ߊ߲ ߠߊ߫ ߘߎ߰ߣߍ߲ ߠߎ߬ ߞߣߐ߫ ߕߋ߲߬߸ ߘߎ߱ ߦߋ߫ ߝߋ߲߫ ߡߐ߬ߟߐ߲߬ߡߊ ߟߋ߬ ߘߌ߫ ߡߎߣߎ߲߬، ߗߍ߭ ߢߌ߲߬ ߠߊ߫ ߛߍ߬ߣߍ ߘߐ߫߸ ߊ߲ ߞߊ߬ ߣߎ߬ߡߊ߲߫ ߛߊ߬ߞߐ߬ ߦߋ߫߸ ߊ߬ߟߋ ߡߍ߲ ߦߋ߫ ߞߎ߲ߖߊ߲߫ ߘߎ߰ߘߋ߲ ߘߏ߫ ߘߌ߫، ߛߣߍ߬ߞߍ߬ߟߊ߬ߓߊ߫ ߟߋ߬ ߦߴߊ߬ߟߋ߬ ߘߌ߫߸ ߡߍ߲ ߠߊ߫ ߛߣߍ߬ߞߍ ߘߊߡߌ߬ߣߊ߬ߣߍ߲߫ ߞߊ߬ߦߌ߯ ߊ߬ ߝߊ߬ ߟߎ߫ ߕߋ߬ߟߋ ߘߐ߫، ߝߊߦߌߘߊ߫߸ ߊ߬ ߛߐ߬ߘߐ߲߬ߣߴߊ߬ ߘߌ߫ ߟߋ߬، ߓߊ߬ߙߌ߬ ߓߌ߬߸ ߊ߬ߟߋ ߦߋ߫ ߜߟߍ߬ߦߊ ߘߏ߫ ߟߎ߫ ߘߐ߫߸ ߛߣߍ߬ߞߍ߬ ߡߎ߬ߙߊ߲߬ ߞߏ ߘߐ߫߸ ߊ߬ ߞߏ߬ߣߌ߲ ߦߟߌ߫ ߦߴߊ߬ ߟߊ߫߸ ߞߏ߫ ߡߐ߰ ߢߌߡߊ ߘߏ߫ ߟߎ߫ ߓߍߣߵߊ߬ ߡߊߘߍ߬ߡߍ߲߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫، ߊ߬ ߟߊ߫ ߟߊ߬ߛߙߋ߬ߦߊ߬ߟߌ ߟߎ߬ ߞߣߐߟߊ ߘߐ߫߸ ߡߊ߲߬ߕߙߐ ߡߍ߲ ߦߴߊ߬ߟߋ߫ ߞߊ߲߬߸ ߏ߬ ߢߐ߲߰ ߠߋ߬ ߖߌ߬ߣߍ߫ ߛߣߍ߬ߞߍ߬ߟߊ߬ ߛߌߦߊߡߊ߲߫ ߝߣߊ߫ ߞߊ߲߬߸ ߡߍ߲ ߠߎ߬ ߡߊߞߎ߲߬ߣߍ߲߫ ߞߏ߲ߞߏ ߟߎ߬ ߞߣߐ߫.

ߞߊ߬ߦߌ߯ ߊ߲ ߝߊ߬ ߟߎ߫ ߕߋ߬ߟߋ ߟߋ߬ ߘߐ߫ ߤߊ߲߯ ߕߋ߲߬߸ ߊ߲ ߠߎ߬ ߦߋ߫ ߛߍ߬ߣߍ ߘߐ߫>> ߣߎ߬ߡߊ߲߫ ߛߊ߬ߞߐ߫ ߟߋ߬ ߞߊ߲߫ ߕߋ߲߬، ߊ߬ ߦߋ߫ ߕߋ߬ߟߋ ߓߊ߲߫ ߠߊ߫ ߢߐ߬ ߛߣߍ߸ ߡߊ߬ߟߏ߬ ߛߣߍ߸ ߊ߬ ߣߌ߫ ߕߌ߬ߦߊ߬ ߛߣߍ ߟߎ߫ ߟߋ߬ ߟߊ߫߸ ߤߊߟߌ߬ ߖߋ߭߸ ߊ߬ ߓߘߴߏ߬ ߟߎ߬ ߓߍ߯ ߘߏ߫ ߓߌ߬ߟߵߊ߬ ߟߊ߫ ߛߣߍ߬ߝߋ߲ ߠߎ߬ ߢߣߊ߫، ߊ߬ߟߋ ߝߍ߬߸ ߛߣߍ߬ߞߍ ߘߊ߲߬ ߕߍ߫ ߓߊ߯ߙߊ߫ ߞߏ ߘߐߙߐ߲߫ ߘߌ߫ ߘߋ߬߸ ߊ߬ ߦߋ߫ ߊߘߡߊߘߋ߲ ߠߊ߫ ߘߎߢߊߘߐߕߍ߮ ߟߋ߬ ߘߌ߫ ߝߛߊߦߌ߫.

