ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߁ ߡߊ߬߸ ߢߣߊߕߊߟߌ ߝߘߏ߬ߓߊ߬ ߗߋ߬ߕߌ߰ߘߊ ߞߊ߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߞߎ߲߬ߞߘߐ߬ߛߌ߯ ߛߙߊ߬ߕߊ ߟߊߕߍ߰ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߘߐ߫߸ ߊ߬ ߣߌ߫ ߓߙߊߡߊߖߊ߲ߓߊ߲ ߖߐ߰ߣߍ߬ ߞߐ߯ߛߌ، ߡߙߌߘߐ߫ ߞߎߘߊ ߏ߬ ߕߊ߬ߣߍ߲߫ ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߠߋ߬ ߡߊ߬߸ ߡߍ߲ ߠߊߥߊ߲߬ߞߊ߲߬ ߛߊ߲ ߦߋ߫ ߣߌ߲߬ ߞߊ߬ߣߌ߲߬.
ߡߙߌߘߐ ߣߌ߲߬ ߝߙߍߕߍ ߟߋ߬ ߡ/߂߀߂߅/߁߆߄/ߘߡߕߞ/ߢߝߗ߸ ߡߍ߲ ߞߟߊ߬ߣߐ߬ߦߊ߬ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߓߟߏ߫߸ ߓߐ߬ߟߐ߲߬ߞߊ߫ ߞߊ߬ߡߊߙߊ߬ ߖߋߣߊߓߎ߬ ߕߎ߬ߙߋ، ߊ߬ ߞߵߊ߬ ߝߐ߫ ߛߓߍ ߣߌ߲߬ ߞߣߐ߫ ߞߵߊ߬ ߟߊߕߍ߰߸ ߞߏ߫ ߞߊ߲ߕߌ߯ ߢߣߊߕߊߟߌ ߡߍ߲ ߞߍߕߐ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬߸ ߡߊ߬ߡߌ߬ߘߊ߬ߟߌ߬ߟߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߊ߫ ߞߊ߲߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߗߍ߬ߡߍ߫ ߞߐ߬ߣߐ߲߬ߘߐ߫ ߟߋ߬ ߛߊ߬ߙߊ߫ ߞߎ߲߬ߞߘߐ߬ߛߌ߮ ߘߌ߫ (ߖߕ ߉߀߀ ߀߀߀ ߀߀߀)߸ ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߂߇߅߲ ߡߊ߬.
ߘߐ߬ߛߙߋ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߥߊߘߌ ߣߌ߲߬ ߦߋ߫ ߛߙߊ߬ ߟߊ߫ ߝߘߏ߬ߓߊ߬ ߞߏ߲ߘߏ ߟߋ߬ ߟߊ߫ ߞߊ߬ ߕߟߋ߬ ߅߀ ߢߐ߲߰ ߕߏ߫ ߢߣߊߕߊߟߌ߫ ߟߏ߲ ߠߊ߫.
ߊ߬ߟߎ߬ ߞߎߡߊ߫ ߘߊ߫ ߓߙߊߡߊߖߊ߲ߓߊ߲ ߖߐ߰ߣߍ߬ߦߊ߬ ߞߏ ߝߣߊ߫ ߞߊ߲߬߸ ߢߝߗ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߡߊ߬ߡߌ߬ߘߊ߬ߟߌ߬ߟߊ߬ ߞߋߟߋ߲ ߠߊ߫ ߢߣߊߕߊߟߌ ߖߐ߰ߣߍ ߕߍ߫ ߕߊ߬ߡߌ߲߬ ߠߊ߫ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߄߀ ߞߊ߲߬ (ߖߕ ߄߀ ߀߀߀ ߀߀߀ ߀߀߀)، ߞߏ߫ ߡߍ߲ ߺ ߍ ߺ ߡߍ߲߫ ߠߊ߫ ߖߐ߰ߣߍ ߕߊ߬ߡߌ߲߬ ߘߊ߫ ߥߊߘߌ߫ ߝߐߣߍ߲ ߣߌ߲߬ ߞߊ߲߬߸ ߏ߬ ߟߊߕߐ߲ߣߍ߲߫ ߠߋ߬߸ ߊ߬ ߘߏ߲߬ ߦߋ߫ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߛߐ߬ߛߐ ߟߋ߬ ߘߌ߫߸ ߓߌ߲߬ߓߊߥߏ ߦߋ߫ ߡߍ߲ ߘߊߝߍ߬.
