ߊ߬ ߛߌ߭ ߟߊ߫ ߖߊ߲߬ߝߊ ߣߴߊ߬ ߕߊ߫߸ ߝߊ߲߬ߞߊߛߌ߬ߣߊ ߟߎ߬ ߟߊ߫ ߡߊ߬ߓߎ߬ߙߎ߲߬ߕߌ߬ߟߌ ߣߌ߫ ߓߊ߲߬ߒ߬ߘߐ ߣߴߊ߬ ߕߊ߫߸ ߞߊ߲ߕߌ߯ ߔߏߟ ߓߌߦߊ߫ ߓߘߊ߫ ߛߎߘߊ߲߫ ߞߏߞߎߘߊ߫ ߟߐ߬ߒ߬ߞߋ߬ߟߊ߬ ߜߘߍ߫ ߞߍ߫ ߞߊ߲ߡߊ߬ ߊ߬ ߛߌ߭ ߛߊ߲߬ ߉߂ ߣߌ߲߬ ߡߊ߬߸ ߢߣߊߕߊߟߌ ߣߌ߲߬ ߡߍ߲ ߞߐ ߛߎߡߊߣߍ߲߫ ߕߍ߫ ߤߊ߲߯ ߕߋ߲߬ ߞߊ߬ߣߌ߲߬߸ ߡߊ߲߬ߞߊ߲ ߠߎ߬ ߦߴߌߘߐ߫ ߘߎߥߟߊ߫ ߣߴߊ߬ ߟߊߡߌߣߌ߲ ߠߎ߬ ߘߐ߫.
ߞߊߡߋߙߎߣ ߛߌ߰ߞߊ߲ ߞߏߟߊߕߍ߮ ߟߎ߬ ߞߵߊ߬ ߟߊߛߋ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߇߸ ߞߏ߫ ߔߏߟ ߓߌߦߊ߫ ߟߋ߬ ߛߎߘߊ߲ߣߍ߲߫ ߞߊ߲ߕߌ߯ ߢߣߊߕߊߟߌ ߘߐ߫ %߅߃،߆߆ ߟߊ߫، ߏ߬ ߟߋ ߘߐ߫߸ ߔߏߟ ߓߌߦߊ߫ ߓߍߣߊ߬ ߟߐ߬ߒ߬ߞߋ߬ߟߊ߬ ߛߋߦߌ߲ߣߊ߲ ߠߋ߬ ߘߊߡߌ߬ߣߊ߫ ߣߌ߲߬ ߛߊ߫߸ ߊ߬ߟߋ ߡߍ߲ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߁߉߈߂ ߟߊ߫.
ߢߣߊߕߊߟߌ ߣߌ߲߬ ߘߐ߫߸ ߊ߬ ߣߴߌߛߊ߫ ߗߌ߬ߙߏ߬ߡߊ ߓߊߞߊ߬ߙߌ߫ ߟߋ߬ ߛߊ߲ߞߊߢߐ߲߯ߦߊ ߟߊ߫߸ ߊ߬ ߦߌ߬ߘߊ߬ߣߍ߲߫ ߛߌ߰ߞߊ߲ ߞߏߟߊߕߍ߮ ߟߎ߬ ߓߟߏ߫ ߞߏ߫ ߝߊ߲߬ߞߊߛߌ߬ߣߊ ߏ߬ ߞߊ߬ %߃߉،߁߉ ߟߋ߬ ߛߐ߬ߘߐ߲߬، ߊߟߎ߫ ߦߴߊ߬ ߟߐ߲߫߸ ߌߛߊ߫ ߢߌ߲߬ ߠߋ߬ ߕߘߍ߬ ߔߏߟ ߓߌߦߊ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߘߌ߫، ߊ߬ߟߋ ߞߏ߬ߣߌ߲ ߞߊ߲߫ ߞߏ߫ ߢߣߊߕߊߟߌ ߡߍ߲ ߞߍ߫ ߘߊ߫ ߞߏ߲ߓߌߕߌ߮ ߕߟߋ߬ ߁߂ ߡߊ߬߸ ߊ߬ߟߋ ߟߋ߬ ߛߎߘߊ߲ߣߍ߲߫ ߝߛߊߦߌ߫، ߏ߬ ߟߋ ߘߐ߫߸ ߊ߬ ߞߵߊ߬ ߞߊ߲ߠߊߘߌ߫ ߊ߬ ߟߊ߫ ߡߐ߱ ߟߎ߫ ߡߊ߬߸ ߞߏ߫ ߓߍ߯ ߦߋ߫ ߓߐ߫.
