ߖߌߥߎ߫ ߞߏߖߊ߫ ߘߊ߲ߘߊߜߏ ߡߍ߲ ߦߋ߫ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߘߐ߫ ߕߊ߲߬߸ ߏ߬ ߞߘߐ߬ߡߊ߲߬ߢߐ߲߮ ߠߋ߬ ߓߘߴߊ߬ ߞߎ߲߬ߟߊ߫ ߞߛߌ߬ߘߎ߯ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫، ߞߊ߬ߦߌ߯ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߟߋ߬ ߘߐ߫߸ ߖߌߥߎ߫ ߞߏߖߊ ߦߋ߫ ߞߛߌ߬ߘߎ߯߸  ߖߌߥߎ ߛߐ߬ߘߐ߲ ߜߟߍ߬ߡߊ߲߫ ߕߘߍ߬، ߒ߬ߞߊ߬߸ ߊ߬ ߕߘߍ߬ ߡߐ߱ ߝߊ߲߬ߓߊ ߢߣߊ߫ ߟߋ߬ ߞߏ߫ ߛߊߟߌ ߢߊߞߘߐߟߊ ߖߌߥߎ߫ ߞߏߖߊ ߟߋ߬، ߞߏ߬ߣߌ߲߬ ߥߊߦߌߞߊ߫߸ ߊ߬ ߕߊ߬ߡߌ߲߬ߣߍ߲߫ ߡߊߞߊ߬ߝߏ߬ ߟߊ߫ ߟߋ߬߸ ߝߏ߫ ߓߌ߬ ߕߋ߲߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߢߌ߲߬ ߡߊ߬߸ ߖߌߥߎ߫ ߛߐߘߐ߲ ߓߘߊ߫ ߞߍ߫ ߓߊ߲߬ߓߊ߬ߓߏ߬ ߟߊ߬ߦߟߍ ߘߌ߫، ߟߐ߲ߓߊ߯ߦߊ ߦߋ߫ ߘߛߍ ߞߊ߲߬ ߖߌߥߎ ߛߐ߬ߘߐ߲߬ ߠߊ߫، ߓߊߏ߬߸ ߌ ߓߊ߯ ߕߊ߯ ߌ ߓߊߘߋ߲߫ ߖߌߥߎ߫ ߝߙߋߟߊ ߡߍ߲ ߛߐ߬ߘߐ߲߬ ߞߏ߫ ߊ߬ ߦߋ߫ ߢߊ߬ ߌ ߡߊ߬ ߖߌߥߎ ߕߏ߲ߜߊ߫ ߝߌ߬ߟߊ߬ ߟߊ߫ ߖߊ߰ߣߌ߲߬߸ ߏ߬ ߘߴߌ ߖߋ߬ߓߌ߬ ߞߏ߫ ߤߊߟߌ߬ ߡߍ߲ ߘߌ߫ ߟߊ߫ ߡߛߏ߬ߞߣߐߡߊ ߓߊ߬ߘߊ ߟߊ߫ ߕߊ߲߬߸ ߏ߬ ߕߴߦߋ߲߬. 

ߞߛߌ߬ߘߎ߯ ߖߌߥߎ߫ ߞߏߖߊ ߣߌ߲߬ ߘߐ߫߸ ߡߐ߱ ߟߎ߬ ߦߋ߫ ߖߌߥߎߘߊߕߌ߮ ߟߎ߬ ߡߊߓߙߎ߬ߕߌ߬ ߟߊ߫߸ ߞߊ߬ ߞߎ߲߬ߠߊ߬ߛߌ߮ ߝߣߊ߫ ߓߙߎ߬ߕߌ߬، ߓߊߏ߬߸ ߜߎ߲߬ߘߎ߬ ߘߐ߬ ߛߙߋ ߘߏ߫ ߕߊ߫ ߝߐߟߌ߫ ߘߐ߫߸ ߞߛߌ߬ߘߎ߯ ߞߎ߲߬ߠߊ߬ߛߌ߮ ߟߎ߫ ߓߘߊ߫ ߖߌߥߎߘߊ ߟߎ߫ ߞߎ߬ߡߊ߲߬ߘߌ߫ ߖߌߥߎ ߞߍ ߡߊ߬ ߖߌߥߎ߫ ߝߙߋߟߊ ߟߎ߫ ߞߎ߲߬ ߘߎ߲ ߘߐ߫߸ ߞߏ߫ ߝߏ߫ ߓߏ߬ߙߌ߬ߝߋ߲߬ߕߌ߮ ߟߎ߫ ߘߊ߬ߡߊ، ߖߌߥߎߘߊ߫ ߛߌߦߊߡߊ߲߫ ߘߊߕߎ߲߯ߣߍ߲߫ ߠߋ߬ ߝߣߊ߫߸ ߊ߬ߟߎ߬ ߕߍ߫ ߓߊ߯ߙߊ߫ ߟߊ߫. 