ߓߊ߬ߙߌ߬ ߤߊ߲߯ ߕߋ߲߬߸ ߜߟߍ߬ߦߊ ߦߴߊ߬ߟߎ߫ ߞߊ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߞߵߏ߬ ߞߎ߲߭ ߞߍ߫ ߛߣߍ߬ߞߍ߬ ߡߎ߬ߙߊ߲߬ ߞߏ ߘߌ߫߸ ߊ߬ ߣߌ߫ ߟߊ߬ߕߟߐ߬ߟߊ߲߬ ߞߏ <<ߝߙߋߞߋ ߦߋ߫ ߦߙߐ ߡߍ߲ ߘߐ߫߸ ߏ߬ ߟߋ ߛߣߍ߬ߞߍ߬ ߡߎ߬ߙߊ߲߬ ߞߏ ߣߌ߫ ߟߊ߬ߕߟߐ߬ߟߊ߲߬ ߞߏ ߘߌ߫.>> ߊ߬ ߞߵߏ߬ ߟߋ ߦߌ߬ߘߊ߬، ߛߣߍ߬ߞߍ߬ߟߊ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߓߌ߭ߓߌ߭ ߣߌ߲߬ ߛߍ߬ߣߍ ߕߴߛߋ߫ ߞߍ߫ ߟߊ߫߸ ߦߏ߫ ߊ߬ ߕߘߍ߬ ߞߍ߫ ߟߊ߫ ߢߊ ߡߍ߲ ߡߊ߬ ߝߟߐ߫، <<ߓߌ߬߸ ߣߌ߫ ߟߊ߬ߕߟߐ߬ߟߊ߲ ߣߌ߫ ߕߙߏ߬ߞߏ ߕߍ߫߸ ߌ ߕߴߛߋ߫ ߛߣߍ߬ߞߍ ߕߐ߮ ߛߐ߬ߘߐ߲߬ ߠߊ߫.>>

ߟߊ߬ߕߟߐ߬ߟߊ߲ ߘߏ߲߬ ߛߐ߲߬ߞߐ ߓߘߊ߫ ߜߟߍߍ߬ߦߊ߬ ߝߋߝߋ߫ <<ߊ߬ ߓߘߐ߬ ߞߋߟߋ߲ ߦߋ߫ ߖߌ߬ߣߍ߬ ߕߊߡߊ߲ ߅߀߀ ߀߀  ߟߋ߬ ߘߐ߫ ߕߋ߲߬، ߣߴߏ߬ ߕߴߌߟߋ ߡߍ߲ ߓߟߏ߫߸ ߌ ߛߋߕߐ߫ ߓߊ߯ߙߊ߫ ߟߊ߫ ߘߌ߬؟>> ߊ߬ ߞߵߊ߬ ߖߍ߬ߘߍ߫ ߢߌ߬ߣߌ߲߬ߞߊ߫ ߏ߬ ߟߋ ߟߊ߫ ߞߣߐ߬ߘߐ߬ߝߟߌ ߘߌ߫.

