ߡߐ߰ ߝߊ߰ ߞߏ ߘߏ߫ ߟߋ߬ ߟߊߞߙߐ߬ߛߌ߬ߣߍ߲߫ ߓߌ߬ ߞߎߣߎ߲ߟߏ߲ ߣߌ߲߬ ߛߐ߱ߡߊ߬ ߝߙߊ߬ߟߊ߬ߞߐ߫ ߡߊ߬ߙߊ ߘߐ߫ ߖߛߊ ߺ ߘߐ߫߸ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߀߸ ߡߍ߲ ߓߙߊ߬ ߘߊ߫ ߡߐ߱ ߟߎ߬ ߘߐ߫߸ ߞߊ߬ ߓߍ߯ ߓߌ߬ߟߊ߫ ߞߣߐ߬ߘߐ߬ߝߟߌ ߣߌ߫ ߛߎ߬ߣߎ߲ ߘߐ߫߸ ߝߏ߫ ߝߊ߰ߡߊ ߟߎ߬ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߞߵߊ߬ ߓߍ߲߬ ߊ߬ ߛߌߞߊߒߡߊߓߊ߯ߕߐ ߢߌߣߌ߲߫ ߞߏ ߡߊ߬ ߞߵߊ߬ ߦߋ߫.
ߣߌ߲߬ ߞߍߣߍ߲߫ ߖߛߊ ߺ ߘߐ߫ ߣߐ߬ߘߎ߮ ߟߋ߬ ߘߐ߫߸ ߝߙߊ߬ߟߊ߬ߞߐ߫ ߡߙߊ߬ߘߊ߬ߙߋ߲ ߞߣߐ߫، ߦߋ߲߬ ߡߐ߮ ߟߎ߬ ߞߎߣߎ߲ߣߍ߲߫ ߛߎ߬ߣߎ߲߬ߞߏ߬ߓߊ߫ ߟߋ߬ ߡߊ߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߵߏ߬ ߞߎ߲߭ ߞߍ߫ ߛߎ߭ ߘߏ߫ ߦߋ ߘߌ߫߸ ߝߊ߬ߕߎߡߊ߫ ߖߊ߬ߞߌ߬ߕߋ߫߸ ߣߴߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߄ ߖߊ߬ߕߋ߬ ߘߐ߫߸ ߏ߬ ߞߊ߲ߠߊߕߍ߰ߣߍ߲ ߠߋ߬ ߦߋߣߍ߲߫ ߥߊ߭ ߘߐ߫، ߟߊ߬ߞߙߐ߬ߛߟߌ߬ ߝߟߐߡߊ ߡߍ߲ ߠߎ߬ ߞߍߣߍ߲߫߸ ߊ߬ ߦߋ߫ ߘߊ߫ ߞߏ߫ ߊ߬ ߝߊ߰ ߘߊ߫ ߖߊ߲߬ߞߕߊ ߟߋ߬ ߘߐ߫ ߝߋߎ߫: ߊ߬ ߞߊ߲ߠߊߕߍ߰ ߘߊ߫ ߟߋ߬ ߡߎߣߎ߲߬߸ ߞߣߊ߬ߕߏ߫ ߞߐ߲ߓߐ߫ ߞߍ߫ ߟߴߊ߬ ߘߐ߫ ߥߊ߭ ߘߐ߫ ߦߋ߲߬.
ߌߞߘߐ߫߸ ߤߊߞߟߌ ߛߋ߫ ߘߴߊ߬ ߗߍ߬ ߡߊ߬߸ ߏ߬ ߡߍ߲ ߕߐ߯ ߞߏ߫ ߊ߬ߓߎ߫ ߖߊ߬ߞߌ߬ߕߋ߫߸ ߣߴߊ߬ ߛߌ߬ߞߛߊߓߌ ߦߋ߫ ߛߊ߲߬ ߃߅ ߢߐ߲߰ ߘߐ߫߸ ߊ߬ ߣߴߏ߬ ߡߍ߲ ߠߊ߫ ߕߍߜߟߍߦߊ ߟߐ߲ߣߍ߲߫ ߡߐ߱ ߟߎ߬ ߓߟߏ߫ ߕߎ߬ߡߊ߬ ߛߌߦߊߡߊ߲߫߸ ߓߍ߯ ߛߌߞߊ߫ ߘߴߏ߬ ߟߋ ߡߊ߬، ߦߋ߲߬ ߡߐ߮ ߛߌߦߊߡߊ߲߫ ߞߵߊ߬ ߦߌ߬ߘߊ߬ ߞߏ߫ ߘߊߘߛߐߛߐߟߌ ߕߍ߬ߘߍ߫ ߘߏ߲߬ ߠߴߊ߬ߟߎ߬ ߕߍ߫ ߥߊ߯ߕߌ߫ ߛߌߦߊߡߊ߲߫߸ ߝߏ߫ ߊ߬ߟߎ߫ ߕߎ߲߬ ߘߌ߫ ߛߋ߫ ߞߊߙߏ ߞߍ߫ ߟߴߊ߬ ߡߊ߲߬ߞߊ߲ ߘߐ߫، ߊ߬ߟߎ߫ ߛߌ߰ߢߐ߲߮ ߘߏ߫ ߖߍ߬ߘߍ ߞߵߊ߬ ߦߌ߬ߘߴߊ߲ ߠߊ߫ ߞߏ߫: <<ߊ߲ ߞߵߊ߬ ߟߐ߲߫ ߞߏ߫ ߊ߬ߟߎ߬ ߕߍ߫ ߓߍ߲߬ߓߊ߫ ߘߐ߫߸ ߓߊ߬ߙߵߊ߲ ߦߟߌ߫ ߕߎ߲߬ ߕߍ߫ ߣߌ߲߬ ߛߎ߮ ߡߊ߬ ߝߋߎ߫.>>
