ߦߙߍߞߍߟߌ ߡߍ߲ ߞߍ߫ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߘߜ߭ߎ߬ߞߟߏߞߏ߫߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߝߊ߰ ߢߣߐ߫߸ ߖߊߓߊ߬ߟߌ߬߸ ߊ߬ ߣߌ߫ ߞߌ߬ߘߊߟ، ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߔߏߔߏ߫ ߛߌߦߊߡߊ߲߫ ߠߋ߬ ߓߍߘߍ߲ߛߍ߫߸ ߔߏߔߏ ߏ߬ ߟߎ߬ ߡߍ߲ ߠߎ߬ ߕߊ߬ ߘߊ߫ ߞߊ߬ ߕߌߢߍߟߌ ߞߍ߫ ߕߏ߲ߜ߭ߟߏ߫ ߞߎߙߊ߫، ߖߊߓߊ߬ߟߌ߬ ߝߣߊ߫ ߞߣߐ߫߸ ߓߊ߰ߓߊ߰ߟߌ߬ߟߊ ߟߎ߫ ߕߍ߬ߘߍ߫ ߜߋ߬ߕߋߜߋ߭ ߘߏ߫ ߞߣߐ߫ ߦߋ߲߬߸ ߣߊ߲߬ߕߌ߮ ߟߎ߫ ߞߵߏ߬ ߝߣߊ߫ ߞߍ߫ ߟߋ߬ ߞߎߜߋ߫߸ ߊ߬ ߣߴߊ߬ ߞߣߐ߫ ߡߐ߮ ߟߎ߬ ߓߍ߯ ߟߊߘߍ߬ߣߍ߲، ߞߵߊ߬ ߟߴߊ߬ ߞߊ߲߬߸ ߛߛߞߞ ߣߌ߫ ߊߞߞ ߘߏ߲߬ߞߏ ߟߎ߬ ߟߊߘߍ߬ߣߍ߲߫ ߕߍ߬ߘߍ߫ ߊ߬ߟߎ߬ ߡߊߞߍ߫ ߦߌߟߊ ߘߏ߫ ߘߐ߫߸ ߏ߬ ߟߎ߬ ߝߣߊ߫ ߓߍ߯ ߞߎ߲߭ ߕߏ߫ ߘߴߊ߬ ߘߐ߫ ߟߋ߬. ߤߊ߲߯ ߕߋ߲߬ ߘߏ߲߬߸ ߣߊ߲߬ߕߌ߮ ߟߎ߬ ߦߋ߫ ߦߙߍߞߍߟߌ ߞߊ߲߬ ߡߎߣߎ߲߬.

ߞߍ߲ߘߍߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߅ ߡߊ߬߸ ߡߊ߬ߟߌ ߣߊ߲߬ߕߌ߮ ߟߎ߬ ߣߴߊ߬ߟߎ߫ ߘߍ߲߬ߒ߬ߞߏ߬ߡߊ߬ߢߐ߲߯ ߙߎ߬ߛߌ߬ߞߊ ߟߎ߫ ߞߊ߬ ߜߊ߬ߟߏ ߟߋ߬ ߟߊ߫ ߓߊ߰ߓߊ߰ߟߌ߬ߟߊ ߟߎ߫ ߞߊ߲߬ ߦߙߍߞߍߟߌ ߘߏ߫ ߘߐ߫ ߘߜ߭ߎ߬ߞߟߏߞߏ߫، ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߝߊ߰߸ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߘߐߕߌߢߍ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߘߊߝߘߌ߫ ߖߡߊ߬ߣߊ ߕߌ߲߬ߞߎ߬ߘߎ߲߬ ߛߌߦߊߡߊ߲߫ ߘߐ߫.

