ߕߟߋ߬ ߘߊ߲ߘߐ߫ ߟߋ߬ ߕߏߣߍ߲߫ ߊߖ߭ߦߊ߫ ߟߊ߫ ߝߐߟߌߜߙߊ ߟߊ߫ ߔߊ߬ߙߌ߬ ߛߏ ߞߣߐ߫ ߡߎ߬ߕߎ߲߬߸ ߊߙߋߣߊ ߟߊ߫، ߒ߬ߓߊ߬߸ ߊ߬ ߣߌ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߮ ߞߎ߲߬ߕߌ߮ ߣߌ߫ ߞߏߕߌ߯ ߝߟߐ߸ ߊߡߊߘߎ߫ ߎ߯ߙߌ߬ ߓߊ ߟߋ߬ ߣߐ߬ ߢߐ߲߯ ߦߋ߫ ߟߊ߫߸ ߊ߬ߟߋ ߡߍ߲ ߓߘߊ߫ ߞߍ߫ ߖߌ߬ߣߍ߬ ߟߐ߲ߠߌ߲ߦߊ ߞߎ߲߬ߠߊ߬ߦߋ߬ߙߋ߲߬ ߘߋ߲ ߘߏ߫ ߘߌ߫ ߓߌ߬.

ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߂߀߂߅ ߣߍߣߍߓߊ ߕߟߋ߬ ߁߈߸ ߡߏ߬ߤߊ߬ߡߍߘ ߊߖ߭ߦߊ߫߸ ߊ߬ߟߋ ߡߍ߲ ߦߋ߫ ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ߬ ߛߘߊߡߊ ߘߏ߫ ߘߌ߫߸ ߣߴߊ߬ ߕߐ߮ ߓߘߊ߫ ߖߌ߬ߣߍ߬ ߟߊߝߏ߬߸ ߊ߬ ߘߏ߲߬ ߦߴߊ߬ ߝߊ߬ ߓߘߊ ߢߍ߫ ߛߊ߲ߡߊߟߏߟߏ ߟߋ߬ ߘߌ߫، ߒ߬ߓߊ߬߸ ߏ߬ ߟߋ ߣߌ߫ ߊߡߊߘߎ߫ ߎ߯ߙߌ߬ ߓߊ ߣߐ߬ ߢߐ߲߯ ߦߋ߫ ߟߊ߫߸ ߏ߬ ߡߍ߲ ߦߋ߫ ߞߏߕߌ߯ ߝߟߐ ߘߌ߫، ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߞߍߣߍ߲߫ ߞߐߡߊߓߌ߲ߓߌ߲ߠߌ߲ ߕߐ߰ߡߊ߬ߛߙߋ ߟߋ߬ ߘߌ߫߸ ߞߵߊ߬ ߟߐ߲߫ ߞߏ߫ ߊ߬ ߦߋ߫ ߓߊ߯ߙߊ ߡߍ߲ ߞߊ߲߬߸ ߖߡߊ߬ߣߊ ߞߎ߲߬ߠߊ߬ߦߋ߬ߙߋ߲߬ ߓߊ߯ߙߊ ߟߋ߬، ߘߐ߲߬ߞߟߌ߬ߟߊ߬ߟߊ ߣߌ߲߬ ߦߋ߫ ߝߐߟߌߜߙߊ ߘߏ߫ ߟߋ߬ ߓߟߏߘߐߓߍ߲ ߞߊ߲߬ ߕߋ߲߬߸ ߡߍ߲ ߞߊ߫ ߞߊ߲߫ ߞߊ߬ ߞߍ߫ ߞߐߞߊ߲߫ ߖߡߊߣߊ ߘߐ߫ ߔߊ߬ߙߌ߬ ߊߙߋߣߊ ߟߊ߫߸ ߝߊ߬ߙߊ߲߬ߛߌ߫ ߖߡߊ߬ߣߊ ߞߊ߲߬، ߦߋ߲߬ ߦߋ߫ ߝߏ߯ߓߊ߫ ߡߊߞߓߊߣߍ߲ ߠߋ߬ ߘߌ߫߸ ߡߍ߲ ߦߋ߫ ߡߐ߰ ߉ ߀߀߀ ߢߐ߲߰ ߕߊ߬ ߟߊ߫، ߏ߬ ߟߋ ߘߐ߫߸ ߊ߬ ߟߊ߫ ߦߋ߲߬ ߕߏߟߏ߲ ߞߍߕߐ߫ ߖߌ߬ߣߍ߫ ߘߐ߲߬ߞߟߌ ߟߎ߬ ߟߊߦߟߍ߬ ߞߏ߬ߓߊ߫ ߟߋ߬ ߘߌ߫ ߘߎߢߊ߫ ߞߊߓߋ ߟߊ߫، ߊߖ߭ߦߊ߫ ߥߊ ߞߊ߬ ߥߊ߫ ߞߏߕߌ߯ ߝߟߐ ߦߋ߫߸ ߏ߬ ߞߎ߲߭ ߞߍߣߍ߲߫ ߠߋ߬߸ ߛߊ߫ ߏ߬ ߘߴߊ߬ ߟߊߟߌ߫߸ ߞߊ߬ ߘߎ߬ߥߊ߬ߥߎ ߞߍ߫ ߊ߬ ߦߋ߫߸ ߞߊ߬ ߓߊ߲߫ ߞߵߊ߬ ߓߌ߬ߟߊ߬ ߛߌߟߊ߫ ߞߊ߲߬߸ ߞߊ߬ ߞߐ߲߰ ߖߊ߲߬ߖߏ߲ ߢߍ߫߸ ߣߴߊ߬ ߡߊ߫ ߢߊ߬ ߞߏ߫ ߊ߬ ߥߊߕߐ߫ ߖߌ߬ߣߍ߫ ߞߎ߲߬ߠߊ߬ߦߋ߬ߙߋ߲߬ ߖߊ߲ߖߏ߲ ߠߋ߬ ߘߐ߫.

