ߜߋ߲ߞߐ߰ߖߌ߬ߘߊ߫ ߝߘߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߟߊ߫ ߞߙߎߞߊ (PPA-CI) ߡߍ߲ ߠߊߘߊ߲߫ ߘߊ߫ ߞߊ߲ߕߌ߯ ߞߘߐ߫ ߟߏߙߊ߲߫ ߜߊ߬ߜߏ߬ ߓߟߏ߫߸ ߏ߬ ߟߎ߫ ߞߊ߬ ߞߏߟߊߕߍ߯ ߟߊߘߍ ߘߏ߫ ߞߍ߫ ߞߍ߲ߘߍߟߏ߲ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߃ ߡߊ߬߸ ߞߊ߬ ߕߋ߬ߟߋ߫ ߛߓߊ߬ ߕߏ߫ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ ߕߐ߯ ߟߊߘߏ߲ ߞߎ߲߬ߘߏ߲ ߠߊ߫.
ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߞߣߐ߫߸ ߟߊ߬ߘߍ ߞߎ߲߬ߠߊߛߌ߰ ߘߊ߫ ߛߟߊߕߌ߯ ߤߎߓߍߙ ߎ߬ߟߊߦߌ߬ ߟߋ߬ ߓߟߏ߫߸ ߏ߬ ߟߎ߬ ߡߍ߲ ߠߎ߬ ߞߵߊ߬ߟߎ߬ ߞߊ߲ߠߊߘߌ߫ ߟߏߙߊ߲߫ ߜߊ߬ߜߏ߫ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߙߎߞߊ ߦߴߊ߬ ߝߍ߬ ߟߋ߬ ߞߊ߬ ߛߐ߬ߘߐ߲߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅ ߞߊ߲ߕߌ߯ ߢߣߊߕߊߟߌ ߘߐ߫ ߝߋߝߋ߫߸ ߞߵߊ߬ߟߎ߬ ߟߊ߫ ߞߊ߲ߕߌ߯ߦߊ ߞߊ߬ߙߌ߬ߝߊ߬ ߟߏߙߊ߲߫ ߜߊ߬ߜߏ߬ ߟߊ߫.
ߊ߬ߟߎ߫ ߞߊ߬ ߟߊ߬ߛߋ߬ߟߌ߬ߓߊ ߘߏ߫ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߫ ߞߊ߲߬ߞߊߙߌ ߟߊ߫ ߟߊ߫ ߝߊ߬ߙߊ߲߬ߛߌ߬ ߦߋ߫߸ ߊ߬ߟߎ߬ ߕߴߊ߬ ߝߍ߬ ߞߊ߬ ߟߐ߬ߒ߬ߞߋ߬ߟߊ߬ ߄߲ ߞߐߡߊߓߌ߲ߓߌ߲߫ ߞߏ߫ ߞߎߡߊ ߡߍ߲߫ ߡߎ߰ߡߍ߫߸ ߏ߬ ߡߍ߲ ߦߋ߫ ߛߌ߰ߞߊ߲ ߛߐ߬ߛߐ߬ ߟߊ߫ ߞߊ߬ߣߌ߲߬، ߓߊߏ߬߸ ߣߌ߫ ߊߟߛߊߣ ߘߙߊ߬ߡߊߣ ߥߊߕߙߊ߫ ߞߊ߬ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߣߌ߲߬ ߞߍ߫߸ ߊ߬ ߓߘߊ߫ ߖߡߊ߬ߣߊ ߛߌ߰ߞߊ߲ ߓߊߖߎ ߟߋ߬ ߛߐ߬ߛߐ߫ ߏ߬ ߘߌ߫.
