ߖߌ߬ߣߍ߬ ߞߏߕߌ߯ ߝߟߐ߫ ߞߘߐ߬ߡߊ߲ ߛߋߟߎ߫ ߘߊߟߍ߲߬ ߖߊߟߏ߫ ߓߘߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ߬ ߞߏ߬ ߞߎߡߊ ߟߊߜߎ߬ߝߎ߲߬߸ ߞߊ߬ ߓߊ߲߫ ߞߵߊ߬ ߞߊ߲ߠߊߘߌ߫ ߖߌ߬ߣߍ߬ߞߊ ߟߎ߫ ߡߊ߬ ߞߏ߫ ߓߍ߯ ߦߋ߫ ߘߍ߬ ߞߊ߬ ߘߊ߲߭ߛߌ߰ ߘߎ߲߬ߓߎߦߊ߬ ߣߴߊ߬ ߟߊ߫ ߡߐ߱ ߟߎ߬ ߟߊ߫ <<ߞߎ߲߬ߠߊ߬ߓߌ߬ߟߊ߬>> ߛߎ߮߮ ߢߌ߲߬ ߠߊ߫.
ߛߋߟߎ߫ ߘߊߟߍ߲߬ ߖߊߟߏ߫ ߟߊ߫ ߞߎߡߊ ߘߐ߫ ߖߊ߬ߡߊ ߝߍ߬ ߓߌ߬ ߣߍߣߍߓߊ ߕߟߋ߬ ߈ ߢߌ߲߬ ߡߊ߬߸ ߞߊ߬ ߡߊ߬ߙߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߬ ߏ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߘߐ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߢߣߊߕߊߟߌ߫ ߣߊ߬ߕߐ ߘߐ߫، ߊ߬ ߞߵߏ߬ ߡߍ߲ ߖߊ߬ߕߋ߫ <<ߞߊ߬ߝߏ߬ ߖߊߛߏ߲>> ߘߌ߫߸ ߊ߬ ߣߌ߫ <<ߖߊ߲߬ߝߊ ߜߍߞߟߐ>>، ߞߎ߲߬ߠߊ߬ߛߌ߮ ߞߎ߲߬ߕߌ߰ ߞߘߐ ߞߊ߲߫ ߞߏ߫ ߖߡߊ߬ߣߊ ߣߌ߲߬ ߓߘߊ߫ <<ߖߊ߲߬ߝߊ߬ ߞߏߞߎߘߊ߫>> ߊ߬ ߣߌ߫ ߞߏ߫ <<ߕߍ߰ ߓߘߊ߫ ߞߍ߫>> ߖߌ߬ߣߍ߬ߞߊ ߟߎ߬ ߞߘߐ߫ <<ߣߌ߲߬ߛߋ߲߭ ߞߏߞߎߘߊ߫>>.
ߊ߬ ߞߵߊ߬ ߦߌ߬ߘߊ߬ ߞߏ߫ ߛߍ߲ߠߌ߲ ߡߍ߲ ߞߍߣߍ߲߫ ߘߎ߲߬ߓߎߦߊ߬ ߓߟߏ߫߸ ߊ߬ ߞߵߊ߬ ߝߐ߫ ߏ߬ ߡߍ߲ ߘߐ߫ ߞߏ߫ ߊ߬ <<ߕߍߣߊ߬ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߡߎ߰ߡߍ߫>> ߘߊߟߍ߲߬ ߞߊ߲߫ ߞߏ߫ ߞߊ߬ߝߏ߬ ߖߊ߬ߛߏ߲߬ߠߊ ߣߐ߬ ߊ߬ ߞߎߡߊ߫ ߞߊ߲ ߠߋ߬ ߛߐ߬ߛߐ߬ ߟߴߏ߬ ߘߌ߫߸ ߣߊ߲߬ߕߌ߮ ߘߏ߲߬ ߕߴߊ߬ ߞߎߡߊ߫ ߞߊ߲ ߛߐ߬ߛߐ߬ ߟߊ߫، ߓߊߏ߬߸ ߊ߬ ߓߘߊ߫ ߡߊ߬ߡߌ߬ߘߊ߬ߟߌ ߟߊߘߏ߲߬ ߞߕߌߖߌ߲ ߛߊ߲ߘߐߕߊ ߟߊ߫، ߘߊߟߍ߲߬ ߞߊ߲߫߸ ߞߏ߫ ߞߊ߬ ߥߊ߫ ߛߓߍ ߟߊߘߏ߲߬ ߦߙߐ߫ ߘߐ߫߸ <<ߊ߬ ߞߵߊ߬ ߛߍ߲߫ ߦߙߐ߫ ߞߋߟߋ߲ ߡߍ߲ ߘߐ߫ ߞߏ߫ ߊ߬ ߕߍߣߊ߬ ߞߏ ߡߍ߲ ߞߍ߫ ߟߊ߫ ߝߋߎ߫.>> ߊ߬ ߓߘߊ߫ ߥߴߊ߬ ߞߎߡߊ߫ ߞߊ߲ ߏ߬ ߛߐ߬ߛߐ߬ ߛߓߍ ߟߊߘߏ߲߬ ߏ߬ ߦߙߐ߫ ߞߋߟߋ߲ ߘߐ߫، <<ߏ߬ ߦߋ߫ ߞߊ߬ߝߏ߬ ߖߊߛߏ߲ ߠߋ߬ ߘߌ߫߸ ߡߍ߲ ߦߋ߫ ߖߊ߲߬ߝߊ ߜߍߞߟߐ ߘߌ߫߸ ߞߏ ߡߍ߲ ߞߍ߫ ߘߊ߫ ߂߀߂߁ ߕߎߟߊߝߌ߲ ߕߟߋ߬ ߅ ߖߋ߬ߟߌ߬ ߟߊ߬ߓߐ߲ ߘߐ߫ ߖߐ߫߸ ߏ߬ ߢߐ߲߰ ߛߎ߮ ߘߏ߫ ߟߋ߬ ߝߣߊ߫ ߞߍ߫ ߘߊ߫ ߣߍߣߍߓߊ ߕߋ߬ߟߋ߫ ߃ ߣߌ߲߬ ߡߊ߬>> ߝߊ߲߬ߞߊߛߌ߬ߣߊ ߣߌ߲߬ ߞߵߏ߬ ߟߋ ߝߐ߫.
ߘߊߟߍ߲߬ ߕߍ߫ ߖߌ߬ߣߍ߬ ߞߣߐ߫߸ ߊ߬ ߦߋ߫ ߢߊߣߌ߲ߡߊߓߏߙߌ ߘߐ߫ ߕߎ߲ߞߊ߲ ߠߊ߫߸ ߊ߬ ߞߵߊ߬ ߦߌ߬ߘߊ߬ ߡߐߣߍ ߣߌ߫߫ ߛߊ߬ߙߌ ߘߐ߫߸ ߞߏ߫ ߛߋ.ߍߣ.ߍߙ.ߘߋ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ <<ߛߌߟߊ߲ ߣߌ߫ ߞߎ߲߬ߡߊ߬ߜߊ߲ ߠߊߘߏ߲߬>> ߛߴߊ߬ ߘߌ߫ ߕߏ߫ ߊ߬ ߣߐ߭ ߘߐ߫ ߢߊ ߡߍ߲ ߡߊ߬، <<ߞߊ߬ ߡߐ߰ ߝߊ߰ ߞߙߍߞߙߍߣߍ߲ ߠߎ߬ ߞߍ߫߸ ߞߊ߬ ߛߎ߫ ߘߐ߫ ߡߐ߯ ߡߌߘߊ ߛߌߦߊߡߊ߲ ߞߍ߫߸ ߡߍ߲ ߘߏ߫ ߟߎ߫ ߣߌ߫ ߖߊ߲߰ߞߕߊ ߥߊ߫ ߘߊ߫ ߢߐ߲߮ ߝߍ߬، ߞߊ߬ ߡߐ߱ ߟߎ߬ ߟߊߘߏ߲߬ ߥߛߎ ߟߊ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߞߊ߬ ߡߊ߬ߛߌ߬ߟߊ߲߬ߠߌ߲ ߞߍ߫ ߞߕߌ ߟߎ߬ ߘߐ߫߸ ߞߊ߬ ߘߏ߫ ߟߎ߫ ߝߊ߰ ߥߛߎ ߟߊ߫.>> ߌ ߓߊ߯ ߘߊߟߍ߲߬ ߡߊߢߌ߬ߣߌ߲߬ߞߊ߬߸ ߊ߬ߟߋ ߞߊ߲߫ ߠߋ߬ ߞߏ߫ ߘߎ߲߬ߓߎߦߊ߬ ߣߴߊ߬ ߟߊ߫ ߡߐ߱ ߟߎ߬ ߦߋ߫ <<ߞߵߊ߬ ߡߌ߬ߘߊ߫ ߞߵߊ߬ ߘߊߥߎ߲ ߖߡߊ߬ ߞߎߘߎ߲ ߠߋ߬ ߘߌ߫߸ ߊ߬ ߣߌ߫ ߡߐ߰ ߞߏ߬ߙߏ߲߬ ߠߊߘߍ߬ߣߍ߲ ߠߎ߬.>> ߏ߬ ߜߊ߲߬ߛߊ߲ ߠߋ߬ ߖߡߊ߬ߣߊ ߞߎ߲߬ߠߊ߫ ߓߌ߬߸ ߞߊ߬ ߕߏ߫ ߛߊ߬ߙߌ߬ߦߊ߬ ߛߐߛߐ ߟߎ߬ ߞߍ߫ ߟߴߊ߬ߟߎ߬ ߥߊߛߏ߫ ߞߎ߲ߧߊ ߘߌ߫߸ ߞߊ߬ ߡߐ߱ ߟߎ߫ ߡߌ߬ߘߴߊ߬ߟߎ߬ ߞߊ߲ ߞߘߐ߫߸ ߡߐ߰ ߛߌ߫ ߕߴߊ߬ ߛߊ߬ߥߏ߬ ߘߐ߫߸ ߛߌ߰ ߞߍߣߍ߲߫ ߓߍ߯ ߘߊ ߞߊ߲߬.
ߏ߬ ߟߋ ߘߐ߫߸ ߛߋߟߎ߫ ߘߊߟߍ߲߬ ߞߊ߬ ߞߟߌߟߌ ߞߍ߫߸ ߞߵߊ߬ ߞߊ߲ߠߊߘߌ߫ ߖߌ߬ߣߍ߬ߞߊ ߟߎ߫ ߡߊ߬߸ ߞߏ߫ ߓߍ߯ ߦߋ߫ ߥߟߌ߬: <<ߡߎ߲߬ ߘߌ߫ ߞߍ߫ ߞߊ߬ ߞߎ߲߬ߠߊ߬ߓߌߟߊ ߢߌ߲߬ ߠߊߟߐ߬….؟>> ߊ߬ ߞߵߊ߬ ߖߘߍ߬ ߡߊߢߌ߬ߣߌ߲߬ߞߊ߫ ߏ߬ ߟߋ ߡߊ߬߸ ߞߊ߬ ߓߊ߲߫ ߞߵߊ߬ ߝߐ߫ ߞߏ߫: <<ߡߍ߲ ߞߊ߫ ߝߌ߬ߛߊ߫ ߏ߬ ߘߐ߫߸ ߏ߬ ߟߋ ߢߐ߲߯ ߠߊߘߍ ߘߌ߫߸ ߡߍ߲ ߣߌ߫ ߞߙߎߞߊ߫ ߞߏ߫ ߣߌ߫ ߓߘߍߡߐ߯ߦߊ߫ ߞߏ߫ ߕߍ߫ ߞߋߟߋ߲߫ ߘߌ߫.