ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߫ ߝߋ߲߫ ߝߐ߫ ߡߎߣߎ߲߬߸ ߊ߬ ߞߏ߬ߣߌ߲ ߓߘߊ߫ ߘߊ߲ߘߊߟߌ ߡߊ߬ߝߟߍ߬ߟߌ ߞߍ߫߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߊ߬ ߓߍߣߊ߬ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫.

ߡߊ߬ߡߊ߬ߘߌ߬ ߘߎ߲ߓߎߦߊ߫,ߖߌ߬ߣߍ߬,߂߀߂߅ ߞߊ߲ߕߌ߯ ߢߣߊߕߊߟߌ,ߞߕߌߖߌ߲ ߛߊ߲ߘߐߕߊ,ߥߞߓ,ߘߐ߬ߕߊߡߌ߲,ߓߘߍ߬ߓߘߍ߬ߟߌ,ߛߋߟߎ߫ ߘߊߟߍ߲߬ ߖߊߟߏ߫,

߂߀߂߅ ߞߊ߲ߕߌ߯ ߢߣߊߕߊߟߌ: ߞߕߌߖߌ߲ ߛߊ߲ߘߐߕߊ ߣߐ߬ ߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߋ߬ ߕߊ߬ ߟߊ߫߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߡߍ߲ ߠߎ߬ ߘߐ߫

ߢߌ߬ߣߊ߲߬ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߘߐ߫ ߖߌ߬ߣߍ߬ ߞߣߐ߫߸ ߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߋ߬ ߕߊ߬ߣߍ߲߬ ߞߕߌߖߌ߲ ߛߊ߲ߘߐߕߊ ߓߟߏ߫߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߡߐ߰ ߉ ߏ߬ ߟߎ߬ ߘߐ߫، ߏ߬ ߞߍ߫ ߘߊ߫ ߞߕߌߖߌ߲ ߛߊ߲ߘߐߕߊ ߟߋ߬ ߟߊ߫ ߞߍ߲ߘߍߟߏ߲ ߣߌ߲߬ ߡߊ߬߸ ߣߍߣߍߓߊ ߕߟߋ߬ ߈.

ߞߕߌߖߌ߲ ߛߊ߲ߘߐߕߊ ߓߘߊ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߕߐ߯ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߠߊߓߐ߫ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߂߀߂߅ ߣߍߣߍߓߊ ߕߟߋ߬ ߈߸ ߞߊ߬ ߡߐ߰ ߟߎ߬ ߕߐ߮ ߝߐ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߛߐ߬ߘߐ߲߬ ߞߊ߲ߕߌ߯ ߢߣߊߕߊߟߌ ߘߐ߫، ߟߊ߬ߥߟߍ߬ߟߌ ߞߎ߲߬ߠߊߛߌ߰ ߘߊ߫ ߞߕߌߕߍ߯ߟߊ߫ ߦߊߦߊ߬ ߓߎߥߊߙߏ߫ ߟߋ߬ ߓߟߏ߫߸ ߏ߬ ߡߍ߲ ߦߋ߫ ߞߕߌߖߌ߲ ߞߊ߲ߕߌ߯ ߘߍ߲߬ߞߍ߬ߕߎ߬ߣߍ߲߬ ߝߟߐ ߘߌ߫ ߞߊ߬ߣߌ߲߬، ߊ߬ߟߎ߫ ߞߊ߬ ߘߐ߬ߛߙߋ߫ ߞߐ߬ߣߐ߲߬ߘߐ߫ ߟߋ߬ ߕߊ߬߸ ߞߵߊ߬߬ ߛߐ߬ߘߐ߲߬ ߘߐ߬ߛߙߋ߬ ߓߌߟߏ߯ߟߎ߫ ߣߌ߫ ߞߋߟߋ߲߫ ߠߋ߬ ߟߊߘߏ߲߬ ߘߊ߫.

