ߡߏߙߌߕߊߣߌ߲߫ ߕߊ߯ߡߊߘߋ߲ ߘߏ߫ ߟߎ߫ ߟߊ߫ ߡߐ߱ ߟߎ߬ ߦߋ߫ ߖߐ߬ߘߐ ߖߍ߬ߘߍߖߍ߬ߘߍ ߟߋ߬ ߕߍߡߊ߬ ߥߊ߯ߕߌ߫ ߢߌ߲߬ ߠߊ߫߸ ߓߊߏ߬߸ ߕߊ߯ߡߊߘߋ߲ ߠߎ߬ ߝߊ߲߬ߓߊ ߦߋ߫ ߡߏߙߌߕߊߣߌ߲ߞߊ ߣߌ߫ ߖߌ߬ߣߍ߬ߞߊ ߟߎ߬ ߟߋ߬ ߘߌ߫، ߊ߬ߟ߫ߎ ߕߘߍ߬ ߦߴߊ߬ ߢߌߣߌ߲߫ ߠߊ߫ ߟߋ߬ ߞߊ߬ ߡߊ߬ߙߐߞߎ߬ ߘߐߛߊ߲߬ ߞߊ߬ ߝߘߊ߬ߜߍ߬ߟߊ߫ ߡߊߜߍ߲߫߸ ߓߊ߬ߙߌ߫߸ ߖߡߊ߬ߣߊ ߏ߬ ߕߐ߲߫ ߓߟߏߡߊ ߟߎ߫ ߟߋ߬ ߞߊ߬ ߊ߬ߟߎ߬ ߕߍ߯ ߞߍ߫ ߊ߬ߟߎ߬ ߘߐ߫ ߞߵߊ߬ߟߎ߬ ߟߊߕߊ߯ ߊߟߌߖ߭ߋߙߌ߫ ߓߐߕߏ߲ ߠߊ߫، ߞߟߌߟߌ߫ ߓߟߏߕߍ߰ߓߊߟߌ ߕߍ߫ ߟߐ߬ ߟߊ߫ ߡߏߙߌߕߊߣߌ߲߫߸ ߞߊ߬ ߓߍ߲߬ ߕߎ߲ߠߊߕߊ߯ߟߊ ߡߍ߲߬ ߠߎ߬ ߟߊ߫ ߟߌ߬ߤߟߊ߬ߦߊ ߟߎ߫ ߡߊ߬.

ߊ߬ߟߎ߬ ߟߊ߫ ߞߐߙߍ ߦߴߊ߬ߟߎ߬ ߟߊ߫ ߖߐ߬ߘߐ ߦߌ߬ߘߊ ߟߊ߫߸ ߝߣߊ߫ ߡߏߙߌߕߊߣߌ߲߫ ߥߛߊ߬ߘߋ߲ ߘߏ߫ ߟߎ߫ ߝߣߊ߫ ߓߘߴߊ߬ߟߎ߬ ߞߊ߲ߓߐ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߛߊ߫ ߊ߬ߟߎ߬ ߘߌ߫ ߞߎߡߊ߫ ߊߟߌߖ߭ߋߙߌ߫ ߕߊ ߟߎ߫ ߝߍ߬، ߞߊ߬ ߝߊ߰ߡߎ߲߬ߦߊ߬ߟߌ߬ ߖߐ߲ߖߐ߲߫ ߛߐ߬ߘߐ߲߫ ߕߊ߯ߡߟߊ ߡߍ߲߬ ߠߎ߬ ߟߊ߫ ߞߏ ߡߊ߬.

ߏ߬ ߟߎ߫ ߘߏ߲߬ ߦߋ߫ ߡߏߙߌߕߊߣߌ߲߫ ߣߌ߫ ߖߌ߬ߣߍ߬ ߕߊ߯ߡߊߘߋ߲ ߠߎ߫ ߟߋ߬ ߘߌ߫߸ ߊ߬ߟߎ߬ ߛߋ ߡߊ߬ߙߐߞߎ߬ ߞߏ߫ ߊ߬ߟߎ߬ ߦߋ߫ ߝߘߊ߬ߜߍ߬ߟߊ߫ ߡߊߜߍ߲߫ ߠߊ߫.

