ߓߌ߬ ߞߍ߲ߘߍߟߏ߲ ߂߀߂߅ ߘߓߊ߬ߓߌ߬ߟߊ ߕߋ߬ߟߋ߫ ߂ ߢߌ߲߬ ߠߊ߫ ߸ ߞߊ߲ߞߊ߲߫ ߞߌ߲߬ߘߊ ߡߍ߲ ߕߐ߯ ߞߏ߫ ߞߎߣߊ߲ߞߏߙߏ߲߫ ߸ߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߐ߰ߡߊ߬ߘߊ ߢߌ߲߬ ߠߊ߫ ߈ ߙߋ߲ ߕߎ߬ߡߊ ߝߊ߲߭ ߝߍ߬ ߓߎߛߎ߬ߙߊ߲߫ ߣߛߌ߬ߜߍ߲߬ߘߋ߲ ߘߏ߫ ߟߎ߫ ߓߟߏ߫ ߥߊ߭ ߘߐ߫ ߛߌߟߊߘߊ ߝߍ߬ ߌߞߘߐ߫.
ߏ߬ ߟߋ߬ ߞߐߝߍߟߊ ߞߍߣߍ߲߫ ߓߎߛߎ߬ߙߊ߲߫ ߞߌ߲߬ߘߊ߬ ߞߎ߲ߕߌ߮ ߡߏߙߌ߬ ߞߊ߬ߡߙߊ߬ ߟߊ߫ ߟߐ߲ߠߌ߲ߧߊ ߘߌ߫ ߸ ߏ߬ ߝߣߊ߫ ߞߊ߬ ߞߎߣߊ߲ߞߏߙߏ߲߫ ߞߌ߲߬ߘߊ߬ ߞߎ߲ߕߌ߮ ߟߊߛߐ߬ߓߌ ߌߞߘߐ߫ ( ߟߊ߲߬ߛߌ߬ߣߍ߫ ߞߡߊ߬ߙߊ߫ ߞߊ߬ߣߌ߲߬ )
ߒ߬ߓߊ߬ ߸ߏ߬ ߝߣߊ߫ ߞߊ߬ ߞߊ߬ߝߏ߬ߙߋ߲ ߟߊ߫ ߟߐ߲ߠߌ߲ߧߊ ߞߏ߫ ߗߍ߭ ߘߏ߫ ߛߎ߭ ߓߘߊ߫ ߦߋ߲߫ ߥߊ߭ ߘߐ߫ ߛߌߟߘߊ ߝߍ߬ ߞߎߣߊ߲ߞߏߙߏ߲ ߞߌ߲߬ߘߊ ߟߊ߫ .

ߦߏ߫ ߞߌ߲߬ߘߊ߬ ߞߎ߲ߕߌ߮ ߞߵߊ߬ ߦߌ߬ߘߊ߬ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫ ߢߊ߫ ߡߍ߲ ߡߊ߬ ߕߊ߲߬ ߘߐ߫ :
<< ߒߠߋ ߕߐ߯ ߟߋ߬ ߞߏ߫ ߟߊ߲߬ߛߌ߬ߣߍ߫ ߞߡߊ߬ߙߊ߫ ߸ ߒ ߕߏ߫ ߘߊ߫ ߟߎ߫ ߟߋ߬ ߡߊ߬ ،ߕߘߍ߫ ߓߎߛߎ߬ߙߊ߲߫ ߞߌ߲߬ߘߊ߬ ߞߎ߲ߕߌ߮ ߡߏߙߌ߬ ߞߊ߬ߡߙߊ߬ ߞߊ߬ ߒ ߥߟߋ߫ ߜߋߟߋ߲ߜߋߟߋ߲ ߠߊ߫ ߸ ߞߵߊ߬ ߦߌ߬ߘߊ߬ ߒ ߠߊ߫ ߞߏ߫ ߊ߬ ߟߊ߫ ߣߛߌ߬ߜߍ߲߬ߘߋ߲ ߘߏ߫ ߟߎ߫ ߓߘߊ߫ ߛߎ߭ ߘߏ߫ ߦߋ߲߫ ߒ ߠߊ߫ ߞߣߍ ߞߊ߲߬ ،ߏ߬ ߞߍ߫ ߒ ߝߣߊ߫ ߞߊ߬ ߒ ߠߊ߫ ߔߏߔߏ ߕߊ߬ ߞߊ߬ ߕߊ߯ ߛߋ߫ ߊ߬ ߘߌ߲߬ߞߌߙߊ ߘߐ߫ ߸ ߏ߬ ߟߋ߬ ߞߍߣߍ߲߫ ߞߊ߬ߝߏ߬ߙߋ߲ ߡߐ߱ ߟߎ߬ ߟߊߛߐ߬ߓߌ߫ ߘߌ߫ ߛߍߣߍ߲߬ ߸ ߏ߬ ߟߎ߬ ߝߣߊ߫ ߞߊ߬ ߖߡߊ߬ߙߌ߬ߟߌ ߘߌ߫ ߒ ߡߊ߬ ߞߏ߫ ߸ߒ ߧߋ߫ ߕߊ߯ ߛߋ߫ ߞߟߍ߬ߡߐ߰ߘߊ߫ ߟߊ߫ ، ߏ߬ ߟߎ߬ ߝߣߊ߫ ߞߊ߬ ߒ ߠߊ߫ ߥߊ߫ ߕߐ߲ߓߟߏߡߊߛߏ ߟߊ߫ ߸ߒ߬ߓߊ߬، ߏ߬ ߟߎ߫ ߟߋ߬ ߞߵߊ߬ߟߎ߬ ߟߊ߫ ߡߐ߰ ߞߋߟߋ߲߫ ߓߌ߬ߟߊ߬ ߊ߲ ߝߍ߬ ߞߊ߬ ߕߊ߯ ߛߋ߫ ߊ߬ ߦߙߐ ߘߐ߫ ߸ߏ߬ ߟߋ߬ ߞߵߊ߬ ߢߊ ߟߊ߫ ߞߏߕߐ ߞߊ߲߬ ߸ߏ߬ ߞߵߌ ߞߐߛߋ߬ߦߌ߲߬ ߞߊ߬ ߕߊ߯ ߓߊߙߊ߲ߕߏ߲߫ ߥߎߟߋ߲ ߡߐ߱ ߟߎ߬ ߝߍ߬ ߘߊ߲ߘߊߛߏߓߊ ߟߊ߫ ߖߐ߲߰ߛߊ߫ ߞߵߊ߬ ߞߏ߫ ߢߊߘߐߜߍ ߟߐ߲߫ >>

