ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߏ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߛߘߋߦߊߥߏ) ߓߘߊ߫ ߝߏ߬ߟߌ߬ ߞߙߍߞߙߍߣߍ߲߫ ߠߊߛߋ߫ ߜߋ߲ߞߐ߰ߖߌ߬ߘߊ ߡߊ߬߸ ߊ߬ߟߎ߬ ߟߊ߫ ߢߣߊߕߊߟߌ ߞߍ ߞߏߛߐ߲߬ ߖߐ ߣߌ߫ ߖߛߎ߬ߛߎߡߊ ߘߐ߫߸ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅ ߡߊ߬، ߊ߬ߟߎ߬ ߟߊ߫ ߞߎߟߎ߲ߖߋߟߌ߫ ߛߓߍ ߣߌ߲߬ ߠߊߖߍ߲ߛߍ߲߫ ߘߴߊ߬ߟߎ߬ ߓߟߏ߫ ߝߍߛߑߓߎߞ ߟߋ߬ ߞߊ߲߬߸ ߡߍ߲ ߞߎߡߊ ߓߘߊ߫ ߛߌߦߊߦߊ߫ ߞߕߌ߫.

ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߬ߞߐ߲߬ߙߐ߲߬ߠߌ߲ ߘߍ߬ߓߊ (ߝ.ߕ.ߞ.ߡ.ߘ) ߞߊ߬ ߛߓߍ߫ ߞߙߍߞߙߍߣߍ߲߫ ߠߋ߬ ߟߊߖߍ߲ߛߍ߲߫ ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߣߍߣߍߓߊ ߕߋ߬ߟߋ߫ ߂߸ ߞߊ߬ ߜߋ߲ߞߐ߯ߖߌߘߟߊߞߊ ߟߎ߫ ߝߏ߬߸ ߞߵߊ߬ߟߎ߬ ߞߎߟߎ߲ߖߋ߫ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅ ߢߣߊߕߊߟߌ ߕߊ߬ߡߌ߲ ߘߐ߫ ߊ߬ ߢߌ߬ߡߊ ߟߊ߫، ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߊߓߎߖߊ߫ ߟߋ߬߸ ߊ߬ߟߎ߫ ߞߊ߬ ߜߋ߲ߞߐ߰ߖߌ߬ߘߊ ߝߏ߬ <<ߤߊߞߟߌ߫ ߞߌߛߍ߫ ߕߌ߯ߦߊ ߣߌ߫ ߝߊ߬ ߓߘߊ߬ ߞߊߣߌ߲ ߠߊ߫߸ ߊ߬ ߣߌ߫ ߓߘߍ߬ߓߘߍ߬ߟߌ ߞߍ߫ ߞߏ߫ ߢߌߡߊ ߟߊ߫.>> ߊ߬ ߣߴߊ߬ߟߎ߬ ߟߊ߫ ߖߡߊ߬ߣߊ ߛߌ߲߬ߝߏ߲߬ߘߊ ߟߎ߬ ߟߊ߫ ߓߊ߯ߙߊ߫ ߢߊߟߐ߲.

ߛߘߋߦߊߥߏ ߞߊ߬ ߝߊ߲߬ߞߊߛߌ߬ߣߊ ߟߎ߬ ߞߟߌ߫ ߡߍ߲ ߡߊ߬߸ ߏ߬ ߟߋ ߛߐ߲߭ ߘߌ߫߫ ߛߊ߬ߙߌ߬ߦߊ ߡߊ߬߸ ߞߊ߬ ߝߐߢߐ߲߯ߞߐ ߟߎ߬ ߘߊ߲ߘߊ߫ ߛߌߟߊ߫ ߞߊ߲߬߸ ߛߊ߬ߙߌ߬ߦߊ߫ ߞߵߊ߬ ߝߐ߫ ߢߊ ߡߍ߲ ߡߊ߬߸ ߦߊ߬ߣߌ߫ ߞߐߝߟߌ ߓߊ߲ߝߟߍ߬ߟߍ ߦߋ߫ ߟߊߥߊ߲߬ߞߊ߲߫ ߛߌ߰ߞߊ߲߬ ߞߏߟߊߕߍ߮ ߓߟߏ߫، ߛߌ߲߬ߝߏ߲߬ߘߊ ߓߊ߲߫ ߘߊ߫ ߞߵߊ߬ ߟߊߛߋ߫ ߘߎ߰ߘߋ߲ ߠߎ߬ ߡߊ߬߸ ߞߏ߫ ߊ߬ߟߎ߬ ߦߋ߫ ߖߛߎ߬ߛߎߡߊ ߟߊߘߏ߲߬ ߊ߬ߟߎ߬ ߤߊ߲ߞߟߌ ߘߐ߫߸ ߞߊ߬ ߘߎ߰ߘߋ߲߬ ߓߘߍ߬ߦߊ ߞߍ߫ ߊ߬ߟߎ߬ ߥߊ߫ ߢߊ ߘߌ߫ ߢߣߊߕߊߟߌ߫ ߣߊ߬ߕߐ ߟߎ߬ ߘߐ߫߸ ߦߏ߫ ߥߛߊ߬ߘߋ߲߬ ߢߣߊߕߊߟߌ.