ߞߎߣߎ߲߬ ߞߊ߯ߙߌ ߡߊ߬ ߏ߬ ߘߐ߫ ߞߏ߲ߓߌߕߌ߮ ߕߋ߬ߟߋ߫ ߂߆߸ ߔߊߞߌߛߦߊߟߊ߫ ߛߌߦߊߡߊ߲߫ ߓߐ߫ ߘߴߊ߬ ߟߊ߫ ߞߟߌߟߌ ߟߊߡߌ߬ߘߊ ߘߌ߫ ߘߎߥߟߊ߫ ߞߣߐ߫߸ ߖߡߊ߬ߣߊ ߞߎߓߋߘߊ ߟߊ߫، ߖߡߊ߬ ߟߊ߬ߘߍ ߏ߬ ߡߍ߲ ߞߐߝߟߌ ߞߍ߫ ߘߊ߫ ߡߊ߲߬ߞߊ߲߬ߓߊ ߘߌ߫ ߣߊ߲߬ߒ߬ߕߊ߲ ߠߎ߬ ߣߌ߫ ߕߐ߲ߓߟߏߡߊ ߟߎ߬ ߕߍ߫، ߛߙߋ߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߛߌߦߊߡߊ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߎߣߎ߲߬.
ߊ߲ ߧߋ߫ ߟߏ߲ ߡߍ߲ ߝߣߊ߫ ߘߐ߫ ߦߏ߫ ߓߌ߬߸ ߖߊ߬ߡߊ ߓߐߣߍ߲߫ ߠߋ߬ ߞߊߡߋߙߎߣ ߝߊ߲߬ ߛߌߦߊߡߊ߲߫ ߘߐ߫ ߕߋ߲߬߸ ߊ߲ ߘߏ߲߬ ߓߘߊ߫ ߛߎ߬ ߛߌߦߊߡߊ߲߫ ߠߊߞߏߟߐ߲߫ ߘߍ߬ߞߙߏߝߏ ߟߎ߫ ߞߊ߲߬، ߓߊ߬ߙߌ߬߸ ߡߐ߰ߦߊ ߡߞߊߘߊ߲߫ ߘߍ ߝߋ߲߫ ߡߊ߫ ߞߎߡߊ߫ ߡߎߣߎ߲߬ ߞߵߊ߬ ߓߍ߲߬ ߝߊ߰ߓߊ߰ߕߐ ߟߎ߬ ߣߌ߫ ߖߐߞߌߓߊ߯ߕߐ ߟߎ߬ ߦߙߌߞߊ ߡߊ߬߸ ߞߎߡߊߕߍ߫ ߘߊ߲ߘߊߛߏ ߟߎ߫ ߡߊ߬߸ ߏ߬ ߟߎ߬ ߡߍ߲ ߝߋ߲߫ ߝߐ߫ ߝߟߐ߫.
ߔߏߟ ߓߌߦߊ߫ ߞߏ߬ߣߌ߲ ߛߊ߲߬ ߉߂ ߟߋ߬ ߕߋ߲߬߸ ߞߊ߲ߕߌ߯ ߕߍ߫ ߘߎߢߊ߫ ߣߌ߲߬ ߞߣߐ߫ ߕߋ߲߬߸ ߡߍ߲ ߞߊ߫ ߞߐ߬ߘߐ߫ ߊ߬ ߘߌ߫، ߊ߬ ߟߊ߫ ߞߊ߲ߕߌ߯ߦߊ ߞߎ߲߬ߕߊ߮ ߝߣߊ߫ ߓߘߊ߫ ߖߊ߲߰ߧߊ߬ ߞߏߛߓߍ߫߸ ߓߊߏ߬ ߊ߬ ߛߊ߲߬ ߄߃ ߟߋ߬ ߖߡߊ߬ߣߊ ߞߎ߲߬ߠߊ߫ ߣߌ߲߬، ߡߙߌߦߊ ߟߎ߫ ߞߏ߬ߣߌ߲ ߓߘߊ߫ ߝߘߊߝߘߊ߫ ߣߌ߲߬ߛߋ߲߭߸ ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߞߏ߫ ߊ߬ ߦߴߊ߬ ߝߍ߬ ߞߊ߬߬ ߖߡߊ߬ߣߊ ߞߍ߫ ߊ߬ ߕߍߡߊ߫ ߞߊߙߌ ߟߋ߬ ߘߌ߫، ߏ߬ ߟߋ ߘߐ߫߸ ߌߛߊ߫ ߗߌ߬ߙߏ߬ߡߊ߬ ߞߊ߲߫ ߞߏ߫ ߊ߬ߟߋ ߓߍߣߊ߬ ߞߊߙߌ ߏ߬ ߕߍ߰ ߟߋ߬ ߜߊߘߌ߫߸ ߥߟߴߊ߬ߟߎ߬ ߦߴߊ߬ ߟߊߕߎߣߎ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
Aucun commentaire pour le moment.