ߘߐ߬ߛߙߋ߬ ߞߋߟߋ߲ ߣߌ߲߬ ߦߋ߫ ߦߟߌߓߌߟߊߟߌ ߞߍ߫ ߟߊ߫ ߝߣߊ߫߸ ߞߏ߫ ߡߊ߬ߡߌ߬ߘߊ߬ߟߌ߬ߟߊ ߞߊ߫ ߞߊ߲߫ ߞߊ߬ ߓߙߊߡߊߖߊ߲ߓߊ߲߫ ߖߊߕߋߘߊ ߘߏ߫ ߟߋ߬ ߟߊߞߊ߬ ߜߍߓߏ߲߫ ߠߊߘߌ߬ߢߍ߬ߣߍ߲ ߘߏ߫ ߟߊ߫߸ ߛߴߊ߬ ߟߊ߫ ߖߐ߰ߣߍ ߟߎ߬ ߘߏ߲߬ߣߌ߬ߞߊ߬ߓߐ ߘߌ߫ ߛߋ߫ ߜߋ߬ߟߎ߲߬ ߠߊ߫ ߢߣߊߕߊߟߌ߫ ߥߊߘߌ ߏ߬ ߟߎ߬ ߘߐ߫، ߥߊߘߌ ߡߍ߲ ߘߏ߲߬ ߓߌ߬ߟߊ߬ߕߐ߫ ߞߏ߲߬ߘߏ ߏ߬ ߟߊ߫ ߦߋ߲߬߸ ߏ߬ ߕߍ߫ ߘߏ߲߬ ߠߊ߫ ߘߊ߫ ߜߘߍ߫ ߟߊ߫߸ ߣߌ߫ ߢߣߊߕߊߟߌ߫ ߞߏ ߕߍ߫߸ ߊ߬ ߕߌ߯ߕߌ߯ ߓߙߊߡߊߖߊ߲ߓߊ߲.
ߟߊ߬ߓߊ߲ ߘߐ߫߸ ߡߙߌߘߐ ߣߌ߲߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߘߐ߬ߛߙߋ ߣߌ߲߬ ߠߥߊߟߌ ߘߊߡߌ߬ߣߊ߬ߕߐ߫ ߊ߬ ߞߟߊ߬ߣߐ߬ߦߊ߬ ߟߏ߲ ߢߌ߲߬ ߠߋ߬ ߘߐ߫ ߌߞߘߐ߫߸ ߊ߬ ߣߴߊ߬ ߘߌ߫ ߟߊߖߍ߲ߛߍ߲߫ ߝߊ߲߬ ߓߍ߯߸ ߣߌ߫ ߡߊ߬ߞߏ ߛߋ߫ ߘߴߊ߬ ߡߊ߬.
ߡߙߌߘߐ ߣߌ߲߬ ߦߋ߫ ߖߌ߬ߣߍ߬ ߞߊ߲ߕߌ߯ ߢߣߊߕߊߟߌ ߘߐ߫ ߓߏ߲߬ߓߊ߫ ߟߋ߬ ߘߌ߫߸ ߡߍ߲ ߥߊߘߌ߫ ߞߏ ߖߐ߬ߘߐ ߦߋ߫ ߡߐ߰ ߛߌߦߊߡߊ߲߫ ߠߊ߫ ߞߵߏ߬ ߞߎ߲߭ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߞߎ߲߬ߓߐ߬ ߝߢߐ߬ߟߊ ߟߎ߬ ߘߌ߫ ߡߎߣߎ߲߬، ߥߊߘߌ ߟߊ߫ ߛߌߦߊߦߊ ߞߏߛߐ߲߬ ߊ߬ ߘߏ߫ ߟߎ߫ ߡߊ߬߸ ߊ߬ ߣߴߊ߬ ߞߏ ߟߎ߬ ߛߋ߫ ߞߏ ߕߊ߬ߡߌ߲߬ ߠߊ߫ ߜߍߦߊ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.