ߦߋ߲߬ ߝߊ߰ߡߊ ߟߎ߬ ߟߊߟߐ߲ߠߌ߲ ߡߍ߲ ߞߍ߫ ߘߴߊ߬ ߞߏ ߟߊ߫ ߛߐ߱ߡߊ߬߸ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߣߌ߫ ߡߙߊ߬ߦߊ߬ߞߊ߲ߞߋ ߟߎ߬ ߞߵߊ߬ߟߎ߫ ߞߎ߲߬ߛߌ߫ ߊ߬ ߘߌ߲߬ߞߌߙߊ ߟߊ߫ ߌߞߘߐ߫߸ ߞߊ߬ ߥߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߍ߫߸ ߞߣߊ߬ߕߏ߫ ߛߎ߭ ߟߊߕߊ߬ߡߌ߲߬ ߠߊ߫ ߞߐߙߍ ߡߊ߬، ߛߎ߬ߘߏ߲ ߞߍ߫ ߘߊ߫ ߕߋ߬ߟߋ ߘߐ߫߸ ߞߵߊ߬ ߛߐ߬ߘߐ߲߬ ߓߍ߯ ߖߎ߬ߛߎߞߊ߬ߛߌ߬ߣߍ߲ ߦߋ߫.
ߊ߲ ߠߊ߫ ߟߌ߬ߤߟߊ߬ ߟߊ߬ߓߊ߲߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߓߊߙߊ߲ߕߏ߲߫ ߥߎߟߋ߲ ߞߊ߲ߕߌ߯ ߛߙߍߞߍ ߛߟߊߕߌ߯ ߝߊ߬ߡߘߎ߫ ߞߡߊ߬ߙߊ߫ ߞߵߊ߬ ߦߌ߬ߘߊ߬ ߞߏ߫ ߘߋ߲ߡߛߏ ߗߍ߬ ߓߘߊ߫ ߡߌ߬ߣߊ߬߸ ߛߌߞߊ߫ ߞߍߣߴߏ߬ ߡߍ߲ ߡߊ߬ ߣߌ߲߬ ߞߏ ߘߐ߫. <<ߊߟߊ߫ ߓߘߊ߫ ߞߕߌ߫ ߊ߬ ߟߊ߫߸ ߕߍ߮ ߓߘߊ߫ ߟߴߊ߬ ߘߐ߫߸ ߊ߬ ߓߘߊ߫ ߕߊ߬ ߞߵߊ߬ ߘߌ߫ ߝߊ߰ߡߊ ߟߎ߫ ߡߊ߬، ߊ߬ߟߎ߬ ߦߋ߫ ߥߴߊ߬ ߘߌ߫ ߝߙߊ߬ߟߊ߬ߞߐ߫ (ߢߊߢߌߣߌ߲ߠߌ߲ ߕߐ߭ ߞߊ߲ߡߊ߬)߸ ߓߊ߯ߙߊ ߕߐ߭ ߦߋ߫ ߕߏ߫ ߝߊ߰ߡߊ ߟߎ߬ ߓߟߏ߫، ߖߊ߬ߡߊ ߦߴߊ߬ ߖߎ߬ߛߎ ߛߎߡߊ߫߸ ߓߍ߯ ߦߋ߫ ߕߏ߫ ߝߊ߰ߡߊ ߟߎ߬ ߞߐ߫،>> ߊ߬ ߞߵߏ߬ ߟߋ ߝߐ߫.
ߣߴߌ ߞߊ߬ ߡߊ߲߬ߖߊ߲߬ߠߊ߫ ߕߊ߬߸ ߣߌ߲߬ ߞߏ߫ ߛߎ߮ ߟߎ߬ ߦߋ߫ ߞߍ߫ ߟߊ߫ ߓߊߟߋ߬ ߦߋ߲߬، ߓߟߏߘߐߓߍ߲߫ ߞߊ߫ ߞߊ߲߫ ߞߊ߬ ߞߍ߫ ߡߍ߲ ߠߊ߫߸ ߛߴߊ߬ ߞߏ߫ ߛߎ߮ ߟߎ߬ ߘߌ߫ ߟߊߘߊ߲߬߸ ߖߐ߲߰ߛߊ߫ ߞߊ߬ߛߙߊ ߞߊߣߊ߬ ߕߊ߬ߡߌ߲߫ ߥߙߊ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
ߓߐߛߎ߲: ߜߍߞߊ߲ߖߡߊߣߊ ߞߌ߬ߓߊ߬ߙߏ߬ߘߊ : gbaikandjamana.org
Aucun commentaire pour le moment.