ߖߌ߬ߣߍ߬ ߓߘߍ߬ߓߘߍ߬ߟߌ ߘߐ߫ ߡߎ߬ߕߎ߲߬߸ ߡߐ߰ ߝߌ߬ߟߊ ߢߌ߲߬ ߠߎ߬ ߕߍ߫ ߡߐ߰ߣߍ߲߬ ߘߌ߫߸ ߟߊ߲߰ߛߣߊ߬ ߞߎߦߊߕߍ߫ ߣߌ߫ ߎߛߑߡߊߣߌ߲߬ ߞߊ߬ߓߊ ߕߍߣߊ߬ ߛߐ߬ߘߐ߲߬ ߠߊ߫ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߘߐ߫، ߞߕߌߖߌ߲ ߛߊ߲ߘߐߕߊ ߘߏ߲߬ ߞߵߊ߬ ߘߊ߬ߟߎ ߝߐ߫ ߟߋ߬߸ ߞߏ߫ ߊ߬ߟߎ߬ ߡߊ߫ ߛߋ߫ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߞߣߐ߫ ߞߎߡߊ ߟߎ߫ ߟߋ߬ ߡߊߓߏ߲߬ߧߊ߬ ߟߊ߫.

ߖߌ߬ߣߍ߬ ߞߕߌߖߌ߲ ߛߊ߲ߘߐߕߊ ߞߊ߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߟߋ߬ ߞߎߣߎ߲߬ ߞߍ߲ߘߍߟߏ߲ ߂߀߂߅ ߣߍߣߍߓߊ ߕߟߋ߬ ߈ ߡߊ߬߸ ߡߍ߲ ߠߎ߬ ߕߊ߯ߕߐ߫ ߞߏߟߌ߲ߞߏߟߌ߲ ߂߈ ߢߣߊߕߊߟߌ ߘߐ߫، ߘߐ߬ߛߙߋ߬ ߅߁ ߠߊߘߏ߲߬ߣߍ߲ ߘߐ߫߸ ߞߐ߬ߣߐ߲߬ߘߐ߬ ߘߐߙߐ߲߫ ߠߋ߬ ߦߋ߫ ߘߊ߫ ߕߊ߬ߕߊ߫ ߘߌ߫، ߡߊ߬ߡߌ߬ߘߊ߬ߟߌ߬ߟߊ߫ ߣߍ߰ߓߐ߬ߣߍ߲ ߠߎ߬ ߘߐ߫߸ ߟߊ߲߰ߛߣߊ߬ ߞߎߦߊߕߍ߫ ߦߴߊ߬ ߘߐ߫߸ ߝߊ߬ߛߏ ߟߊߥߙߎߞߌ ߖߌ߰ߡߝߊ߬ ߞߙߎߞߊ (ߔߋ.ߘߋ.ߍߣ) ߞߊ߲ߕߌ߮߸ ߊ߬ ߣߌ߫ ߞߏ߲߬ߓߏ ߎߛߑߡߊߣߌ߲߬ ߞߊ߬ߓߊ߸ ߓߍ߯ߦߊߟߞߊ ߟߎ߫ ߖߌ߱ ߞߙߎߞߊ (ߔߊߘߍߛ) ߞߊ߲ߕߌ߮߸ ߢߌ߲߬ ߠߎ߬ ߓߍ߯ ߦߋ߫ ߞߏߕߌ߯ ߞߘߐ ߟߎ߫ ߟߋ߬ ߘߌ߫ ߖߌ߬ߣߍ߬ ߞߣߐ߫ ߦߊ߲߬߸ ߊ߬ ߣߴߊ߬ߟߎ߬ ߦߋ߫ ߖߌߘߊ߲ߡߊ ߟߋ߬ ߝߣߊ߫ ߘߌ߫ ߝߊ߬ߛߏ ߓߘߍ߬ߓߘߍ߬ߟߌ ߘߐ߫.

