ߛߊ߲߫ ߓߐߙߐ߲ߘߐ ߓߘߊ߫ ߞߍ߫ ߖߌߓߊߓߐ ߕߎ߬ߙߎ ߘߌ߫ ߛߌ߯ߣߌ߲߬ ߖߡߊ߬ߣߊ ߕߌ߲߬ߞߎߘߎ߲ ߘߏ߫ ߟߎ߫ ߞߣߐ߫߸ ߝߏ߫ ߡߐ߰ ߇߀ ߢߐ߲߰ ߓߘߊ߫ ߝߊ߰߸ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫، ߓߊ߲ߘߊߖߎ߯ߦߊ ߣߌ߲߬ ߕߌߢߍߟߌ ߛߋߣߍ߲߫ ߡߐ߰ ߈߀ ߀߀߀ ߢߐ߲߰ ߠߋ߬ ߢߊ߬߸ ߡߍ߲ ߠߎ߬ ߓߘߴߊ߬ߟߎ߬ ߟߊ߫ ߟߎ ߓߌ߬ߟߊ߬ ߝߋߎ߫.

ߛߌ߯ߣߌ߲߬ ߞߎ߲߬ߠߊ߬ߛߌ߮ ߟߎ߬ ߞߊ߲߫߸ ߞߏ߫ ߛߊ߲ ߡߍ߲ ߞߊ߫ ߞߊ߲߫ ߞߊ߬ ߣߊ߬ ߛߊ߲߬ ߞߋߟߋ߲ ߞߣߐ߫߸ ߏ߬ ߟߋ ߣߊ߬ߣߍ߲߫ ߦߙߐ ߘߏ߫ ߟߎ߫ ߘߐ߫ ߟߐ߯ߞߎ߲߫ ߞߋߟߋ߲߫ ߘߐߙߐ߲߫ ߞߣߐ߫، ߣߴߌ ߞߊ߬ ߔߋߞߍ߲߫ ߡߊߝߟߍ߫߸ ߡߐ߰ ߄߄ ߠߋ߬ ߛߊ߬ߣߍ߲߫ ߦߋ߲߬، ߤߓߋߦߌ߫ ߞߊ߬ߝߏ߬ߓߏߟߏ߲ ߞߣߐ߫߸ ߡߐ߰ ߁߆ ߟߋ߬ ߓߣߐ߬ ߘߴߊ߬ ߣߌ ߘߐ߫ ߦߋ߲߬߸ ߞߊ߬ ߡߐ߰ ߁߀ ߝߣߊ߫ ߝߊ߰ ߛߊ߲ߖ߭ߌ߫ ߞߊ߬ߝߏ߬ߓߏߟߏ߲ ߞߣߐ߫.

 ߊ߬ߟߋ߬ ߡߊ߬ߛߎ߬ߓߊ߬ ߞߍߣߍ߲ ߓߍ߯ ߝߣߊ߫ ߘߐ߫ ߦߋ߲߬߸ ߡߍ߲ ߞߍ߫ ߘߊ߫ ߡߌߦߎ߲߫߸ ߔߋߞߍ߲߫ ߞߐ߰ߘߎ߯ ߕߟߋ߬ߓߐ ߘߐ߫߸ ߏ߬ ߢߐ߲߰ ߡߊ߫ ߞߍ߫ ߝߊ߲߬ ߜߘߍ߫ ߘߐ߫ ߓߏ߲߬، ߓߊߏ߬߸ ߡߐ߰ ߆߉ ߟߋ߬ ߕߍ߬ߘߍ߫ ߛߌ߱ ߘߐ߫ ߟߎ ߏ߬ ߞߣߐ߫ ߦߋ߲߬߸ ߡߐ߰ ߅߅ ߦߴߏ߬ ߟߎ߬ ߘߐ߫߸ ߏ߬ ߟߎ߬ ߦߋ߫ ߟߐ߬ߦߙߌ߬ߕߐ ߟߎ߫ ߟߋ߬ ߘߌ߫߸ ߒ߬ߓߊ߬߸ ߖߌ ߥߊ߫ ߘߊ߫ ߡߐ߰ ߃߁ ߠߋ߬ ߘߌ߫ ߏ߬ ߟߎ߬ ߘߐ߫߸ ߊ߬ߟߎ߬ ߝߏߦߌ߬ ߡߊ߫ ߛߋ߫ ߡߞߊߘߊ߲߫ ߠߴߊ߬ ߕߎ߬ߡߊ ߟߊ߫߸ ߊ߬ߟߎ߬ ߕߏ߫ ߘߴߊ߬ ߘߐ߫ ߟߋ߬ ߟߋߎ߫.

ߊ߬ߟߋ߬ ߖߌߓߐ ߣߌ߲߬ ߞߊ߬ ߡߐ߱ ߟߎ߫ ߓߌ߬ߟߊ߬ ߞߣߐ߬ߘߐ߬ߝߟߌ߬ ߛߌߦߊߡߊ߲߫ ߠߋ߬ ߘߐ߫߸ ߞߊ߬ ߞߐ߲߬ߛߏ ߟߎ߬ ߟߊߥߟߏߥߟߏ߫߸ ߞߊ߬ ߖߌ ߘߏ߲߬ ߞߌ߲߬ߘߊ ߟߎ߬ ߞߣߐ߫߸ ߞߊ߬ ߓߏ߲ ߘߏ߫ ߟߎ߫ ߟߊߓߋ߬߸ ߘߎ߰ߣߍ߲߫ ߁߀߀ ߢߐ߲߰ ߓߌ߬ߟߊ߬ ߘߊ߫ ߘߌ߬ߓߌ ߘߐ߫߸ ߞߊ߬ ߢߎߡߍ ߕߍ߰ ߏ߬ ߟߎ߫ ߡߊ߬ ߝߋߎ߫، ߡߞߊ߬ߘߊ߲߬ߠߌ߲߬ߠߊ ߟߎ߬ ߞߏ߬ߣߌ߲ ߦߋ߫ ߢߌߣߌ߲ߠߌ߲ ߞߊ߲߬ ߤߊߟߌ߬ߛߊ߫߸ ߏ߬ ߟߎ߬ ߓߘߊ߫ ߡߐ߰ ߞߐ߬ߣߐ߲߬ߘߐ߫ ߛߐ߬ߘߐ߲߬ ߕߎߣߎ߲ߓߊ߯ߕߐ ߟߎ߬ ߘߐ߫ ߡߎߣߎ߲߬߸ ߊ߬ߟߎ߬ ߟߊ߫ ߛߌ߰ߘߊ ߥߛߊ߬ߘߊ߬ߕߌ߯ ߡߐ߰ ߣߊ߯ߣߌ߲߫ ߦߴߏ߬ ߡߍ߲ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.