>> ߞߊ߬ ߥߟߌ߬ ߡߙߌߦߊ߫ ߞߋߟߋ߲߫ ߘߌ߫، <<ߊ߲ ߕߴߊ߲ ߟߐ߬ ߟߊ߫ ߏ߬ ߘߐ߫ ߡߎ߬ߕߎ߲߬߸ ߊ߲ ߕߴߊ߲ ߞߐߝߍߣߍ߲߫ ߠߊ߫߸ ߊ߲ ߕߴߊ߲ ߞߐߛߊ߬ߦߌ߲߬ ߛߌߡߘߌ߫ ߞߋߟߋ߲߫ ߢߐ߲߰ ߠߊ߫، ߊ߲ ߓߍ߯ ߦߴߊ߲ ߘߙߍ߬ ߢߐ߲߮ ߠߊ߫ ߞߵߊ߬ ߞߍ߫ ߦߏ߫ ߗߍ߬ ߞߋߟߋ߲߫ ߔߋ߫ ߟߋ߬߸ ߞߟߊߓߎ ߣߌ߫ ߖߛߎ߬ߟߊ߬ߕߍ߮ ߘߌ߫.>> ߘߊߟߍ߲߬ ߠߋ߬ ߞߊ߲߫ ߕߋ߲߬، ߊ߬ ߞߊ߲߫ ߝߣߊ߫ ߞߏ߫: <<ߊ߲ ߘߌ߫ ߓߐ߫ ߝߍ߬ߙߍ ߓߍ߯ ߘߏ߫ ߘߌ߫߸ ߞߊ߲ߠߊߓߌߟߊ ߞߏߛߐ߲߬߸ ߓߍ߯ߦߊ ߞߏߛߐ߲߬߸ ߊ߬ ߣߌ߫ ߕߋߟߋ߲ ߞߏߛߐ߲߬.>>
ߘߊߟߍ߲߬ ߞߊ߬ ߞߊ߲߬ߞߊߙߌ ߟߊ߫ ߝߣߊ߫߸ ߞߏ߫ ߡߍ߲ ߠߎ߬ <<ߦߴߊ߬ ߖߌ߰ ߟߊ߫ ߞߏ߫ ߛߋߓߊ߯ߦߊ ߥߊ߫ ߢߊ ߟߋ߬ ߡߐ߰ ߟߊ߬ߛߌߟߊ߲ ߣߌ߫ ߡߐ߰ ߡߊ߬ߓߊ߯ߓߊ߮ ߘߌ߫߸ ߞߵߌ ߛߌ߰ ߡߐ߱ ߟߎ߬ ߞߊ߲ߞߊ߲߬ ߡߊ߬ߙߌ߬ߝߊ ߟߊ߫.>> ߏ߬ ߟߎ߬ <<ߦߴߊ߬ ߟߐ߲߫ ߞߏ߫ ߊ߬ߟߎ߬ ߟߊ߫ ߞߐ߬ߟߐ߲߬ ߞߏߙߏ߲ ߏ߬ ߓߋ߬ߕߐ߫ ߊ߬ߟߎ߫ ߖߍ߬ߘߍ ߟߋ߬ ߞߊ߲߬>> ߊ߬ ߣߌ߫ ߘߐ߬ߝߐ ߘߴߊ߬ߟߎ߫ ߖߙߊ߬ߞߌ߬ ߞߏߛߓߍ߫. ߘߊߟߍ߲߬ ߞߏ߬ߣߌ߲ ߢߣߊ߫߸ <<ߖߌ߬ߣߍ߬ ߕߍ߫ ߗߌߙߏ߲߫ ߠߊ߫ ߞߟߍ߬ ߘߐ߫߸ ߓߍ߯ߦߊ ߣߌ߫ ߞߊ߲ߠߊߓߌߟߊ ߞߍ߬ߟߍ ߞߊ߬ߣߌ߲߬.>> ߊ߬ ߓߊ߲߫ ߘߊ߫ ߞߊ߬ ߞߟߌߟߌ ߞߍ߫߸ ߞߏ߫ ߛߌ߰ ߞߍߣߍ߲߫ ߡߍ߲ ߠߎ߬ ߘߊ ߞߊ߲߬ ߣߌ߲߬ ߓߌ߬ ߣߴߊ߬ߟߎ߬ ߕߴߛߋ߫ ߟߊ߫ ߝߋ߲߫ ߝߐ߫ ߟߊ߫߸ ߏ߬ ߟߎ߫ ߟߋ߬ ߞߊ߫ ߛߌߦߊ߫، ߏ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊ߬ ߛߋ߫ ߞߏ ߘߏ߫ ߞߍ߫ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.