ߞߊߡߋߙߎߣ ߞߊ߲ߕߌ߮ ߔߏߟ ߓߌߦߊ߫ ߛߌ߬ߞߛߊߓߌ ߦߋ߫ ߛߊ߲߬ ߉߂ ߟߋ߬ ߘߐ߫ ߕߋ߲߬߸ ߊ߬ ߓߘߊ߫ ߟߊߛߍ߲߫ ߟߐ߬ߒ߬ߞߋ߬ߟߊ߬ ߛߋߦߌ߲ߣߊ߲ ߞߍ߫ ߞߊ߲ߡߊ߬߸ ߊ߬ ߟߊ߫ ߟߐ߬ߒ߬ߞߋ߬ߟߊ ߏ߬ ߡߍ߲ ߓߍ߯ ߕߎ߲߰ߣߍ߲߬ ߢߐ߲߮ ߠߊ߫ ߞߊ߬ߣߌ߲߬، ߒ߬ߓߊ߬߸ ߊ߬ ߓߘߊ߫ ߟߊ߬ߤߘߌ ߕߊ߬ ߞߏ߫ ߊ߬ ߘߌ߫ ߖߡߊ߬ߣߊ ߞߏ ߟߎ߬ ߛߌ߰ ߞߟߊ߬ ߞߋߟߋ߲߫ ߞߊ߲߬߸ ߞߵߊ߬ ߛߐ߬ߘߐ߲߬ ߤߊߟߌ߬ߛߊ߫߸ ߢߣߊߕߊߟߌ ߡߊ߲߬ߞߊ߲ ߠߎ߬ ߦߴߌߘߐ߫ ߝߊ߲߬ ߛߌߦߊߡߊ߲߫ ߘߐ߫ ߡߎߣߎ߲߬.
ߊ߬ ߟߊ߫ ߟߊ߬ߛߌ߰ߟߌ߬ ߓߋߟߋ߲ߠߊ ߘߐ߫߸ ߘߎߢߊ߫ ߞߊ߲ߕߌ߮ ߟߎ߬ ߘߐ߫ ߗߍ߬ߡߐ߮ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߡߊ߬ߤߌ߬ߣߊ߬ ߟߊ߬ߡߌ߬ߣߊ߬ ߝߏߟߌ ߦߋ߫ ߛߋ߫ ߟߊ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߞߊ߬ ߛߏ߰ߟߊ ߛߐ߬ߘߐ߲߬ ߔߊߞߌߛߦߊ ߟߎ߬ ߘߐ߫߸ ߊ߬ ߣߴߊ߬ߟߎ߬ ߞߐߡߐ߮ ߟߎ߬ ߓߍ߯ ߟߊߘߍ߬ߣߍ߲ ߞߐߘߍ߫، ߊ߬ ߞߊ߬ ߝߊ߲߬ߞߊߛߌ߬ߣߊ ߟߎ߬ ߡߊߓߎ߬ߙߎ߲߬ߕߌ߫ ߞߵߊ߬߬ ߝߐ߫ ߏ߬ ߟߎ߫ ߡߊ߬ ߞߏ߫ <<ߓߘߍ߬ߓߘߍ߬ߟߌ߬ߟߊ߬ ߘߐ߬ߞߏߟߏ߲ ߠߎ߬>>߸ ߞߏ߫ ߥߐ߬ߦߐ ߡߍ߲ ߘߏ߲߬ߣߍ߲߫ ߖߡߊ߬ߣߊ ߞߣߐ߫߸ ߏ߬ ߟߎ߫ ߟߋ߬ ߞߍߣߍ߲߫ ߏ߬ ߕߎ߬ߙߎ ߘߌ߫.
ߔߏߟ ߓߌߦߊ߫ ߞߵߊ߬ ߦߌ߬ߘߊ߬ ߞߏ߫ <<ߒ ߧߋ߫ ߕߡߊ߬ߖߌ ߓߐ߫ ߊߟߎ߫ ߘߐ߫߸ ߞߏ ߟߎ߬ ߘߌ߫ ߛߌ߰ ߞߟߊ߬ ߞߋߟߋ߲߫ ߞߊ߲߬ ߞߊ߬ ߥߦߐ߬ߥߦߐ ߣߌ߲߬ ߓߍ߯ ߓߊ߲߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߕߣߐ߬ ߛߌ߫ ߡߊ߫ ߞߍ߫ ߞߏ߫ ߞߙߌߞߙߊ ߢߌ߲߬ ߠߎ߬ ߞߍߟߌ ߟߊ߫߸ ߞߊ߬ ߖߡߊ߬ߣߊ ߓߌ߬ߟߊ߫ ߟߊ߲߬ߓߏ߲ ߘߐ߫ ߕߋ߲߬ ߝߎ߯ߝߊߕߌ߫.
