ߊߡ ߜ߭ߙߎߔ ߗߋߕߌ߯ߓߊ߸ ߊ߬ߟߌ ߓߊߘߊ߬ߙߊ ߞߐ߲ߘߍ߫ ߓߘߊ߫ ߡߙߌߦߊ ߘߏ߫ ߟߎ߫ ߕߵߊ߬ ߖߘߍ߬ ߢߍ߫߸ ߡߍ߲ ߘߌ߫ ߛߋ߫ ߖߌ߬ߣߍ߬ ߘߋ߲ߡߌߛߍ߲ ߛߌߦߊߡߊ߲߫ ߤߊ߲ߞߟߌ ߟߊߞߊ߬ ߟߊ߫ ߥߊߟߌߝߦߊ ߡߊ߬߸ ߞߊ߬ ߛߋߒߖߘߍߞߘߐ ߛߌߟߊ߫ ߞߍ߲ߘߍ ߟߊߘߊ߲߫.
ߝߐ߰ߓߍ߬ ߜߙߊ ߘߏ߫ ߛߋ߲߭ߝߍ߬ ߞߊ߲ߞߊ߲߫ ߂߀߂߅ ߘߓߊ߬ߓߌߟߊ ߕߟߋ߬ ߁߄ ߡߊ߬، ߊ߬ߟߌ ߓߊߘߊ߬ߙߊ ߞߐ߲ߘߍ߫ ߞߵߊ߬ ߡߙߌߦߊ ߟߎ߫ ߦߌ߬ߘߊ߫ ߝߐ߰ߓߍ߬ߦߟߊ߬ ߖߡߊ ߢߊߞߘߐ߫ ߦߋ߲߬: ߞߊ߬ ߛߴߊ߬ ߛߋߞߏ ߞߍ߫ ߟߊ߫߸ ߞߵߊ߬ ߟߊ߫ ߟߐ߲ߠߌ߲ ߠߊߕߊ߬ߡߌ߲߫ ߡߐ߰ ߛߌߦߊߡߊ߲߫ ߡߊ߬߸ ߛߊ߫ ߘߏ߫ ߘߌ߫ ߓߐ߫ ߘߎ߲ߞߓߊߟߊߡߐ߯ߦߊ ߟߊ߫، ߊ߬ߟߋ ߛߋߞߏ ߞߍߣߍ߲߫ ߡߋ߬ߘߋ ߘߌ߫ ߏ߬ ߘߐ߫߸ ߏ߬ ߟߋ ߘߋ߲ߡߌߛߍ߲߫ ߡߐ߰ ߅߀߀ ߟߊߞߐ߮ ߘߌ߫߸ ߥߣߊ߬ߦߊ ߟߊ߫߸ ߥߊߟߌߘߊ ߡߊߡߊ߬ߙߊ ߟߊ߫߸ ߥߊߟߌߘߊ ߛߌ߲ߘߌ ߟߊ߫߸ ߊ߬ ߣߌ߫ ߖߘߍ߬ ߟߊ߬ߥߙߎߞߌ ߟߊ߫.
ߊ߬ߟߌ ߓߊߘߊ߬ߙߊ ߞߊ߲߫߸ ߞߏ߫ ߥߊߟߌߝߦߊ ߘߊ߲߬ ߕߍ߫ ߥߊߟߌߘߊ߫ ߟߞߊ ߘߐߙߐ߲߫ ߘߌ߫ ߘߋ߬߸ ߥߊߟߌߝߦߊ ߘߏ߫ ߟߋ߬ ߖߡߊ߬ߣߊ ߜߟߍ߬ߦߊ ߟߎ߬ ߛߎߡߊ߲ ߘߌ߫߸ߞߵߌ ߞߍ߫ ߏ߬ ߞߊ߲߬ ߛߴߌ ߘߴߌ ߛߋߞߏ ߞߍ߫ ߏ߬ ߟߊߕߊ߬ߡߌ߲ ߘߐ߫، <<ߥߊ߯ߕߌ ߘߏ߫ ߦߋ߫ ߣߊ߬ ߟߊ߫ ߊߘߡߊߘߋ߲ ߡߊ߬߸ ߌ ߣߌ߫ ߖߘߍ߬ ߡߊ߬ߢߌߣߌ߲ߞߊ ߟߋ߬ ߞߊ߫ ߞߊ߲߫ ߡߎ߬ߕߎ߲߬߸ ߞߏ߫ ߊ߬߬ߟߋ ߝߣߊ߫ ߘߌ߫ ߛߋ߫ ߡߎ߲߬ ߞߍ߫ ߟߴߊ߬ ߟߊ߫ ߖߡߊ߬ߣߊ ߦߋ߫.>> ߊ߬ ߞߵߏ߬ ߟߋ ߝߐ߫، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߋ ߦߴߊ߬ ߟߊ߫ ߞߏ ߢߌ߲߬ ߠߎ߬ ߓߍ߯ ߞߍ߫ ߟߴߊ߬ ߖߍ߬ߘߍ ߞߎ߲߬ ߥߊߘߌ ߟߋ߬ ߟߊ߫߸ ߊ߬ ߛߌ߰ߣߍ߲߬ ߕߍ߫ ߡߐ߰ ߓߟߏߡߊߞߐߣߐ߲߫ ߠߊ߫߸ ߞߎߡߊߕߍ߫ ߖߡߊ߬ ߥߊߘߌ߫ ߡߊ߬.
