ߡߊ߬ߛߎ߬ߓߊ߬ ߞߏ ߣߌ߲߬ ߞߍ߫ ߘߊ߫ ߘߊ߬ߟߊ߲߬ߓߊ߲߫ ߠߋ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߈ ߣߌ߲߬ ߡߊ߬߸ ߘߞߏ߫ ߡߙߊ߬ߘߊ߬ߙߋ߲ ߘߐ߫، ߛߣߍ߬ߞߍ߬ߟߊ ߘߏ߫ ߟߋ߬ ߓߣߐ߬ ߘߴߊ߬ ߣߌ ߘߐ߫، ߊ߬ ߞߍ߲ߘߍ ߟߋ߬ ߛߋ߫ ߘߊ߫ ߛߌ߯ߙߌ߲߫ ߘߊ߲ߘߊߛߏ ߟߊ߫߸ ߊ߬ ߓߣߐ߬ ߘߴߊ߬ ߣߌ ߘߐ߫ ߊ߬ ߛߋ ߞߐ ߟߋ߬ ߘߐ߫ ߦߋ߲߬ ߛߊ߫.

ߓߌߟߏ߲ ߣߌ߲߬ ߥߎ߬ߙߊ ߝߍ߬߸ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߈߸ ߛߌ߯ߙߌ߲߫ ߘߊ߲ߘߊߛߏߓߊ ߞߊ߬ ߖߊ߲߬ߞߊ߬ߙߏ߬ߕߐ߬ߓߊ ߘߏ߫ ߟߋ߬ ߟߊߛߐ߬ߘߐ߲߬߸ ߡߍ߲ ߕߎ߲߬ ߕߍ߫ ߝߊ߬ߘߌ߬ ߢߌߡߊ߫ ߘߐ߫، ߞߊ߬ߕߎ߲߯߸ ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߊ߬ ߝߘߊ߫ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߊ߫߸ ߊ߬ߟߋ ߡߍ߲ ߛߋ߫ ߘߊ߫ ߡߊߛߐ߬ߘߐ߲߬ ߠߴߊ߲ ߠߊ߫ ߛߍߝߍ߲ߘߊ ߓߟߏ߫߸ ߞߏ߲߬ߓߏ ߣߌ߲߬ ߦߋ߫ ߘߊ߯ߕߌ߯ ߘߊ߲߲ߘߊߟߌߟߊ߫ ߘߌ߫߸ ߞߊ߬ ߝߘߊ߫ ߝߊ߬ߛߏ ߞߟߍ߬ߡߐ߰ߘߊ ߡߊ߬ߡߙߊ߬ߟߌ߬ߘߊ߬ ߛߊ߲ߘߐ ߟߊ߫߸ ߊ߬ ߣߌ߫ ߣߊ߲߬ߕߌ߰ ߞߕߌߘߊ ߗߋߕߌ߯ߘߊ߸ ߞߵߊ߬ ߟߴߊ߬ ߞߊ߲߬߸ ߊ߬ ߦߋ߫ ߘߊ߲ߘߊߟߌߟߊ߫ ߡߊ߬ߘߍ߬ߡߍ߲߬ߠߌ߲߬ߠߊ ߟߋ߬ ߘߌ߫ ߞߏ߫ ߘߐߜߊ߬ߣߍ߲ ߠߎ߬ ߘߐ߫ ߛߌ߯ߙߌ߲߫ ߘߊ߲ߘߊߛߏߓߊ ߘߊ߲ߘߊߟߌ ߘߐ߬ߓߛߏ߬ߟߌ ߓߏ߲ߘߊ ߟߊ߫.

<<ߊ߲ ߞߊ߬ ߡߊ߬ߘߌ߬ߡߌ߲߬ߓߊ߰ߕߐ ߘߏ߫ ߟߋ߬ ߡߊߛߐ߬ߘߐ߲߫ ߓߌ߬ ߥߎ߬ߙߊ ߢߌ߲߬ ߠߊ߫ ߁߇ߙߋ߲ ߝߊ߲߭ ߝߍ߬߸ ߡߍ߲ ߝߊ߲߭ ߓߍ߯ ߖߋ߬ߣߌ߲߬ߣߍ߲߬.>> ߊ߬ ߕߐ߯ ߞߏ߫ ߡߎߛߊ߫ ߞߋߕߊ߬߸ ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߅ ߢߐ߲߰ ߘߐ߫߸ ߛߣߍ߬ߞߍ߬ߟߊ ߟߋ߬ ߦߴߊ߬ ߘߌ߫߸ ߡߍ߲ ߛߌ߰ߣߍ߲߫ ߛߍ߬ߞߍ߫ ߘߊ߬ߟߊ߲߬ߓߊ߲߬، ߡߊ߬ߝߟߍ߬ߟߌ ߟߎ߬ ߞߐߝߟߌ ߞߵߊ߬ ߦߌ߬ߘߊ߬߸ ߞߏ߫ <<ߊ߬ ߝߊ߲߭ ߓߍ߯ ߟߋ߬ ߡߊߖߋ߬ߣߌ߲߬ߣߍ߲߫ ߝߋߝߋ߫߸ ߝߊߦߌߘߊ߫ ߊ߬ ߝߊ߬ߘߌ %߉߀ ߓߍ߯ ߟߋ߬ ߖߋ߬ߣߌ߲߬ߣߍ߲߬.>>