ߞߵߊ߬ ߓߍ߲߬ ߖߌ߲ߘߊ߯ ߖߎ߫ ߞߘߐ߫ ߞߎߡߊ ߟߎ߫ ߡߊ߬ ߢߣߊߕߊߟߌ ߞߊ߬ߙߏ߲߬ߕߍ߰߰ ߞߏ ߟߎ߬ ߘߐ߫߸ ߛߟߊߕߌ߯ ߓߌߦߊ߫ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߡߍ߲ ߞߍߣߍ߲߫߸ ߊ߬ ߞߍߣߍ߲߫ ߥߊ߬ߛߊߥߊ߬ߛߊ ߟߋ߬ ߘߌ߫߸ ߞߏ߫ ߡߐ߰ ߘߌ߫ ߞߊߡߋߙߎߣ ߢߣߊߕߊߟߌ ߛߌ߲߬ߝߏ߲߬ߘߊ ߝߏ߬ ߞߊߕߌ߫߸ ߣߴߏ߬ ߦߋ߫ ߋߟߋߞߊߡ ߘߌ߫، ߓߌߞߐߣߐ߲ߘߐߗߍߡߐ߮ ߣߌ߲߬ ߛߎߘߊ߫ ߘߊ߫ ߢߣߊߕߊߟߌ ߘߐ߫ %߅߄ ߠߋ߬ ߟߊ߫߸ ߌߛߊ߫ ߗߌ߬ߙߏ߬ߡߊ߫ ߞߊ߬ %߃߅ ߟߋ߬ ߛߐ߬ߘߐ߲߬߸ ߞߵߊ߬ ߓߍ߲߬ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ߬ ߟߊߥߊ߲߬ߞߊ߲߬ߣߍ߲ ߡߊ߬.
ߗߌ߬ߙߏ߬ߡߊ ߓߞߊߙߌ߫ ߞߊ߲߫ ߞߏ߫ ߊ߬ߟߋ ߟߋ߬ ߛߎߘߊ߲ߣߍ߲߫ ߢߣߊߕߊߟߌ ߣߌ߲߬ ߘߐ߫߸ ߞߏ߫ ߞߊ߬ߙߏ߲ ߖߍ߬ߘߍߖߍ߬ߘߍ ߟߋ߬ ߞߍߣߍ߲߫، ߓߊ߬ߙߌ߬߸ ߔߏߟ ߓߌߦߊ߫ ߞߊ߲߫ ߞߏ߫ ߝߏߦߌ߬ ߡߊ߫ ߞߍ߫ ߞߊ߬ߙߏ߲߬ ߘߐ߫ ߥߟߊ߫ ߣߊߡߙߊ߫ ߘߐ߫.
ߢߣߊߕߊߟߌ ߞߐߝߟߌ ߟߊߥߊ߲߬ߞߊ߲ ߞߍ߫ ߘߊ߫ ߔߊߞߌߛߦߊ߫ ߓߊ߲ߓߊߟߌ ߘߏ߫ ߟߎ߫ ߕߎ߬ߙߎ ߘߌ߫߸ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߐ߰ ߛߌߦߊߡߊ߲߫ ߓߐ߬ߣߐ߫ ߊ߬ ߣߌ ߘߐ߫߸ ߓߊߏ߬ ߊ߬ ߦߌ߬ߘߊ߬ߣߍ߲߫ ߞߏ߫ ߡߐ߰ ߁߄ ߢߐ߲߰ ߠߋ߬ ߝߊ߰ ߘߊ߫߸ ߞߊ߬ ߕߍ߯ ߞߍ߫ ߡߐ߰ ߁ ߂߀߀ ߢߐ߲߰ ߘߐ߫߸ ߞߵߊ߬ ߓߍ߲߬ ߡߐ߰ߦߊ ߤߊߞߍ߫ ߡߞߊߘߊ߲ ߥߛߊ߬ߓߊ߰ߦߊ߫ ߝߊ߬ߛߏ߬ߟߊ߬ߞߊ ߟߊ߫ ߝߐߟߌ ߡߊ߬ ߞߊ߬ߣߌ߲߬، ߛߌ߲߬ߝߏ߲߬ߘߊ߬ ߜߘߍ߫ ߟߎ߫ ߖߍ߬ߘߍ ߟߊ߫ ߝߊ߰ߟߌ߬ ߞߏ ߦߙߌߞߊ߫ ߝߐߣߍ߲ ߞߊ߫ ߛߌߦߊ߫ ߣߌ߲߬ ߘߌ߫.