ߜߊ߬ߜߏ߬ ߟߊ߫ ߞߙߎߞߊ ߞߐߦߌߘߊߓߊ߮ ߡߍ߲ ߠߎ߬ ߦߋ߫ ߞߐߞߊ߲߫ ߖߡߊߣߊ ߟߎ߬ ߘߐ߫߸ ߏ߬ ߟߎ߬ ߡߐߣߍߡߍߣߍ߲ߕߐ ߟߋ߬ ߞߊ߬ ߛߓߍ ߟߊߘߏ߲߬ ߝߊ߬ߙߊ߬ߛߌ߫ ߟߊ߬ߛߌ߰ߘߊ ߟߊ߫߸ ߊߡߙߌߞߌ߬ ߟߊ߬ߛߌ߰ߘߊ ߟߊ߫߸ ߊ߬ ߣߌ߫ ߋߙߐߔߎ߬ ߕߊ ߡߍ߲ ߠߎ߬ ߦߋ߫ ߊߝߙߌߞߌ߬ ߞߣߐ߫ ߦߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߫ ߖߊ߬ߛߙߋ߬ߡߟߊ߬ ߟߊ߫ ߏ߬ ߕߎ߬ߡߊ، ߓߊߏ߬߸ ߞߏ߫ ߊ߬ߟߎ߫ ߞߊ߬ ߞߎߡߊ߫ ߞߋߟߋ߲߫ ߔߋ߫ ߟߋ߬ ߟߐ߲߫߸ ߏ߬ ߟߋ ߜߊ߬ߜߏ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߘߌ߫ ߢߣߊߕߊߟߌ߫ ߣߊ߬ߕߐ ߘߐ߫، ߜߊ߬ߜߏ߬ ߕߐ߮ ߓߐ߫ ߘߊ߫ ߢߣߊߕߊߟߌ߫ ߛߓߍ ߘߐ߫ ߟߋ߬߸ ߞߏ߫ ߊ߬ ߕߐ߮ ߦߋ߫ ߓߋ.ߛߋ.ߊ.ߏ ߜߍߓߏ߲ ߓߋ߬ߒ߬ߞߊ߲߬ߠߌ߲߬ ߞߏ ߘߐ߫، ߒ߬ߓߊ߬߸ ߊ߬ ߟߊ߫ ߡߐ߱ ߟߎ߬ ߞߊ߲߫ ߞߏ߫ ߢߊ ߖߍ߬ߘߍ ߕߍ߫ ߡߊߖߌ߰ ߟߊ߫ ߜߊ߬ߜߏ߬ ߟߊ߫ ߞߏ ߝߍ߬߸ ߝߏ߫ ߊ߬ ߦߋ߫ ߛߐ߬ߘߐ߲߫ ߠߋ߬ ߢߣߊߕߊߟߌ ߘߐ߫.
ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߊ߫ ߟߐ߬ߒ߬ߞߋ߬ߟߊ߬ ߄߲ ߞߏ߬ ߞߎߡߊ ߓߊ߬߸ ߊ߬ߟߎ߬ ߕߟߏ ߕߴߊ߬ ߝߍ߬ ߞߵߏ߬ ߡߍ߲߫ ߡߎ߰ߡߍ߫߸ ߘߊ ߖߍ߬ߘߍ ߕߍ߫ ߓߌ߬ߟߊ߬ ߟߴߏ߬ ߘߐ߫، ߝߣߊ߫߸ ߞߏ߫ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬ ߞߏ߫ ߊ߬ߟߎ߬ ߛߋ߫ ߘߊ߫ ߖߡߊ߬ߓߊ ߟߋ߬ ߟߊߓߐ߫ ߟߊ߫ ߔߊߞߌߛߦߊ߫ ߕߊ߬ߡߌ߲߬ߣߍ߲ ߘߐ߫߸ ߞߏ߫ ߊ߬ߟߎ߬ ߕߴߊ߬ ߝߍ߬ ߞߊ߬ ߥߊߕߙߊ߫ ߟߊ߫ ߟߐ߬ߒ߬ߞߋ߬ߟߊ߬ ߄߲ ߞߏ߬ ߞߎߡߊ ߡߍ߲߫، ߒ߬ߓߊ߬߸ ߣߌ߫ ߏ߬ ߞߏ ߡߊ߫ ߓߐ߫ ߊ߬ ߘߐ߫߸ ߊ߬ߟߎ߬ ߓߍߣߊ߬ ߓߐߟߌ ߏ߬ ߝߊ߲߬ߞߊߘߏ߲߬ ߌߞߐߕߎ߲߯߸ ߤߊ߲߯ ߥߊߕߙߊ߫ ߦߴߊ߬ ߛߋ߲߬ߓߐ߫ ߕߎ߬ߡߊ ߡߍ߲ ߠߊ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߟߊ߫ ߞߙߎߞߊ ߡߐ߰ ߁߁߂ ߦߋ߫ ߓߟߏ߫ ߘߐ߫ ߡߎߣߎ߲߬ ߓߘߍ߬ߓߘߍ߬ߟߌ ߡߌ߬ߘߊ߬ߟߌ ߘߐ߫، ߏ߬ ߘߐ߫߸ ߞߏ߫ ߝߏ߫ ߞߊ߬ ߓߟߏ߫ ߓߐ߫ ߏ߬ ߟߎ߬ ߘߐ߫ ߟߋ߬ ߌߞߘߐߞߘߐߣߌ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߛߌߞߊ߫ ߕߴߊ߬ ߘߐ߫߸ ߛߌߣߌ߲߫ ߞߐ߬ߓߊ߬ߟߏ߲ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߅߸ ߊ߬ߟߎ߬ ߓߍߣߊ߬ ߕߊ߯ ߟߏߙߊ߲߫ ߜߊ߬ߜߏ߬ ߟߊ߫ ߡߊ߬ߡߌ߬ߘߊ߬ߟߌ߬ ߛߓߍ ߟߊߘߏ߲߬ ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍ߬ߟߊ ߟߊ߫ ߊߓߌߖߊ߲߬ ߞߣߐ߫߸ ߁߅ߙߋ߲ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.