ߓߙߎߞߌߣߊ߫ ߝߊ߬ߛߏ߬ ߓߘߴߊ߬ ߓߟߏߓߐ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߰ ߁߁ ߡߌ߬ߣߊ߬ߣߍ߲ ߠߎ߬ ߘߐ߫ ߣߊ߲߬ߕߌ߰ ߛߊ߲ߡߊߞߎߟߎ߲ ߘߏ߫ ߟߊ߫ ߖߌ߰ߟߌ ߡߊߛߐ߬ߛߐ ߞߐߝߍ߬

ߖߋ߬ߟߌ߬ߓߟߊ߬ߞߊ ߟߎ߬ ߟߊ߫ ߛߊ߲ߡߊߞߎߟߎ߲ ߡߍ߲ ߖߌ߰ ߘߊ߫ ߓߐ߬ߓߐߖߎ߬ߟߊ߬ߛߏ߫߸ ߞߵߊ߬ ߛߐ߬ߘߐ߲߬ ߘߌ߬ߢߍ߬ ߡߊ߫ ߞߍ߫ ߊ߬ ߟߊ߫ ߖߌ߰ߟߌ ߡߊ߬߸ ߏ߬ ߞߏ ߡߊ߫ ߘߌߦߊ߫ ߞߌ߬ߢߍ߬ߞߏ߲ߞߏ߫ ߡߙߊ߬ߓߊ߮ ߟߎ߬ ߦߋ߫ ߢߊ߫ ߛߌ߫ ߡߊ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߛߌߞߊߣߍ߲߫  ߏ߬ ߞߏ ߘߐ߫߸ ߝߏ߫ ߊ߬ߟߎ߬ ߟߊ߫ ߖߡߊ߬ߣߊ߫ ߛߊ߬ߓߊ ߓߍ߯ ߞߵߊ߬ߟߎ߫ ߛߋ߲߭ߓߌ߬ߟߴߊ߬ ߘߐ߫ ߞߵߊ߬ ߞߏ ߞߍ߫ ߘߙߌ߬ߞߌ߬ߣߍ߲߬ ߞߊ߲ߓߊ ߘߌ߫ ߖߋ߬ߟߌ߬ߓߟߊ߬ ߞߊ߲ߠߊ߫.

ߒ߬ߓߊ߬߸ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߰ߓߊ߬ ߕߊ߲ ߣߌ߫ ߞߋߟߋ߲ ߡߍ߲ ߠߎ߬ ߡߌ߬ߣߊ߬ߣߍ߲߫ ߕߘߍ߬ ߛߊ߲ߡߊߞߎߟߎ߲ ߖߌ߰ ߕߎߡߊ ߟߊ߫ ߓߐ߬ߓߐߖߎ߬ߟߊ߬ߛߏ߬߸ ߓߙߎߞߌߣߊ߫ ߝߊ߰ߡߊ ߟߎ߬ ߓߘߴߊ߬ߟߎ߬ ߓߟߏߓߐ߫ ߊ߬ߟߎ߬ ߘߐ߫، ߞߊ߬ߕߎ߲߯߸ ߖߋ߬ߟߌ߬ߓߊ߬ߟߊ߫ ߣߌ߫ ߓߙߎߞߌߣߊ߫ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߡߍ߲ ߠߎ߬ ߕߍ߫ ߓߍ߲߬ ߘߐ߫، ߒ߬ߓߊ߬߸ ߣߊ߲߬ߕߌ߰ ߁߁ ߡߍ߲ ߦߋ߫ ߕߋ߲߬߸ ߛߊ߲ߡߊߞߎߟߎ߲߫ ߓߏߙߌߟߊ߫ ߝߌ߬ߟߊ߫ ߟߋ߬ ߦߴߊ߬ߟߎ߬ ߘߐ߫߸ ߊ߬ ߣߴߊ߬ ߞߣߐ߫ ߡߐ߯ ߞߐ߬ߣߐ߲߬ߘߐ߬߸ ߏ߬ ߟߎ߫ ߘߏ߲߬ ߘߊ߫ ߖߋ߬ߟߌ߬ߓߊ߬ߟߊ߫ ߛߊ߲ߡߊ߫ ߣߊ߲ߕߌ߯ߘߊ ߟߊ߫ ߛߊ߲ߡߊߞߎߟߎ߲߫ (C-130) ߟߋ߬ ߞߣߐ߫߸ ߊ߬ߟߎ߫ ߞߵߊ߬ߟߎ߬ ߟߊ߫ ߛߌߟߊ ߡߙߎ߫ ߏ߬ ߟߋ ߘߐ߫ <<ߛߋߒߞߏߟߊ߫ ߝߙߋߞߋ>> ߘߏ߫ ߞߏߛߐ߲߬ ߞߊ߬ ߥߊ߫ ߖߌ߰ ߓߙߎߞߌߣߊ߫߸ ߊ߬ ߕߌ߯ߕߌ߯ ߓߐ߬ߓߐߖߎ߬ߟߊ߬ߛߏ߫، ߓߊߏ߬߸ ߊ߬ߟߎ߬ ߕߊ߯ߕߐ߫ ߕߍ߬ߘߍ߫ ߔߕߏ߬ߞߌ߬ߟߊ߫ ߟߋ߬.

