ߞߊ߬ ߞߟߊ߬ߘߏ߲ߛߏ߫ ߡߏߙߌ߫ ߖߐ߲߬ߡߊ߬ߛߌߣߌ߲ߟߐ߲߫ ߞߐߛߊ߬ߦߌ߲߬ߕߐ ߕߏ߫ ߞߊ߬ ߓߐ߫ ߡߞߊ߫߸ ߊ߬ߟߋ ߡߍ߲ ߦߋ߫ ߞߊ߬ߝߊ߫ ߂߀߀ ߛߓߍߓߊ߮ ߘߌ߫ ߛߊ߲߲߬ ߛߋߦߌ߲߫ ߞߣߐ߫߸ ߊ߬ߟߎ߬ ߟߊ߫ ߢߐߢߐ߲ߠߌ߲ ߛߋ߲߭ߝߍ߬ ߊ߬ߘߌߛߊ߬ߓߋ߬ߓߊ߬߸ ߋߗߏߔߌ߫ ߞߎߓߋߘߊ ߟߊ߫߸ ߘߎߢߊ߫ ߞߟߊ߬ߘߏ߲ߛߏ ߟߎ߬ ߘߐ߫ ߓߏ߲߬ߓߊ ߞߵߊ߬ ߡߙߌߣߊ߲ ߘߌ߫ ߞߊ߬ ߓߍ߲߬ ߝߘߊ߬ߝߌ߲߬ߠߊ߬ ߜߙߋ ߟߊ߫ ߖߘߍ߬ߛߐߘߐ߲ ߡߊ߬ ߥߙߎߞߌ ߛߌߟߊ ߞߊ߲߬.

ߊ߬ ߣߐ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߟߊ߫ ߖߌ߬ߦߊ߬ߖߟߎ ߘߏ߫ ߞߣߐ߫߸ ߞߊ߬ ߋߗߏߔߌ߫ ߞߎߓߋߘߊ ߦߙߐ߫ ߢߣߊߡߊ ߘߏ߫ ߖߌ߬ߦߊ߬ߖߟߎ߬ߦߊ߫ ߞߵߊ߬ ߡߙߌߦߊ ߘߌ߫، ߞߟߊ߬ߘߏ߲ߛߏ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲ ߠߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߊ߯ߙߊ ߕߊ߬ ߛߍ߬ߓߍ ߟߊ߫߸ ߞߊ߬ ߟߊ߬ߥߟߏ߬ߟߌ ߕߊ߬ ߛߍ߬ߓߍ ߟߊ߫߸ ߞߊ߬ ߞߎߡߓߊ߫ ߝߐ ߟߎ߬ ߕߏ߫ ߦߋ߲߬.

<<ߦߊ߲߬ ߦߋ߫ ߊ߬ߘߌߛߊ߬ߓߋ߬ߓߊ߫ ߟߋ߬ ߘߌ߫߸ ߋߗߏߔߌ߫، ߊ߲ ߓߐ߫ ߘߊ߫ ߡߞߊ߫߸ ߊ߲ ߓߘߊ߫ ߛߌ߬ ߦߊ߲߬ ߓߌ߬، ߊߟߎ߫ ߖߍ߬ߘߍ ߢߊ߯ ߘߎ߱ ߟߊ߫߸ ߦߋߞߏ ߞߊ߬ ߝߐߞߏ ߓߊ߲߫.>> ߊ߬ ߞߵߏ߬ ߦߌ߬ߘߊ߬.

ߊ߬ ߢߊ ߛߙߋߦߊ߫ ߘߊ߫ ߟߐ߬ߟߌ ߛߎ߯ߦߊ ߡߍ߲ ߠߎ߬ ߞߊ߲߬߸ ߓߊ߯ߙߊ߫ ߓߟߋߓߟߋ ߡߍ߲ ߠߎ߬ ߞߍߣߍ߲߫ ߦߋ߲߬߸ ߏ߬ ߞߵߊ߬ ߢߊߥߏ ߝߊ߫ ߞߏߛߓߍ߫، ߡߏߙߌ߫ ߞߡߊ߬ߙߊ߫ ߞߵߊ߬ ߖߊ߬ߕߋ߬߸ ߞߏ߫ ߥߙߎߞߌ ߕߍ߫ ߘߏ߫ ߜߘߍ߫ ߘߌ߫ ߖߊ߬ߡߊ ߟߊ߫ ߝߊ߬ߙߊ߫ ߢߐ߲߰ ߞߊ߲ ߞߐ߫ ߞߊ߬ ߥߟߌ߬߸ ߞߊ߬ ߓߊ߯ߙߊ ߕߊ߬ ߛߍ߬ߓߍ ߟߊ߫، ߏ߬ ߟߋ ߣߊ߬ ߟߊ߫ ߛߓߊ߬ߕߌ ߘߌ߫.