ߢߣߐ߫ ߞߣߐ߫߸ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߕߍ߬ߘߍ߫ ߓߏ߬ߙߌ߬ ߟߊ߫ ߔߏߔߏ ߞߊ߲߬ ߦߋ߲߬߸ ߊ߬ߟߎ߫ ߞߵߏ߬ ߟߎ߬ ߛߎߡߊ߲߫ ߞߵߊ߬ߟߎ߬ ߞߍ߫ ߞߎ߲߫، ߞߊ߬ߕߎ߲߯߸ ߔߏߔߏ߫ ߕߌ߮ ߏ߬ ߟߎ߫ ߟߋ߬ ߖߍ߬ߘߍ ߞߊ߬ ߡߙߊ߬ߒ߬ߡߊ߬ߟߌ ߞߍ߫ ߕߏ߲ߜ߭ߟߏߞߎߙߊ߫ (ߡߊߛߌߣߊ߫ ߡߙߊ ߘߐ߫)، ߊ߬ߟߎ߬ ߛߋ ߖߊߓߊ߬ߟߌ߬ ߟߊߡߌߣߌ߲ ߘߐ߫߸ ߊ߬ ߦߋ߫ ߘߊ߫ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߦߋ߫ ߜߋ߬ߕߋߜߋ߭ ߘߏ߫ ߞߣߐ߫ ߦߋ߲߬߸ ߊ߬ߟߎ߫ ߞߵߊ߬ߟߎ߫ ߓߌ߬ߟߊ߫ ߏ߬ ߝߣߊ߫ ߖߍ߲߬ߖߍ߲߬ߓߎ߬ߟߊ߫߸ ߞߵߏ߬ ߘߐߕߌߢߍ߫ ߞߵߊ߬ ߞߣߐ߫ ߡߐ߮ ߟߎ߬ ߞߍ߫ ߛߎ߭ ߘߌ߫߸ ߊ߬ ߣߌ߫ ߔߏߔߏ߫ ߛߌߦߊߡߊ߲߫.

ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߊ߬ߟߎ߬ ߕߏ߫ ߘߊ߫ ߖߡߊ߬ߣߊ ߟߊߞߊ߲ߘߊ ߡߊ߬ߕߊ߰ߡߊ߬ߟߌ ߏ߬ ߟߋ ߟߊ߫߸ ߞߊ߬ ߥߊ߫ ߛߋ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ߬ ߞߐߡߊߓߌ߲ߓߌ߲߫ ߞߙߎ ߘߏ߲߬ߞߏ ߟߎ߬ ߡߊߞߍ߫ ߦߙߐߓߊ ߘߏ߫ ߡߊ߬߸ ߊ߬ߟߎ߬ ߣߌ߫ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ ߘߏ߲߬ߞߏ ߟߎ߬߸ ߊ߬ߟߎ߫ ߞߵߊ߬ߟߎ߬ ߦߋ߫ ߞߌ߬ߘߊߟ ߟߋ߬ ߞߣߐ߫، ߊ߬ߟߎ߬ ߦߋ߫ ߘߊ߫ ߦߙߐ ߡߍ߲ ߘߐ߫ ߦߋ߲߬߸ ߏ߬ ߦߴߊ߬ߟߎߎ߬ ߡߊߞߍ߫ ߦߙߐ ߘߏ߫ ߟߋ߬ ߘߌ߫߸ ߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߝߣߊ߫ ߕߍ߬ߘߍ߫ ߦߋ߲߬، ߒ߬ߓߊ߬߸ ߊ߬ߟߎ ߓߊ߬߸ ߊ߬ߟߎ߬ ߓߟߏߝߋ߲ ߠߎ߬ ߓߊ߬߸ ߣߊ߲߬ߕߌ߮ ߟߎ߬ ߞߵߊ߬ߟߎ߬ ߓߍ߯ ߓߍߘߍ߲ߛߍ߫ ߟߋ߬ ߟߋߎ߫.

ߣߊ߲߬ߕߌ߰ ߞߎ߲ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߟߊߣߴߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߟߊ߫߸ ߊ߬ߟߎ߬ ߦߋ߫ ߓߊ߯ߙߊ ߞߊ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬߸ ߞߎ߬ߛߊ߲߬ߧߊ ߟߊ߫߸ ߊ߬ ߣߌ߫ ߢߊߟߐ߲ ߠߊ߫، ߊ߬ ߘߏ߲߬߸ ߞߏ߫ ߊ߬ߟߎ ߕߍߣߵߊ߬ߟߎ߬ ߓߊ߯ߙߊ ߏ߬ ߟߊߟߐ߬ ߟߊ߫߸ ߝߏ߫ ߖߡߊ߬ߣߊ ߡߎ߰ߡߍ ߟߋ߬ ߦߋ߫ ߞߍ߫ ߊ߬ߟߎ߫ ߛߊ߬ߥߏ ߘߌ߫߸ ߞߊ߬ ߖߛߎ߬ߛߎߡߊ ߓߊ߲߲ߓߊ߲߫ ߦߙߐ ߓߍ߯ ߘߐ߫.