ߡߊ߬ߟߌ ߞߣߐ߫߸ߣߌ߲߬ ߞߍ߫ ߘߊ߫ ߖߛߎ߬ߞߊ߬ߛߌ ߣߌ߫ ߖߌ߰ߕߍ߮ ߘߊ߲߭ ߠߋ߬ ߘߌ߫، ߞߎߣߎ߲߬ ߕߊ ߟߋ߬ ߥߟߌ߬ ߘߊ߫ ߡߏߔߑߕߌ߬ ߘߌߜ߭ߎ߫ ߟߊ߫߸ ߣߌ߲߬ ߦߋ߫ ߛߊߣߌ߲߫ ߝߙߋ߫ ߦߙߐߓߊ ߟߋ߬ ߘߌ߫، ߕߊ ߟߊ߫ ߓߟߊ߬ߥߎ ߝߊ߲߬ߞߊ ߓߏ߲߬ߧߊ߬ ߘߊ߫ ߟߋ߬ ߞߏߛߓߍ߫߸ ߞߊ߬ߕߎ߲߯߸ ߖߊ߬ߥߏ߬ ߡߌ߬ߛߍ߲߬ߣߍ߲ ߛߌߦߊߡߊ߲߫ ߖߋ߬ߣߌ߲߬ ߘߊ߫ ߟߋ߬߸ ߊ߬ ߣߌ߫ ߞߊ߬ ߣߊ߲߬ߝߟߏ߬ ߛߌߦߊߡߊ߲߫ ߝߣߊ߫ ߞߎ߲߭ ߕߏ߫ ߊ߬ ߘߐ߫߸ ߕߊ ߥߟߌ߬ ߞߎ߲߬ ߖߐ߲ߖߐ߲߫ ߞߏ߬ߣߌ߲ ߟߐߣߍ߲߫ ߕߍ߫ ߝߟߐ߫߸ ߓߊ߬ߙߌ߫߸ ߛߌߞߊ߫ ߞߍߣߍ߲߫ ߞߏ߫ ߖߋ߬ߣߌ߲߬ߕߊ߬ ߟߊ߬ߡߙߊ ߟߋ߬ ߦߴߊ߬ ߞߎ߲߭ ߘߌ߫.

ߡߎ߬ߙߊ߲߬ ߛߎ߯ߦߊ߫ ߓߐߣߍ߲ߢߐ߲߰ߡߊ ߛߌߦߊߡߊ߲߫ ߠߋ߬ ߕߌߢߍ߫ ߘߊ߫߸ ߊ߬ ߣߌ߫ ߞߊ߬ ߝߎ߲ߞߎ߲ ߘߏ߫ ߟߎ߫ ߖߋ߬ߣߌ߲߫߸ ߖߍ߯ ߝߎ߲ߞߎ߲ ߘߏ߫ ߟ߫ߎ ߦߴߊ߬ ߘߐ߫߸ ߛߙߋ ߘߏ߫ ߖߍ߬ߘߍ ߟߊ߫ ߞߎߡߊ߫ ߘߐ߫، ߣߴߊ߬ ߝߐ߫ ߘߊ߫ ߞߏ߫ ߕߌߢߍߟߌߘߊ ߝߊ߲߬ߞߊ ߘߴߊ߬ ߟߐ߬ ߞߋ߲߬ߥߟߎ߫ ߂߀߀ ߢߐ߲߰ ߘߐ߫߸ ߊ߬ߟߋ ߕߍ߫ ߛߐ߬ߛߐ߬ߟߌ߬ ߞߍ߫ ߏ߬ ߡߊ߬߸ ߝߎ߲ߞߎ߲ ߡߍ߲ ߠߎ߬ ߖߋ߬ߣߌ߲߬ ߘߊ߫߸ ߏ߬ ߟߎ߬ ߛߌ߫ ߘߏ߲߬ ߕߍ߫ ߝߎ߲ߞߎ߲߫ ߘߏ߲߰ߣߍ߬ ߘߌ߫.