ߊ߬ ߟߊ߫ ߟߊ߬ߛߌ߰ߟߌ߬ ߓߋߟߋ߲ߠߊ ߘߐ߫ ߞߎߡߊߞߍߓߏ߲ ߠߊ߫ ߦߊߥߎ߲ߘߋ߫߸ ߔߏߟ ߓߌߦߊ߫ ߞߊ߬ ߣߊ߲߬ߕߌ߮ ߟߎ߫ ߝߏ߬߸ ߊ߬ߟߎ߬ ߛߋ ߘߐ߫ ߔߔߊߞߌߛߦߊ ߞߏ ߟߎ߬ ߟߊߕߊ߬ߡߌ߲߬ ߠߴߊ߬ ߢߌ߬ߡߊ ߟߊ߫، ߊ߬ ߝߐ ߡߍ߲ ߞߍ߫ ߘߊ߫ ߞߏ߫ ߣߊ߲߬ߕߌ߮ ߟߎ߫ ߞߊ߬ ߡߐ߱ ߟߎ߫ ߜߊ߰ߢߊ߬ߜߊ߯ߢߊ߫߸ ߔߏߟ ߓߌߦߊ߫ ߡߴߏ߬ ߦߋ߫ ߛߥߊ߬ߓߊ߬ ߘߌ߫.
ߊ߬ ߞߵߊ߬ ߦߌ߬ߘߊ߬ ߞߏ߫ ߌߞߏߡߌ߲߬ ߓߍ߯ ߞߵߊ߬ ߟߐ߲߫ ߤߍߣߍ߲߬ ߢߣߊߕߊߟߌ ߞߍߢߊ ߣߌ߲߬ ߦߋ߫ ߘߋ߬ߙߌ߬ߣߊ߲߬ߞߏ ߟߋ߬ ߘߌ߫߸ ߏ߬ ߘߐ߫ ߓߍ߯ ߦߴߊ߬ ߘߐߖߊ߬ ߞߊ߬ ߓߊ߯ߙߊ߫߸ ߞߊ߬ ߖߡߊ߬ߣߊ ߟߐ߬ <<ߞߊ߬ ߘߍ߬ ߞߋߟߋ߲ߘߌ߫߸ ߖߛߎ߬ߛߎߡߊ ߘߐ߫߸ ߊ߬ ߣߌ߫ ߥߙߎߞߌ ߛߌߟߊ ߞߊ߲߬.>>
ߔߏߟ ߓߌߦߊ߫ ߞߊ߬ ߟߊ߬ߤߘߌ ߕߊ߬ ߞߏ߫ ߊ߬ ߘߌ߫ ߝߊ߲߬ߞߊ߬ ߘߌ߫ ߡߏ߬ߛߏ ߟߎ߬ ߣߌ߫ ߘߋ߲ߡߌߛߍ߲ ߠߎ߬ ߟߊ߫ ߞߏ ߟߎ߬ ߡߊ߬߸ ߊ߬ ߘߌ߫ ߦߙߎ߬ߞߎ߬ߦߙߎߞߎ ߞߟߍ߬߸ ߞߊ߬ ߟߊ߬ߞߊ߲߬ߘߊ߬ߟߌ ߝߙߋߞߋ ߟߎ߬ ߝߎߟߋ߲߫.