ߊ߬ߟߋ߬ ߡߊ߬ߡߌ߬ߘߊ߬ߟߌ߬ߟߊ߫ ߕߊ߬ߣߍ߲ ߠߎ߬ ߛߙߍߘߍ ߝߟߍ߫ ߘߍ߲߬ߞߍ߬ߕߎ߲߬ ߓߟߏ ߡߊ߬ ߣߌ߲߬:

          ߁߭ ߺ ߊߓߘߎߟߊߦߌ߫ ߦߋߙߏ߬ ߓߊߟߑߘߋ߬

          ߂߲ ߺ ߡߊ߬ߞߊߟߋ߫ ߞߡߊ߬ߙߊ߬

          ߃߲ ߺ ߌߓߙߊߤߌߡߊ߫ ߊߓߋ߬ ߛߌ߬ߟߊ

          ߄߲ ߺ ߝߊ߭ߦߊ߬ ߟߊ߲߱ߛߊ߬ߣߊ߫ ߡߟߌ߬ߡߣߏ߬

          ߅߲ ߺ ߊߓߘߎߟߊߦߌ߬ ߞߙߎ߬ߡߊ߬

          ߆߲ ߺ ߡߏ߬ߤߊ߬ߡߍߘ ߣߊ߬ߓߋ

          ߇߲ ߺ ߟߊ߱ߖߌ߬ ߓߎߣߊ߬ ߞߋߕߊ߬

          ߈߲ ߺ ߡߊ߬ߡߊ߬ߘߌ߫ ߘߎ߲߬ߓߎ߬ߦߊ߬

          ߉߲ ߺ ߡߏ߬ߤߊߡߍߘ ߛ߭ߋ߬ߙߌߝ ߕߎ߲߬ߞߙߊ߬

ߞߕߌߖߌ߲ ߛߊ߲ߘߐߕߊ ߓߘߊ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߟߊߕߍ߰ ߛߍߣߍ߲߬ ߝߋߎ߫، ߤߊ߲߯ ߕߋ߲߬ ߞߏ߬ߣߌ߲߸ ߊ߬ߟߋ߫ ߖߍ߬ߘߍ ߡߊ߫ ߜߟߋ߬ߞߋ ߓߌ߬ߟߴߊ߬ ߢߌ߲ ߝߍ߬ ߡߎߣߎ߲߬ ߞߵߊ߬ ߦߌ߬ߘߊ߬ ߟߊ߬ߛߋ߬ߟߌ ߘߏ߫ ߘߐ߫ ߥߟߊ߫ ߝߘߏ߬ߓߊ߬ ߞߎߡߊ ߘߏ߫ ߘߐ߫ ߞߏ߫ ߊ߬ ߘߌ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫، ߊ߬ ߞߏ߬ߣߌ߲ ߞߊ߬ ߘߊ߲ߘߊߟߌ ߡߊ߬ߝߟߍ߬ߟߌ ߞߍ߫ ߟߋ߬߸ ߊ߬ ߟߊ߫ ߘߐ߬ߛߙߋ ߘߏ߫ ߝߣߊ߫ ߖߍ߲ߛߍ߲߫ ߘߊ߫߸ ߊ߬ ߞߵߊ߬ ߟߊ߫ ߓߙߊߡߊߖߊ߲ߓߊ߲ ߞߏߟߊߕߍ߮ ߟߎ߬ ߕߐ߮ ߟߊߕߍ߰ ߡߍ߲ ߞߣߐ߫.

