ߞߊ߬ߙߊ߲߬ߘߋ߲߫ ߛߊ߲߬ ߁߈ ߡߊ߬ߜߍ߲ ߘߏ߫ ߟߋ߬ ߛߊ߲߬ߞߊ ߟߊߕߋ߬ߣߍ߲߫ ߞߎߣߎ߲߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߀ ߡߊ߬ ߞߌ߲ߘߌߦߊ߫ ߘߊ߲ߘߊߛߏߓߊ߫ ߕߌ߲߬ߞߎ߬ߘߎ߲߬ߠߊ߬ߞߊ ߊߟߑߝߊ߫ ߎߡߊߙ ߖߊߟߏ߫ ߟߊ߫߸ ߞߵߏ߬ ߞߎ߲߭ ߞߍ߫ ߞߟߏߘߐߘߌߡߌ߲߫ ߓߣߊ ߘߌ߫.

 

ߞߊ߲ߡߋߙߋ߲ ߣߌ߲߬ ߕߎ߲߬ ߦߋ߫ ߛߊ߯ߘߊ ߁߃߲ ߞߊ߬ߙߊ߲߬ߘߋ߲ ߘߏ߫ ߟߋ߬ ߘߌ߫߸ ߢߌ߬ߣߊ߲߬ ߂߀߂߆ ߓߊߘߎ߲ ߥߟߊ߬ߟߊ߬ߓߐ ߡߍ߲ ߞߍ߫ ߘߊ߫߸ ߕߍ߮ ߞߍ߫ ߘߴߊ߬ߟߋ ߣߴߊ߬ ߢߐ߲߰ߘߐ߬ ߥߐ߯ߙߐ߫ ߟߋ߬ ߘߐ߫ ߞߊ߬ߙߏ߲ ߞߏߛߐ߲߬ ߥߟߊ߬ߟߊ߬ߓߐ߬ ߘߊߞߎ߲ ߘߐ߫،ߞߌ߲ߘߌߦߊ߫ ߞߕߌ ߦߌߟߡߊ߫ ߝߟߐ ߞߵߊ߬ߟߎ߬ ߞߕߌ߫߸ ߞߵߊ߬ߟߎ߫ ߡߐ߰ ߥߐ߯ߙߐ ߓߍ߯ ߖߊ߲߬ߞߌ߬ ߞߊߙߏ߫ ߞߋߟߋ߲߫ ߥߛߎ߫ ߓߊߟߊ߲ߣߍ߲ ߠߊ߫.

 

ߞߌ߲ߘߌߦߊ߫ ߞߕߌߞߊ߲ߘߊ߫ ߡߊߡߊߘߎ߫ ߓߏߦߌ߬ ߖߊߟߏ߫ ߞߵߊ߬ ߦߌ߬ߘߊ߫ ߞߏ߫ ߕߎ߬ߢߊ߬ ߕߍ߫ ߞߊ߲ߡߋߙߋ߲ ߛߊ߬ߞߏ ߘߐ߫ ߞߊ߬ߛߏ ߟߊ߫<< ߞߊ߲ߡߋߙߋ߲ ߡߍ߲ ߛߊ߬ߣߍ߲߫ ߕߋ߲߬ ߞߏ߫ ߡߊߡߊߘߎ߫ ߖߎߡߊ ߓߊ߸ߊ߬ߟߋ ߕߘߍ߬ ߥߟߊ߬ߟߊ߬ߓߐ ߞߊ߬ߙߏ߲ ߖߊ߲߬ߞߌ߬ߓߊ߰ߕߐ ߟߎ߬ ߘߏ߫ ߟߋ߬ ߘߌ߫߸ ߡߍ߲ ߠߊ߫ ߛߊ߬ߦߊ ߞߎ߲߭ ߞߍߣߍ߲߫ ߞߟߏߘߐߘߌߡߌ߲߫ ߖߊ߲ߞߊߙߏ ߘߌ߫، ߓߊ߬ߙߌ߬߸ ߝߋߎ߫ ߊ߬ ߡߊ߫ ߛߊ߬ ߞߵߊ߬ ߕߏ߫ ߥߛߎ߫ ߟߊ߫߸ ߒ ߖߍ߬ߘߍ ߟߊߟߐ߲ߠߌ߲ ߡߍ߲ ߞߍ߫ ߘߊ߫ ߥߛߎ ߞߎ߲߬ߠߊ߬ߛߌ߰ߓߊ߮ ߓߟߏ߫߸ ߞߏ߫ ߊ߬ ߝߊ߬ߘߌ ߓߍ߲߬ߣߍ߲߬ ߕߍ߫߸ ߞߊ߬ ߕߘߍ߬ ߊ߲ ߓߘߊ߫ ߕߊ߯ ߊ߬ ߘߌ߫ ߘߊ߲ߘߊߛߏ ߟߊ߫ ߛߋ߲߬ߧߊ߫ ߝߌ߬ߟߊ߬߸ ߒ ߞߊ߬ ߖߡߊ߬ߙߌ ߘߌ߫ ߒ ߞߏ߫ ߞߵߊ߬ ߟߊߛߊ߬ߦߌ߲߫ ߊ߬ ߟߊ߫ ߡߐ߱ ߟߎ߬ ߡߊ߬߸ ߏ߬ ߟߎ߫ ߟߋ߬ ߕߊ߯ ߘߴߊ߬ ߘߌ߫ ߘߊ߲ߘߊߛߏ ߟߊ߫߸ ߊ߬ ߘߏ߲߬ ߛߊ߬ ߘߊ߫ ߞߵߊ߬ ߕߏ߫ ߊ߬ ߟߊ߫ ߡߐ߱ ߟߎ߬ ߟߋ߬ ߝߣߊ߫ ߓߟߏ߫>> ߞߕߌߞߊ߲ߘߊ ߞߵߏ߬ ߢߊߝߐ߫.