ߓߌߦߊ߫ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߁߉߈߂ ߟߋ߬ ߟߊ߫߸ ߞߊ߲ߕߌ߯ ߊߤߑߡߊߘߎ߫ ߊߤߌߖߏ߫ ߓߙߐߕߐߣߍ߲ ߞߐ ߘߐ߫، ߊ߬ ߞߐߣߌ߲ߢߊߓߊ߮ ߟߎ߬ ߞߊ߲߫ ߞߏ߫ ߔߏߟ ߓߌߦߊ߫ ߛߌ߱ ߣߌ߫ ߛߌߛߍ߲߬ ߕߍ ߘߐ߫߸ ߞߏ߫ ߊ߬ ߦߋ߫ ߖߡߊ߬ߣߊ ߡߊ߬ߙߊ ߞߊ߲߬ ߜߟߍ߬ߦߊ ߟߋ߬ ߘߐ߫߸ ߣߐ߰ߦߊ߬ ߕߍ߫ ߡߍ߲ ߞߏ ߟߎ߬ ߘߐ߫.
ߞߊ߬ ߞߐ߲߰ ߊ߬ ߟߊߛߌ߱ ߢߍ߫߸ ߖߡߊ߬ߣߊ ߕߌ߲߬ߞߎ߬ߘߎ߲߬ ߛߌߦߊߡߊ߲߫ ߠߋ߬ ߘߐߞߟߊߦߊ߫ ߘߊ߫ ߝߘߏ߬ߓߊ߬ ߝߎߙߎ߲ߞߎߟߌ ߟߎ߬ ߟߊ߫߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߌߛߊ߫ ߗߌ߬ߙߏ߬ߡߊ ߓߞߊߙߌ߫ ߓߟߏ߫߸ ߊ߬ ߕߌ߯ߕߌ߯ ߊ߬ ߟߊ߫ ߛߘߊ ߥߙߊ߬ߣߍ߲߫ ߦߙߐ ߡߍ߲ ߠߎ߬ ߘߐ߫߸ ߜ߭ߊߙߎߥߊ߫ ߣߌ߫ ߘߎߥߟߊ߫.
ߗߌ߬ߙߏ߬ߡߊ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ߟߋ ߟߋ߬ ߛߎߘߊ߲ߣߍ߲߫߸ ߞߏ߫ ߝߏ߫ ߊ߬ ߟߊ߫ <<ߛߎߘߊ߲>> ߏ߬ ߟߋ ߦߋ߫ ߟߊߟߐ߲߫، ߊ߬ ߞߵߊ߬ ߦߌ߬ߘߊ߬ ߞߏ߫ ߞߐߞߊ߲߫ ߖߡߊߣߊ߫ ߝߊ߲߬ߞߊ߬ߡߊ ߟߎ߬ ߦߋ߫ ߝߙߍ߬ ߞߍ߫ ߞߊ߬ ߓߌ߲߬ߓߊߥߏ ߓߋ߬ ߢߣߊߕߊߟߌ ߘߐ߫ ߞߊ߬ߙߏ߲߬ߕߍ߰ߟߊ ߟߎ߫ ߞߊ߲߬߸ ߞߊ߬ߙߏ߲ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߝߎ߬ߙߎ߲߬ߞߎ߬ߟߌ ߓߟߏߟߊ߫ ߝߊ߲߬ ߓߍ߯.
ߛߌ߰ߞߊ߲ ߞߏߟߊߕߍ߯ߘߊ ߞߕߌߕߍ߯ߟߊ ߟߎ߬ ߡߊ߫ ߛߐ߲߬ ߡߞߊ߬ߛߟߌ߬ ߛߋߦߌ߲ ߝߏߦߌ߬ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߘߊ߬ߟߎ߬ ߖߐ߲ߖߐ߲߫ ߡߊ߫ ߛߋ߫ ߟߊߓߐ߫ ߟߊ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߢߣߊߕߊߟߌ ߞߐߝߟߌ ߟߊߓߋ߬.
ߗߌ߬ߙߏ߬ߡߊ ߓߞߊߙߌ߫߸ ߊ߬ߟߋ ߡߍ߲ ߦߋ߫ ߞߊߡߋߙߎߣ ߞߎߟߎ߲ߖߋߟߌ ߞߟߊߘߊ߫ ߝߊ߬ߛߏ߬ߟߊ߬ߞߊ ߞߙߎߞߊ ߞߎ߲߬ߕߌ߮ ߘߌ߫߸ ߊ߬ ߦߋ߫ ߔߏߟ ߓߌߦߊ߫ ߟߊ߫ ߞߌ߬ߓߊ߬ߙߏ߬ߦߊ߬ߟߌ ߞߏߕߌ߯ ߞߘߐ ߟߋ߬ ߘߌ߫߸ ߏ߬ ߟߋ ߓߘߊ߫ ߣߊ߬ ߞߍ߫ ߔߏߟ ߓߌߦߊ߫ ߛߌ߬ߣߊ߬ ߓߟߋߓߟߋ ߘߌ߫ ߓߘߍ߬ߓߘߍ߬ߟߌ ߘߐ߫ ߣߌ߲߬ ߓߌ߬، ߊ߬ ߞߏ߬ߣߌ߲ ߡߊ߫ ߛߐ߲߬ ߡߞߊ߬ߛߌ߬ߟߌ ߞߍ߫ ߟߊ߫ ߜߍ ߘߐ߫ ߥߛߊߞߙߊ߫.
