ߢߊߘߌߡߌ߲ߕߐ߫ ߡߐ߰ ߅߀߀ ߢߊ ߞߊ߫ ߞߊ߲߫ ߞߊ߬ ߘߐߓߛߏ߫ ߝߌߛߙߌ ߟߊ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫

ߛߋ߫ ߕߍ߫ ߡߍ߲ ߠߎ߬ ߦߋ߫߸ ߞߵߏ߬ ߟߎ߬ ߡߊߘߍ߬ߡߍ߲߬ ߊ߬ߟߎ߫ ߖߘߍ߬ ߘߊ߲ߘߊ߫ ߟߊ߫: ߏ߬ ߟߋ ߦߋ߫ ߞߊ߲ߞߊ߲߫ ߘߊ߲ߘߊߛߏ ߗߋߕߌ߮ ߡߙߌߦߊ߫ ߛߊߣߌ߲ ߘߌ߫، ߞߊ߬ߕߎ߲߯߸ ߊ߬ ߦߴߊ߬ߟߎ߬ ߟߊ߫ ߖߊ߬ߕߋ߬ ߘߐ߫߸ ߞߏ߫ ߊ߬ߟߎ߬ ߓߍߣߊ߬ ߡߐ߰ ߅߀߀ ߟߋ߬ ߕߊ߬߸ ߝߙߊ߬ߝߙߊ ߦߋ߫ ߡߍ߲ ߠߎ߬ ߢߊ ߞߊ߲߬߸ ߏ߬ ߕߊ߬ߕߐ߫ ߞߊ߲ߞߊ߲߫ ߡߙߊ߬ߓߊ߰ߘߊ߬ ߟߏ߯ߟߎ ߟߋ߬ ߞߣߐ߫.

ߊ߬ ߘߏ߲߬߸ ߞߎ߲߬ ߜߘߍ߫ ߕߍ߫ ߣߌ߲߬ ߞߏ ߟߊ߫ ߞߏ߲߬ߓߏ ߝߋߙߋ߲ߓߊ߫ ߞߡߊ߬ߙߊ߬ ߓߟߏ߫: ߓߟߏߞߏߟߏ߲ߧߊ ߦߴߊ߬ ߝߍ߬ ߞߊ߬ ߡߍ߲ ߠߎ߬ ߓߐ߫ ߢߊ߫ ߞߏ ߘߐ߫߸ ߞߵߏ߬ ߟߎ߫ ߘߍ߬ߡߍ߲߫ ߞߵߊ߬ߟߎ߬ ߢߊ ߟߊߞߊ߬، ߊ߬ ߘߊߡߌ߬ߣߊ߬ߕߐ߫ ߞߏߟߌ߲ߞߏߟߌ߲ ߕߟߋ߬ ߁߭ ߟߋ߬ ߡߊ߬߸ ߞߵߊ߬ ߛߌ߰ ߊ߬ ߕߋ߬ߟߋ߫ ߂߅ ߟߊ߫ ߂߀߂߅ ߢߌ߲߬ ߠߊ߫، ߢߍߥߟߊ߫ ߞߋߟߋ߲߫ ߔߋ߫ߟ ߞߊ߬ ߛߋ߫ ߡߐ߰ ߅߀߀ ߢߊ ߘߐߓߛߏ߫ ߟߊ߫ ߝߌߛߙߌ ߟߊ߫߸ ߕߊ߲߬ߞߊ ߕߍ߫ ߛߙߊ߬ ߟߊ߫، ߞߏ߲߬ߓߏ ߝߋߙߋ߲ߓߊ߫ ߞߡߊ߬ߙߊ߫ ߟߊ߫ ߢߍߥߟߊ߫ ߓߘߍ ߟߋ߬߸ ߊ߬ߟߋ ߡߍ߲ ߦߋ߫ ߢߊߘߊ߲ߘߊ ߘߐ߬ߓߛߏ߬ߟߌ߬ߟߊ߫ ߘߌ߫ ߞߊ߬ߣߌ߲߬.