 

ߛߓߍߛߎ߲ߦߊߟߌ ߞߏߕߌ߯ߘߊ ߝߣߊ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߞߍ߫߸ ߞߊ߬ ߓߍ߲߬ ߝߏߣߌ߲ߞߋ߫ ߛߊ߬ߓߊ߰ߕߐ ߣߌ߲߬ ߠߊ߫ ߛߊ߬ߦߊ ߞߍߢߊ ߡߊ߬߸ ߏ߬ ߟߎ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ <<ߞߊ߬ ߓߍ߲߬ ߡߊߡߊߘߎ߫ ߖߎߡߊ ߓߊ ߟߊ߫ ߛߊ߬ߦߊ ߞߍߢߊ ߡߊ߬߸ ߊ߬ ߟߊߕߊ߯ ߘߊ߫ ߟߋ߬ ߘߊ߲ߘߊߛߏ ߟߊ߫ ߡߎߣߎ߲߬ ߊ߬ ߘߊ߲ߘߊ߫ ߞߊ߲ߡߊ߬، ߏ߬ ߟߋ ߞߐ ߘߐ߫߸ ߊ߬ ߟߊߕߊ߬ߡߌ߲߬ ߘߴߊ߬ ߞߐߙߍ ߡߊ߬ ߛߌߣߍ߲߬ ߞߕߌߓߋߟߋ߲ ߞߵߏ߬ ߝߐ߫. ߊ߬ ߛߊ߬ ߘߊ߫ ߘߊ߲ߘߊߛߏ ߟߊ߫ ߞߵߊ߬ ߕߏ߫ ߊ߬ ߟߊ߫ ߡߐ߱ ߟߎ߬ ߕߊ߫ ߓߟߏ ߟߋ߬ ߡߊ߬ ،ߓߊ߬ߙߌ߬߸ ߟߌ߬ߤߟߊ ߡߍ߲ ߠߎ߬ ߦߋ߫ ߝߌߙߌ߲ߝߌߙߌ߲߫ ߠߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߞߏ߫ ߞߊߡߋߙߋ߲ ߛߊ߬ ߘߊ߫ ߞߵߊ߬ ߕߏ߫ ߥߛߎ ߟߋ߬ ߟߊ߫߸ ߏ߬ ߟߎ߬ ߕߍ߫ ߕߎ߬ߢߊ߬ ߘߌ߫،ߊ߲ ߞߏ߬ߣߌ߲ ߦߋ߫ ߞߐߙߍ ߣߌ߫ ߘߍ߬ߢߐ߲߮ ߠߎ߬ ߓߍ߯ ߡߊߛߓߊߙߌ߫ ߟߊ߫ ߞߵߊߟߊ߫ ߤߌߣߊ߫ ߝߎ߬ߙߋ߬ߣߍ߲ ߠߊ߫ >> ߛߓߍߛߎ߲ߦߊߟߌ ߞߏߕߌ߯ߘߊ ߞߵߏ߬ ߦߌ߬ߘߴߊ߬ߟߎ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߘߐ߫.

​

ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߟߊ ߟߎ߫  ߞߊ߬ ߞߊ߲ߡߋߙߋ߲ ߠߊ߫ ߛߊ߬ߦߊ ߣߌ߲߬ ߖߌ߰ ߕߋߟߋ߲ߓߊߟߌߦߊ ߣߌ߫ ߡߊ߬ߓߌ߬ߟߊ߬ߟߊ ߟߋ߬ ߘߌ߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ ߠߊ߫<< ߛߊ߬ߙߌ߬ߦߊ߬ ߛߌ߫ ߡߊ߫ ߛߐ߲߬ ߡߐ߰ ߝߊ߮ ߡߊ߬߸ ߞߎߡߊߕߍ߫ ߞߊ߬ ߘߌ߬ߢߍ߫ ߊ߬ ߞߍߓߊ߮ ߡߊ߬، ߏ߬ ߘߐ߫߸ ߛߊ߬ߙߌ߬ߦߊ ߦߴߊ߬ ߟߊ߫ ߓߊ߯ߙߊ ߞߍ߫>> ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߟߊ ߣߌ߲߬ ߞߵߏ߬ ߝߐ߫.

 

ߊ߬ ߞߏ ߞߏ߬ߣߌ߲ ߞߎߡߊ ߢߊ߬ߣߍ߲߫ ߕߋ߲߬ ߞߘߏߞߘߏ߫ ߘߍ߬ߞߙߏߝߏ ߟߎ߫ ߞߊ߲߬.