ߞߏߕߌ߯ ߝߟߐ ߝߣߊ߫ ߞߵߊ߬ ߟߊ߫ ߡߙߌߦߊ ߣߌ߲߬ ߦߋ߫ ߞߏ߫ ߓߘߍ߫ ߘߌ߫߸ ߞߵߊ߬ ߝߏ߬ ߞߏߛߓߍ߫߸ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߖߡߊ߬ߣߊ ߞߊ߲ߕߌ߮ ߟߊ߫ ߛߌߟߊ ߕߊ߯ߡߊ ߟߋ߬ ߦߴߊ߬ ߘߌ߫߸ ߏ߬ ߡߍ߲ ߟߐ߬ߣߍ߲߫ ߓߊߘߋ߲ߧߊ ߟߊߛߓߊ߬ߕߌ ߡߊ߬ ߖߌ߬ߣߍ߬ߞߊ ߟߎ߬ ߣߌ߫ ߢߐ߲߯ ߕߍ߫ ߢߊ߰ߢߊ߰ ߞߏ ߟߎ߬ ߣߌ߫ ߖߡߊ߬ߣߊ ߡߐ߰ ߕߐ߯ߟߡߊ ߟߎ߬ ߟߊ߫ ߞߏ ߛߊ߲ߞߘߐߕߊ߭ ߘߐ߫، ߊߡߊߘߎ߫ ߎ߯ߙߌ߬ ߓߊ ߞߵߊ߬ ߦߌ߬ߘߊ߬߸ ߞߏ߫ ߞߎ߲߬ߠߊ߬ߛߌ߮ ߦߋ߫ ߖߡߊ߬ߣߊ ߘߐ߲߬ߞߟߌ߬ߟߊ߬ߟߊ ߟߎ߬ ߞߐߝߍ߬ ߛߎ ߣߌ߫ ߕߋ߬ߟߋ߸ ߞߵߊ߬ߟߎ߬ ߞߐߡߊߓߌ߲ߓߌ߲߫߸ ߖߡߊ߬ߣߊ ߕߐ߯ ߢߌߡߊ ߟߊߓߐ ߞߏߛߐ߲߬ ߊ߬ߟߎ߬ ߓߟߏ߫.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߣߌ߲߬ ߓߘߊ߫ ߞߍ߫ ߓߍ߬ߒ߬ߛߋ߲߬ߡߊ߬ ߣߌ߫ ߓߍ߲߬ߞߏ߬ߡߊ߫ ߘߌ߫، ߓߊߏ߬߸ ߊߖ߭ߦߊ߫ ߥߊߕߐ߫ ߖߌ߬ߣߍ߫ ߖߡߊ߬ߣߊ ߞߎ߲߬ߠߊ߬ߦߋ߬ߙߋ߬ ߞߊ߲ߡߊ߬ ߞߐߞߊ߲߬߸ ߏ߬ ߣߌ߫ ߞߏߓߊ߫ ߛߌߦߊߡߊ߲߫ ߓߘߊ߫ ߓߍ߲߬ ߖߡߊ߬ߣߊ ߞߣߐ߫: ߛߌߡߊ߲ߘߎ߯ ߣߍ߰ߛߌߟߊ ߛߌ߬ߛߌ߬ߞߎ߬ߟߎ߲߬ ߝߟߐ ߓߘߊ߫ ߥߟߌ߬، ߊߝߙߌߞߊ߬ ߛߎ߬ߡߌ ߛߌ߲߬ߝߏ߲߬ߧߊ߬ߟߌ ߓߘߊ߫ ߞߍ߫߸ ߊ߬ ߣߌ߫ ߓߊ߲߬ߓߋߕߏ߬ ߝߊ߬ߟߋ߲߬ߕߍ ߓߘߊ߫ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫، ߏ߬ ߟߎ߬ ߓߘߊ߫ ߞߍ߫ ߞߏߓߊ߫ ߘߌ߫ ߖߡߊ߬ߣߊ ߞߣߐ߫߸ ߡߍ߲ ߦߋ߫ ߛߌߣߌ߲߫ ߣߊ߬ߕߐ ߕߐ߰ߡߊ߬ߛߙߋ߬ ߢߌߡߊ߫ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.