ߞߐߙߍ ߟߎ߬ ߟߊ߫ ߟߊ߬ߛߙߋ߬ߦߊ߬ߟߌ߫ ߘߐ߫߸ ߡߐ߱ ߡߍ߲߬ ߠߎ߬ ߛߋ ߡߊ߬ߙߐߞߎ߬ ߕߐ߲߫ ߓߟߏߡߊ߬ ߟߎ߫ ߞߊ߬ ߊ߬ߟߎ߬ ߕߍ߯ ߞߍ߫ ߊ߬ߟߎ߬ ߘߐ߫ ߦߋ߲߬ ߠߋ߬߸ ߞߵߊ߬ߟߎ߫ ߓߌ߬ߟߊ߬ ߥߛߎ ߟߊ߫، ߛߴߊ߬ߟߎ߬ ߘߌ߫ ߊ߬ߟߎ߬ ߟߊ߫ ߣߌߛߐ߲ߜߏߦߊ ߦߌ߬ߘߊ߬ ߢߊ߫ ߡߍ߲ ߡߊ߬߸ ߞߏ߫ ߕߎ߲ߞߊ߲ߠߊߕߊ߯ߟߊ߫ ߡߍ߲߬ ߠߎ߬ ߕߍ߬ߘߍ߫ ߞߵߊ߬ߟߎ߫ ߓߊ߲߬ ߠߋ߬ ߘߊߥߎ߲ߠߌ߲ ߡߊ߬߸ ߒ߬ߓߊ߬߸ ߕߐ߲߫ ߓߟߏߡߊ ߟߎ߬ ߝߣߊ߫ ߟߊߓߊ߲ ߣߊ߬ ߘߊ߫ ߞߍ߫ ߊ߬ߟߎ߫ ߛߏ߬ߛߊ߫ ߘߌ߫ ߞߊ߬ ߕߊ߯ ߊ߬ߟߎ߬ ߘߌ߫ ߤߊ߲߯ ߊߟߌߖ߭ߋߙߌ߫ ߓߐߕߏ߲ ߠߊ߫߸ ߛߊߤߍߟ ߞߎ߲ߜ߭ߏ߫ ߖߊߟߊ߲ ߞߣߐ߫߸ ߞߵߊ߬ߟߎ߫ ߓߌ߬ߟߊ߫ ߦߋ߲߬.

ߕߊ߯ߡߊߘߋ߲ ߘߏ߫ ߟߊ߫ ߞߎߡߊ߫ ߘߐ߫ <<ߊ߬ߟߎ ߛߋ ߦߋ߲߬߸ ߕߐ߲߫ ߓߟߏߡߊ ߟߎ߫ ߞߊ߬ ߡߎ߮ ߕߋ߬ ߟߋ߬ ߛߊ߲ߡߊ ߝߟߐ߫ ߛߊ߫ ߊ߬ߟߎ߬ ߘߌ߫ ߘߌߦߊߜߏߦߊ߫ ߓߐߟߌ ߟߊ߫ ߡߊ߬ߙߐߞߎ߬ ߘߎ߰ߞߟߏ ߞߊ߲߬>> ߒ߬ߓߊ߬߸ ߡߊ߬ߙߌ߬ߝߊ߬ ߡߊ߲ߞߊ߲߫ ߏ߬ ߟߎ߫ ߟߋ߬ ߣߐ߬ ߦߋ߫ ߖߊ߬ߡߊ ߖߍ߲ߛߍ߲߫ ߠߊ߫.

ߊ߲ ߠߊ߫ ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߕߎ߲ߞߊ߲ߠߊߕߊ߯ߟߊ ߏ߬ ߟߎ߬ ߕߍߡߊ߬߸ ߡߏߙߌߕߊߣߌ߲ߞߊ߫ ߇ ߓߘߊ߫ ߟߊߞߏߟߐ߲߫ ߊߟߌߖ߭ߋߙߌ߫߸ ߞߏ߫ ߊ߬ߟߎ߫ ߘߏ߲߬ ߘߊ߫ ߞߐ߲߬ߛߏ ߘߏ߫ ߞߣߐ߫߸ ߡߍ߲ ߕߘߍ߬ ߦߋ߫ ߙߓߊߕ ߛߌߟߊ ߞߊ߲߬߸ ߊ߬ߟߎ߫ ߘߏ߲߬ ߦߴߊ߬ ߝߍ߬ ߞߊ߬ ߕߊ߬ߡߌ߲߫ ߡߊ߬ߙߐߞߎ߬ ߟߋ߬ ߝߍ߬ ߌߞߐߕߎ߲߯ߣߌ߲߫.