ߡߐ߰ߦߊ ߡߊߘߍ߬ߡߍ߲ ߡߙߌߦߊ ߣߌ߲߬ ߘߊߓߐߣߍ߲߫ ߡߐ߰ ߟߎ߫ ߟߋ߬ ߘߍ߬ߡߍ߲߬ ߞߊ߲ߡߊ߬߸ ߝߙߊ߬ߝߙߊ ߓߘߊ߫ ߡߍ߲ ߠߎ߬ ߛߍ߰߸ ߣߌ߫ ߛߋ߫ ߕߴߊ߬ߟߎ߬ ߦߋ߫ ߞߵߊ߬ ߘߊ߲ߘߊ߫، ߓߊߏ߬߸ ߊ߬ߟߋ ߘߊ߲ߘߊߟߋ ߦߋ߫ ߘߐ߬ߓߛߏ߬ߟߌ ߟߋ߬ ߘߌ߫، ߊ߬ߟߎ߬ ߓߍߣߊ߬ ߞߊ߲ߞߊ߲߫ ߛߏ߫ ߞߣߐߟߊ ߞߍ߫߸ ߞߊ߬ ߛߌ߯ߙߌ߲߫ ߞߍ߫߸ ߞߊ߬ ߞߊߦߌߙߊߥߊ߯ߣߍ߲߫ ߞߍ߫߸ ߞߊ߬ ߞߙߎ߬ߛߊ߬ ߞߍ߫߸ ߊ߬ ߣߌ߫ ߡߊ߲߬ߖߊ߲߬ߠߊ߬߸ ߡߐ߰ ߁߀߀ ߟߋ߬ ߕߊ߬ߕߐ߫ ߏ߬ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߣߐ߫.

ߌߓߙߊߤߌߡߊ߫ ߞߊߟߌߟ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߓߌ߬ߟߊ߬ߢߐ߲߰ߡߊ ߞߏߟߊߕߍ߮ ߘߌ߫߸ ߞߏ߫: <<ߘߐ߬ߓߛߏ߬ߟߌ ߣߌ߲߬ ߘߊߡߌ߬ߣߊ߬ߕߐ߫ ߞߏߟߌ߲ߞߏߟߌ߲ ߕߟߋ߬ ߁߭ ߟߋ߬ ߡߊ߬ ߡߊ߲߬ߖߊ߲߬ߠߊ߫ ߛߏ ߞߣߐ߫߸ ߊ߲ ߓߍߣߊ߬ ߕߟߋ߬ ߅ ߟߋ߬ ߞߍ߫ ߦߋ߲߬߸ ߞߣߊ߬ߕߏ߫ ߥߊ߫ ߟߊ߫ ߝߊ߲߬ ߜߘߍ߫، ߊ߲ ߧߋ߫ ߕߟߋ߬ ߟߏ߯ߟߎ߫ ߟߋ߬ ߞߍ߫ ߟߊ߫ ߛߏ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߣߐ߫߸ ߞߊ߬ ߡߐ߰ ߁߀ ߢߊ ߘߐߓߛߏ߫ ߦߋ߲߬.>>

