ߊ߬ߟߋ ߡߊߝߌ߲߬ߣߍ߲߫ ߠߋ߬ ߞߏ߫ ߊ߬ ߓߘߊ߫ ߡߐ߱ ߟߎ߬ ߟߊߘߍ߫߬ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߴߊ߬ ߓߘߴߊ߬ ߖߘߍ߬ ߞߍ߫ ߛߎߘߊ߲ߓߊ߮ ߘߌ߫ ߞߊ߲ߕߌ߯ ߢߣߊߕߊߟߌ ߣߌ߲߬ ߘߐ߫، ߒ߬ߓߊ߬ ߏ߬ ߟߋ ߞߏߛߐ߲߬߸ ߌߛߊ߫ ߗߌ߬ߙߏ߬ߡߊ߬ ߓߘߊ߫ ߣߐ߬ߝߍ߬ߜߍ߲߫߸ ߊ߬ ߣߴߊ߬ ߞߊ߫ ߞߊ߲߫ ߞߊ߬ ߘߌ߫ ߛߊ߬ߙߌ߬ߦߊ߫ ߡߊ߬ ߞߵߊ߬ ߞߕߌ߫߸ ߏ߬ ߡߍ߲ ߞߎߡߊ ߝߐ߫ ߘߊ߫ ߞߊߡߋߙߎߣ ߞߎ߲߬ߠߊ߬ߛߌ߮ ߓߟߏ߫.

ߘߎ߰ߞߣߍ ߡߊ߬ߤߙߊ߬ߟߌ ߞߏߕߌ߮߸ ߔߏߟ ߊߕߊ߲ߜ߭ߊ߫ ߒ߬ߖߌ߬߸ ߏ߬ ߞߵߊ߬ ߟߊߛߋ߫ ߞߎߣߎ߲߬ ߞߏ߲ߓߌߕߌ߮ ߕߋ߬ߟߋ߫ ߂߈ ߡߊ߬߸ ߖߌ߬ߦߊ߬ߖߟߎ߬ ߞߎ߲߬ߞߎ߬ߘߎ߲߬ߣߍ߲ ߘߏ߫ ߘߐ߫߸ ߞߏ߫ ߝߊ߲߬ߞߊߛߌ߬ߣߊ ߌߛߊ߫ ߗߌ߬ߙߏ߬ߡߊ߫ ߣߐ߬ <<ߞߟߌߟߌ ߞߍ߫ ߟߊ߫ ߛߊ߬ߙߌ߬ߦߊ߬ ߛߐ߬ߛߐ߬ ߔߊߞߌߛߦߊ ߟߋ߬ ߡߊ߬>> ߊ߬ ߞߍ ߞߐߝߍ߬ ߞߵߊ߬ ߝߐ߫ ߊ߬ ߖߍ߬ߘߍ߫ ߡߊ߬ ߞߏ߫ ߊ߬ߟߋ ߟߋ߬ ߛߎߘߊ߲ߣߍ߲߫ ߞߊ߲ߕߌ߯ ߢߣߊߕߊߟߌ ߘߐ߫.

ߞߏߕߌ߮ ߣߌ߲߬ ߞߵߊ߬ ߟߴߊ߬ ߟߊ߫ ߞߎߡߊ ߞߊ߲߬ ߞߏ߫߸ ߞߵߊ߬ ߓߍ߲߬ ߌߛߊ߫ ߗߌ߬ߙߏ߬ߡߊ߬ ߡߊߝߌ߲߬ ߞߊ߲ ߠߎ߬ ߡߊ߬߸ ߞߏ߫ <<ߡߐ߱ ߟߎ߬ ߓߘߊ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫߸ ߞߊ߬ ߖߊ߬ߡߊ ߓߟߏߝߋ߲ ߕߌߢߍ߫.>> ߏ߬ ߘߐ߫߸ ߓߌ߬ߟߊ߬ ߓߍߣߊ߬ ߞߍ߫ ߌߛߊ߫ ߗߌ߬ߙߏ߬ߡߊ߬ ߞߐ߫ ߏ߬ ߞߏߛߐ߲߬، ߞߏߕߌ߮ ߣߌ߲߬ ߞߵߊ߬ ߟߴߊ߬ ߞߊ߲߬ ߝߣߊ߫߸ ߞߏ߫ ߔߊߞߌߛߦߊߟߊ ߏ߬ ߘߏ߫ ߟߎ߫ ߕߴߊ߬ߟߎ߫ ߖߘߍ߬ ߕߊ߫ ߓߟߏ ߡߊ߬߸ ߘߏ߫ ߦߋ߫ <<ߓߌ߲߬ߘߌߓߌ߲߬ߘߌߓߊ߲߬ ߠߋ߬ ߓߟߏ߫ ߝߛߊߦߌ߫>>.

ߞߊ߬ߦߌ߯ ߞߐߝߟߌ ߟߎ߬ ߟߊߥߊ߲߬ߞߊ߲߬ ߘߊ߫߸ ߞߊߡߋߙߎߣ ߛߏ߫ ߛߌߦߊߡߊ߲߫ ߠߋ߬ ߓߘߊ߫ ߟߊߡߊ߰ ߡߊ߲߬ߞߊ߲ ߣߌ߫ ߦߙߐ߫ ߖߋߣߌ߲ ߠߎ߬ ߟߊ߫، ߖߌߥߎߘߊ ߟߎ߬ ߓߊ߬߸ ߡߣߐ߬ߓߏ߲ ߠߎ߬߸ ߞߎ߲߬ߠߊ߬ߛߌ߮ ߟߊ߫ ߓߏ߲ ߠߎ߬߸ ߏ߬ ߛߌߦߊߡߊ߲߫ ߘߐߕߌߢߍߣߍ߲߫ ߠߋ߬ ߔߊߞߌߛߦߊߟߊ ߟߎ߬ ߓߟߏ߫، ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߣߴߊ߬ ߕߊ߫ ߡߊ߬ߝߊ ߡߊ߬߸ ߌߛߊ߫ ߗߌ߬ߙߏ߬ߡߊ߬ ߦߋ߫ ߞߟߌߟߌ ߞߊ߲߬ ߕߎ߲߫߸ ߞߏ߫ ߓߍ߯ ߟߊߘߍ߬ߣߍ߲ ߦߋ߫ ߓߐ߫ ߔߊߞߌߛߦߊ ߘߌ߫ <<ߡߊ߬ߝߊ ߘߐ߫>>، ߓߊ߬ߙߌ߬߸ ߊ߬ߟߎ߬ ߟߊ߫ ߔߊߞߌߛߦߊ ߣߌ߲߬ ߞߏ߲߬ߣߌ߲ ߣߌ߫ ߦߙߐ߫ ߖߋߣߌ߲ ߣߌ߫ ߦߙߐ߫ ߕߋ ߟߎ߫ ߟߋ߬ ߦߋ߫ ߢߐ߲߮ ߝߍ߬߸ ߖߌ߬ߦߊ߬ߖߟߎ ߟߎ߬ ߦߴߏ߬ ߦߌ߬ߘߊ߬ ߟߊ߫ ߘߍ߬ߞߙߏߝߏ ߟߎ߫ ߞߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.