ߕߎ߬ߡߊ ߡߍ߲ ߠߊ߫ ߂߀߂߆ ߖߊ߯ߓߊ߫ ߖߌߟߊߝߍ߫ ߕߊ߲ߠߌ߲ ߓߘߊ߫ ߛߎ߬ߘߎ߲߬ߧߊ߬߸ ߏ߬ ߡߍ߲ ߕߊ߲ߕߐ߫ ߊߡߙߌߞߌ߬ ߞߣߐ߫߸ ߞߊߙߏ߫ ߥߐ߯ߙߐ߫ ߘߐߙߐ߲߫ ߠߋ߬ ߦߴߊ߬ ߟߊ߫ ߡߎ߬ߕߎ߲߬، ߒ߬ߓߊ߬߸ ߊ߬ߟߎ߬ ߟߊ߫ ߞߊ߲ߕߌ߮ ߘߏߣߊߟ ߕߑߙߐ߲ߔ ߓߘߊ߫ ߛߊ߲߬ߞߊ߬ ߖߎ߮ ߟߊߕߋ߬ ߜߋ߲ߞߐ߰ߖߌ߬ߘߊ ߟߊ߫ ߘߋ߬.
ߊ߲ ߣߌ߫ ߂߀߂߆ ߖߊ߯ߓߊ߫ ߖߌߟߊߝߍ ߕߍ ߦߋ߫ ߞߊߙߏ߫ ߥߐ߯ߙߐ߫ ߟߋ߬ ߘߌ߫ ߡߎ߬ߕߎ߲߬߸ ߡߍ߲ ߝߊ߲߬ߓߊ ߓߍߣߊ߬ ߕߊ߲߫ ߊߡߙߌߞߌ߬ ߞߣߐ߫، ߒ߬ߓߊ߬߸ ߡߙߌߘߐ ߘߏ߫ ߓߘߊ߫ ߕߊ߬߸ ߡߍ߲ ߞߏ ߘߌߣߊ߬ ߝߙߋߞߋ߫ ߝߘߊ߬ߝߌ߲߬ ߖߡߊߣߊ ߘߏ߫ ߟߎ߫ ߡߊ߬ ߞߏߛߓߍ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߞߊ߲ߕߌ߮߸ ߘߏߣߊߟ ߕߑߙߐ߲ߔ ߞߊ߬ ߞߟߊ߬ߣߐ߬ߦߊ߬ߟߌ ߘߏ߫ ߟߋ߬ ߞߍ߫ ߞߏߟߌ߲ߞߏߟߌ߲ ߕߟߋ߬ ߁߇ ߡߊ߬߸ ߟߊ߬ߕߍ߰ߦߊ ߡߍ߲ ߦߋ߫ ߖߡߊ߬ߣߊ߬ ߛߌߦߊߡߊ߲߫ ߞߐߡߊߓߌ߲ߓߌ߲ߠߌ߲ߠߊ ߟߎ߫ ߛߋ߲߬ߠߊߛߘߌ߬ ߟߊ߫ ߊߡߙߌߞߌ߬ ߞߣߐ߫ ߘߏ߲ߠߌ߲ ߘߐ߫߸ ߜߋ߲ߞߐ߰ߖߌ߬ߘߊ ߦߴߏ߬ ߖߡߊ߬ߣߊ ߘߏ߫ ߟߋ߬ ߘߌ߫.