ߝߊ߰ߡߊ ߟߎ߬ ߞߵߊ߬ߟߎ߬ ߓߟߏ߫ ߝߘߊ߫ ߞߙߎ ߘߏ߫ ߟߎ߫ ߟߊ߫ ߣߊߟߌ߬ߡߎ߲߫ ߛߎ߰ߕߊ߬ߟߊ ߟߎ߬ ߘߌ߫.߸ ߓߊ߬ߙߌ߬ ߞߵߊ߬ ߓߍ߲߬ ߛߎ߭ ߟߌ߬ߤߟߊ ߡߊ߫ ߛߊ߫ ߸ ߏ߬ ߟߎ߬ ߡߊ߫ ߛߋ߫ ߞߊ߬ ߛߎ߭ ߕߊ߬ ߸ߓߊߏ߬ ߛߎ߭ ߕߎ߲߬ ߓߘߊ߫ ߕߟߋ߬ ߄ ߥߟߊ߫ ߅ ߢߐ߲߰ ߞߍ߫ ߦߋ߲߬ .

ߞߎߣߊ߲ߞߏߙߏ߲߫ ߞߌ߲߬ߘߊ߬ ߞߎ߲ߕߌ߮ ߟߊ߲߬ߛߌ߬ߣߍ߫ ߡߍ߲ ߖߍ߬ߘߍ ߕߘߍ߬ ߞߣߍ ߞߊ߲߬ ߸ߏ߬ ߟߊ߫ ߛߙߊ߬ߣߎ߲ ߞߵߊ߬ ߦߌ߬ߘߊ߬ ߞߏ߫ : << ߘߊ߲ߘߊߟߌߟߊ ߟߎ߬ ߛߋ߫ ߞߣߍ ߞߊ߲߬، ߏ߬ ߟߎ߬ ߟߊ߫ ߟߊ߬ߞߙߐ߬ߛߌ߬ߟߌ ߞߵߊ߬ ߦߌ߬ߘߊ߬ ߞߏ߫ ߛߎ߭ ߦߋ߫ ߘߌ߲߬ߞߌߙߊ߫ ߡߍ߲ ߘߐ߫ ߕߋ߲߬ ߊ߬ ߕߴߛߋ߫ ߓߐ߫ ߟߴߊ߬ ߣߐ߭ ߘߐ߫ ߏ߬ ߞߐ߫. ߒ߬ߓߊ߬ ߸ ߌߞߏߡߌ߲߬ ߛߊ߬ߓߊ߰ߕߐ ߟߊ߫ ߡߐ߱ ߟߎ߬ ߡߊ߫ ߛߋ߫ ߟߐ߲߫ ߠߊ߫ ߸ߕߐ߲ߕߌ߯ ߛߌ߬ߟߊ ߝߣߊ߫ ߞߊ߬ ߖߡߊ߬ߙߌ ߘߌ߫ ߞߊ߬ ߝߘߊ߫ ߞߊ߲ߞߊ߲߫ ߞߕߌߞߊ߲ߘߊ߫ ߡߊߙߌߥߊ߲ߣ ߓߊߟߑߘߋ߬ ߟߊ߫ ߞߏ߫ ߞߊ߬ ߛߎ߭ ߛߎ߬ߕߙߊ ߦߋ߲߬߸ ߊ߲ ߣߝߊ߫ ߞߊ߬ ߛߎ߭ ߘߏ߲߬ >>

ߟߊ߲߬ߛߌ߬ߣߍ߫ ߞߡߊ߬ߙߊ ߞߵߊ߬ ߟߊ߫ ߞߎߡߊ ߞߎ߲߭ߘߏ߲߬ ߕߊ߲߬ߘߏ߬ߟߌ ߟߋ߬ ߡߊ߫ ߞߵߊ߬ ߟߐ߬ ߞߎߣߊ߲ߞߏߙߏ߲߫ ߘߋ߲ߡߌߛߍ߲ ߠߎ߬ ߡߊ߬، ߊ߬ߟߎ߬ ߟߊ߫ ߖߌߖߊ߫ ߣߌ߫ ߘߐ߬ߖߊ ߟߎ߬ ߞߏߛߐ߲߬.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