ߞߏ߲߬ߓߏ ߎߛߑߡߊߣ ߕߙߊߏߙߋ߫ ߟߋ߬ ߓߘߊ߫ ߟߊ߲ߔߊ߲ߘߍ߯ߙ ߄ ߛߊ߲߬ ߞߴߊ߬ ߦߴߊ߬ ߝߍ߬ ߞߊ߬ ߕߊ߯ ߏ߬ ߕߘߎ߫ ߞߟߐ߬ߣߍ߲߫ ߒߞߏ ߛߌ߲ߘߌߓߊ߮ ߥߟߏߛߟߎ ߟߊ߫߸ ߞߵߏ߬ ߞߍ߫ ߊ߬ ߕߊ߫ ߡߊ߬ߜߍ߲ ߘߏ߫ ߘߌ߫ ߟߐ߲ߞߏߕߌ߯ ߛߟߏ߬ߡߊ߯ߣߊ߫ ߞߐߙߍ ߟߊߘߤߊ ߘߐ߫، ߊ߬ ߞߵߏ߬ ߞߏ ߟߊߛߋ߫ ߛߟߊߕߌ߯ ߓߍ߯ߓߊߖߘߍ߬ߦߋ߫ ߟߋ߫ ߡߊ߬ ߜߋߟߋ߲ߜߋߟߋ߲ ߠߊ߫߸ ߞߏ߫ ߒߞߏߡߐ߮ ߟߎ߬ ߦߋ߫ ߢߐ߲߮ ߞߏߟߊ߲ߞߘߐߢߐ߯ߦߊ߫߸ ߞߊ߬ ߓߍ߲߬ ߟߏ߲߫ ߞߋߟߋ߲߫ ߡߊ߬ ߞߊ߬ ߕߊ߯ ߊ߬ ߕߘߎ߫.

ߞߏ߲߬ߓߏ ߎߛߎߡߊߣ ߞߏߓߊߞߍ߫ ߕߙߊߥߟߋ߫ ߞߵߊ߬ ߦߌ߬ߘߊ߬ ߞߏ߫߸ ߊ߬ ߞߍߣߍ߲߫ ߒߞߏ ߞߊߙߊ߲ߘߋ߲ ߠߎ߬ ߟߊ߫ ߞߍߟߌ ߟߋ߬ ߘߐ߫߸ ߞߏ߫ ߊ߬ߟߋ ߦߴߏ߬ ߡߍ߲ ߠߎ߬ ߘߏ߫ ߘߌ߫ ߞߊ߬ߣߌ߲߫، ߞߏ߫ ߊ߬ߟߋ ߕߴߊ߬ ߞߏ߫߸ ߞߏ߫ ߒߞߏ ߞߊߙߊ߲ߘߋ߲ ߕߐ߭ ߟߎ߬ ߦߴߊ߬ߟߎ߬ ߞߏ߫߸ ߞߏ߫ ߊ߬ߟߎ߬ ߓߍ߯ ߦߋ߫ ߝߍ߫ ߞߋߟߋ߲ ߞߣߐ߫ ߞߌߛߍ ߟߎ߫ ߟߋ߬ ߘߌ߫.

( ߊߟߎ߫ ߓߊ߯ ߦߙߐ ߡߍ߲ ߦߌߘߊߞߊ߬ ߞߏ߫ ߞߵߊ߬ ߕߘߎ߫ ߦߋ߲߬߸ ߊ߬ ߕߘߎߕߐ߫ ߦߋ߲߬ ߠߋ߬ ߕߘߋ߫، ߞߊ߬ߕߎ߲߯߸ ߊ߬ ߞߍߣߍ߲߫ ߊߟߎ ߒߞߏ ߞߊߙߊ߲ߘߋ߲ ߠߎ߬ ߟߊ߫ ߞߍߟߌ ߟߋ߬ ߘߐ߫߸ ߓߊߏ߬ ߒߠߋ ߖߍ߬ߘߍ ߝߣߊ߫ ߦߋ߫ ߒߞߏ ߞߊߙߊ߲ߘߋ߲ ߠߋ߬ ߘߌ߫، ߏ߬ ߘߐ߫ ߘߎߢߊ߫ ߒߞߏ ߞߊߙߊ߲ߘߋ߲ ߓߍ߯ ߓߏ߲߬ߧߊ߬ ߦߴߊ߬ ߘߐ߫). ߕߙߊߥߟߋ ߎߛߎߡߊߣ ߠߋ߬ ߞߊ߲߫ ߕߋ߲߬ .