ߝߌߝߊ ߞߵߊ߬ ߝߐ߫ ߟߏ߲ ߡߍ߲߸ ߞߏ߫ ߊ߬ߟߎ߬ ߓߘߊ߫ ߛߊ߲ߡߊߞߎߟߎ߲߫ ߛߓߍ ߛߎ߯ߦߊ ߘߏ߫ ߓߌ߬ߟߊ߫ ߛߋ߲߬ߠߊ߫ ߖߡߊ߬ߣߊ߬ ߛߎߘߊ߲ߣߍ߲ ߠߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߦߋ߫ ߖߊ߯ߓߊ߫ ߖߌߟߊߝߍ ߘߐ߫߸ ߟߊ߬ߕߍ߰ߦߊ ߕߊ߬ ߘߴߏ߬ ߘߎ߰ߛߊ߬ߜߍ ߟߋ߬ ߡߊ߬، ߞߊ߬ߕߎ߲߯߸ ߝߌߝߊ ߣߐ߬ ߢߐ߲߯ߓߍ߲߫ ߁߀߄ ߘߏ߲߬ߛߓߍ߫ ߗߡߍ߬ ߦߙߌߞߊ߫ ߟߋ߬ ߓߌ߬ߟߊ߬ ߟߊ߫ ߞߊߓߋ ߏ߬ ߟߊ߫߸ ߡߍ߲ ߛߐ߲߬ߞߐ ߦߋ߫ ߘߟߊ߫ ߆߀ ߘߌ߫߸ ߟߊ߬ߓߊ߲ ߕߊ߲ߠߌ߲ ߓߍ߯ ߦߴߊ߬ ߘߐ߫߸ ߏ߬ ߕߎ߲߬ ߓߘߊ߫ ߞߍ߫ ߡߐ߰ ߛߌߦߊߡߊ߲߫ ߛߍߥߊ߫ ߞߏ ߘߌ߫، ߓߊ߬ߙߌ߬߸ ߞߊ߲ߕߌ߮ ߟߊ߫ ߖߊ߬ߡߊߙߌ ߣߌ߲߬ ߓߘߊ߫ ߣߊ߬ ߖߌ ߞߍ ߡߐ߱ ߟߎ߬ ߢߌߡߌ߲߫ ߢߐ ߘߐ߫߸ ߖߡߊ߬ߣߊ ߘߏ߫ ߟߎ߫ ߟߊ߫ ߞߐߡߊߓߌ߲ߓߌ߲ߠߌ߲ߠߊ ߟߎ߬ ߕߴߛߋ߫ ߘߏ߲߬ ߠߊ߫ ߢߊ߫ ߛߌ߫ ߡߊ߬߸ ߞߎߡߊߕߍ߫ ߜߋ߲ߞߐ߰ߖߌ߬ߘߊ ߡߊ߬.
ߊߡߙߌߞߌ߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߛߋ߲߬ߠߊ߬ߛߘߌ߬ߟߌ ߣߌ߲߬ ߦߋ߫ ߝߊ߲߬ߞߋ߬ߟߋ߲߬ߡߊ ߟߋ߬ ߘߌ߫، ߊ߬ ߕߍ߫ ߛߋ߲߬ߠߊ߬ߛߘߌ߬ߟߌ߬ ߝߋߝߋ߫ ߘߌ߫߸ ߦߏ߫ ߡߍ߲ ߛߎ߮ ߟߊߣߍ߲߫ ߌߙߊ߲ߞߊ ߟߎ߫ ߞߊ߲߬߸ ߊ߬ ߣߌ߫ ߤߊߦߕߌߞߊ ߟߎ߬، ߓߊ߬ߙߌ߬߸ ߊ߬ ߟߊߥߟߌ߬ߣߍ߲߫ ߜߋ߬ߟߎ߲߬ߠߌ߲߬ ߕߍߕߍߕߍ ߟߋ߬ ߡߊ߬߸ ߞߊ߬ ߛߙߊߕߌ߫ ߖߐ߲ߖߐ߲߫ ߟߊ߫ ߘߌ߬ߢߍ߬ߡߊ߬ߛߓߍ ߛߐ߬ߘߐ߲߬ߠߌ߲ ߠߊ߫߸ ߏ߬ ߡߍ߲ ߞߍߕߐ߫ ߕߙߎ߬ ߘߌ߫ ߞߊ߬ ߞߐߡߊߓߌ߲ߓߌ߲ߠߌ߲ߠߊ ߛߌߦߊߡߊ߲߫ ߕߐ߰ߘߐߝߊ߰ ߞߊ߬ߣߌ߲߬.
