ߓߌ߬ߟߊ߬ߒ߬ߘߐ ߘߏ߫ ߟߋ߬ ߞߍߣߍ߲߫ ߊߟߌߖ߭ߋߙߌ߫ ߣߌ߫ ߋߞߎߥߊߕߏ߫ ߖߌ߬ߣߍ߬ ߟߊ߫ ߓߌ߬ߟߊ߬ߢߐ߲߰ߠߊ ߝߍ߬߸ ߡߍ߲ ߢߐ߲߰ ߕߎ߲߬ ߡߊ߫ ߘߋ߬ߙߌ߬ ߞߍ߫ ߟߊ߫، ߞߊ߬ߕߎ߲߯߸ ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߖߌߟߊߝߍ ߡߍ߲ ߕߊ߲ߠߌ߲ ߦߋ߫ ߛߋ߲߬ߠߊ߫ ߡߊ߬ߙߐߞߎ߬ ߂߀߂߅ ߢߌ߲߬ ߠߊ߫߸ ߕߏ߬ߟߊ߲ ߘߏ߫ ߟߋ߬ ߛߏ߲߬ߧߊ߬ߣߍ߲߫ ߏ߬ ߘߊߞߎ߲ ߘߐ߫، ߊߟߌߖ߭ߋߙߌ߫ ߛߋߒߞߏߟߊ߫ ߞߙߎ ߘߏ߲߬ߞߏ ߘߏ߫ ߟߋ߬ ߞߊ߬ ߕߏ߬ߟߊ߲ ߣߌ߲߬ ߓߌ߬ߟߴߊ߬ ߟߊ߫ ߝߊ߰ߣߌ߲ ߞߘߐ߫߸ ߦߊ߬ߣߌ߫ ߞߊߝ ߦߴߊ߬ ߕߍ߯ ߞߍ߫ ߊ߬ ߘߐ߫.
ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߂߀߂߅ ߖߌߟߊߝߍ߫ ߕߊ߲ߠߌ߲ ߘߐ߫߸ ߊߟߌߖ߭ߋߙߌ߫ ߣߌ߫ ߋߞߎߥߊߕߏ߫ ߖߌ߬ߣߍ߫ ߟߋ߬ ߕߘߍ߬ ߢߐ߲߯ ߠߊ߫߸ ߏ߬ ߞߍ߫ ߘߊ߫ ߞߎߣߎ߲ߟߏ߲ ߠߋ߬ ߡߊ߬ ߡߎ߬ߟߊߦߌ߬ ߤߊߛߊߣ ߓߙߊߞߣߍ ߘߐ߫ ߡߊ߬ߙߐߞߎ߬، ߒ߬ߓߊ߬߸ ߓߌ߬ߟߊ߬ߒ߬ߘߐ ߘߏ߫ ߟߋ߬ ߟߊߞߙߐ߬ߛߌ߬ ߘߊ߫ ߦߋ߲߬߸ ߡߍ߲ ߢߐ߲߱ ߦߋ߫ ߡߊ߲߫ ߘߌ߫.
ߊ߲ ߣߐ߬ ߟߌ߬ߤߟߊ ߡߍ߲ ߛߐ߬ߘߐ߲߬ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߙߎߝߊ (ߝߕߞ) ߟߊ߫߸ ߕߏ߬ߟߊ߲߬ ߕߊ߲ ߣߌ߫ ߟߏ߯ߟߎ ߡߍ߲ ߕߘߍ߬ ߏ߬ ߟߏ߲ ߓߌ߬ߟߊ߬ߢߐ߲߰ߠߊ ߞߎ߲߬ߞߘߐ߫߸ ߝߌ߬ߟߊ߫ ߟߋ߬ ߕߎߣߎ߲߫ ߘߴߏ߬ ߘߐ߫ ߕߏ߬ߟߊ߲ ߘߊߡߌߣߊ ߝߎ߬ߟߋ ߝߍߣߍ߲ ߞߐߝߍ߬، ߊ߬ ߞߏ ߡߊ߫ ߡߍ߲߫߸ ߢߐ߲߯ߓߍ߲ ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߞߵߊ߬ ߢߊߝߐ߫߸ ߊ߬ߟߎ߫ ߞߵߊ߬ ߢߊߢߌߣߌ߲ ߘߊߡߌ߬ߣߊ߬ ߞߊ߬ ߓߟߏߘߐߓߍ߲ ߠߎ߬ ߞߍ߫߸ ߛߴߊ߬ ߢߊߘߐߜߍ ߘߌ߫ ߟߐ߲߫.
