ߖߊߝߙߊߓߋߞߊ ߟߎ߬ ߞߊ߬ߛߌ߬ ߞߎ߲ ߦߋ߫ ߓߊߟߏ߫ ߞߏ ߟߋ߬ ߘߌ߫ ߥߊ߯ߕߌ߫ ߢߌ߲߬ ߠߊ߫߸ ߊ߬ߟߎ߬ ߟߊ߫ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߖߌ߬ߦߊ ߘߏ߫ ߘߐ߫߸ ߡߍ߲ ߟߊߖߍ߲ߛߍ߲߫ ߘߴߊ߬ߟߎ߬ ߓߟߏ߫، ߞߏ߫ ߛߎ߬ߡߊ߲߬ߞߏ߬ ߘߛߍ ߦߴߊ߬ߟߎ߫ ߞߊ߲߬߸ ߡߊ߬ߟߌ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ߟߎ߫ ߘߍ߬ߡߍ߲߬، ߞߵߊ߬ ߓߐ߫ ߏ߬ ߡߊ߬ ߝߏ߫ ߛߌߛߍ߲߬ ߕߍ ߘߐ߫ ߊ߬ߟߎ߬ ߦߋ߫ ߟߌ߬ߤߟߊ߬ߦߊ߫ ߞߋߟߋ߲߫ ߏ߬ ߟߋ߬ ߞߣߐ߫، ߖߌ߫ ߞߏߖߊ ߦߋ߫ ߣߌ߲߬ ߘߐ߫߸ ߡߊ߬ߞߏ߬ߢߊ߬ ߝߋ߲ ߠߎ߬߸ ߘߊߥߎ߲ߠߌ߲߫ ߝߋ߲ ߠߎ߬߸ ߞߵߏ߬ ߟߊ߫ ߘߊ߲ߘߊߟߌ߫ ߖߐ߯ߙߊ߲ ߠߎ߫ ߞߊ߲߬.

 ߏ߬ ߓߍ߯ ߟߋ߬ ߘߛߍߣߍ߲߫ ߊ߬ߟߎ߬ ߘߐ߫ ߥߊ߯ߕߌ߫ ߢߌ߲߬ ߠߊ߫߸ ߊ߬ ߘߏ߲߬ ߓߘߊ߫ ߞߊߙߏ߫ ߘߊ߲ߘߐ߫ ߓߐ߫ ߞߘߐ߬ߡߊ߲߫ ߖߊߝߙߊߓߋߞߊ ߟߎ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߜߛߏ ߕߍߡߊ߬߸ ߖߋ߬ߓߌ߬ߦߊ߬ߟߊ ߘߏ߫ ߟߊ߫ ߞߎߡߊ߫ ߘߐ߫߸ ߝߋ߲߫ ߝߏߛߌ߬ ߟߋ߬ ߕߴߛߋ߫ ߘߏ߲߬ ߠߊ߫ ߊ߬ߟߎ߫ ߞߊ߲߬߸ ߘߏ߲߬ߠߌ߲ ߠߎ߬ ߦߋ߫ ߛߌߟߊ ߟߊ߫߸ ߊ߲ ߠߊ߫ ߘߏ߲߬ߠߌ߲ ߠߎ߬ ߦߋ߫ ߛߌߟߊ ߟߊ߫ ߞߣߊ߬ ߓߊ߬ߙߌ߫߸ ߊ߬ߟߎ߫ ߛߋߕߐ߫ ߊ߲ ߠߊ߫ ߛߐ߬ߘߐ߲߬ ߠߊ߫ ߘߌ߫߸ ߝߏ߫ ߝߊ߰ߟߌ ߓߘߊ߫ ߓߐ߫ ߊ߬ ߞߏ ߘߐ߫.

<<ߝߋ߲ ߓߍ߯ ߟߋ߬ ߘߏ߲߬ ߘߛߍߣߍ߲߫ ߊ߲ ߘߐ߫ ߕߋ߲߬߸ ߞߵߌ ߡߙߌ߫ ߝߋ߲ ߘߏ߫ ߡߊ߬ ߞߴߏ߬ ߦߋ߫ ߊ߲ ߝߍ߬ ߦߊ߲߬߸ ߍ߲߬ߍ߲߫߹ ߝߏߛߌ߬ ߟߋ߬ ߕߍ߫ ߦߊ߲߬߸ ߊ߬ߟߋ߬ ߓߊ߰ߓߊ߰ߟߌ߬ߟߊ ߟߎ߫ ߖߍ߬ߘߍ ߕߎ߲߬ ߞߊ߬ ߒߠߋ ߡߌ߬ߣߊ߫ ߟߋ߬ ߞߊ߬ ߒ ߓߟߏ ߝߌ߬ߟߊ ߥߟߏ߫ ߒ ߞߐߝߍ߬߸ ߓߊ߬ߙߌ߫߸ ߒ ߘߌ߫ ߊߟߊ߫ ߕߊ߲߬ߘߏ߫ ߓߌ߬>> ߖߊߝߙߊߓߋߞߊ ߟߎ߬ ߟߊ߫ ߟߊ߬ߢߌߣߌ߲ ߕߍ߫ ߘߏ߫ ߜߘߍ߫ ߘߌ߫ ߓߌ߬߸ ߞߊ߬ ߝߙߍ߬ߞߍ߫ ߊ߬ߟߎ߬ ߘߌ߫ ߓߐ߫ ߜߟߍ߬ߦߊ ߣߌ߲߬ ߘߐ߫ ߘߌ߬߸ ߡߊ߬ߟߌ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ߟߎ߫ ߘߍ߬ߡߍ߲߫߸ ߞߵߊ߬ߟߎ߬ ߓߐ߫ ߜߟߍ߬ߦߊ ߣߌ߲߬ ߕߍߡߊ߬.