<<ߗߋߕߌ߮ ߝߋߙߋ߲ߓߊ߫ ߞߡߊ߬ߙߊ߬ ߦߴߊ߬ ߝߍ߬ ߟߋ߬߸ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊߘߍ߬ߡߍ߲߬ ߊ߬ ߟߊ߫ ߥߙߎߞߌ ߛߌߟߊ ߞߊ߲߬߸ ߊ߬ ߕߌ߯ ߞߊ߲ߕߌ߯ߦߊ߫ ߢߌߣߌ߲ ߡߊߛߎ߬ߘߎ߲߬ߧߊ ߣߌ߲߬ ߘߐ߫߸ ߓߙߊߡߊߖߊ߲ߓߊ߲ ߘߏ߲߬ ߘߊߡߌ߬ߣߊ߬ߕߐ߬ߟߊ ߟߵߏ߬ ߘߌ߫، ߓߍ߯ ߦߋ߫ ߞߏߣߍ߲ ߘߏ߫ ߞߍ ߟߊ߫߸ ߘߏ߫ ߟߎ߫ ߦߋ߫ ߕߏ߬ߟߊ߲߬ߕߊ߲ ߛߌ߲߬ߝߏ߲߬ߧߊ߬ ߟߊ߫߸ ߘߏ߫ ߟߎ߫ ߦߋ߫ ߞߏ߫ ߜߘߍ߫ ߟߎ߫ ߞߍ߫ ߟߊ߫، ߒ߬ߓߊ߬߸ ߞߏ߲߬ߓߏ ߝߋߙߋ߲ߓߊ߫ ߞߡߊ߬ߙߊ߫ ߣߐ߬ ߡߍ߲ ߖߊ߬ߕߋߡߌ߬ߣߊ߬ ߟߊ߫߸ ߏ߬ ߟߋ ߓߏߟߏߞߏ߲ߧߊ ߓߘߊ߫ ߡߍ߲ ߠߎ߬ ߛߍ߰߸ ߞߵߊ߬ߟߎ߬ ߘߛߍ߫ ߊ߬ߟߎ߬ ߟߊ߫ ߝߙߊ߬ߝߙߊ ߘߊ߲ߘߊ߫ ߟߊ߫߸ ߞߵߏ߬ ߟߎ߫ ߘߍ߬ߡߍ߲߬ ߊ߬ߟߎ߬ ߟߊ߫ ߖߊ߲߬ߞߊߙߏ ߦߋ߫ ߛߋ߫ ߓߊߛߌ߫ ߟߊ߫ ߡߐ߰ ߡߊ߫ ߘߙߐߡߍ߫ ߓߐ߫، ߊ߬ߟߋ ߣߐ߬ ߏ߬ ߟߋ ߦߋ߫ ߟߊ߫ ߞߊ߲ߕߌ߮ ߡߊߘߍ߬ߡߍ߲ ߘߌ߫߸ ߞߊ߬ ߛߋ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍ߲ߘߍߦߊ ߞߍ߫ ߟߊ߫ ߢߍߕߊ ߘߌ߫.>> ߊ߬ ߞߵߏ߬ ߟߊ ߝߣߊ߫ ߝߐ߫.

