ߡߊ߬ߟߌ ߞߣߐ߫߸ ߊ߬ ߕߟߋ߬ ߘߊ߲ߘߐ߫ ߟߋ߬ ߕߋ߲߬߸ ߖߌ ߣߌ߫ ߢߎߡߍ ߕߍ߰ߣߍ߲߫ ߓߡߊ߬ߞߐ߫، ߊ߬ ߘߏ߲߬ ߓߘߊ߫ ߡߊ߲߬ߕߙߐ ߟߊߛߋ߫ ߞߎߓߋ ߛߌ߰ߓߊ߮ ߟߎ߫ ߡߊ߬߸ ߊ߬ ߕߌ߯ߕߌ߯ ߡߍ߲ ߠߎ߬ ߟߊ߫ ߓߊ߯ߙߊ ߘߍߣߍ߲߫ ߖߌ ߣߌ߫ ߢߎߡߍ ߟߊ߫߸ ߡߊ߬ߟߌ ߢߍߡߍߞߏ ߛߌ߲߬ߝߏ߲߬ߘߊ <<ߋߘߋߍߡ>> ߖߍ߬ߘߍ ߞߊ߬ ߘߊ߲߬ߕߍ߰ߟߌ ߞߍ߫ ߊ߬ ߞߊ߲߬ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߊ߬ߟߎ߬ ߟߊ߫ ߝߐߟߌ߫ ߘߐ߫ <<ߝߙߋߞߋ ߟߋ߬ ߓߘߴߊ߬ߟߎ߬ ߟߊ߫ ߡߟߊߡߟߊ߫ ߖߟߎ ߘߏ߫ ߟߎ߫ ߛߐ߬ߘߐ߲߫߸ ߏ߬ ߟߋ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߞߎ߬ߙߊ߲ ߕߍ߰ ߦߙߐ߫ ߛߌߦߊߡߊ߲߫ ߘߐ߫>> ߓߊ߬ߙߌ߫߸ ߛߙߋ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ (ߣߐ߰ߦߊ߬ߣߍ߲߫) ߓߘߊ߫ ߞߍ߫ ߊ߬ ߞߏ ߘߐ߫ ߛߌߛߍ߲߬.

ߊ߬ ߜߋ߲ߜߋ߲ ߘߐ߫ ߞߎߣߎ߲߬ ߥߎ߬ߙߊ ߣߌ߫ ߛߐ߰ߡߊ߬ߘߊ ߕߍߟߊ ߘߐ߫، ߞߊ߬ ߞߐ߲߰ ߏ߬ ߢߍ߫߸ ߓߡߊ߬ߞߐ߫ ߛߌ߰ߓߊ߮ ߟߎ߬ ߞߊ߬ ߕߋ߬ߟߋ߫ ߝߌ߬ߟߊ߬ ߖߌߖߊ߬ߣߍ߲ ߠߋ߬ ߞߍ߫ ߞߎ߬ߙߊ߲߬ ߕߍ߫ ߦߋ߲߬ ߞߎߡߊߕߍ߫ ߖߌ ߡߊ߬߸ ߝߊ߲߬ ߜߘߍ߫ ߟߎ߫ ߘߐ߫ ߖߍ߬ߘߍ ߞߏ߫ ߕߋ߬ߟߋ߫ <<ߛߊ߬ߓߊ߫.>>

ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߢߎߡߍ ߣߌ߫ ߖߌ ߘߋ߬ߙߌ߬ߣߍ߲߫ ߠߋ߬ ߕߍ߰ ߟߊ߫ ߓߡߊ߬ߞߐ߫ ߞߣߐ߫ ߕߎ߬ߡߊ߬ߙߋ߲߬ ߘߊ߲ߘߐ߫ ߟߊ߫߸ ߓߊ߬ߙߌ߫߸ ߞߊ߬ ߛߋ߫ ߕߋ߬ߟߋ ߡߊ߬߸ ߢߊߝߐ߫ ߢߊ ߢߌ߬ߡߊ߲߫ ߠߴߏ߬ ߟߊ߫߸ ߡߊ߬ߟߌ ߞߎ߬ߙߊ߲߬ߞߏ ߛߌ߲߬ߝߏ߲߬ߘߊ ߟߊ߫ ߞߎߡߊ߫ ߘߐ߫ <<ߡߟߊߡߟߊ߫ ߖߟߎ߫ ߝߊ߲߬ߞߊ߬ߡߊ ߡߍ߲ ߦߋ߫ ߓߐ߫ ߟߊ߫ ߖߡߊ߬ߣߊ ߕߟߋ߬ߓߐ ߘߐ߫ ߡߣߊߕߊߟߌ߫ ߢߎߡߍ߫ ߕߊ߲ߓߊ߲ ߠߊ߫߸ ߞߊ߬ ߢߎߡߍ ߘߌ߫ ߓߡߊ߬ߞߐ߫ ߣߴߊ߬ ߟߊߡߌߣߌ߲ ߡߊ߬߸ ߘߏ߫ ߟߎ߫ ߟߋ߬ ߞߊ߬ ߕߌߢߍߟߌ ߟߊߛߋ߫ ߏ߬ ߢߎߡߍ߫ ߡߟߊߡߟߊ ߟߎ߫ ߡߊ߬.

