ߙߎ߳ߛߌ߬ ߖߡߊ߬ߣߊ ߓߘߴߊ߬ ߦߌ߬ߘߊ߬ ߞߏ߫ ߘߏߣߊߟ ߕߑߙߐ߲ߔߎ߬ ߟߊ߫ ߟߊ߬ߕߍ߰ߦߊ ߣߌ߲߬ ߓߍߣߵߊ߬ ߟߊ߫ ߖߡߊ߬ߣߊ߬ߘߋ߲ ߝߌ߬ߟߊ ߟߎ߬ ߟߊߓߌ߬ߟߊ߬߸ ߟߊ߬ߓߏ߬ߙߌ߬ߟߊ ߡߍ߲߬ ߠߎ߬ ߦߋ߫ ߔߋߕߙߐߟ ߡߊ߬ߙߌ߬ߣߋ߬ߟߊ߫ ߕߊߞߎߟߎ߲ ߓߊ߯ߙߟߊ ߟߎ߬ ߟߋ߬ ߘߌ߫߸ ߊߡߙߌߞߌ߬ ߣߊ߲߬ߕߌ߮ ߟߎ߬ ߞߊ߬ ߕߊߞߎߟߎ߲ ߣߌ߲߬ ߠߊ߫ ߡߌ߬ߣߊ߬ߟߌ ߟߊߞߏߟߐ߲߫ ߊߕߑߟߊ߲ߕߌߞ ߥߙߏ߬ߘߎ߮ ߟߋ߬ ߝߊ߲߭ߝߍ߬.

ߙߎ߳ߛߌ߬ ߞߐߞߊ߲ߞߏ ߟߎ߬ ߟߊ߫ ߞߏߕߌ߮ ߖ߭ߞߊߙߏߝ߭ߊ ߟߊ߫ ߝߐߟߌ߫ ߘߐ߫߸ ߟߊ߬ߕߍ߰ߦߊ ߣߌ߲߬ ߝߘߊߣߍ߲߫ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔߎ߬ ߟߋ߬ ߟߊ߫߸ ߣߌ߲߬ ߞߍߣߍ߲߫ ߊ߬ ߖߍ߬ߘߍ ߟߊ߫ ߟߊ߬ߢߌߣߌ߲߫ ߠߋ߬ ߘߌ߫߸ ߡߐߛߑߞߎ߫ ߝߣߊ߫ ߞߊ߬ ߟߊ߬ߕߍ߰ߦߊ ߣߌ߲߬ ߥߊߟߢߌߡߊߟߐ߲߫߸ ߞߊ߬ ߥߊߟߢߌߡߊߟߐ߲ ߠߊߛߋ߫ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔߎ߬ ߡߊ߬.

ߡߐߛߑߞߎ߫ ߞߊ߬ ߊߡߋߙߌߞߌ߬ ߟߊ߫ ߞߎߡߊߞߊ߲ ߣߌ߲߬ ߟߊߘߌ߬ߢߍ߬ ߞߏ߬ߢߌߡߊ ߞߍ߫ ߟߋ߬߸ ߦߏ߫ ߊߣߊߘߏߟߎ߫ ߖߋ߬ߕߌ߰ߘߊ ߞߵߊ߬ ߟߊߛߋ߫ ߢߊ ߡߍ߲߸ ߖߐ߲߰ߛߊ߫ ߟߊ߬ߓߏ߬ߙߌ߬ߟߊ ߡߍ߲߬ ߠߎ߬ ߦߋ߫ ߛߋ߬ߦߌ߲߫ ߙߎ߳ߛߌ߬ ߞߣߐ߫ ߞߊߟߌߦߊ ߘߐ߫.