ߊߟߎ߫ ߦߴߊ߬ ߟߐ߲߫߸ ߡߊ߬ߡߌ߬ߘߊ߬ߟߌ߬ ߞߏ ߣߌ߲߬ ߘߐ߫߸ ߡߐ߰ ߛߌߦߊߡߊ߲߫ ߠߋ߬ ߛߋ߲߬ߓߐ߬ߣߍ߲߫߸ ߡߍ߲ ߠߎ߬ ߦߋ߫ ߞߐ߬ߣߐ ߞߘߐ߬ߡߊ߲ ߘߌ߫ ߢߣߊߕߊߟߌ ߘߐ߫ ߦߊ߲߬، ߦߏ߫ ߟߊ߲߰ߛߣߊ߬ ߞߎߦߊߕߍ߫߸ ߏ߬ ߡߍ߲ ߦߋ߫ ߝߟߖߞ ߞߊ߲ߕߌ߮߸ ߏ߬ ߣߍ߰ߓߐ߬ߣߍ߲߫ ߞߵߊ߬ ߕߎ߬ߙߎ ߞߍ߫ <<ߊ߬ ߓߟߏߝߋ߲ ߠߎ߬ ߟߊߜߍߓߊߟߌߦߊ ߟߋ߬ ߘߌ߫.>> ߓߍߣ ߦߛߎߝ ߞߋߕߊ߬ ߝߣߊ߫ ߣߍ߰ߓߐߣߍ߲߫ ߠߋ߬߸ ߞߏ߫ ߊ߬ ߡߊ߫ ߞߎ߲߬ߞߘߐ߬ߛߌ߮ ߛߙߊ߬ ߛߙߋߛߓߍ ߦߌ߬ߘߊ߬، ߡߙߊ߬ߓߊ߰ ߊߓߎߓߞߊߙ ߛߘߌߞߌ߬ ߖߊ߬ߞߌ߬ߕߋ߬߸ ߡߍ߲ ߞߊ߲߬ߕߐ߮ ߦߋ߫ ߕߎ߲ߓߊ߬ ߘߌ߫߸ ߏ߬ ߝߣߊ߫ ߡߊ߫ ߕߊ߬ ߞߵߏ߬ ߞߎ߲߭ ߞߍ߫ ߘߊ߲ߘߊߟߌ ߡߊ߬ߝߟߍ߬ߟߌ ߞߍߓߊߟߌߦߊ ߘߴߊ߬ ߓߟߏ߫ ߘߊ߲ߘߊߟߌߟߊ ߟߎ߬ ߢߊߞߘߐ߫، ߡߍ߲ ߓߍ߲߬ߣߍ߲߫ ߎߛߑߡߊߣߌ߲߬ ߞߊ߬ߓߊ ߕߊ ߡߊ߬߸ ߏ߬ ߕߊ ߞߎ߲߭ ߦߋ߫ ߊ߬ ߟߊ߫ <<ߡߊ߬ߟߐ߲߬ ߘߐ߬ߛߙߋ߬>> ߞߏ ߟߋ߬ ߘߌ߫، ߝߊ߬ߛߏ߬ ߞߊ߲ ߠߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߗߍ߬ߥߎߟߋ߲߫ ߘߎ߲߬ߓߎ߬ߦߊ߬ ߝߣߊ߫ ߡߊ߫ ߕߊ߬߸ ߞߎߡߊߕߍ߫ ߊߟߌߝߊ߫ ߞߐ߲ߘߍ߫ ߂߲ ߡߊ߬߸ ߊ߬ ߣߌ߫ ߡߏߙߌ߬ ߞߊ߬ߓߊ.

ߘߐ߬ߛߙߋ߬ ߅߁ ߠߋ ߟߊߘߏ߲߬ ߘߊ߫߸ ߉ ߘߐߙߐ߲߫ ߠߋ߬ ߕߊ߬ߣߴߏ߬ ߟߎ߬ ߘߐ߫، ߡߊ߬ߡߌ߬ߘߊ߬ߟߌ߬ߟߊ ߡߍ߲ ߠߎ߬ ߛߋ߲߬ߓߐ߬ߣߍ߲߫߸ ߕߎ߬ߡߊ߬ߙߋ߲߬ ߇߂ ߟߋ߬ ߘߌߣߴߏ߬ ߟߎ߫ ߡߊ߬߸ ߊ߬ߟߎ߬ ߦߋ߫ ߘߍ߬ߡߍ߲ ߢߌߣߌ߲߫߸ ߞߵߊ߬ ߕߊ߬ ߛߙߍߘߍ ߟߊߥߊ߲߬ߞߊ߲߬ ߟߏ߲ ߣߌ߲߬ ߡߊ߬ ߞߊ߬ ߥߊ߫.

ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫߸ ߊ߬ߟߋ ߡߍ߲ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߂߀߂߁ ߕߎߟߊߝߌ߲ ߕߟߋ߬ ߅ ߡߊ߬߸ ߣߌ߲߬ ߞߍߕߐ߫ ߟߋ߬ ߛߌߟߊ ߟߊߞߊ߬ ߟߴߊ߬ ߦߋ߫ ߣߌ߲߬ ߝߊ߲ߞߎߟߊ߲߫߸ ߞߊ߬ ߖߡߊ߬ߣߊ ߕߌ߰ߦߊ ߟߊߕߊ߬ߡߌ߲߫ ߊ߬ ߡߊ߬ ߖߡߊ߬ߣߊ߬ߘߋ߲ ߠߎ߬ ߖߍ߬ߘߍ ߞߊ߲߫ ߘߐ߫ ߢߣߊߕߊߟߌ߫ ߖߛߊ ߟߎ߬ ߞߣߐ߫، ߏ߬ ߡߍ߲ ߓߙߊߡߊߖߊ߲ߓߊ߲ ߘߊߡߌ߬ߣߊ߬ߕߐ߫ ߣߌ߲߬߸ ߊ߬ ߕߍ߫ ߡߍ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.