ߊ߬ߟߎ߬ ߡߊ߫ ߢߊߝߐߟߌ߫ ߜߘߍ߫ ߞߍ߫߸ ߡߍ߲ ߕߊ߬ߡߌ߲߬ߣߍ߲߫ ߏ߬ ߞߊ߲߬߸ ߛߌ߲߬ߝߏ߲߬ߘߊ <<ߛߏߡߊߖ߭ߋߔ>> ߡߍ߲ ߘߐ߭ߘߏ߲߬ߣߍ߲߫ ߖߌߞߏ ߟߊ߫߸ ߏ߬ ߢߍߡߐ߮ ߘߏ߫ ߞߵߊ߬ ߦߌ߬ߘߊ߬ ߊߍߝߑߔߋ ߝߐ߰ߓߍ߬ߘߊ ߟߊ߫ ߞߏ߫ <<ߓߡߊ߬ߞߐ߫ ߖߌ߫ ߥߙߏߝߋ %߈߀ ߦߋ߫ ߓߊ߯ߙߊ߫ ߟߊ߫ ߞߎ߬ߙߊ߲ ߠߋ߬ ߟߊ߫߸ ߣߌ߫ ߞߎ߬ߙߊ߲߬ ߕߍ߫ ߦߋ߲߬߸ ߊ߬ ߜߟߍ߬ߡߊ߲߫ ߖߌ ߦߋ߫ ߡߊߛߐ߬ߘߐ߲߬.>>

ߣߌ߲߬ ߞߍߣߍ߲߫ ߊ߬ ߕߊ߫ ߘߎߢߊ߫ ߜߘߍ߫ ߟߋ߬ ߘߌ߫ ߓߡߊ߬ߞߐߞߊ ߟߎ߬ ߓߟߏ߫߸ ߞߊ߬ ߕߋ߬ߟߋ߫ ߝߌ߬ߟߊ߬ ߞߍ߫ ߢߎߡߍ߫ ߕߴߦߋ߲߬߸ ߞߵߏ߬ ߞߍ߫ ߘߌ߬ߓߌ ߣߌ߫ ߝߎ߲߬ߕߊߣߌ߲ ߞߘߐ߫߸ ߞߊ߬ ߡߌ߲߬ߖߌ ߛߐ߬ߘߐ߲ ߞߍ߫ ߓߊ߯ߙߊ ߘߌ߫، ߣߌ߲߬ ߞߍ߫ ߘߊ߫ ߞߓߊߣߊ߲ߞߏ߫ ߟߋ߬ ߘߌ߫߸ ߣߌ߲߬ ߦߋ߫ ߞߊ߬ߙߊ߲߬ߕߊ߬ ߛߊ߲ߘߐ ߟߞߊ߬ߙߊ߲߬ߠߌ߲߬ߠߊ ߘߏ߫ ߟߋ߬ ߘߊߘߐ߫ ߞߊ߲ ߘߌ߫.

ߡߏ߬ߛߏ ߘߏ߫ ߟߊ߫ ߞߎߡߊ߫ ߘߐ߫߸ ߊ߬ߟߎ߫ ߕߘߍ߬ ߦߋ߫ ߡߌ߲߬ߖߌ ߣߌ߫ ߕߌߓߟߌ߫ ߖߌ ߟߎ߬ ߛߐ߬ߘߐ߲߬ ߠߊ߫ ߕߋ߬ߟߋߝߌ߬ߟߊ ߢߌ߲߬ ߘߐ߫߸ ߢߊ߫ ߡߍ߲ ߡߊ߬ <<ߊ߬ߟߎ߫ ߕߘߍ߬ ߦߋ߫ ߥߟߌ߬ ߟߊ߫ ߛߎߓߊ߯ߘߊ ߟߋ߬ ߝߍ߬߸ ߞߊ߬ ߥߊ߫ ߥߙߏ߬ߝߋ ߟߎ߬ ߟߊ߫߸ ߊߟߊߞߏ߬ ߊ߬ߟߎ߬ ߘߌ߫ ߖߌ߫ ߛߊߣߌ߲ߡߊ߲ ߛߐ߬ߘߐ߲߬߸ ߝߣߊ߫ ߌ ߕߘߍ߬ ߦߋ߫ ߥߏ߲߬ߕߙߏ ߣߌ߫ ߓߌ߬ߘߏ߲ ߠߎ߬ ߦߋ߫ ߟߊ߫ ߟߋ߬ ߡߐ߰ ߛߌߦߊߡߊ߲߫ ߠߎ߫ ߓߟߏ߫ ߞߌ߲߬ߘߊ ߟߎ߬ ߢߊߝߍ߬.>>