ߓߙߎߞߌߣߊ߫ ߡߊ߫ ߣߌ߲߬ ߞߏ ߦߋ߫ ߔߕߏ߬ߞߌ߬ߟߊ߬ ߕߊ߰ ߞߏ߫ ߘߌ߫: ߊ߬ߟߎ ߞߊ߲߫ ߠߋ߬ ߞߏ߫ ߛߊ߲ߡߊߞߎߟߎ߲ ߞߊ߬ ߛߊ߬ߙߌ߬ߦߊ߬ ߛߐߛߐ ߟߋ߬ ߞߍ߫ ߞߊ߬ ߘߏ߲߬ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߵߊ߬ ߛߐ߬ߘߐ߲߬ ߖߡߊ߬ߙߌ߬ ߡߊ߫ ߘߴߊ߬ ߡߊ߬߸ ߏ߬ ߟߋ ߞߵߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ߬ߟߊ ߟߎ߫ ߟߐ߬ ߊ߬ߟߎ߬ ߟߊ߫ ߡߙߌߘߐ ߕߊ߬ ߟߊ߫ ߌߞߘߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮߸ ߋ߬ߡߌߟ ߖ߭ߍߙߑߓߏ߫ ߞߵߏ߬ ߟߋ ߝߐ߫߸ ߞߏ߫ ߡߌ߬ߣߊ߬ߟߌ ߢߌ߲߬ ߠߋ߬ ߕߘߍ߬ ߞߍߕߊ ߘߌ߫߸ ߣߌ߫ ߡߊ߬ߞߐ߬ߣߐ߲߬ߠߌ߲߬ ߣߌ߫ ߡߛߍ߬ߞߍ߬ߡߛߍ߬ߞߍ߬ ߜߘߍ߫ ߛߌ߫ ߕߍ߫، ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ߸ ߏ߬ ߡߍ߲ ߦߋ߫ ߖߡߊ߬ߣߊ߫ ߛߓߊ߬ ߟߊߘߍ߬ߣߍ߲ ߘߌ߫: ߓߙߎߞߌߣߊ߫ ߝߊ߬ߛߏ߬߸ ߡߊ߬ߟߌ߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߏ߲߬ ߓߘߊ߫ ߞߍ߫ ߊ߬ߟߎ߬ ߟߊ߫ <<ߖߘߍ߬ߛߊ߬ߙߌ߬ߦߊ߬ߕߌ߰ߦߊ>> ߞߊ߬ߛߌ ߘߐ߫߸ ߞߏ߫ ߓߌ߬ߟߊ߬ߒ߬ߘߐ߬ ߛߎ߮ ߣߌ߲߬ ߦߋ߫ <<ߘߍ߬ߢߐ߲߰ߦߊ ߕߊ߬ߣߊ>> ߣߴߊ߬ ߕߌߢߍߞߏ ߟߋ߬ ߘߌ߫߸ ߝߐߢߊ߫ ߜߘߍ߫ ߘߐ߫߸ ߖߎ߯ߦߊ، ߏ߬ ߟߋ ߘߐ߫߸ ߊ߬ ߞߏߢߊ ߞߍ ߌߞߘߐ߫߸ ߊ߬ߟߎ߫ ߞߵߊ߬ߟߎ߬ ߟߊ߫ ߛߊ߲ߝߍ߫ ߟߊߞߊ߲ߘߊߟߌߟߊ ߟߎ߬ ߟߊߛߏ߬ߓߌ߬ ߞߵߏ߬ ߟߎ߬ ߟߊߓߌ߫.

