ߛߊ߲ߡߊ߫ ߓߌߟߊߒߘߐߖߎ߯ߓߊ߫ ߟߋ߬ ߞߍߣߍ߲߫ ߞߋߣߌߦߊ߫ ߞߐ߰ߘߎ߮ ߘߐ߫߸ ߞߊ߬ ߡߐ߰ ߥߐߙߐ߲ߝߌ߬ߟߊ߫ ߝߊ߰߸ ߊߡߙߌߞߌߞߊ߫ ߟߏ߯ߟߎ߫ ߦߴߊ߬ ߘߐ߫، ߞߎ߲ߝߊ߲ߓߐߟߌߟߊ ߟߎ߫ ߟߋ߬ ߕߘߍ߬ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߏ߬ ߟߋ ߓߍߘߍ߲ߛߍߣߍ߲߫ ߏߟߏߞߑߥߋ߫ ߞߎ߬ߙߎ ߘߊߝߍ߬߸ ߛߊ߲ߓߙߎ߫ ߡߊ߬ߙߊ ߘߐ߫߸ ߞߊ߬ ߡߐ߰ ߥߐߙߐ߲ߝߌ߬ߟߊ߬ ߕߏ߫ ߊ߬ ߘߐ߫ ߞߎ߲߫.

ߛߊ߲ߡߊߞߎߟߎ߲ ߢߌ߲߬ ߞߵߊ߬ ߜߊ߲߫ ߟߏߥߊߛߓߊ߫ ߞߐ߲ߛߍߙߑߝ߭ߊ߲ߛߌ߫ ߟߋ߬߸ ߞߵߊ߬ ߞߎ߲߬ߛߌ߲߫ ߋߥߊߛߏ ߢߌߙߏ߫ ߘߎ߱ ߟߊ߫، ߞߋߣߌߦߊ߫ ߣߊ߲߬ߒ߬ߕߊ߲߬ ߛߊ߲ߡߊߘߊ߲ ߞߏߟߊߕߍ߮ ߟߎ߬ ߞߊ߲߫ ߞߏ߫ ߛߊ߲ߡߊߞߎߟߎ߲߫ ߓߋ ߣߌ߲߬ ߞߍ߫ ߘߊ߫ ߀߉ߕߎߡߊ߁߃ ߟߋ߬ ߡߊ߬.

ߡߐ߰ ߥߐߙߐ߲ߝߌ߬ߟߊ ߡߍ߲ ߕߘߍ߬ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߡߐ߰ ߞߋߟߋ߲߫ ߠߋ߬ ߕߍ߬ߘߍ߫ ߟߊ߬ߓߏ߬ߙߌ߬ߟߌ ߟߊ߫߸ ߊ߬ ߕߐ߬ ߡߐ߰ ߥߐ߯ߙߐ ߕߎ߲߬ ߦߋ߫ ߦߟߍ߬ߒ߬ߞߊ߲߬ߓߊ߮ ߟߎ߫ ߟߋ߬ ߘߌ߫߸ ߊ߬ ߛߌ߫ ߡߊ߫ ߛߋ߫ ߓߐ߫ ߟߴߊ߬ ߘߐ߫߸ ߊ߬ ߓߍ߯ ߟߋ߬ ߕߏ߫ ߘߴߊ߬ ߘߐ߫، ߊ߬ߟߎ߬ ߟߊ߫ ߛߦߊ߬ ߞߏ ߔߘߋߔߘߋߟߊߕߍ߰ ߘߊ߫ ߛߊ߲ߓߙߎ߫ ߕߐ߲ߓߟߏߡߊ ߟߎ߬ ߟߊ߫ ߡߙߊ߬ߓߊ߮ ߟߋ߬ ߓߟߏ߫߸ ߘߊ߬ߝ߭ߌߘ ߒߞߙߏߥߊ߫، ߊߡߙߌߞߌ߬ ߞߍ߬ߟߍ ߞߏߕߌ߯ߘߊ ߞߊ߲߫ ߡߐ߰ ߟߏ߯ߟߎ߫ ߕߎ߲߬ ߦߋ߫ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߏ߬ ߟߎ߫ ߕߘߍ߬ ߊߡߙߌߞߌ߬ ߝߊ߬ߛߏ߬ߦߊ߬ ߕߌ߮ ߟߎ߫ ߟߋ߬ ߘߌ߫.