ߊ߬ ߟߊ߫ ߞߎߡߊ ߘߏ߲߬ ߕߍ߫ ߞߎߡߊߣߍ߲߫ ߗߋ߲߯ ߝߐ߫ ߘߌ߫ ߦߋ߲߬ ߕߋ߲߬ ߘߋ߬߸ ߊ߬ ߣߐ߬ ߣߌ߲߬ ߞߏ ߛߌ߲߬ߝߏ߲߬ߧߊ߬ ߟߊ߫ ߟߋ߬ ߝߋߝߋ߫߸ ߞߊ߬ ߓߊ߲߫ ߞߊ߬ ߜߍ߲߬ߜߍ߲߬ߠߌ߲ ߓߌ߬ߟߴߊ߬ ߘߐ߫: ߕߐ߯ ߛߓߍߟߌ ߟߋ߬ ߦߋ߫ ߞߍ߫ ߟߊ߫ ߡߎߣߎ߲߬߸ ߏ߬ ߡߍ߲ ߞߙߎ ߟߊߘ߲ߊߣߍ߲߫ ߘߍ߬ߞߙߏߝߏ ߟߎ߫ ߞߊ߲߬߸ ߞߊ߬ ߡߐ߰ ߅߀߀ ߢߌߣߌ߲߫߸ ߞߵߏ߬ ߟߎ߬ ߝߣߊ߫ ߘߐߕߟߊ߫ ߛߌ߰ ߕߊ߲߫ ߘߌ߫߸ ߞߊ߬ ߝߊ߬ߓߘߍ ߘߏ߫ ߢߌߣߌ߲߫ ߞߵߊ߬ ߓߌ߬ߟߊ߫ ߏ߬ ߟߎ߬ ߓߍ߯ ߞߎ߲߬ߠߊ߫߸ ߛߊ߫ ߞߵߊ߬ߟߎ߬ ߡߊߘߍ߬ߡߍ߲߬߸ ߊ߬ߟߎ߬ ߦߋ߫ ߛߴߊ߬ߟߎ߬ ߞߍߕߊ ߞߍ߫ ߟߊ߫ ߖߡߊ߬ߣߊ ߞߣߐ߫߸ ߛߊ߫ ߏ߬ ߕߐ߯ ߘߌߡߊ߲ ߘߌ߫ ߓߍ߯ ߛߐ߬ߘߐ߲߬.
ߊ߬ߟߌ ߓߊߘߊ߬ߙߊ ߞߐ߲ߘߍ߫ ߦߋ߫ ߖߌ߬ߣߍ߬ ߥߊߟߌߝߦߊ ߞߎ߲߬ߠߊ߬ߦߋߙߋ߲ ߠߋ߬ ߘߌ߫: ߊ߬ ߦߋ߫ ߓߊ߯ߙߟߊ ߟߋ߬ ߘߌ߫߸ ߟߊ߬ߞߐ߰ߟߌ߬ߟߊ ߟߋ߬ ߝߣߊ߫ ߦߋ߫߸ ߟߊߒߡߊ ߟߋ߬ ߜߎ ߦߴߊ߬ ߘߌ߫ ߖߌ߬ߣߍ߬ ߞߣߐ߫، ߖߡߊ߬ߣߊ ߘߏ߲߬ ߠߊ߫ ߥߙߎߞߌ ߘߍߣߍ߲߫ ߡߐ߰ ߟߎ߫ ߟߋ߬ ߟߊ߫߸ ߡߍ߲ ߠߎ߬ ߘߍߣߍ߲߫ ߊ߬ߟߎ߫ ߖߘߍ߬ ߟߊ߫߸ ߡߍ߲ ߕߴߊ߬ߟߎ߬ ߟߊ߫ ߛߌߣߌ߲߫ ߢߍߛߌ߮ ߟߊ߫ ߟߊ߫ ߡߐ߰ ߞߘߐ߫ ߥߟߊ߫ ߡߐ߰ ߞߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.