ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߟߋ߬ ߦߋ߫ ߛߋ߲߬ߠߊ߫߸ ߞߵߊ߬ ߓߍ߲߬ ߡߊ߬ߙߌ߬ߝߊ߬ ߡߊ߲ߞߊ߲ ߘߏ߫ ߟߎ߫ ߡߍ߲ ߡߊ߬ ߞߊߟߎߡ ߞߣߐ߫ ߞߎߣߎ߲߬ ߛߎ ߝߍ߬߸ ߞߟߍ߬ߡߐ߰ߘߊ ߓߘߊ߫ ߟߊ߬ߛߋ߬ߟߌ ߘߏ߫ ߞߍ߫ ߛߊ߫߸ ߞߵߊ߬ ߞߏ ߢߊߘߐߜߍ ߢߊߛߌߝߊ߫߸ ߞߏ ߟߎ߬ ߕߊ߬ߡߌ߲߬ ߘߊ߫ ߢߊ ߡߍ߲ ߡߊ߬ ߣߍߣߍߓߊ ߕߟߋ߬ ߈ ߛߍ߲ߓߊ ߟߊ߫.
ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߂߀߂߅ ߣߍߣߍߓߊ ߕߟߋ߬ ߁߇߸ ߂߂ߙߋ߲ ߝߊ߲߬ߝߍ߬ߟߊ ߘߐ߫߸ ߦߎߘߊߦߌ߫ ߔߊߟߌߛߊߘ ߘߎ߯ߞߎߟߎ߲ ߘߏ߫ ߟߋ߬ ߓߕߐ߫ ߕߘߍ߬ ߘߐ߲ߞߊ߬ ߞߵߊ߬ ߞߎ߲߬ߛߌ߲߫ ߞߊߟߎߡ ߠߊ߫ ߝߊ߲ߞߊߢߊ߲߫߸ ߊ߬ ߘߐ߬ߛߙߋ߬ߦߊ߬ߟߌ߬ ߝߙߍߕߍ ߟߋ߬ (BA 21 36) ߘߌ߫، ߊ߬ ߛߋ ߡߍ߲ ߞߍ߫ ߘߊ߫ ߛߍ߯ߛߍ߯ߟߌ߫ ߦߙߐ ߘߐ߫ ߣߍߣߍߓߊ ߕߟߋ߬ ߈ ߛߍ߲ߘߊ ߟߊ߫߸ ߊ߬ ߡߊ߫ ߛߐ߲߬ ߥߛߊ߬ߘߊ߬ߕߌ߮ ߟߎ߬ ߟߊ߫ ߞߙߊߞߘߐߓߐߟߌ ߡߊ߬، ߞߟߍ߬ߡߐ߰ߘߊ ߞߊ߲߫ ߞߏ߫ ߟߊ߬ߓߏ߬ߙߟߌ߬ߟߊ ߞߵߊ߬ ߓߊ߲߬ ߛߊ߬ߙߌ߬ߦߊ߬ ߟߊ߫ ߡߊ߬ߝߟߍ߬ߟߌ߬ ߞߏߝߐߣߍ߲ ߡߊ߬ ߡߍ߲ߞߍ߬߸ ߊ߬ߟߎ߬ ߝߣߊ߫ ߞߵߊ߬ߟߎ߫ ߓߌ߬ߟߴߊ߬ ߞߐ߫ ߏ߬ ߟߋ ߘߐ߫.
ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߟߊ߬ߓߏ߬ߙߟߌ߬ߟߊ ߞߵߊ߬ ߡߊߝߟߍ߫ ߟߋ߬ ߛߋ߲߬ߢߊ߬ ߛߌߦߊߡߊ߲߫߸ ߞߏ߫ ߊ߬ ߦߋ߫ ߥߛߊ߬ߘߊ߬ߕߌ߮ ߏ߬ ߟߎ߬ ߟߊߜߊ߬ߛߌ߬ ߟߊ߫ ߘߎ߰ߞߎߟߎ߲ ߠߊ߫߸ ߏ߬ ߡߍ߲ ߘߌߣߊ߬ ߞߍ߫ ߕߙߎ߬ ߘߌ߫ ߞߵߏ߬ ߟߎ߫ ߝߊ߬ߘߌ߬ߞߟߏ ߓߌ߬ߟߊ߫ ߖߐ߬ߘߐ ߘߐ߫، ߏ߬ ߟߋ ߘߐ߫߸ ߊ߬ ߟߊ߫ ߞߍߥߊߟߌ ߏ߬ ߡߍ߲ ߦߋ߫ <<ߞߏߖߎ߯ߓߊ ߖߘߐ߬ߡߊ>> ߘߌ߫߸ ߞߟߍ߬ߡߐ߮ ߟߎ߬ ߝߣߊ߫ ߞߵߊ߬ ߣߐ߬ߝߍ߬ߜߍ߲ ߘߊߡߌ߬ߣߊ߫ ߏ߬ ߟߋ ߘߐ߫߸ ߤߊ߲߯ ߊ߬ߟߎ߬ ߛߋ߫ ߘߎ߰ߞߎߟߎ߲ ߠߊߟߐ߬ ߟߊ߫ ߝߋߖߌߝߎߕ ߞߊߙߋߝߎߙ ߟߊ߫߸ ߡߊ߬ߙߌ߬ߝߊ߬ ߕߋ ߟߋ߬ ߘߏ߲߬ ߞߵߏ߬ ߟߊߣߐ߰ߦߊ߫، ߓߊߏ߬߸ ߊ߬ߟߎ߫ ߞߵߊ߬ ߟߊ߫ ߞߐߝߍ߫ ߞߐ߲ߡߘߊ ߣߎߡߊ߲ߝߍ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫߸ ߞߵߊ߬ ߛߌ߰ ߏ߬ ߞߎ߲߬ ߛߐ߲߬߸ ߤߊ߲߯ ߘߎ߰ߞߎߟߎ߲ ߥߊ߫ ߘߴߊ߬ ߟߐ߬߸ ߏ߬ ߞߍ߫ ߘߊ߫ ߛߊ߲ߝߌߟ ߟߋ߬߸ ߝߋߖߌߝߎߕ ߓߍ߲߬ߕߍ ߘߐ߫.