ߓߊ߬ߙߌ߬ ߓߊߘߋ߲ ߠߎ߬߸ ߗߋߛߓߍ ߣߌ߲߬ ߡߍ߲ ߠߊߖߍ߲ߛߍ߲߫ ߘߊ߫ ߝߍߛߑߓߎߞ ߟߊ߫ ߛߘߋߦߊߥߏ ߟߊ߫ ߞߐߜߍ߫ ߟߊߛߙߋߦߊߣߍ߲ ߞߊ߲߬߸ ߊ߬ ߞߎߡߊ ߛߌߦߊߦߊ߫ ߘߊ߫ ߓߊߟߋ߬، ߓߊߏ߬߸ ߡߐ߰ ߛߌߦߊߡߊ߲߫ ߞߵߊ߬ ߦߌ߬ߘߊ߬ ߡߎ߲߬ ߞߏߛߐ߲߬ ߛߘߋߦߊߥߏ ߞߵߊ߬ ߟߊ߫ ߞߊ߲߬ߞߎߡߊ ߘߌ߲߬ߞߌߙߊ ߘߊߕߎ߲߯߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߡߴߊ߬ ߞߎ߲߬ ߝߐ߫ ߟߊ߬ߖߍ߲߬ߛߍ߲߬ߠߌ߲ ߘߐ߫، ߕߎ߬ߡߊ߬ߙߋ߲߬ ߘߊ߲ߘߐ߫ ߞߘߐ߫ ߕߋ߲߬߸ ߊ߬ ߟߊߖߍ߲ߛߍ߲߫ ߘߊ߫ ߡߐ߰ ߆߀߀ ߢߐ߲߰ ߓߟߏ߫߸ ߓߍ߯ ߦߴߊ߬ ߕߊ߫ ߝߐ ߞߊ߲߬ ߊ߬ ߞߏߢߊ ߘߐ߫.

ߛߘߋߦߊߥߏ ߞߵߊ߬ ߟߊ߫ ߞߎߡߊ ߟߊߓߊ߲߫ ߡߍ߲ ߡߊ߬߸ ߏ߬ ߟߋ ߞߏ߫ ߊ߬ߟߎ ߓߌߣߍ߲߫ ߠߋ߬ ߞߘߊߎ߫߸ <<ߞߊ߬ ߖߛߎ߬ߛߎߡߊ ߟߊߕߊ߲߬ߞߊ߬߸ ߊ߬ ߣߌ߫ ߜߋ߲ߞߐ߰ߖߌ߬ߘߊ ߟߊߞߊ߲ߘߊ߸ ߏ߬ ߢߐ߲߰ ߝߣߊ߫ ߦߋ߫ ߣߕߊ߬ ߟߊ߫ ߕߟߋ߬ߓߋ߬ ߊߝߙߌߞߌ߬ ߡߎ߰ߡߍ ߦߋ߫.>> ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߘߐߖߊ߬ ߞߊ߬ ߓߍ߯ߦߊ ߞߐߡߊߓߌ߲ߓߌ߲߫ ߢߊ ߓߍ߯ ߘߏ߫ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.