ߝߊ߰ߓߊ߰ߕߐ ߢߌ߲߬ ߠߎ߬ ߘߐ߫߸ ߡߌ߬ߛ߭ߍߟ ߛߊ߲ߛߌߞߎ߲ߕߎߖߌ߫ ߦߴߊ߬ ߘߐ߫߸ ߏ߬ ߕߎ߲߬ ߦߋ߫ ߋߞߎߥߊߕߍ߳ߙ ߝߊ߬ߛߏ ߟߊ߬ߛߏ߬ߓߌ߬ߟߌ ߕߊ߲ߓߊ߲ ߗߋߕߌ߮ ߟߋ߬ ߘߌ߫، ߋߞߎߥߊߕߏߙߌߦߊߟ ߞߊ߲ߕߌ߯ߘߊ ߖߍ߬ߘߍ ߟߋ߬ ߞߵߊ߬ߟߋ ߟߊ߫ ߛߦߊ߬ ߞߏ ߔߘߋߔߘߋߟߊߕߍ߰، ߊ߬ ߣߴߊ߬ ߡߏ߬ߛߏ ߟߋ߬ ߕߘߍ߬ ߞߎ߲ߝߊ߲ߓߐߟߌ߫ ߕߊ߯ߡߊ ߢߌ߲߬ ߞߊ߲߬߸ ߛߑߕߋߝߊߣߌ ߤߏߟߌߟߊ߲߫߸ ߏ߬ ߝߣߊ߫ ߛߊ߬ ߘߊ߫ ߟߋ߬، ߕߟߋߡߎ߲ߘߏ߫ ߖߌ߬ߦߊ߬ߞߊ߲߬ߛߏ ߖߋ߬ߓߌ߬ߦߊ߬ߟߊ ߘߏ߫ ߝߣߊ߫ ߦߋ߫ ߛߊ߬ߓߊ߰ߕߐ ߢߌ߲߬ ߠߎ߬ ߘߐ߫߸ ߖ߭ߏ߬ߗ߭ߋ ߛߎߥߊߙߍߖ߭߸ ߊ߬ߟߋ߫ ߛߊ߲߬ ߅߅ ߟߋ߬ ߕߋ߲߬.

ߛߊ߲ߡߊߞߎߟߎ߲߫ ߓߋ ߣߌ߲߬ ߞߍߣߍ߲߫ ߞߋߣߌߦߊ߫ ߦߙߐ ߡߍ߲ ߘߐ߫ ߣߌ߲߬߸ ߏߟߏߞߑߥߋ߫ ߞߎ߬ߙߎ ߝߊ߲߭ ߝߍ߬߸ ߦߋ߲߬ ߡߊߟߐ߲ߣߍ߲߫ ߠߋ߬ ߞߎ߲ߝߊ߲ߓߐߟߌ ߘߐ߫ ߝߛߊߦߌ߫، ߓߊ߬ߙߵߊ߬ ߡߊߟߐ߲ߣߍ߲߫ ߓߌ߬ߟߊ߬ߒ߬ߘߐ߬ߖߎ߮ ߝߣߊ߫ ߘߐ߫، ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߎ߲߬ ߖߐ߲ߖߐ߲߫ ߡߊ߫ ߟߐ߲߫߸ ߞߋߣߌߦߊ߫ ߝߊ߰ߡߊ ߟߎ߫ ߞߏ߬ߣߌ߲ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫.

ߡߞߊ߬ߘߊ߲߬ߠߌ߲߬ߠߊ ߟߎ߬ ߟߊߕߊ߯ ߘߊ߫ ߦߙߐ ߣߌ߲߬ ߘߐ߫߸ ߞߋߣߌߦߊ߫ ߓߊߙߊ߲ߕߏ߲߫ ߥߎߟߋ߲ ߦߴߏ߬ ߟߋ ߘߐ߫߸ ߊ߬ ߣߌ߫ ߛߊ߲ߡߊߞߎߟߎ߲߫ ߣߊ߯ߣߊ߯ ߜߘߍ߫، ߦߙߐ ߣߌ߲߬ ߞߏ߬ߣߌ߲߸ ߊ߬ߟߋ ߡߊߛߐ߬ߘߐ߲߬ ߜߏߡߊ߫ ߞߏߛߓߍ߫.