ߓߌ߬ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅߸ ߜߋ߲ߞߐ߯ߖߌߘߟߊߞߊ ߟߎ߫ ߞߊ߬ ߢߣߊߕߊߟߌ ߘߊߡߌ߬ߣߊ߫ ߜߋ߲ߞߐ߰ߖߌ߬ߘߊ ߞߣߐ߫߸ ߊ߬ ߣߌ߫ ߕߎ߲ߞߊߙߊ߲ߞߋ ߟߎ߬߸ ߊ߬ߟߎ߬ ߟߊ߫ ߞߊ߲ߕߌ߯ ߞߎߘߊ ߛߎߥߊ߲ߘߌ߫ ߞߊ߲ߡߊ߬߸ ߡߍ߲ ߣߊ߬ߕߐ߫ ߖߡߊ߬ߣߊ ߡߙߊ߬ ߟߊ߫.
ߡߐ߰ ߞߋ߲߬ߥߟߎ߬ ߈،߇ ߢߐ߲߰ ߠߋ߬ ߕߐ߮ ߛߙߍߘߍߦߊߣߍ߲߫ ߢߣߊߕߊߟߌ߫ ߞߊ߲ߡߊ߬߸ ߏ߬ ߟߎ߫ ߟߋ߬ ߡߊߞߐ߬ߣߐ߲߬ߣߍ߲߫ ߓߌ߬߸ ߞߏ߫ ߊ߬ߟߎ߬ ߦߋ߫ ߥߴߊ߬ߟߎ߬ ߟߊ߫ ߖߡߊ߬ߣߊ ߡߙߊ߬ߓߊ߰ ߞߎߘߊ ߛߎߥߊ߲ߘߌ߫߸ ߡߍ߲ ߘߌ߫ ߜߋ߲ߞߐ߰ߖߌ߬ߘߊ ߞߊ߲ߓߍ߲ ߡߊߡߙߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.
ߊߟߎ߫ ߦߴߊ߬ ߟߐ߲߫߸ ߢߣߊߕߊߟߌ߫ ߛߓߍߘߊ߫ ߂߅ ߆߇߈ ߠߋ߬ ߘߊ ߟߊߞߊ߬ߣߍ߲߫߸ ߂߅ ߃߇߀ ߦߋ߫ ߜߋ߲ߞߐ߰ߖߌ߬ߘߊ ߞߣߐ߫߸ ߊ߬ ߕߐ߬ ߃߀߈ ߦߋ߫ ߕߎ߲ߞߊ߲ ߠߊ߫ ߕߎ߲ߞߊߙߊ߲ߞߋ ߟߎ߬ ߦߋ߫.
ߢߣߊߕߊߟߌ ߘߊߡߌ߬ߣߊ߬ ߘߊ߫ ߀߈ߙߋ߲ ߠߋ߬ ߡߊ߬߸ ߊ߬ ߓߍߣߊ߬ ߘߊߕߎ߲߯ ߁߈ߙߋ߲߸ ߞߣߊ߬ߕߏ߫ ߛߊߛߊߓߐߟߌ ߘߊߡߌ߬ߣߊ߬ ߟߊ߫ ߛߊ߫.
ߊߟߎ߫ ߦߴߊ߬ ߟߐ߲߫߸ ߣߊ߲߬ߕߌ߰ ߄߄ ߀߀߀ (ߥߊ߯ ߓߌߣߊ߯ߣߌ߲߫ ߣߌ߫ ߥߊ߯ ߣߊ߯ߣߌ߲߫) ߠߋ߬ ߟߛߊߙߌߣߍ߲߫ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬߸ ߞߊ߲ߕߌ߯ ߢߣߊߕߊߟߌ ߟߊߞߊ߲ߘߊ߫ ߞߊ߲ߡߊ߬.
ߟߊ߬ߞߊ߲߬ߘߊ߬ߟߌ߬ ߞߙߎ ߏ߬ ߟߎ߬ ߛߙߊߛߌ߰ߣߍ߲߫ ߢߊ ߡߍ߲߸ ߞߟߍ߬ߡߐ߰ ߥߊ߯ ߁߈߸ ߕߐ߲ߓߟߏߡߊ߫ ߥߊ߯ ߁߈߸ ߊ߬ ߣߌ߫ ߣߊ߲߬ߕߌ߰ ߥߊ߯ ߈.
ߢߣߊߕߊߟߌ ߞߍߕߐ߫ ߡߊ߬ߡߌ߬ߘߊ߬ߟߌ߬ߟߊ߬ ߟߏ߯ߟߎ߫ ߟߋ߬ ߣߌ߫ ߢߐ߲߯ ߕߍ߫߸ ߏ߬ ߟߎ߬ ߡߍ߲ ߠߎ߬ ߕߐ߮ ߦߋ߫ ߛߓߍ ߞߊ߲߬ ߞߵߊ߬ߟߎ߬ ߛߊ߯ߛߊ߯ ߜߋ߲ߞߐ߰ߖߌ߬ߘߊ ߞߊ߲ߕߌ߯ߦߊ ߥߊ߰ߣߍ߲ ߞߐ߫ ߢߌ߬ߣߊ߲߬.
ߏ߬ ߟߎ߫ ߟߋ߬ ߊߟߛߊߣ ߥߊߕߙߊ߫߸ ߜߊ߬ߜߏ߬ ߟߊ߫ ߓߐ߬ߟߐ߲߬ߞߊ ߛߌߡߐߣ ߋߤߌߝ߭ߍ߫߸ ߗ߭ߊ߲߭ ߟߎ߬ߥߌ ߓߌߟߐ߲߫߸ ߤߊߙߌߦߍߕ ߟߊߜ߭ߎ߫߸ ߊ߬ ߣߌ߫ ߊߤߎߥߊ ߘߐ߲߭ ߡߋߟߏ߫߸ ߏ߬ ߦߋ߫ ߖߘߍ߬ߦߋ߬ ߡߊ߬ߡߌ߬ߘߊ߬ߟߌ߬ߟߊ ߟߋ߬ ߘߌ߫.
ߓߌ߬ ߦߋ߫ ߓߍ߯ߦߊ ߜߘߌߛߌ߰ ߟߏ߲ ߘߏ߫ ߟߋ߬ ߘߌ߫ ߜߋ߲ߞߐ߰ߖߌ߬ߘߊ ߞߣߐ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߞߏ ߡߊ߲߬ߞߊ߲ ߞߊ߫ ߛߌߦߊ߫، ߓߊߏ߬߸ ߞߌ߬ߓߊ߬ߙߏ ߘߏ߫ ߟߎ߫ ߕߎ߲߬ ߓߘߴߊ߬ ߦߌ߬ߘߊ߬ ߞߏ߫ ߕߊ ߓߘߊ߫ ߛߎ߫ ߢߣߊߕߊߟߌ߫ ߛߓߍߘߊ ߘߏ߫ ߟߊ߫ ߦߋ߬ߔߎߜ߭ߐ߲߬߸ ߓߊ߬ߙߌ߬ ߞߎ߲߬ߠߊ߬ߝߎ߬ߟߋ߲߬ ߜߘߍ߫ ߟߎ߫ ߓߘߴߊ߬ ߦߌ߬ߘߊ߬ ߞߏ߫ ߕߎ߬ߢߊ߬ ߕߴߏ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.