ߡߙߌߘߐ ߡߍ߲ ߞߊ߬ߙߊ߲߬ ߘߊ߫ ߦߊߦߊ߬ ߓߎߥߊߙߏ߫ ߓߟߏ߫߸ ߊ߬ߟߋ ߡߍ߲ ߦߋ߫ ߞߕߌߖߌ߲ ߞߊ߲ߕߌ߯ ߛߙߍߞߍ ߘߌ߫߸ ߏ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߟߊ߲߰ߛߣߊ߬ ߞߎߦߊߕߍ߫ ߟߊ߫ ߘߐ߬ߛߙߋ ߦߋ߫ ߛߐ߲߬ߒ߬ߘߐ߬ߓߊߟߌ ߟߋ߬ ߘߌ߫߸ ߞߵߏ߬ ߞߎ߲߭ ߞߍ߫ <<ߊ߬ ߓߟߏߝߋ߲ ߠߎ߬ ߘߊ߲߬ߕߍ߰ ߛߓߍ ߝߏ߰ߛߌ߬ ߖߐ߲ߖߐ߲ ߦߌ߬ߘߊ߬ߓߊߟߌߦߊ>> ߘߌ߫، ߊ߬ ߘߏ߲߬߸ ߡߊ߬ߞߏ ߦߴߏ߬ ߟߊ߫ ߟߋ߬ ߝߛߊߦߌ߫߸ ߓߊߏ߬ ߊ߬ ߘߌߦߊߜߏߦߊߣߍ߲߫ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߠߋ߬ ߖߍ߬ߘߍ ߟߋ߬ ߓߟߏ߫߸ ߞߏ߫ ߛߙߊߕߌ߫ ߖߏߣߊ ߘߏ߫ ߟߎ߫ ߟߋ߬ ߦߴߏ߬ ߘߌ߫߸ ߡߊ߬ߡߌ߬ߘߊ߬ߟߌ߬ߟߊ ߟߊ߫ ߡߊ߬ߡߌ߬ߘߊ߬ߟߌ ߛߐ߲߬ߒ߬ߘߐ ߘߍ߲ߣߍ߲߫ ߡߍ߲ ߠߊ߫.

ߣߴߌ ߘߏ߲߬ ߞߊ߬ ߎߛߑߡߊߣߌ߲߬ ߞߊ߬ߓߊ ߕߊ߬߸ ߊ߬ߟߋ ߟߊ߫ ߘߐ߬ߛߙߋ ߟߊߛߊ߬ߦߌ߲߬ ߘߊ߫ ߟߋ߬߸ ߞߵߏ߬ ߞߎ߲߭ ߞߍ߫ ߡߊ߬ߟߐ߲߬ ߞߐߕߐ߮ ߦߋߓߊߟߌߦߊ ߘߴߊ߬ ߘߐ߫߸ ߦߏ߫ ߊ߬ ߝߐߣߍ߲߫ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߁߂߉߲ ߘߐ߫ ߢߊ ߡߍ߲ ߡߊ߬߸ ߏ߬ ߞߏ߫ ߛߎ߮ ߦߋ߫ ߡߐ߰ ߣߍ߰ߓߐ߬ ߟߊ߫ ߟߋ߬ ߌߞߘߐ߫߸ ߣߴߌ ߟߊ߫ ߘߐ߬ߛߙߋ ߡߊ߫ ߘߝߊ߫ ߞߊ߬ߣߌ߲߬.

ߒ߬ߓߊ߬߸ ߡߐ߰ ߜߘߍ ߡߍ߲ ߠߎ߬ ߛߋ߲߬ߓߐ߬ߣߍ߲߫߸ ߦߏ߫ ߡߏߙߌ߬ ߞߊ߬ߓߊ߸ ߗߍ߬ߥߎߟߋ߲߫ ߘߎ߲߬ߓߎ߬ߦߊ߬߸ ߞߵߏ߬ ߟߊ߫ ߛߌߦߊߡߊ߲߫ ߜߘߍ߫ ߟߎ߫ ߞߊ߲߬߸ ߡߍ߲ ߠߎ߬ ߦߙߌߞߊ ߦߋ߫ ߡߐ߰ ߄߂ ߘߌ߫߸ ߕߎ߬ߡߊ߬ߙߋ߲߬ ߇߂ ߦߴߏ߬ ߟߎ߬ ߓߟߏ߫ ߡߎߣߎ߲߬߸ ߞߵߊ߬ ߕߊ߬ ߛߙߍߘߍ ߟߊߥߊ߲߬ߞߊ߲ ߡߊ߬ ߞߎߣߎ߲߬ ߛߎ ߘߐ߫ ߤߊ߲߯ ߞߊ߬ ߥߊ߫߸ ߊ߬ߟߎ߬ ߘߌ߫ ߛߴߊ߬ ߞߏ ߡߊߛߐ߬ߛߐ߬ ߟߊ߫ ߞߕߌߖߌ߲ ߛߊ߲ߘߐߕߊ ߟߊ߫ ߦߋ߲߬.

ߞߐ߬ߣߐ ߞߘߐ߬ߡߊ߲ ߠߎ߬ ߟߊ߫ ߛߋ߲߬ߓߐ߬ߟߌ ߞߏ߬ߣߌ߲ ߞߍߣߍ߲߫ ߞߏ߫ ߟߋ߬ ߘߌ߫߸ ߡߐ߰ ߛߌߦߊߡߊ߲߫ ߦߟߌ߫ ߕߎ߲߬ ߕߍ߫ ߡߍ߲ ߠߊ߫، ߓߊߏ߬߸ ߊ߬ߟߎ߬ ߓߘߊ߫ ߛߐ߬ߘߐ߲߬ ߢߣߊߕߊߟߌ ߘߐ߫ ߛߋ߲߬ߢߊ߬ ߛߌߦߊߡߊ߲߫، ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ߸ ߏ߬ ߞߏ߬ߣߌ߲ ߕߊ߬ߣߍ߲߫ ߠߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.