊ ߟߊ߫. 

ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߘߏ߫ ߓߘߊ߫ ߓߐ߫ ߏ߬ ߟߊ߫߸ ߓߊ߬ߙߌ߫߸ ߊ߬ ߡߊ߫ ߓߊ߲߫ ߝߟߐ߫ ߘߋ߬߸ ߓߊߏ߬߸ ߤߊ߲߯ ߕߋ߲߬ ߡߐ߰ ߟߎ߬ ߦߋ߫ ߖߌ߰ ߟߊ߫ ߞߊߙߑߣߌߝ߭ߏ ߞߣߐ߫߸ ߞߵߏ߬ ߕߎ߬ߙߎ ߞߍ߫ ߡߐ߱ ߟߎ߬ ߛߏ߲ߛߏߙߏ߲ߡߊ ߘߌ߫ ߢߐ߲߮ ߞߊ߲߬ ߦߙߐ߫ ߞߋߟߋ߲߫ ߘߐ߫، ߊ߬ߟߎ߬ ߟߊ߫ ߞߎߡߊ߫ ߟߊߓߊ߲߫ ߘߐ߫߸ ߛߌߟߊ ߞߏ߬ߣߌ߲ ߞߎߣߎ߲ߠߊ߬ߡߊ ߣߴߊ߬ ߓߌ߬ߟߊ߬ߡߊ ߕߍ߫ ߞߋߟߋ߲ߘߌ߫ ߝߋߎ߫߸ ߊ߬ߟߎ߬ ߦߋ߫ ߞߊ߲ߕߌ߮ ߝߏ߬ ߟߊ߫ ߏ߬ ߟߊ߫߸ ߞߵߊ߬ ߞߎߟߎ߲ߖߋ߫.