ߞߏ߲߬ߓߏ ߎߛߎߡߊߣ ߕߙߊߥߟߋ߫ ߛߋ߲߬ߢߊ߬ ߝߟߐ߫ ߕߍ߫ ߣߌ߲߬ ߘߌ߫߸ ߊ߬ ߝߌߟߊߣߊ߲߫ ߕߍ߫، ߊ߬ ߣߊ߭ ߡߍ߲ ߞߍߣߍ߲߫ ߛߏ߫ ߛߌ߯ ߞߊ߲ ߡߊ߬ ߞߊ߲ߞߊ߲߫߸ ߊ߬ ߥߊ߫ ߘߊ߫ ߢߟߊߞߊߟߊ߲ߠߌ߲ ߠߊ߫ ߞߊ߲ߕߍ߫ ߞߐߙߍ ߡߊ߬ ߞߟߐ߬ߣߍ߲߫،

ߊ߬ ߝߊ߲߭ ߓߍ߲߬ ߘߊ߫ ߛߎ߬ߞߏ߬ߦߊ ߘߏ߫ ߟߋ߫ ߡߊ߬ ߦߋ߲߬ ߏ߬ ߟߏ߲ ߞߊ߲ߠߊ߫ ߸ ߊ߬ ߞߵߊ߬ ߕߊ߫ ߢߊߖߌߟߊߕߍߙߍ߲ߘߍ ߞߍ߫ ߓߊߘߍ ߏ߬ ߘߐ߫، ߏ߬ ߞߐ ߟߋ߬ ߞߍ߫ ߘߊ߫ ߛߎ߲ߞߊߙߏ ߛߋ ߘߌ߫߸ ߊ߬ ߞߊ߬ ߟߌߞߐ߯ ߓߘߐ ߛߊ߲߬ ߞߵߏ߬ ߟߊ߫ ߣߐߣߐߡߎ߯ ߝߍ߯ߝߍ߯ ߞߋߟߋ߲߫ ߞߊ߲߬߸ ߞߵߏ߬ ߟߊ߫ ߝߙߏߞߏ ߘߏ߫ ߞߊ߲߬ ߞߊ߬ ߕߊ߯ ߏ߬ ߡߊߟߐ߬ ߞߟߐ߬ߣߍ߲߬ߞߊ ߟߎ߬ ߟߊ߫ ߛߎ߲ߕߍ߮ ߘߌ߫، ߏ߬ ߞߍ߫ ߘߊ߫ ߕߙߊߓߊ ߕߟߋ߬ ߀߁߭ ߟߋ߬ ߡߊ߬ ߂߀߂߆ ߢߌ߲߬ ߠߊ߫، ߛߎ߲ߞߊߙߏ߫ ߛߊߟߌ ߛߋߣߍ߲ ߝߣߊ߫߸ ߊ߬ ߕߊ߯ ߘߊ߫ ߝߊ߰ߣߌ߲ ߘߴߌߞߐ߫، ߘߐ߲߬ߞߌ߲߬ ߛߊߟߌ ߝߣߊ߫ ߛߋߣߍ߲߫߸ ߞߏ߲߬ߓߏ ߞߊ߬ ߛߊ߰ߖߌ߰ ߞߋߟߋ߲߫ ߛߊ߲߬ ߞߵߏ߬ ߟߊ߫ ߞߊ߲߬ߓߍ߲߫ ߛߊ߬ߓߊ߫ ߞߊ߲߬ ߞߊ߬ ߕߊ߯ ߏ߬ ߘߌ߫ ߟߐ߲ߞߏߕߌ߮ ߞߐߙߍ ߡߊ߬ ߞߟߐ߬ߣߍ߲߫، ߏ߬ ߞߍ߫ ߘߴߊ߬ ߓߟߏ߫ ߘߐ߲߬ߞߌ߲߬ ߞߊߙߏ ߕߟߋ߬ ߀߇ ߟߋ߬ ߟߊ߫، ߂߀߂߆ ߘߓߊ߬ߕߊ ߕߟߋ߬ ߁߁.