ߘߏߣߊߟ ߕߑߙߐ߲ߔ ߟߊ߫ ߡߐ߱ ߟߎ߬ ߟߊ߫ ߖߘߍ߬ߟߊ߬ߜߍ߬ ߞߊ߲߫ ߘߐ߫߸ ߞߏ߫ ߞߎ߲߬ߝߍ߬ߕߊ߰ߟߌ ߘߌ߬ߢߍ߬ߡߊ߬ߛߓߍ ߕߊ߬ߓߊ߮ ߟߎ߬ ߦߙߌߞߊ ߓߘߊ߫ ߥߙߊ߬ ߞߏߖߎ߯ߦߊ߫، ߊ߬ߟߎ߬ ߟߊ߫ ߞߣߐߟߊ ߟߊ߬ߞߊ߲߬ߘߊ߬ߟߌ ߓߏߟߏ߲ߝߘߊ ߞߵߊ߬ ߦߌ߬ߘߊ߬ ߞߏ߫ ߜߋ߲ߞߐ߰ߖߋ߬ߘߊ ߞߋߟߋ߲߫ ߦߋ߫ %߈ ߠߋ߬ ߘߌ߫߸ ߛߣߍ߬ߜ߭ߊߟߌ߫ ߦߋ߫ %߄߸ ߏ߬ ߟߋ ߘߐ߫ ߛߋ߲߬ߠߊ߬ߛߘߌ ߣߌ߲߬ ߛߋߣߴߊ߬ߟߎ߬ ߝߣߊ߫ ߡߊ߬.
ߊߡߙߌߞߌ߬ ߞߊ߲߫߸ ߞߏ߫ ߛߋ߲߬ߠߊ߬ߛߘߌ ߛߊ߬ߙߌ߬ߦߊ ߡߍ߲ ߝߐ߫ ߞߊ߲߫ ߣߌ߲߬߸ ߕߏ߬ߟߊ߲߬ߕߊ߲߬ߠߊ ߟߎ߬ ߣߍ߬ ߕߴߊ߬ ߘߐ߫߸ ߊ߬ߟߎ߬ ߟߊ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߝߣߊ߫ ߕߴߊ߬ ߘߐ߫߸ ߞߎߡߊߕߍ߫ ߕߍߓߊ߯ߦߟߊ ߟߎ߫ ߡߊ߬، ߕߏ߬ߟߊ߲߬ߕߊ߲߬ ߓߙߊ ߘߐ߫߸ ߜߋ߲ߞߐ߰ߖߌ߬ߘߊ ߛߋ߲߬ߓߊ ߟߎ߬ ߘߌ߫ ߛߋ߫ ߥߊ߫ ߟߊ߫ ߝߋߎ߫، ߓߊ߬ߙߌ߬ ߓߋߟߋ߲ߘߊ ߟߊ߫ ߛߊ߫߸ ߜߋ߲ߞߐ߯ߖߌߘߟߊߞߊ ߟߎ߬ ߞߍ ߦߋ߲߬ ߞߐߡߊߓߌ߲ߓߌ߲ߠߌ߲߫ ߓߟߏ ߡߊ߬߸ ߏ߬ ߟߋ ߝߊ߲߬ߞߊ ߟߊߖߌ߰ߣߍ߲߫߸ ߞߵߏ߬ ߞߎ߲߭ ߞߍ߫ ߛߋ߲߬ߠߊ߬ߛߘߌ ߣߌ߲߬ ߘߌ߫߸ ߏ߬ ߡߍ߲ ߝߙߋߞߋ ߓߍߣߊ߬ ߡߐ߰ ߛߌߦߊߡߊ߲߫ ߛߐ߬ߘߐ߲߬߸ ߡߍ߲ ߠߎ߬ ߛߌ߰ߣߍ߲߬ ߕߍ߫ ߦߋ߲߬ ߞߘߐ߬ߡߊ߲߬.
ߞߐߡߊߓߌ߲ߓߌ߲ߠߌ߲ߠߊ ߛߌߦߊߡߊ߲߫ ߖߍ߬ߘߍ ߞߊ߲߫ ߠߋ߬߸ ߞߏ߫ ߡߙߌߘߐ ߣߌ߲߬ ߕߊ߬ߣߍ߲߫ ߞߵߊ߬ ߟߊߥߌ߬ߟߌ߫ ߊ߬ߟߎ߬ ߡߊߕߊ߮ ߟߋ߬ ߡߊ߬ ߘߐߙߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.