ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߛߘߋߦߊߥߏ) ߓߘߊ߫ ߞߊ߲ߕߌ߯ ߞߎߘߊ߫ ߛߐ߬ߘߐ߲߫ ߡߎ߬ߕߎ߲߬، ߊ߬ߟߎ߬ ߟߊ߫ ߟߊ߬ߘߍ ߆߇߲ ߛߋ߲߭ߝߍ߬ ߊߓߎߖߊ߫߸ ߞߊ߬ߝߏ߬ ߞߎ߲ߕߌ߮ ߟߎ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߟߊߘߍ߬ߣߍ߲߫ ߕߘߍ߬ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߂ ߡߊ߬߸ ߊ߬ߟߎ߫ ߞߵߊ߬ߟߎ߬ ߟߊ߫ ߛߎߥߊ߲ߘߟߌ ߞߍ߫ ߞߊ߬ ߛߙߊ߬ߟߏ߲߬ ߞߊ߲ߕߌ߮ ߗ߭ߎ߳ߟߌߛ ߡߊ߯ߘߊ߫ ߓߌߦߏ߫ ߟߋ߬ ߞߍ߫ ߊߤߑߡߍߘ ߓߏ߬ߟߊ ߕߌߣߓߎ߫ ߣߘߐ߬ߓߌߟߊ ߘߌ߫ ߛߘߋߦߊߥߏ ߞߎ߲߬ߠߊ߬.

ߊ߬ ߓߌ߬ߟߊ߬ߣߴߊ߬ ߓߐߢߐ߲߯ߞߏ߫ ߞߊ߲ߕߌ߯ ߓߏ߬ߟߊ ߕߌߣߓߎ߫ ߟߋ߬ ߣߐ߭ ߘߐ߫߸ ߏ߬ ߡߍ߲ ߠߊ߫ ߟߐ߬ߒ߬ߞߋ߬ߟߊ ߓߘߊ߫ ߛߴߊ߬ ߞߎ߲߬ߘߏ߲ ߡߊ߬ ߕߋ߲߬، ߞߊߙߏ߫ ߕߊ߲ߣߌߝߌ߬ߟߊ߫ ߣߊ߬ߕߐ ߣߌ߲߬ ߞߣߐ߫߸ ߗ߭ߎ߳ߟߌߛ ߡߊ߯ߘߊ߫ ߓߌߦߏ߫ ߟߋ߬ ߓߍߣߊ߬ ߛߘߋߦߊߥߏ ߡߊ߬ߙߊ ߏ߬ ߞߣߐ߫߸ ߞߊ߬ ߖߊ߬ߡߊ ߡߙߌߦߊ ߟߎ߬ ߣߴߊ߬ ߤߊߡߌߣߊ߲ߞߏ ߟߎ߬ ߓߐ߫ ߜߍߟߊ߫.

A man in a suit with glasses speaking at a podium, with flags in the background.
ߛߘߋߦߊߥߏ ߞߊ߲ߕߌ߯ ߞߎߘߊ ߗߎ߳ߟߌߛ ߡߊ߯ߘߊ߫ ߓߌߦߏ߫

ߡߊ߫ߘߊ߫ ߓߌߦߏ߫ ߟߊ߫ ߛߙߊ߬ߣߎ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߙߌߦߊ ߦߋ߫ <<ߜߟߍ߬ߦߊ ߘߏ߫ ߟߎ߫ ߞߍ߬ߟߍ ߟߋ߬ ߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߣߐ߫߸ ߦߏ߫ ߟߊ߬ߞߊ߲߬ߘߊ߬ߟߌ ߣߌ߫ ߛߌ߰ߢߐ߲߰ߦߊ ߜߟߍ߬ߦߊ ߟߎ߬.>> ߏ߬ ߡߍ߲ ߓߘߊ߫ ߞߍ߫ ߥߙߊ߬ߒ߬ߘߊ߬ߡߊ ߘߌ߫ ߛߘߋߦߊߥߏ߫ ߖߡߊߣߊ ߟߎ߬ ߞߣߐ߫ ߕߋ߲߬. ߊ߬ ߟߊ߫ ߟߐ߬ߒ߬ߞߋߟߊ ߘߊߡߌ߬ߣߊ߬ߣߍ߲߫ ߜߟߍ߬ߦߊ߬ߓߊ߫ ߟߋ߬ ߞߣߐ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߝߊ߲߬ߞߊ߬ ߛߐߘߐ߲ ߘߌ߫ ߕߟߋ߬ߓߋ߬ ߊߝߙߌߞߌ߬ ߞߣߐ߫߸ ߊ߬ ߣߌ߫ ߞߊ߬ߝߏ߬ ߖߊߛߏ߲߫ ߛߌߦߊߡߊ߲ ߠ߬ߎ ߢߐ߲߮ ߞߐ߫߸ ߞߵߏ߬ ߟߊ߫ ߛߐ߬ߘߐ߲ ߜߟߍ߬ߦߊ ߟߎ߫ ߡߊ߬.

ߣߴߏ߬ ߕߍ߫߸ ߓߍ߯ ߦߟߌ߫ ߕߍ߬ߘߍ߫ ߛߣߍ߬ߜ߭ߊߟߌ߫ ߞߊ߲ߕߌ߮ ߟߋ߬ ߟߊ߫߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬߸ ߛߌߞߊ߫ ߞߍߣߍ߲߫ ߕߘߍ߬ ߞߏ߫ ߊ߬ߟߋ ߟߋ߬ ߞߍߕߐ߫ ߞߊ߲ߕߌ߮ ߘߌ߫، ߓߊ߬ߙߌ߬߸ ߊ߬ ߟߊߓߊ߲ߣߍ߲߫ ߗ߭ߎ߳ߟߌߛ ߡߊ߯ߘߊ߫ ߓߌߦߏ߫ ߟߋ߬ ߕߊ߭ ߡߊ߬ ߞߵߊ߬ ߓߌ߬ߟߊ߬ ߛߘߋߦߊߥߏ ߞߎ߲߬ߠߊ߬، ߊ߬ߟߋ ߕߋ߬ߟߋ ߣߌ߲߬ ߘߏ߲߬ ߡߊ߬ߞߏ ߦߋ߫ ߓߊߛߌ߮ ߟߋ߬ ߟߊ߫߸ ߥߣߊ߬ߦߊ ߟߋ߬ ߟߊ߫߸ ߞߵߏ߬ ߟߊ߫ ߘߐ߰ߘߏ߲߬ ߞߍ ߞߊ߲߬ ߟߊ߬ߞߊ߲߬ߘߊ߬ߟߌ ߣߌ߫ ߥߙߎߞߌ ߞߏߢߊ ߟߎ߬ ߟߊ߫ ߕߟߋ߬ߓߋ߬ ߊߝߙߌߞߌ߬ ߞߣߐ߫ ߦߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