ߘߊ߲ߘߊߟߌ߫ ߞߙߎ ߟߊߥߟߌ߬ߕߐ߫ ߞߊ߬ ߕߊ߯ ߡߐ߱ ߟߎ߬ ߟߊ߫ ߖߊ߲߬ߞߊߊߙߏ ߟߎ߬ ߡߊߟߐ߲߫߸ ߞߵߊ߬ߟߎ߬ ߡߊߝߟߍ߫ ߡߎߣߎ߲߬ ߞߊ߬ ߞߐ߲߰ ߘߐ߬ߓߛߏ߬ߟߌ ߢߍ߫، ߓߊߏ߬߸ ߌ ߕߍ߫ ߥߊ߫ ߟߊ߫ ߕߋ߲߬ ߘߋ߲߬ ߞߏ߫ ߊ߬ ߦߴߌ ߟߊ߫߸ ߊ߬ߟߎ ߝߣߊ߫ ߦߴߌ ߘߐߓߛߏ߫، ߍ߲߬ߍ߲߫߸ ߊ߬ߟߎ߬ ߦߴߌ ߡߊߝߟߍ߫ ߟߊ߫ ߟߋ߬ ߡߎߣߎ߲߬߸ ߞߵߊ߬ ߟߐ߲߫ ߣߴߊ߬ ߣߌ߫ ߘߐ߬ߓߛߏ߬ߟߌ ߞߊ߫ ߞߊ߲߫، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߞߍߕߐ߫ ߊ߬ߟߎ߬ ߢߊ ߟߐ߬ ߟߊ߫ ߣߌ߲߬ ߞߏ ߝߍ߬ ߟߋ߬ ߞߏߛߓߍ߫߸ ߓߊߏ߬ ߝߋ߲߫ ߓߐ߫ ߕߴߊ߬ ߘߐ߫، <<ߊ߲ ߞߍߕߐ߫ ߟߋ߬ ߖߊ߲߬ߞߊ߬ߙߏ߬ߕߐ ߓߍ߯ ߢߌ߬ߣߌ߲߬ߞߊ߬ ߟߊ߫ ߡߎߣߎ߲߬߸ ߣߴߊ߬ߟߎ߫ ߣߐ߬ ߞߍ߫ ߘߊ߫ ߗߍ߬ߡߍ ߛߙߊ߬ ߟߊ߫، ߓߊߏ߬߸ ߝߌߛߙߌ ߟߋ߬ ߝߋ߲߫ ߕߍ߫ ߛߙߊ߬ ߟߊ߫߸ ߢߣߊߢߌ߲ߧߊ߫ ߕߴߊ߬ ߘߐ߫߸ ߞߟߊߓߊߒߕߋߦߊ߫ ߕߴߊ߬ ߘߐ߫.>> ߌߓߙߌߤߌߡߊ߫ ߞߊߟߌߟ ߖߊߥߙߊ߫ ߟߋ߬ ߞߵߏ߬ ߟߊߕߍ߰.

ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߣߌ߲߬ ߞߎ߲߭ ߦߋ߫ ߡߌ߬ߙߌ߲߬ߘߌ߬ ߛߋߒߕߊ߲ ߠ߬ߎ ߡߊߘߍ߬ߡߍ߲ ߠߋ߬ ߘߌ߫߸ ߥߙߎߞߌ ߛߌߟߓߊ߫ ߞߊ߲߬߸ ߡߍ߲ ߟߊߣߍ߲߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫.

ߞߊ߬ߕߎ߲߯߸ ߘߋ߲ߓߦߊ߫ ߛߌߦߊߡߊ߲߫ ߠߋ߬ ߓߍ߫߸ ߢߊ߫ ߘߊ߲ߘߊ ߣߌ߲߬ ߕߐ߬ߣߐ ߘߌ߫ ߛߋ߫ ߡߍ߲ ߠߎ߬ ߡߊ߬، ߖߌ߬ߣߍ߬ ߜߍߞߊ߲ߠߊ ߘߐ߫߸ ߝߙߊ߬ߝߙߊ ߣߌ߲߬ ߦߋ߫ ߢߊߝߎߦߋ߲ߧߊ ߛߌߦߊߡߊ߲߫ ߠߋ߬ ߛߓߊߓߎ ߘߌ߫ ߦߋ߲߬߸ ߞߵߏ߬ ߞߎ߲߭ ߞߍ߫ ߘߊ߲ߘߊߟߌ߫ ߖߐ߲ߖߐ߲ ߛߐ߬ߘߐ߲߬ߓߊߟߌߦߊ ߘߌ߫ ߛߋ ߞߏߛߐ߲߬، ߏ߬ ߘߐ߫߸ ߞߵߏ߬ ߟߎ߬ ߡߊߘߍ߬ߡߍ߲߬߸ ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߛߐ߬ߘߐ߲ ߝߊ߲߬ߞߊߘߏ߲߬߸ ߞߊ߬ ߡߊ߲߬ߕߎ߬ߙߋ߬ߦߊ ߓߊߘߏ߲߬߸ ߞߊ߬ ߊߘߡߊߘߋ߲ߧߊ߫ ߖߍ߬ߘߍ ߝߣߊ߫ ߡߊߘߍ߬ߡߍ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߌߕߊ߲߬ ߞߊ߬ߓߊ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.