ߛߣߍ߬ߜ߭ߊ߬ߟߌ߬ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߕߊ߯ߕߐ߫ ߟߋ߬ ߗ߭ߊߔߐ߲߫ ߜߙߊ߬ ߓߟߋߓߟߋ߫ ߘߐ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߕߏߞߌߦߏ߫ ߡߊ߲߬ߕߏ߲߬ ߜߙߊ ߝߘߊ߬ߝߌ߲߬ߠߊ߫ ߟߊ߫ ߥߙߎߞߌ ߞߊ߲߬߸ ߞߊ߬ ߕߊ߯ ߛߣߍ߬ߜ߭ߊ߬ߟߌ߬ ߟߊ߫ ߂߀߂߅ ߣߊ߬ߕߊ ߟߎ߬ ߢߊߝߐ߫ ߦߋ߲߬.

ߛߣߍ߬ߜ߭ߊ߬ߟߌ߬ ߞߊ߲ߕߌ߮߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߡߊߞߐ߬ߣߐ߲߬ߣߍ߲߫ ߗ߭ߊߔߐ߲߫ ߞߣߐ߫ ߂߀߂߅ ߘߓߊ߬ߓߌߟߊ ߕߟߋ߬ ߁߈ ߡߊ߬߸ ߊ߬ ߦߋ߫ ߦߋ߲߬ ߤߊ߲߯ ߊ߬ ߕߋ߬ߟߋ߫ ߂߆.

ߊ߬ ߓߍߣߊ߬ ߕߊ߯ ߛߐ߬ߘߐ߲߫ ߕߏߞߌߦߏ߫ ߡߊ߲߬ߕߏ߲߬ ߜߙߊ ߝߘߊ߬ߝߌ߲߬ߠߊ߬ ߟߊ߫ ߥߙߎߞߌ ߞߊ߲߬ ߖߊ߲߬ߖߏ߲߬ߓߊ ߞߍߞߏ߫ ߉߲ ߠߋ߬ ߘߐ߫ ߦߋ߲߬߸ ߏ߬ ߡߍ߲ ߖߊ߬ߕߋ߬ߘߐ߬ߛߌ߮ ߞߍߣߍ߲߫ ߗ߭ߊߔߐ߲߫ ߞߎ߲߬ߠߊ߬ߛߌ߮ ߓߟߏ߫ ߞߵߊ߬ ߟߊߥߌ߬ߟߌ߫ ߊ߬ߟߎ߬ ߣߌ߫ ߝߘߊ߬ߝߌ߲߬ߠߊ߬ ߟߊ߫ ߕߍߓߊ߯ߦߊ ߖߎ߬ߟߎ ߓߊ߲ߓߊ߲ ߡߊ߬، ߊ߬ߟߎ߬ ߟߊ߫ ߢߌ߬ߣߊ߲߫ ߜߊ߬ߙߊ ߣߌ߲߬ ߞߎߡߊ ߟߎ߬ ߓߍߣߊ߬ ߓߏ߬ߙߌ߫ ߕߍߓߊ߯ߦߊ ߞߍߢߊ߫ ߖߐ߲ߖߐ߲ ߠߋ߬ ߞߊ߲߬ ߞߵߊ߬ ߓߍ߲߬ ߥߙߎߞߌ߫ ߓߟߏߕߍ߰ߓߊߟߌ ߜߟߍ߬ߦߊ ߟߎ߫ ߡߊ߬.

ߞߊ߬ ߞߐ߲߰ ߜߊ߬ߙߊ ߏ߬ ߢߣߊߓߊ߯ߦߊ ߢߍ߫ ߓߊ߬ߛߌߙߎ߬ ߓߟߏ߫߸ ߊ߬ ߓߍߣߊ߬ ߛߐ߬ߘߐ߲߫ ߛߣߍ߬ߜ߭ߊ߬ߟߌ߬ ߟߏ߲ߓߊ ߟߋ߬ ߘߐ߫ ߏߛߞߊ߫ ߞߊ߲ߛߊߦߌ߫، ߖߊ߲߬ߖߏ߲ ߏ߬ ߡߍ߲ ߞߍߣߍ߲߫ ߛߣߍ߬ߜ߭ߊߟߌ߫ ߦߋ߫ ߥߙߎߞߌ ߞߍߞߌߦߊ ߟߎ߬ ߘߌ߫ ߕߎ߬ߡߊ߬ ߖߊ߲߫ ߞߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߢߍߥߟߊ ߘߏ߫ ߘߌ߫߸ ߞߏ߫ « ߛߣߍ߬ߜ߭ߊߟߌ߫ ߦߋ߫ ߢߊ ߂߀߂߅ ߟߊ߫ »߸ ߊ߬ ߣߌ߫ ߞߵߊ߬ ߞߍ߫ ߓߍ߲߬ߒ߬ߛߋ߲߬ߡߊ߬ ߘߌ߫ ߊ߬ߟߎ߬ ߟߊ߫ ߖߡߊ߬ߣߊ ߟߊ߫ ߓߊ߯ߙߊߢߐ߲߯ߦߊ ߟߎ߬ ߣߊ߲߬ߝߟߏ߬ߦߊ߬ ߞߏ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.