ߡߍ߲ߣߍ߲ ߦߋ߫ ߛߐ߬ߘߐ߲߬ ߠߊ߫ ߟߐ߯ߝߌ߲ ߡߐ߱ ߟߎ߬ ߓߟߏ߫ ߏ߬ ߘߐ߫߸ ߏ߬ ߟߎ߬ ߝߣߊ߫ ߦߋ߫ ߛߏ߬ ߛߐ߲ߞߐ ߟߊ߫ ߟߴߏ߬ ߞߊ߲߬ ߛߏߣߍ߲ ߠߎ߬ ߟߊ߫߸ ߛߏ ߘߏ߫ ߟߎ߫ ߓߍ߫ ߕߋ߲߬ ߖߍ߬ߘߍ߸ ߦߏ߫ ߝߙߊߣߊ߫ ߓߊ߰ߢߊ߲߫߸ ߖߌߥߎ ߕߏ߲ߜߊ߫ ߞߋߟߋ߲ ߦߋ߫ ߖߕ ߃߀ ߀߀߀ ߟߋ߬ ߘߌ߫ ߦߋ߲߬ ߕߋ߲߬߸ ߘߏ߫ ߟߎ߫ ߦߋ߫ ߂߅ ߀߀߀ ߘߐ߫، ߛߏߣߍ߲߫ ߜߘߍ߫ ߟߊ߫߸ ߊ߲ ߞߊ߬ ߖߌߥߎ ߕߏ߲ߜߊ߫ ߞߋߟߋ߲ ߂߀ ߀߀߀ ߦߋ߫ ߦߋ߲߬، ߛߐ߲߬ߞߐ߬ ߦߟߍ ߣߌ߲߬ ߘߏ߲߬ ߦߋ߫ ߞߐߥߟߏ߫ ߟߊ߫߸ ߝߋ߲ ߠߎ߬ ߛߐ߲߬ߞߐ߬ ߜߟߍߦߊ ߟߋ߬ ߟߊ߫. 

ߞߏ߫ ߞߊ߬ ߖߌߥߎ ߞߍ߫ ߓߏ߬ߙߌ߬ߝߋ߲߬ߕߌ߮ ߟߎ߬ ߘߐߙߐ߲߫ ߞߎ߲߬߸ ߒ߬ߞߊ߬ ߖߌߥߎߘߊ ߝߊ߲߬ߓߊ ߕߎ߯ߣߍ߲߫، ߏ߬ ߘߐ߫ ߞߎ߲߬ߠߊ߬ߛߌ߮ ߞߊ߫ ߞߊ߲߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߢߊߘߐߝߍߣߍ߲߫ ߖߌߥߎ߫ ߞߏ ߣߌ߲߬ ߘߐ߫ ߡߎ߬ߕߎ߲߬߸ ߣߴߏ߬ ߕߍ߫ ߊ߬ ߓߘߊ߫ ߞߍ߫ ߖߛߎ߬ߡߊ߬ߞߛߊ ߘߌ߫߸ ߦߌߟߊ߲ߦߌߟߊ߲ ߘߌ߫߸ ߊ߬ ߣߌ߫ ߖߌ߰ߕߍ߮ ߘߌ߫.