<<ߢߌ߲߬ ߠߎ߬ ߓߊ߯ߙߊ߫ ߘߊ߫ ߟߋ߬، ߒ߬ߞߊ߬߸ ߊ߲ߠߎ߬ ߞߵߊ߲ ߕߊ ߞߍ߫ ߞߎߡߊ ߟߋ߬ ߘߌ߫، ߞߎߡߊ߫ ߓߙߎߓߙߎ߸ ߞߎߡߊ߫ ߡߌߛߍ߲.>> ߊ߬ ߞߵߏ߬ ߝߐ߫.

ߊ߬ ߟߊ߫ ߛߙߊ߬ߣߎ߲ ߘߐ߫߸ ߞߟߊ߬ߘߏ߲ߛߏ ߞߊ߬ ߝߘߊ߬ߝߌ߲ ߠߎ߬ ߡߊߞߕߌ߫ ߞߵߊ߬ߟߎ߬ ߡߊߓߎ߬ߙߎ߲߬ߕߌ߫߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߟߊ߫ ߕߎ߬ߡߊ ߡߎ߰ߡߍ ߘߌ߫ ߡߊ߬ߞߕߌ߬ߟߌ߬ ߓߊ߲ߓߊߟߌ ߟߎ߫ ߡߊ߬߸ ߞߊ߬ ߕߏ߫ ߊ߬ߟߎ߬ ߟߊ߫ ߟߊ߬ߣߐ߮ ߟߊ߫ ߟߊ߫ ߡߐ߰ ߜߘߍ ߟߎ߫ ߞߎ߲߬ ߛߐ߲߬.

<<ߌ ߓߊ߯ ߛߴߊ߲ߠߎ߬ ߓߘߊ߸ ߝߏߦߌ߬ ߕߴߦߋ߲߬، ߕߎ߬ߓߊ߬ߓߎ ߟߎ߬ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫ ߦߊ߲߬، ߊ߬ߙߊ߬ߓߎ ߟߎ߫ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫، ߞߊ߬ߦߌ߯ ߛߌ߬ߟߡߊ߬ߦߊ߬ ߘߌ߯ߣߊ ߣߊ߬ ߘߊ߫߸ ߊ߲ ߡߊ߬ߞߏߛߊ߬ ߘߊ߫߸ ߊ߲ ߕߊ ߕߌߢߍ߫ ߘߊ߫، ߊ߬ ߓߍ߯ ߥߎߦߊ߫.>> ߊ߬ ߞߵߏ߬ ߦߌ߬ߘߊ߫߸ ߞߵߊ߬ ߝߐ߫ ߞߏ߫ <<ߖߊ߬ߞߎߡߊ߲ ߕߴߌ ߛߌ߲߫ ߊ߬ ߟߊ߫ ߝߎ߬ߥߊ߬ߙߋ߬ߦߊ ߟߊ߫߸ ߝߏ߫ ߢߌߣߊ ߦߋ߫ ߒ ߗߌ߲߫ ߒ ߘߊ ߟߊ߫، ߊߟߴߊߟߎ߫ ߓߊ߲߬ ߓߊ߯ߙߊ߫ ߞߏ ߡߊ߬>>

ߞߵߊ߬ ߟߊ߫ ߞߎߡߊ ߣߌ߲߬ ߛߐ߫ ߘߊ߬ߟߎ߬ ߟߊ߫߸ ߊ߬ ߞߊ߬ ߋߗߏߔߌ߫ ߟߋ߬ ߦߌ߬ߘߊ߫ ߖߌ߬ߦߊ߬ߖߟߎ ߘߐ߫߸ ߞߊ߬ ߓߊ߲߫ ߞߵߏ߬ ߞߍ߫ ߟߊߒߡߊ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߘߌ߯ߣߊ߫ ߝߌ߬ߟߊ ߡߍ߲ ߣߌ߲߬߸ ߌߛߊߟߞߊߦߊ ߣߌ߫ ߛߌ߬ߟߡߊ߬ߦߊ߸ ߏ߬ ߓߍ߯ ߞߐ߲߰ ߘߊ߫ ߋߗߏߔߌ߫ ߞߊ߲߬ ߞߊ߬ ߕߊ߬ߡߌ߲߬ ߝߘߊ߬ߝߌ߲߬ ߖߡߊߣߊ ߕߐ߭ ߟߎ߫ ߞߊ߲߬ ߝߊ߯ߘߐߞߍ߫ ߦߙߌߞߊ߫ ߟߊ߫.