ߏ߬ ߟߋ ߞߏ ߢߊߢߌߣߌ߲ߣߍ߲߫ ߜߋ߬ߟߎ߲߬ߠߌ߲߬ ߖߌ߬ߦߕߊ߬ߟߊ߲ ߠߎ߬ ߟߊ߫߸ ߤߊ߲߯ ߊ߬ߟߎ߫ ߞߊ߬ ߕߏ߬ߟߊ߲ ߕߎߣߎ߲߫ ߢߊ ߟߐ߲߫، ߖߌ߬ߦߕߊ߬ߟߊ߲ ߞߵߊ߬ ߦߌ߬ߘߊ߬߸ ߊߟߌߖ߭ߋߙߌ߫ ߛߋߒߞߏߟߊ ߞߙߎ ߘߏ߲߬ߞߏ ߘߏ߫ ߟߋ߬ ߞߊ߬ ߕߏ߬ߟߊ߲ ߕߊ߬ ߘߐ߬ߝߢߐ߬ߟߌ ߕߎ߬ߡߊ ߟߊ߫߸ ߞߵߊ߬ ߓߌ߬ߟߴߊ߬ ߟߊ߫ ߝߊ߰ߣߌ߲ ߞߘߐ߫، ߏ߬ ߟߋ ߞߍ߫ ߘߊ߫ ߢߊߢߌߣߌ߲ߠߌ߲ ߛߌ߱ ߘߌ߫ ߛߋ߲߬ߠߊ߫ ߌߞߘߐ߫.
ߞߊߝ ߟߊ߫ ߓߙߊߓߐ ߘߏ߲߬ߖߟߎ߬ߡߊ߬ߟߌ߬ߟߊ ߘߏ߲߬ ߘߊ߫ ߊߟߌߖ߭ߋߙߌ߫ ߛߘߍߞߎߘߎ߲ ߠߊ߫ ߡߝߊ߬ߟߋ߲߬ߓߏ߲ ߞߣߐ߫߸ ߞߊ߬ ߥߴߊ߬ ߓߟߏ ߟߊ߫ ߞߏ ߓߊ ߘߐ߫، ߊ߬ ߘߊߡߌߣߊ ߘߐ߫߸ ߊߟߌߖ߭ߋߙߌ߫ ߞߵߊ߬ ߛߐ߬ߛߐ߫ ߟߋ߬ ߣߌ߲߬ ߞߏ ߟߊ߫، ߓߊ߬ߙߌ߬߸ ߖߌ߬ߦߊ߬ߖߟߎ ߟߊߓߐ ߡߍ߲ ߞߍ߫ ߘߊ߫߸ ߛߐ߬ߛߐ߬ ߢߊ߫ ߡߊ߫ ߛߐ߬ߘߐ߲߫ ߏ߬ ߟߊ߫ ߡߎ߬ߕߎ߲߬، ߕߏ߬ߟߊ߲ ߕߊ߬ ߢߊ ߟߋ߬ ߞߍ߫ ߘߴߏ߬ ߘߌ߫ ߞߵߊ߬ ߟߊߛߊ߬ߦߌ߲߬ ߞߊߝ ߡߊ߬، ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߞߊ߲߫ ߞߏ߫ ߕߏ߬ߟߊ߲ ߝߌߟߊߣߊ߲ ߛߍߣߍ߲߬߸ ߏ߬ ߟߋ ߡߊ߫ ߦߋ߫ ߥߊ߯ߕߌ ߏ߬ ߟߊ߫.
ߘߍ߬ߞߙߏߝߏ ߟߎ߬ ߞߊ߲߬߸ ߦߙߐ ߓߍ߯ ߓߘߊ߫ ߞߍ߫ ߢߌ߲߬ ߠߋ߬ ߞߎߡߊ ߘߌ߫ ߕߋ߲߬، ߟߊ߬ߞߙߐ߬ߛߟߌ߬ߟߊ ߛߌߦߊߡߊ߲߫ ߞߏ߬ߣߌ߲ ߞߊ߲߫ ߞߏ߫ <<ߣߌ߲߬ ߕߍ߫ ߓߊ߯ߙߊ߫ ߢߌߡߊ߫ ߘߌ߫.>> ߞߏ߫ ߊ߬ ߦߋ߫ ߞߍ߫ ߟߊ߫ ߟߋ߬ ߕߙߎ߬ ߘߌ߫ ߞߊ߬ ߢߐ߲߯ߓߍ߲ ߡߊߣߐ߯، ߛߊ߬ߙߌ߬ߦߊ ߘߏ߲߬ ߦߋ߫ ߡߊ߬ߓߏ߲߬ߧߊ߬ߕߊ ߟߋ߬ ߘߌ߫߸ ߊ߬ ߣߌ߫ ߓߙߊߓߐ ߕߐ߲߫ ߠߊߛߌ߰ߣߍ߲ ߠߎ߬ ߡߊ߲߫ ߞߊ߲߫ ߞߊ߬ ߛߐ߬ߛߐ߬ ߢߊ߫ ߛߌ߫ ߡߊ߬߸ ߊ߬ ߕߌ߯ߕߌ߯ ߞߏ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߡߎ߰ߡߍ ߞߎ߲߬ߞߊ߲߬ ߞߏ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.