ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߟߊߓߐ߫߸ ߛߌ߰ ߞߍߣߍ߲߫ ߞߊ߬ ߞߐߝߟߌ߫ ߓߊ߲ߝߟߍ߬ߟߍ ߟߋ߬ ߡߊߞߐ߬ߣߐ߲߫ ߛߌ߰ߞߊ߲߬ ߞߕߌߖߌ߲ ߓߟߏ߫ ߡߎ߬ߕߎ߲߬، ߓߊ߬ߙߌ߬ ߞߊ߬ ߞߐ߲߰ ߏ߬ ߢߍ߫߸ ߖߡߊ߬ ߟߊ߬ߘߍ ߝߊ߲߬ߞߊ ߓߘߊ߫ ߥߙߊ߬ ߞߊߡߋߙߎߣ ߕߌ߲߬ߞߎ߬ߘߎ߲߬ ߛߌߦߊߡߊ߲߫ ߞߣߐ߫߸ ߊ߬ ߝߊ߲߬ߓߊ ߘߏ߲߬ ߦߋ߫ ߌߛߊ߫ ߗߌ߬ߙߏ߬ߡߊ߫ ߟߋ߬ ߟߊ߫ ߛߎߘߊ߲ߠߌ߲߫ ߞߏ߫ ߞߎߡߊ ߞߊ߲߬ ߞߵߊ߬ ߟߊߞߊ߬ߟߌ߬߸ ߞߊ߬ ߔߏߟ ߓߌߦߊ߫ ߟߊ߫ ߗߌߙߏ߲ ߟߊ߲ߞߣߍߡߊ߫.
ߞߏ߲ߓߌߕߌ߮ ߕߋ߬ߟߋ߫ ߂߃ ߣߌ߲߬ ߡߊ߬߸ ߔߊߞߌߛߦߊ ߞߍ߫ ߘߊ߫ ߞߊߡߋߙߎߣ ߛߏ߫ ߛߌߦߊߡߊ߲߫ ߠߋ߬ ߞߣߐ߫، ߖߌ߲ߘߍߙ ߞߣߐ߫߸ ߞߐ߬ߘߎ߮ ߞߐߞߘߐߟߊ ߘߐ߫߸ ߊ߬ ߣߌ߫ ߒߜ߭ߊߥߎ߲ߘߋߙߋ߬߸ ߊߘߡߊߙߎߥߊ߫ ߕߌ߲߬ߞߎߘߎ߲ ߘߐ߫߸ ߖߡߊ߬ߣߊ߬ߘߋ߲߬ ߛߌߦߊߡߊ߲߫ ߠߋ߬ ߞߵߊ߬ߟߎ߬ ߡߊߝߐߦߌ߲ߝߐߦߌ߲߫ ߛߌߟߊ ߞߊ߲߬߸ ߞߵߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߌߛߊ߫ ߗߌ߬ߙߏ߬ߡߊ߬ ߟߊ߫ ߞߏ ߘߐ߫߸ ߏ߬ ߡߍ߲ ߞߊ߬ ߞߏߕߌ߯ߦߊ ߞߍ߫ ߔߏߟ ߓߌߦߊ߫ ߕߋ߬ߟߋ ߣߌ߲߬ ߘߐ߫ ߞߊ߬ߣߌ߲߬، ߊ߬ߟߋ ߟߋ߬ ߦߋ߫ ߔߏߟ ߓߌߦߊ߫ ߛߌ߬ߣߊ ߖߍ߬ߘߍߖߍ߬ߘߍ ߘߌ߫ ߢߣߊߕߊߟߌ ߣߌ߲߬ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊ߫ ߓߐߟߌ ߘߐ߫߸ ߊ߬ߟߎ߬ ߓߍ߯ ߞߊ߲߫ ߠߋ߬ ߞߏ߫ ߔߏߟ ߓߌߦߊ߫ ߗߌߙߏ߲ߣߍ߲߫ ߠߋ߬߸ ߌߛߊ߫ ߟߋ߬ ߛߎߘߊ߲ߣߍ߲߫.
ߌߛߊ߫ ߗߌ߬ߙߏ߬ߡߊ߫ ߣߐ߬ ߡߌ߬ߙߌ߲߬ߘߌ ߘߐߛߎ߫ ߟߊ߫ ߓߐߟߌ ߟߋ߬ ߡߊ߬߸ ߣߌ߫ <<ߢߣߊߕߊߟߌ ߞߐߝߟߌ ߟߎ߬ ߡߊߘߓߊ߬ߙߌ߬ ߘߊ߫ ߞߵߊ߬ߟߎ߬ ߢߣߊߓߊ߬ߛߊ߲߬>> ߛߌ߰ߞߊ߲ ߞߏߟߊߕߍ߯ߘߊ ߓߟߏ߫ ߞߊ߬ߣߌ߲߬.
