ߓߌ߬ ߛߌ߬ߣߌ߲߬ߟߏ߲ ߂߀߂߅ ߞߊ߬ߙߌ߬ߝߐ ߕߟߋ߬ ߁߁ ߣߌ߲߬ ߡߊ߬߸ ߟߊ߬ߕߍ߰ߦߊ ߘߏ߫ ߞߟߊ߬ߣߐ߬ߦߊ߬ ߘߊ߫ ߞߊߡߋߙߎߣ ߞߊ߲ߕߌ߮ ߔߏߟ ߓߌߦߊ߫ ߓߟߏ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߞߊ߲ߕߌ߯ ߢߣߊߕߊߟߌ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߂߀߂߅ ߞߏ߲ߓߌߕߌ߮ ߕߟߋ߬ ߁߂ ߣߊ߬ߕߐ ߟߊ߫، ߖߡߊ߬ߣߊ߬ߘߋ߲ ߠߎ߬ ߡߊߞߟߌߕߐ߫ ߛߎߥߊ߲ߘߟߌ ߡߊ߬ ߣߌ߲߬ ߟߏ߲ ߠߋ߬ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫߸ ߞߵߊ߬ ߕߊ߬ ߈ߙߋ߲ ߡߊ߬ ߞߵߊ߬ ߛߌ߰ ߁߈ߙߋ߲ ߠߊ߫߸ ߢߣߊߕߊߟߌ߫ ߖߛߊ߫ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫.

ߞߎߡߊ ߣߌ߲߬ ߝߐ߫ ߘߊ߫ ߟߊ߬ߕߍ߰ߦߊ ߝߙߍߕߍ ߂߀߂߅/߃߀߅ ߟߋ߬ ߞߣߐ߫߸ ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߣߌ߫ ߛߌ߰ߞߊ߲ ߝߐ߫ ߞߊ߲ ߠߎ߬ ߡߊ߬߸ ߡߍ߲ ߕߊ߬ ߘߊ߫ ߞߊ߬ߦߌ߯ ߂߀߁߂ ߟߊ߫، ߊ߬ߟߋ߬ ߟߊ߬ߕߍ߰ߦߊ ߓߍߣߊ߬ ߟߊߖߍ߲ߛߍ߲߫ ߝߘߏ߬ߓߊ߬ ߝߐ߯ߓߍ ߞߣߐ߫߸ ߖߡߊ߬ߣߊ ߞߎ߲߬ߠߊ߬ߛߌ߰ ߞߊ߲߫ ߝߌ߬ߟߊ ߘߐ߫: ߝߊ߬ߙߊ߲߬ߛߌ ߣߌ߫ ߊ߲߬ߜ߭ߌߟߋ.

ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߕߋ߲߬߸ ߓߘߍ߬ߓߘߍ߬ߟߌ߬ ߞߙߎߞߊ߫ ߛߌߦߊߡߊ߲߫ ߓߘߊ߫ ߓߟߏߘߐߓߍ߲ ߠߎ߬ ߘߊߡߌ߬ߣߊ߬߸ ߞߊ߬ ߛߏ߬ߙߌ߬ ߓߙߊߡߊߖߊ߲ߓߊ߲ ߠߎ߬ ߡߊ߬، ߔߏߟ ߓߌߦߊ߫ ߡߍ߲ ߦߋ߫ ߖߡߊ߬ߣߊ ߞߎ߲߬ߠߊ߫ ߕߋ߲߬߸ ߊ߬ߟߋ߫ ߛߊ߲߬ ߉߁ ߠߋ߬ ߕߋ߲߬߸ ߊ߬ ߛߌ߰ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߁߉߈߂ ߟߋ߬ ߟߊ߫، ߊ߲ ߧߋ߫ ߞߎߡߊ߫ ߟߴߊߟߎ߫ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߡߴߊ߬ ߝߐ߫ ߡߎߣߎ߲߬ ߞߵߊ߬ ߟߊߕߍ߰߸ ߞߏ߫ ߊ߬ ߘߌ߫ ߓߐ߫ ߞߊ߲ߕߌ߯ߦߊ ߞߐ߫ ߥߟߴߊ߬ ߕߍ߫ ߓߐ߫ ߊ߬ ߞߐ߫، ߏ߬ ߟߋ ߘߐ߫߸ ߓߍ߯ ߦߋ߫ ߞߣߐ߬ߘߐ߬ߝߟߌ ߘߐ߫ ߏ߬ ߞߏ ߘߐ߫ ߝߟߐ߫߸ ߓߊߏ߬ ߊ߬ ߡߙߌߦߊ߫ ߟߐ߲ߣߍ߲߫ ߕߍ߫ ߡߎߣߎ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.