ߔߏߟ ߓߌߦߊ߫ ߟߊ߫ ߛߎߘߊ߲ ߣߌ߲߬ ߘߐ߫߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߵߊ߬ ߞߎߟߎ߲ߖߋ߫ ߟߋ߬߸ ߏ߬ ߡߍ߲ ߘߏ߲߬ ߘߊ߫ ߊߡߙߌߞߌ߬ ߟߊ߬ߛߌ߰ߘߋ߲ ߘߊ߫ ߦߊߥߎ߲ߘߋ߫ ߞߣߐ߫. ߞߵߊ߬ ߦߌ߬ߘߊ߬ ߞߏ߫: <<ߊ߲ ߛߍߥߊߣߍ߲߫ ߞߏߛߓߍ߫߸ ߊ߲ ߣߌ߫ ߞߊߡߋߙߎߣ ߕߍߡߊ߫ ߞߊߙߌ ߘߐߞߙߊ ߟߊ߫߸ ߞߵߊ߲ ߘߍ߬ߡߊ߬ ߡߙߌߦߊ ߟߎ߬ ߟߊߥߙߎߞߌ߫ ߢߐ߲߯ ߝߍ߬߸ ߏ߬ ߡߍ߲ ߕߍ߫ ߘߏ߫ ߜߘߍ߫ ߘߌ߫ ߖߐ ߣߌ߫ ߟߊ߬ߞߊ߲߬ߘߊ߬ߟߌ ߞߐ߫߸ ߞߵߏ߬ ߟߊ߫ ߖߡߊ߬ߣߊ߫ ߝߌ߬ߟߊ ߣߌ߲߬ ߡߌ߬ߙߌ߲߬ߘߌ ߞߊ߲߬.>> ߏ߬ ߟߋ ߛߓߍ߫ ߘߊ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߟߊ߬ߛߌ߰ߘߋ߲ ߓߟߏ߫.
ߕߟߋ߬ ߘߊ߲ߘߐ߫ ߏ߬ ߢߍ߫߸ ߜ߭ߊߓߐ߲߫ ߞߊ߲ߕߌ߮ ߞߊ߬ ߔߏߟ ߓߌߦߊ߫ ߞߎߟߎ߲ߖߋ߫߸ ߞߊ߬ ߞߊߡߋߙߎߣߌ߲ߞߊ ߟߎ߬ ߞߟߌ߫ ߞߍߞߋߟߋ߲ߘߌ ߡߊ߬߸ ߊ߬ ߣߌ߫ ߖߛߎ߬ߛߎߡߊ ߟߊߛߓߊ߬ߕߌ ߡߊ߬. ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ ߞߵߊ߬ ߦߌ߬ߘߊ߬ ߞߏ߫: <<ߥߊ߯ߕߌ߫ ߜߍߟߍ߲ ߢߌ߲߬ ߠߊ߫ ߕߋ߲߬߸ ߒ ߧߋ߫ ߞߟߌߟߌ ߞߍ߫ ߟߊ߫ ߡߊ߬ߝߊ ߟߋ߬ ߡߊ߬߸ ߊ߬ ߣߌ߫ ߖߐ ߟߊߕߊ߲߬ߞߊ،…>>
ߞߎߡߊ ߢߌ߲߬ ߠߎ߫ ߞߏ߬ߣߌ߲ ߓߍ߯ ߣߴߊ߬ ߕߊ߫߸ ߖߡߊ߬ߣߊ߬ߘߋ߲ ߘߏ߫ ߟߎ߫ ߖߎ߬ߛߎ ߟߊߣߍ߲߫ ߕߍ߫ ߝߋߎ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.