<<ߣߌ߫ ߛߌ߬ߟߡߊ߬ߦߊ߬ ߞߏ ߟߋ߬߸ ߛߌ߬ߟߡߊ߬ߦߊ ߞߐ߲߰ ߘߊ߫ ߦߊ߲߬ ߡߊ߬ ߞߊ߬ ߕߊ߬ߡߌ߲߬ ߊ߲ ߓߘߊ ߞߊ߲߬، ߛߌ߬ߟߡߊ߬ߦߊ ߣߌ߫ ߞߙߋ߬ߕߌ߬ߢߍ߲߬ߦߊ߸ ߏ߬ ߝߟߐ߫ ߘߊ߫ ߘߎ߱ ߢߌ߲߬ ߠߋ߬ ߟߊ߫ ߞߊ߬ ߕߊ߬ߡߌ߲߬ ߊߝߙߌߞߌ߬ ߘߎ߱ ߓߍ߯ ߞߊ߲߬، [...] ߊ߲ ߕߍ߫ ߓߊ߯ߙߊ ߞߍ߫ ߊ߲ ߧߋ߫ ߞߎߡߊ߫ ߓߙߎߓߙߎ ߘߊߓߌ߬ߟߊ߫؟>> ߊ߬ ߞߵߏ߬ ߝߐ߫.

ߊ߬ߟߋ ߟߊ߫ ߝߐߟߌ߫ ߘߐ߫߸ ߥߙߎߞߌ ߡߍ߲ ߦߋ߫ ߟߊߞߙߐ߬ߛߌ߬ ߟߊ߫ ߋߗߏߔߌ߫߸ ߏ߬ ߟߎ߫ ߞߵߊ߬ߟߎ߬ ߘߐߖߊ߬ ߟߋ߬߸ ߞߵߊ߬ߟߎ߬ ߕߍߛߘߌ߬ ߜߍ߫ ߘߐ߫ ߓߊ߯ߙߊ ߞߊ߲߬߸ ߞߊ߬ ߕߊ߬ߡߌ߲߬ ߤߊ߲ߞߟߌ߫ ߟߊ߫ ߛߐߛߐߟߌ߫ ߓߊ߲ߓߊߟߌ ߞߊ߲߬߸ ߊ߬ ߣߌ߫ ߡߊ߬ߝߌ߲߬ߠߌ߲߬ ߓߊ߲ߓߊߟߌ ߣߌ߫ ߘߍ߲߫ ߦߙߐ߫ ߢߌߣߌ߲.

<<(ߋߗߏߔߌߞߊ) ߢߌ߲߬ ߠߎ߫ ߞߊ߬ ߞߎߡߊ ߟߋ߬ ߕߏ߫ ߦߋ߲߬߸ ߞߊ߬ ߥߟߌ߬، [...] ߌߛߊ߫ ߘߌ߯ߣߊ ߦߋ߫ ߦߊ߲߬߸ ߛߌ߬ߟߡߊ߬ߦߊ߬ ߘߌ߯ߣߊ ߛߓߊ߬ߕߌ߬ߣߍ߲߫ ߦߊ߲߬، [...] ߞߏ߬ߣߵߏ߬ ߓߍ߯ ߣߴߊ߬ ߕߊ߫߸ ߋߗߏߔߌ߫ ߥߙߎߞߌߣߍ߲߫.>> ߊ߬ ߞߵߏ߬ ߢߊߝߐ߫.

ߞߟߊ߬ߘߏ߲ߛߏ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ ߞߓߊߞߏߦߊ߫ ߘߊ߫ ߦߙߐߓߊ ߘߏ߫ ߟߎ߫ ߟߊ߫ ߦߋ߲߬߸ ߡߍ߲ ߠߎ߬ ߟߐ߬ ߢߊ ߣߴߊ߬ߟߎ߬ ߦߋ߫ ߢߊ ߞߵߊ߬ ߤߣߍ߫.

<<ߣߴߌ ߛߋ߫ ߘߴߊ߬ߟߎ߬ ߟߊ߫ ߛߊ߲ߡߊߘߊ߲ ߠߊ߫߸ ߌ ߘߌ߫ ߡߊ߲߬ߛߊ߬ߦߊ ߘߴߊߟߊ߫ ߡߊ߬.>> ߊ߬ ߞߵߏ߬ ߟߊߞߙߐ߬ߛߌ߫ ߦߋ߲߬.

ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߞߎߡߊ ߣߌ߲߬ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߝߛߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߞߟߌ߫ ߘߎߢߊ߫ ߥߙߎߞߌ߫ ߞߍߣߍ߲ ߠߎ߬ ߡߊߝߟߍ ߡߊ߬߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߟߊ߬ߣߐ߮ ߟߊ߫ ߟߊ߫ ߡߍ߲ ߺ ߍ ߺ ߡߍ߲߫ ߞߎ߲߬߸ ߊ߬ߟߋ߬ ߕߴߏ߬ ߛߌ߫ ߘߌ߫߸ ߊ߬ߟߎ߫ ߖߘߍ߬ߓߊ߬ߞߎ߲ ߠߋ߬ ߕߊߦߌߓߊ߲߫.

ߊ߬ ߞߵߊ߬ ߟߊ߫ ߞߎߡߊ ߟߊߓߊ߲߫ ߞߍ߫ ߘߎ߬ߥߊ߬ߥߎ ߟߋ߬ ߘߌ߫߸ ߞߏ߫ <<ߊߟߴߊ߲ ߕߊ߫ ߞߍ߫ ߊ߬ ߘߐ߫ ߤߙߍ߫ ߘߌ߫.>>