ߤߊ߬ߟߌ߬ ߣߌ߫ ߛߍ߬ߣߍ ߢߊ߬ ߘߊ߫߸ ߜߟߍ߬ߦߊ߬ ߜߘߍ߫ ߝߣߊ߫ ߦߋ߫ ߛߣߍ߬ߞߍ߬ߟߊ ߟߎ߫ ߞߊ߲߬ ߟߐ߯ߝߍ ߟߌ߬ߤߟߊ ߘߐ߫، <<ߡߊ߬ߟߏ ߘߌ߫ ߛߋ߫ ߝߙߋ߬ ߟߊ߫ ߂߅߀ ߀߀߀ ߤߊ߲߯ ߃߀߀ ߀߀߀، ߢߐ߭ ߝߣߊ߫ ߦߋ߫ ߢߊ߫ ߞߋߟߋ߲ ߏ߬ ߟߋ ߡߊ߬، ߓߊ߬ߙߌ߬ ߛߊ߲߭ ߺ ߊ ߺ ߛߊ߲߬߸ ߛߣߍ߬ߝߋ߲ ߓߍ߯ ߣߴߊ߬ ߛߐ߲߬ߞߐ߫ ߟߋ߬ ߞߵߊ߬ ߓߍ߲߬ ߊ߬ߟߎ߫ ߞߏߖߊ ߟߌ߬ߤߟߊ ߡߊ߬.>> ߊ߬ ߞߵߏ߬ ߟߋ ߝߐ߫.

ߣߎ߬ߡߊ߲߫ ߛߊ߬ߞߐ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߟߊ߫ ߘߎߢߊߘߐߕߍ߮ ߓߊ߬߸ ߊ߬ ߟߊ߫ ߓߊ߯ߙߊ ߞߍߢߊ ߓߊ߬߸ ߏ߬ ߓߍ߯ ߘߌ߫ ߛߋ߫ ߡߊߝߊ߬ߟߋ߲߬ ߠߊ߫߸ ߣߌ߫ ߞߎ߲߬ߠߊ߬ߛߌ߮ ߛߋ߫ ߘߴߊ߬ ߡߊߘߍ߬ߡߍ߲߬ ߠߊ߫: <<ߊ߬ߟߎ߬ ߦߴߊ߲ ߘߍ߬ߡߍ߲߬ ߓߊ߯ߙߊ߫ ߡߎߙߊ߲߫ ߞߏ ߘߐ߫߸ ߊ߬ ߣߌ߫ ߟߊ߬ߕߟߐ߬ߟߊ߲߬ ߞߏ ߘߐ߫، ߣߴߊ߲ ߞߵߏ߬ ߛߐ߬ߘߐ߲߬߸ ߊ߲ ߠߊ߫ ߓߊ߯ߙߊ ߘߌ߫ ߥߊ߫ ߢߍߝߍ߬ ߝߋߝߋ߫.>>

ߣߎ߬ߡߊ߲߫ ߛߊ߬ߞߐ߬ ߟߊ߫ ߞߎߡߊ߫ ߘߐ߫߸ ߞߏ߫ ߓߍ߯ ߟߊߘߍ߬ߣߍ߲ ߓߍ߲߬ߣߴߊ߬ ߡߊ߬ ߞߏ߫ ߛߍ߬ߣߍ ߦߋ߫ ߞߏߓߊ߫ ߟߋ߬ ߘߌ߫ ߊߘߡߊߘߋ߲ ߠߊ߫ ߢߣߊߡߦߊ ߞߣߐ߫، ߓߊߏ߬߸ ߊ߬ߟߋ ߟߋ߬ ߓߊߟߏ߫ ߞߏ ߢߊߓߐ߫ ߟߊ߫، ߓߊ߬ߙߌ߬߸ ߛߣߍ߬ߞߍ ߏ߬ ߝߊ߲߬ߞߊ ߦߋ߫ ߘߐ߯ߦߊ ߞߊ߲߬ ߓߌ߬߸ ߞߵߏ߬ ߞߎ߲߭ ߞߍ߫ ߛߋߒߕߊ߲ߧߊ ߘߌ߫، ߞߎߡߊ߫ ߛߌߦߊߡߊ߲߫ ߕߍ߫ ߡߍ߲ ߘߐ߫߸ ߛߣߍ߬ߞߍ߬ߟߊ ߢߌ߲߬ ߠߎ߬ ߟߊ߫ ߞߊ߬ߛߌ ߘߊ߲ߘߊ߫ ߢߊ ߦߋ߫ ߡߍ߲ ߘߌ߫߸ ߏ߬ ߟߋ ߊ߬ߟߎ߫ ߘߍ߬ߡߍ߲ ߘߌ߫߸ ߛߊ߫ ߖߡߊ߬ߣߊ ߘߌ߫ ߓߊߟߏ߫ ߊ߬ ߖߘߍ߬ ߟߊ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߞߵߊ߬ ߕߏ߫ ߞߎ߲ߖߊ߲߫ ߘߎ߱ ߞߣߐ߫.