ߊ߬ ߣߐ߬ ߞߎ߲߬ߞߊ߲߲߬ ߞߎߘߊ ߡߍ߲ ߝߣߊ߫ ߓߐ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߂߀߂߆ ߘߓߊ߬ߓߌߟߊ ߕߟߋ߬ ߁߀ ߡߊ߬߸ ߏ߬ ߟߋ ߞߍߣߍ߲߫ ߟߊ߲ߔߊ߲ߘߍ߯ߙ ߣߊ߯ߣߌ߲߫ ߞߏ ߣߌ߲߬ ߘߌ߫߸ ߞߏ߫ ߞߊ߬ߙߊ߲߬ߡߐ߯ ߛߟߏ߬ߡߊ߯ߣߊ߫ ߝߎ߬ߙߋ ߟߊߣߍ߲߫ ߦߙߐ ߡߍ߲ ߘߐ߫߸ ߞߏ߫ ߊ߬ߟߋ ߞߊ߫ ߞߊ߲߫ ߠߋ߬ ߦߋ߲߬ ߡߊߦߋߙߋ߲߫ ߢߊ ߓߍ߯ ߞߊ߲߬.

ߊ߬ ߟߊ߫ ߥߟߋߟߌ ߛߋ߫߫ ߘߊ߫ ߡߐ߰ ߝߟߐ ߡߍ߲ ߡߊ߬ ߣߌ߲߬ ߞߏ ߘߐ߫߸ ߏ߬ ߟߋ ߞߍߣߍ߲߫ ߛߟߊߕߌ߯ ߓߍ߯ߓߊߖߘߍ߬ߦߋ߫ ߞߡߊ߬ߙߊ߬ ߘߌ߫ ߞߊ߲ߞߊ߲߫߸ ߞߵߏ߬ ߦߴߊ߬ ߓߏ߲߬ߧߊ ߟߊߛߋ߫ ߒߞߏ ߞߊߙߊ߲ߠߊ ߟߎ߫ ߡߊ߬، ߏ߬ ߓߘߊ߫ ߞߊ߬ߙߊ߲߬ߡߐ߯ ߓߊߛߓߊ߬ߕߌ߫ ߛߘߌ߬ߓߋ߫ ߣߌ߫ ߥߘߋ߬ߥߘߋ߬ߟߌ ߝߊ߬ ߛߊ߬ߙߌ߬ߓߎ ߞߋߕߊ߬ ߟߊߟߐ߲ߠߌ߲߫ ߊ߬ ߞߏ ߟߊ߫ ߡߎߣߎ߲߬߸ ߞߏߛߊ߫ ߟߊ߬ߘߍ߬ ߘߌ߫ ߞߍ߫ ߢߊ ߡߍ߲ ߞߊ߬ ߓߍ߲߬ ߟߏ߲߫ ߞߋߟߋ߲߫ ߡߊ߬، ߒ߬ߓߊ߬߸ ߊ߬ ߦߋ߫ ߘߊߞߎ߲ ߏ߬ ߟߋ ߘߐ߫ ߕߋ߲߬ ߡߎߣߎ߲߬، ߊ߬ ߞߏ ߓߊ߯ ߞߎ߲߬ߘߏ߲߬ ߢߊ ߡߍ߲ ߡߊ߬߸ ߛߌߟߊߓߐߛߐ߯ߣߊ߫ ߘߴߏ߬ ߞߌ߬ߛߍ ߞߴߊߟߎ߫ ߕߍ߯.

ߟߌ߬ߤߟߊ ߢߌ߲߬ ߛߐ߬ߘߐ߲߬ߣߍ߲߫ ߞߏ߲߬ߓߏ ߎߛߎߡߊߣ ߖߘߍ߬ߓߊ߬ߞߎ߲ ߞߎߡߊߢߐ߲߯ߦߊ ߟߋ߬ ߘߐ߫߸ ߊ߬ ߣߌ߫ ߛߟߊߕߌ߯ ߓߍ߯ߓߊߖߘߍ߬ߦߋ߫ ߝߣߊ߫ ߞߎߡߊߢߐ߲߯ߦߊ ߘߐ߫.

ߊ߬ߟߌ ߞߙߊ߬ߞߐ߬ߞߊ ߞߊ߬ߟߐ ߓߟߏ߫ ߛߌ߯ߙߌ߲߫