ߘߎ߰ߞߎߟߎ߲ ߡߍ߲ ߦߋ߫ ߕߋ߲߬߸ ߛߌ߯ߣߌ߲ߞߊ߫ ߡߐ߰߰ ߟߏ߯ߟߎ߫ ߟߋ߬ ߕߍ߬ߘߍ߫ ߊ߬ ߞߣߐ߫߸ ߞߵߏ߬ ߟߊ߫ ߟߊ߬ߓߏ߬ߙߟߌ߬ߟߊ ߞߊ߲߬߸ ߏ߬ ߦߋ߫ ߖߌ߬ߣߍ߬ߞߊ ߟߋ߬ ߘߌ߫، ߡߐ߰ ߛߌ߫ ߡߊ߫ ߡߊߘߌߡߌ߲߫߸ ߕߌߢߍߟߌ ߡߊ߫ ߛߋ߫ ߡߐ߰ ߜߘߍ߫ ߣߌ߫ ߝߋ߲߫ ߜߘߍ߫ ߝߣߊ߫ ߡߵߊ߬ ߞߏ ߘߐ߫.
ߟߊ߬ߓߏ߬ߙߟߌ߬ߟߊ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߡߊ߭ߕߊ߬ߡ ߞߏߢߊߢߌߣߌ߲ ߓߙߌ߬ߝߐߝߐ ߟߊ߫߸ ߘߎ߰ߞߎߟߎ߲ ߝߣߊ߫ ߡߌ߬ߘߊ߬ ߘߴߊ߬ߟߎ߬ ߓߟߏ߫ ߛߊ߫ ߢߊߢߌߣߌ߲ ߕߐ߭ ߘߌ߫ ߣߐ߰ߦߊ߬ ߢߊ ߡߍ߲ ߡߊ߬߸ ߏ߬ ߡߍ߲ ߘߊߡߌ߬ߣߊ߬ߣߍ߲߫ ߞߟߍ߬ߡߐ߰ߘߊ ߓߟߏ߫ ߞߊ߬ߣߌ߲߬.
ߟߊ߬ߛߋ߬ߟߌ߬ ߛߓߍ ߣߌ߲߬ ߡߴߊ߬ ߦߌ߬ߘߊ߬߸ ߣߌ߫ ߘߎ߰ߞߎߟߎ߲ ߞߣߐ߫ ߡߐ߯ ߡߐ߰ ߟߏ߯ߟߎ߫ ߛߌ߯ߣߌ߲ߞߊ ߏ߬ ߟߎ߫ ߡߌ߬ߣߊ߬ߣߍ߲߫ ߠߋ߬ ߥߟߴߊ߬ߟߎ߫ ߓߌ߬ߟߊ߬ߣߍ߲߫ ߠߋ߬߸ ߘߊ ߡߊ߫ ߡߊ߰ ߦߙߐ ߏ߬ ߟߊ߫، ߊ߬ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ߬ߘߋ߲ ߠߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊߞߊ߲ߘߊ߸ ߊ߬ ߣߌ߫ ߛߊ߫ ߝߛߏ߬ߝߛߊ ߞߊߣߊ߬ ߘߏ߲߬ ߖߊ߬ߡߊ ߘߐ߫ ߢߊ ߡߍ߲ ߡߊ߬߸ ߊ߬ߟߎ߬ ߦߴߏ߬ ߓߊ߯ߙߊ ߟߋ߬ ߞߊ߲߬ ߛߊ߬ߙߌ߬ߦߊ߬ ߡߊ߬ߓߏ߲ߧߊ ߘߝߊߣߍ߲ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.