ߜߟߍ߬ߦߊ ߏ߬ ߓߍ߯ ߣߴߊ߬ ߕߊ߫ ߛߊ߫߸ ߊ߲ ߞߵߊ߬ ߛߐ߬ߘߐ߲߬ ߓߙߎߞߌߣߊ߫ ߟߊ߬ߞߊ߲߬ߘߊ߬ߟߌ߬ߟߊ ߘߏ߫ ߟߎ߫ ߟߊ߫߸ ߊ߬ߟߎ߬ ߞߎߡߊ߫ ߘߊ߫ ߓߌߓߛߌ ߝߍ߬ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߓߊ߲ ߞߐ ߣߊ߲߬ߕߌ߰ ߁߁ ߢߌ߲߬ ߠߎ߫ ߡߌ߬ߣߊ߬ ߟߊ߫ ߞߵߊ߬ߟߎ߬ ߘߊߘߐߢߌ߬ߣߌ߲߬ߞߊ߬߸ ߊ߬ߟߎ߫ ߞߵߊ߬ߟߎ߬ ߓߟߏߓߐ߫ ߊ߬ߟߎ߬ ߘߐ߫߸ ߛߴߊ߬ߟߎ߬ ߘߴߊ߬ߟߎ߬ ߟߊ߫ ߕߊ߯ߡߊ ߘߊߓߊ߲߫، ߖߋ߬ߟߌ߬ߓߊ߬ߟߊ߫ ߞߏ߬ߣߌ߲ ߡߊ߫ ߓߐ߫ ߊ߬ ߞߊ߲ ߞߊ߲߬ ߣߌ߲߬ ߞߏ ߘߐ߫ ߘߋ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߖߌ߰ ߦߋ߲߬ ߕߋ߲߬ ߜߊ߲ߛߊ߲߫߸ <<ߛߋߒߞߏߟߦߊ߫ ߝߙߋߞߋ>> ߟߋ߬ ߞߵߊ߬ ߞߍ߫߸ ߏ߬ ߘߏ߲߬ ߖߌ߰ߟߌ߬ ߛߎ߮ ߦߋ߫ ߞߌߢߍ߲߫ ߟߊ߬ߞߊ߲߬ߘߊ߬ߟߌ ߛߊ߬ߙߌ߬ߦߊ ߘߐ߫ ߟߋ߬ ߝߛߊߦߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߖߎ߯ߡߊ߲߫ ߛߌ߫ ߡߴߊ߬ߟߎ߬ ߟߊ߫ ߡߐ߱ ߟߎ߬ ߛߐ߬ߘߐ߲߬߸ ߓߙߎߞߌߣߞߊ ߟߎ߫ ߞߵߊ߬ߟߎ߫ ߡߌ߬ߣߴߊ߬ ߢߌ߬ߡߊ ߟߊ߫ ߟߋ߬ ߝߋߝߋ߫.