ߊ߬ ߘߏ߲߬ ߦߌ߬ߘߊ߬ ߘߊ߫ ߟߋ߬ ߞߏ߫ ߞߏ߲ߓߌߕߌ߮ ߕߋ߬ߟߋ߫ ߂߃ ߣߌ߲߬ ߡߊ߬߸ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߘߌ߫ ߟߊߓߐ߫߸ ߓߊ߬ߙߌ߬ ߏ߬ ߓߘߊ߫ ߓߐ߫ ߊ߬ ߡߊ߬ ߞߵߊ߬ ߕߏ߫ ߞߐ߬ߓߊ߬ߟߏ߲߫ ߣߊ߬ߕߐ ߟߊ߫، ߞߏ߲ߓߌߕߌ߮ ߕߋ߬ߟߋ߫ ߂߂ ߡߊ߬߸ ߡߞߊ߬ߛߟߌ߬ ߝߏߦߌ߬ ߞߍ߫ ߘߊ߫ ߞߵߊ߬ ߓߍ߲߬ ߢߣߊߕߊߟߌ ߞߐߝߟߌ ߡߊߛߐ߬ߛߐ߬ ߞߏ ߡߊ߬߸ ߛߌ߰ߞߊ߲ ߞߏߟߊߕߌ߯ߘߊ ߞߵߏ߬ ߟߎ߬ ߓߍ߯ ߟߊߜߎ߬ߝߎ߲߫ ߠߋ߬، ߡߞߊ߬ߛߌ߬ߟߌ ߏ߬ ߟߎ߬ ߘߐ߫߸ ߡߛߏ߬ ߞߋߟߋ߲߫ ߠߋ߬ ߦߴߏ߬ ߘߐ߫߸ ߔߊߕߙߌߛߌߦߊ ߒߘߊ ߒߖ߭ߏߦߊ߫߸ ߏ߬ ߟߎ߬ ߓߍ߯ ߞߵߊ߬ ߦߌ߬ߘߊ߫ ߟߋ߬ ߞߏ߫ ߝߏ߫ ߞߊ߬ ߢߣߊߕߊߟߌ ߘߐߛߊ߬ ߟߋ߬߸ ߞߵߏ߬ ߞߎ߲߭ ߞߍ߫ ߞߊ߬ߙߏ߲߬ߕߍ߰ ߓߟߋߓߟߋ ߟߎ߬ ߞߍ ߘߴߊ߬ ߘߐ߫.
ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߲ ߧߋ߫ ߓߌ߬ ߡߍ߲ ߘߐ߫ ߕߋ߲߬߸ ߓߟߐߟߐ ߓߘߊ߫ ߛߋ߲߬ߘߐ߬ߢߊߙߊ߲߫ ߝߊ߲߬ ߛߌߦߊߡߊ߲߫ ߘߐ߫ ߓߘߍߓߘߍߞߍ߬߸ ߞߊ߬ ߝߘߊ߫ ߞߙߏ߬ߝߏ߬ ߜߋ߬ߟߎ߲߬ ߞߍߦߙߐ ߣߍߕ ߓߑߟߐߞ ߟߊ߫߸ ߊ߬ ߘߏ߲߬ ߦߌ߬ߘߊ߬ߣߍ߲߫ ߞߏ߫ ߓߟߐߟߐ߫ ߕߍ߮ ߏ߬ ߞߎ߲߭ ߦߋ߫ ߢߣߊߕߊߟߌ߫ ߞߏ߫ ߡߊ߲ߞߊ߲ ߢߌ߲߬ ߠߋ߬ ߘߌ߫، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ߟߎ߬ ߟߊ߫ ߞߙߏ߬ߝߏ ߟߎ߫ ߣߐ߬ ߗߋߛߓߍ ߟߋ߬ ߟߊߖߍ߲ߛߍ߲߫ ߠߊ߫ ߞߵߊ߬ ߦߌ߬ߘߊ߬ ߞߏ߫ ߝߙߋߞߋ ߟߋ߬ ߣߐ߬ ߊ߬ߟߎ߬ ߟߊ߫ ߓߟߐߟߐ߫ ߡߟߊߡߟߊ ߛߐ߬ߘߐ߲߬ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.