ߤߊߟߌ߬ߛߊ߬߸ ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߊ߫ ߝߐߟߌ߫ ߘߐ߫߸ ߞߏ߫ ߛߏ߲߬ߧߊ߬ߟߌ߬ ߞߏ ߟߋ߬ ߣߐ߬ ߣߌ߲߬ ߞߏ ߛߓߊߓߎߦߊ߫ ߟߊ߫، ߓߊߏ߬ <<ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ߞߊ߬ ߛߏ߲߬ߧߊ߬ߟߌ ߟߋ߬ ߞߍ߫ ߡߐ߰ߛߌ ߟߎ߬ ߟߊ߫ ߛߊߣߌ߲߫ ߓߊ߯ߙߊ߫ ߦߙߐ ߘߐ߫، ߏ߬ ߟߎ߫ ߞߵߊ߬ ߡߌ߬ߣߊ߫ ߏ߬ ߟߋ ߘߐ߫ ߞߵߊ߬ ߛߘߌ߬.>> ߊ߬ ߞߘߐ߬ߞߍ߬ ߓߐ ߡߍ߲ ߞߍߣߍ߲߫ ߏ߬ ߞߊ߬ߟߊߡߊ߬߸ ߏ߬ ߣߊ߬ ߘߊ߫ ߞߏ߫ ߞߵߊ߬ ߘߐ߯ߞߍ߫ <<ߘߴߊ߬ ߡߊ߬߸ ߊ߬ ߦߋ߫ ߥߴߊ߬ ߘߌ߫،>> ߡߊ߬ߘߌ߬ߦߊ߬ߟߌ ߟߎ߬ ߞߐ ߘߐ߫߸ ߘߌ߬ߢߍ߬ ߞߍ߫ ߘߊ߫ ߞߵߊ߬ ߘߐ߯ߞߍ߫ ߘߏ߲߬ ߊ߬ ߓߟߏ߫، ߌߞߏߡߌ߲߬ ߛߏ߲߬ ߞߘߐ ߟߋ߬ ߘߐ߯ߞߍ ߘߌ߫߸ ߏ߬ ߟߋ ߡߐߣߍ ߦߋ߫ ߞߘߐ߬ߞߍ ߘߐ߫ ߓߊ߬߸ ߥߟߊ߫ ߞߏ߫ ߜߘߍ߫ ߟߋ߬߸ ߖߌߥߎ ߞߍߢߊ ߟߋ߬ ߘߐ߯ߞߍ ߞߊ߲߬ ߏ߬ ߘߌ߫.

ߏ߬ ߞߍ߫ ߘߊ߫ ߟߎ ߡߊ߬ ߟߋ߬߸ <<ߖߌߥߎ ߞߍ ߘߐ߯ߞߍ ߞߊ߲߬، ߊ߬ ߡߊ߫ ߟߐ߲߫ ߛߍߣߍ߲߬ ߕߊ ߘߴߊ߬ ߟߊߛߐ߬ߘߐ߲߬ ߢߊ߫ ߛߌ߫ ߡߊ߬.>> ߊ߬ ߘߌ߫ ߟߊߥߟߌ߬ ߞߏߟߊߕߐ߲ ߠߋ߬ ߡߊ߬ ߥߟߊ߫ ߡߎ߲߬ ߜߘߍ߫߸ ߏ߬ ߡߊ߫ ߟߐ߲߫ ߝߟߐ߫.

ߡߎߛߊ߫ ߞߋߕߊ߬ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߣߵߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߊ߬ ߞߍ߲ߘߍ ߟߋ߬ ߘߏ߲߬ ߘߊ߫ ߦߋ߲߬ ߝߛߊߦߌ߫، <<ߊ߬ ߞߍ߲ߘߍ ߟߋ߬ ߛߋ߫ ߘߊ߫ ߦߊ߲߬߸ ߓߊ߬ߙߌ߬ ߡߌ߬ߛߍ߲߬ ߃߀ ߢߐ߲߰ ߊ߬ ߣߊ߭ ߞߐ ߘߐ߫߸ ߊ߬ ߛߟߐߡߌ߲ ߡߌ߬ߣߊ߬ ߘߊ߫.>> ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߋ߬ ߞߊ߲߫ ߕߋ߲߬.

ߛߊ߬ߙߌ߬ߦߊ߫ ߞߣߐ߬ߜߍ߲߬ߓߊ߮ ߟߎ߬ ߟߊߟߐ߲ߠߌ߲߫ ߢߊ ߟߋ߬ ߞߍߣߴߏ߬ ߘߌ߫߸ <<ߞߊ߬ߙߊ߲߬ߡߐ߰ ߘߏߡߣߌߞ ߟߎ߬ߥߊ߬ ߡߍ߲ ߦߋ߫ ߞߊ߲ߓߍ߲ ߞߕߌߞߊ߲ߘߊ ߘߌ߫ ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߏ߬ ߟߊߟߐ߲ߠߌ߲߫ ߘߊ߫، ߏ߬ ߞߊ߬ ߖߊ߬ߡߊߙߌ ߘߌ߫ ߢߊߢߌߣߌ߲ߠߌ߲ ߓߙߌ߬ߝߐߝߐ ߡߊ߬߸ ߞߏ߫ ߞߵߊ߬ ߞߏ ߢߊߢߌߣߌ߲߫߸ ߞߊ߬ ߓߟߏ ߟߴߊ߬ ߓߊ ߘߐ߫.>> ߘߊ߲߲ߘߊߟߌߟߊ ߟߋ߬ ߞߊ߲߫ ߕߋ߲߬.

ߣߌ߫ ߢߊߢߌߣߌ߲ߠߌ߲ ߏ߬ ߛߋ߫ ߘߊ߫ ߓߐ߫ ߟߴߊ߬ ߛߌߟߊ ߝߍ߬߸ ߏ߬ ߟߋ ߞߍߕߐ߫ ߊ߬ ߞߏ ߕߊ߬ߡߌ߲߬ ߢߊ߬ ߖߐ߲ߖߐ߲ ߟߊ߲ߞߣߍߡߊ߫ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.