ߞߊ߬ߦߌ߯ ߖߋ߬ߟߌ߬ߓߟߊ߬ ߣߌ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߢߌ߲߬ ߠߎ߬ ߜߏߦߊ߫ ߘߊ߫߸ ߊ߬ߟߎ߬ ߣߌ߫ ߛߘߋߦߊߥߏ ߟߊ߫ ߞߊ߬ߣߌ߲ ߛߊ߬ ߕߎߡߊ ߟߊ߫߸ ߊ߬ߟߎ߬ ߡߊ߫ ߓߍ߲߬ ߏ߬ ߞߐ߫ ߡߎߣߎ߲߬، ߓߊߏ߬߸ ߊ߬ߟߎ߫ ߞߊ߬ ߖߋ߬ߟߌ߬ߓߊ߬ߟߊ߫ ߓߛߌ߬ߞߌ߫ ߡߐ߰ߡߐ߮ ߟߋ߬ ߘߌ߫߸ ߡߍ߲ ߦߋ߫ ߓߊ߯ߙߊ߫ ߟߊ߫ ߞߐߞߊ߲߫ ߡߐ߮ ߟߎ߬ ߞߊ߲ ߠߊ߫، ߊ߬ߟߎ߬ ߓߘߊ߫ ߖߋ߬ߟߌ߬ߓߟߊ߬ ߡߊߝߌ߲߬ ߕߋ߲߬ ߝߣߊ߫߸ ߞߏ߫ ߊ߬ ߓߘߴߊ߬ ߛߋ߲߭ߓߌ߬ߟߊ߬ ߓߋߣߍ߲߫ ߡߊ߲߬ߞߊ߲ ߘߐ߫߸ ߞߊ߬ߝߏ߬ ߖߊ߬ߛߏ߲߬ ߞߏ߬ ߞߎߡߊ ߡߍ߲ ߦߋ߫ ߛߋ߲߬ߠߊ߫ ߦߋ߲߬ ߞߊ߬ߣߌ߲߬.

ߊ߬ߟߋ߬ ߕߍ߰ߒ߬ߛߏ߬ߦߊ߬ ߞߋߟߋ߲ ߓߘߊ߫ ߘߏ߲߬ ߊ߬ߟߎ߬ ߟߊ߫ ߓߐߕߏ߲ ߠߎ߬ ߟߊ߫߸ ߝߏ߫ ߖߋ߬ߟߌ߬ߓߊ߬ߘߎ߰ ߓߘߴߊ߬ ߝߐ߫ ߡߎ߬ߕߎ߲߬߸ ߓߟߏߝߋ߲ ߡߍ߲ ߓߊ߯ ߞߍ߫ ߓߐ߫ ߟߊ߫ ߖߋ߬ߟߌ߬ߓߟߊ߬ ߞߣߐ߫ ߞߊ߬ ߘߏ߲߬ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߏ߬ ߞߐ߫߸ ߏ߬ ߦߋ߫ ߜߋ߬ߟߎ߲߬ ߠߊ߫ ߟߋ߬ ߡߎߣߎ߲߬ ߞߵߊ߬ ߛߍ߯ߛߍ߯߸ ߞߣߊ߬ߕߏ߫ ߛߌߟߊ ߘߌ߫ ߟߴߊ߬ ߡߊ߬ ߏ߬ ߞߐ߫. ߝߊߙߌ߲ ߡߏ߬ߤߊ߬ߡߍߘ ߦߊ߬ߞߎߓߊ߬ ߛߌߘߏ߫ ߞߵߊ߬ ߦߌ߬ߘߊ߬ ߞߏ߫ <<ߞߵߊ߬ ߟߊߥߌ߬ߟߌ߫ ߟߊ߬ߞߊ߲߬ߘߊ߬ߟߌ ߡߊ߬ ߞߏ ߟߎ߬ ߘߐ߸ ߝߋ߲߫ ߛߌ߫ ߓߊ߯ ߞߍ߫ ߓߐ߫ ߟߊ߫ ߦߋ߲߬ ߡߎ߬ߕߎ߲߬߸ ߊ߬ ߓߍ߯ ߦߋ߫ ߡߊߝߟߍ߫ ߟߊ߫ ߟߋ߬ ߡߎߣߎ߲߬.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.